الأحد، ديسمبر 23، 2007

دعوة مصريون ضد التعذيب الإجتماع الموسع الشهري

دعوة مصريون ضد التعذيب

الإجتماع الموسع الشهري

و اجتماع مجموعات العمل

يوم الخميس

الموافق 27/12/2007

الساعة الخامسة مساءاً

بنقابة المحامين

شارع رمسيس



جدول الاجتماع:

(1) توزيع مهام لإطلاق حملة

"لن نتنازل.. لن نتصالح"

افتحوا الملفات.. حاكموا جلادي التعذيب

· تصميم ستيكر للإعلان عن الحملة

(مجموعة الحملات والعمل الجماهيري)

· تصميم أدوات دعاية للحملة (بوستر –– بادج)

(مجموعة الحملات والعمل الجماهيري)

· جمع التوقيعات على العريضة لتضم قائمة الموقعين 1000 شخصية عامة.

(الجميع)

· دعوة الكتاب لتبني القضية.

(مجموعة الإعلام)

· إعداد تقرير بالانتهاكات يضم القوائم السوداء.

(المجموعة الميدانية والمجموعة القانونية)



(2) الإعداد للمؤتمر الأول

(3 ) مناقشة الحالات والمهام الدورية

· زيارات ميدانية للتضامن مع ضحايا التعذيب ولتقصي الحقائق.

(المجموعة الميدانية)

· حضور التحقيقات والمحاكمات.

(المجموعة القانونية)

· مؤتمرات صحفية.

(المجموعة القانونية – المجموعة الميدانية)



· تطوير السايت.

(مجموعة الإعلام)

· صياغة أخبار صحفية عن فاعليات المجموعة وأنشطتها قبل وبعد انعقادها.

(مجموعة الإعلام)

· حشد الصحفيين لحضور فاعليات المجموعة وتغطيتها والانتقال ميدانيا لتغطية وقائع التعذيب والفاعليات المصاحبة لها (مؤتمر صحفي، وقفة احتجاجية، محاكمة، زيارة للنائب العام...).

(مجموعة الإعلام)



· بيانات سياسية.

(مجموعة المتابعة)

· التنسيق مع المحافظات.

(مجموعة المتابعة) .


ده الكلام اللي وصلني على البريد الإلكتروني وأظن التفاصيل دي تجاوب على اللي قالوا حنروح نعمل ايه

حنروح نتناقش في الكلام و نضيف عليه و نحذف منه بمنتهى الحرية يا جماعة و رأي الأغلبية هو اللي حيمشي و لو حد مش عاجبه حاجة ممكن ما يعملهاش لأن الشغل تطوعي تماماً
المهم نحضر و نشارك و نكون إيجابيين وربنا يكرمنا و يسهل ما فيه الخير
:)
ربنا يكرم البلد دي و يصلح حالها يارب

هناك 12 تعليقًا:

Ahmed Al-Sabbagh يقول...

!أول تعليق

السلام عليكم يا صديقى العزيز

انا فعلا كنت هسألك السؤال ده

وانت جاوبت من غير ما أسأل

جميل اوى

بالتوفيق

تحياتى

EmY يقول...

بوست جميل شارح و موضح كل حاجه اتمني ان يحصل حاجه فعلا و ناخد خطوه

الفاتح الجعفري يقول...

انا جيييييييييييييييييييييييي ان شاء الله بس اوعي انت متجيش

السكندرى يقول...

ربنا يوفقكم جميعا للدفاع عن مظلومى هذا الوطن الغالى

لكم كنت أتمنى أن تسمح لى الظروف بالحضور معكم

لكن الأعباء اكثر من الأوقات

أخى اتمنى ان نتواصل سويا

ويصير هناك تنسيق بين مصريون ضد التعذيب ويللا نفضحهم بالإسكندرية

تقبل تحياتى

مهندس مصري يقول...

أحمد الصباغ
===========
إيمي
====
الفاتح الجعفري
===============
نتقابل كلنا هناك ان شاء الله
:)

السكندري
=========
مرحباً بيك عندي في أول زيارة
و ان شاء الله نتواصل بس فعلاً المشاغل كتير جداً و الوقت ضيق بس ربنا يسهل
و ربنا يوفقنا جميعاً

appy يقول...

والنبى ليه طلب اخوى بس كده ودى اول مرة لما تختاروا لجنه تقصى الحقائق مش دى برضه زى بتاع الصندوق الاسود ما علينا لازم تثقوا ويكون معاكم شهاده من دكاترة انها خاليه من مرض الكذب والفبركة وبعد كده لما يتقصوا الحقائق يعرفوها من ناس يكونوا متاكدين انهم خاليين من نفس المرض
وشكررررررا وان شاء الله احضر

مهندس مصري يقول...

appy
=====
طيب لما تيجي حتشوفي كل حاجة بنفسك و اللجنة اللي تعجبك انضمي ليها و اشتغلي بنفسك
:)
و مش حنختلف ان شاء الله
و أهلاً بيكي في أول زيارة عندي و أنا حأتابعك علطول بعد كده
:)

غير معرف يقول...

السلام عليكم .ياريت كمان تحاكموا اللى بيحاكموا الماثلين امام المحاكم العسكريه ليه البلد دى كده مش كفايه سرقين خيره وكمان عايزين يخرسوااللى بيدفعوا عنها..حتى متى؟؟؟مهندسين اطباء اساتذه مثقفون خلف القضبان ...خونه عملااء ""طلاقاء""والله لن يخرسوا امه وستكون العزه لله ...من عاشقه الكلام

lonely يقول...

يا رتنى زورت مدونتك بدرى اكيد كنت هحضر
جميل ان فى حد بيسعى للتغير بالافعال وليس بمجرد الاقوال فقط
استمر وان شاء الله كل واحد يبدا بنفسه ونبطل نقول هو انا لوحدى هعمل ايه
انت وانا وهو وهى اكيد هنبقى كتير وهنعمل كتير

مهندس مصري يقول...

عاشقة الكلام
============
وحيدة lonly
============
سعيد بزيارتكم و ان شاء الله البلد تتغير للأحسن بينا
مش بيقولوا بلدنا بتتقدم بينا
:)

لماضة يقول...

انا جيت اهو
فين بقى التغطيه بتاعه الاجتماع
؟؟

مهندس مصري يقول...

نزلنا التغطية خلاص يا دكتورة لماضة
روحي اتلامضي في البوست بتاعها
:)