الثلاثاء، أغسطس 21، 2007

تحية على السريع للحكومة

لا يجد الشخص ما يقوله عما يحدث في البلد إلا أن يردد قصيدة الشاعر أحمد فؤاد نجم عمنا كلنا
و التي اسمها
قصيدة عليا الحرنكش
عليا الحرنكش ياريس مبارك
في عصر مزركش ملون بنارك
لأبايعك وأبايع حكومة حمارك
ملعون أبو اللي يقدر يقاطع قرارك
نهاره مقندل وليله مبارك
فهمبك وهجص وطلع في ديننا
أكيد هو طالع يشاهد جمالك
جمالك جمالنا سوزانك سوزاننا
يا محلا عهدك لمصر اللي جالنا
نسيمها في عصرك بيشوي ف بدنا
أأيد وأبايع فخامة جلالتك
وأأيد أي واحد بيمسح ريالتك
ولأنك سر باتع هننسى هبالتك
فأقعد ياريس ودلدل حمامتك
حمامتك ياريس حمامة السلام
سلامة الحمامة وسلامتك ياريس
ياريس حمامة ياريس كويس
على تل مصر ياريتك تهيص
خرابة فسيحة عليها تمتيس
وأأمر تطاع فشعبك مفيص
و حسبنا الله و نعم الوكيل

هناك تعليقان (2):

أنونيمس يقول...

جــــــــامده موووووت يا بشمهندس
بس غريبة رغم اني متابع لما يقول عمنا الكبير الفاجومي الا اني أول مرة اقرا القصيده دي

عموماً ألف شكر
و تحياتي لمجهوداتك الجامدة دي

نانو يقول...

ههههههه
جميل قوى أنا أول مرة أقرأ الكلام ده لأحمد فؤاد نجم وانا بحبه جدا وحتى بحبه لما يقعد يحكى حكاياته
بس مقريتش الكلام ده قبل كده