الثلاثاء، سبتمبر 11، 2007

مهرجان الصياعة و التشرد

قصدي مهرجان السياحة و التسوق
مساء يوم الخميس الماضي 6/9/2007م كان حفل ختام مهرجان السياحة و التسوق بإستاد مدينة دمنهور الرياضي و حضره محافظ البحيرة اللواء شعراوي و لفيف -حلوة لفيف دي - من القيادات الشعبية و التنفيذية لحد هنا و عادي
اللي مش عادي إن الحفل قامت بإحياؤه -أو تسخينه ما تفرقش - المطربة اسماً و الراقصة فعلاً بوسي سمير و المطرب مجد القاسم و الخبر ده فيه كذا حاجة عجيبة
1-
قامت قوات الأمن المركزي بحصار الإستاد و فرض طوق أمني كثيف و منع المرور في الشوارع الملاصقة لأسوار الإستاد و لم تكفي قوات أمن البحيرة فإستعانت بقوات خاصة من القليوبية
تردد أن هذا الحشد الكثيف لحماية بوسي سمير من أن يحدث لها ما حدث لزميلتها مروى من انتهاك لعرضها على المسرح بشاطئ النخيل بالإسكندرية
2-
دمنهور ليست مدينة سياحية حيث لا يوجد بها أي معالم سياحية أو متاحف أو غيره ربما تكون رشيد هي الأنسب أو وادي النطرون و لكن ليس دمنهور قطعاً
3-
لا يوجد لدينا تسوق و الحال واقف و الحمد لله والناس يدوب بتشتري الأكل و الهدوم و كان الله بالسر عليم
4-
ما علاقة راقصة مقبوض عليها من شرطة آداب شارع الهرم من ملهى ليلي لمخالفتها مواصفات زيي الرقص و التعري الفاضح بالسياحة و التسوق إلا إذا كان المقصود سياحة من نوع آخر
5-
استمرت السهرة صباحي وربنا يعين المحافظ و القيادات علينا

هناك 6 تعليقات:

كلاكيت تانى وتانى يقول...

مفيش حاجة غريبة ع مصر أم الدنيا

Marvel يقول...

ما علاقة راقصة مقبوض عليها من شرطة آداب شارع الهرم من ملهى ليلي لمخالفتها مواصفات زيي الرقص و التعري الفاضح بالسياحة و التسوق إلا إذا كان المقصود سياحة من نوع آخر

تنشيط السياحة..تنشيط المسائل التانية..اهو كله تنشيط

:DDD

كل سنة وانت طيب..رمضان كريم

مهندس مصري يقول...

يا سلام أول مرة الناس دي تشرفني
كلاكيت تاني وتاني
و مين قال انها أم الدنيا دلوقت بقت ذيل الدنيا
marvel
وانت طيب الله أكرم

ابوأحمد يقول...

اولا يا باشمهندس السياخة مش بتحصل الا لما حاجة تسخن عشان تسيح
و من هنا جاء دور بوسى انها تسخن الشباب عشان يسيح و ماينفعش فى اى حاجة بعد كدة و لا حتى الكلام عشان النظام يبقى زى مانت راسى
و اى واحد دلوقتى بيتكلم على السياحة الداخلية
و المعنى فى بطن الشاعر و لا مؤاخذة

دعوة الفردوس يقول...

السلام عليكم

أول مروري بالمدونة و ان شاء الله مايبقاش الاخير

شوف يااخي اهو انا من دمنهور ومعرفتش بالحكايه دي الا دلوقت والله اصلي بقالي فتره مش بنزل بعد مغيب الشمس
ومش متابعه اوي الحاجات اللي من النوع ده
بس فعلا الخبر استفزني
ادي فايدة المدونات
انك تلاقي حد يجيبلك الاستفزاز لحد عندك
ربنا يكرمك ويباركلك في المدونة ويجلعا عمل يشهد ليك يوم القيامة

ميدو m a d يقول...

الله يكون فى عونك يا اخى والله انتا على حق بس السبب احنا عشان سكتين على كل الى بيحصل