الخميس، ديسمبر 06، 2007

تحقيق صحفي مع العميد السابق محمود قطري


تحقيق صحفي مع العميد السابق بالشرطة المصرية و المحامي حالياً الأستاذ محمود قطري

تحديث
رقم موبايله 0102905077 للي عاوز يتضامن معاه و لو بكلمة طيبة
و الكلمة الطيبة صدقة عظيمة و صفها الله في القرآن بأنها كشجرة طيبة أصلها ثابت و فرعها في السماء تؤتي أكلها كل حين بإذن ربها



محمود قطري لمن لا يعرفه هو عميد سابق بالشرطة المصرية و قد ألف كتاب إعترافات ضابط شرطة في مملكة الذئاب بعد تركه للشرطة يفضح فيه إنهيار جهاز الشرطة من الداخل



و كيف أن فاقد الأمن لا يمكن أن يعطيه و أن كل الضباط في حالة خوف مستمر من التقارير السرية الظالمة و المتجنية على الضعفاء منهم و هم من ليس لهم ظهر يستندون عليه أو واسطة قوية تيسر لهم أمورهم



وأن الضابط مطالب بأن يصل بعدد القضايا المضبوطة سنوياً لرقم لا يقل عن ما حققه سلفه في نفس الموقع فيلجأ إلى إختلاق القضايا خلقاَ و تلفيقها للأبرياء الضعفاء الذين يكونون بدون ظهر أيضاً حتى تكون إحصائياته سليمة و غالباً ما تكون القضايا الملفقة هي قضايا سلاح و مخدرات عن طريق المرشدين السريين لضابط المباحث و هم من المجرمين الذين يتغاضى الضابط عن نشاطهم الإجرامي مقابل مساعدتهم له في بلوغ القضايا المضبوطة النسبة المطلوبة



كما كشف أن التعذيب منتشر على نطاق واسع بين ضباط الشرطة و خاصة المباحث و ذلك كوسيلة وحيدة للحصول على الإعترافات من المشتبه بهم عن طريق الضرب و الصعق بالكهرباء خاصة في الأماكن الحساسة من جسم الإنسان و التعليق بطرق مختلفة من اليدين أو الرجلين و النفخ من فتحة الشرج بالمنفاخ و كم من مظلومين إعترفوا على انفسهم بما لم يرتكبوا ليرحموا أنفسهم من التعذيب ثم ظهر المجرمين الحقيقين في بعض هذه القضايا و تفجرت فضائح سرعان ما تم التغطية عليها



كما أكد ان المعاملة للطلاب في كلية الشرطة غير إنسانية و تهدف إلى غسل أدمغتهم و عزلهم عن الشعب و جعلهم يحسون أنهم طبقة ارقى من الناس فلا يجب ان يخالطوهم كما أن كل الناس هم إما مجرمين حاليين أو مجرمين محتملين فكل من خارج الشرطة مجرم محتمل فيجب الحذر منه



كما رأى أن تدريبات و مناهج كلية الشرطة ينقصها الكثير من ناحية العلوم الشرطية و البحث الجنائي و خلافه لذا يلجأ الضباط بسبب قلة إمكانيتهم البحثية إلى التعذيب لكونه وسيلة مجربة و مضمونة النتائج وتهتم المناهج بتدريبات أشبه بتدريبات الجيش من طوابير و خلافه مما لا يفعله الضابط في حياته العملية أبداً



لذا يهتم الضباط بتناقل نصائح متعارف عليها عن كيفية الضرب و التعذيب بدون ترك أثر حتى لا يؤثر ذلك على القضايا الملفقة و الداخلية تعرف ذلك و تباركه لكن الذي يسقط و ينكشف امره لا يرحمه أحد و لا يسانده احد و خاصة لو لم يكن مسنود



كما كشف عن تفشي الرشوة سواء الصريحة أو المقنعة لبعض ضباط الشرطة و يساعد على ذلك قلة مرتبات ضباط و افراد و جنود الشرطة مما يضعهم تحت إغراءات عسيرة قد يسقطون فيها لضيق ذات اليد و إضطرارهم للحفاظ على مستوى و مظهر إجتماعي عالي بمرتبات ضئيلة للغاية إلا للمسنودين الذين يتم تعيينهم في المناطق الطرية حسب تعبير الضباط أنفسهم مثل شرطة الكهرباء و السياحة و الجمارك و الجوازات و أمثالها من الفروع ذات الدخول العالية بينما الأمن العام لا يناله إلا الفتات



و قد تمت مصادرة هذا الكتاب بعد صدره مباشرة منذ عامين و تم تلفيق عدة قضايا للمؤلف منها على سبيل المثال إفشاء أسرار الشرطة و إتهام مأمور قسم دمنهور له بالتعدي عليه و إتهامه بإدانة وزارة الداخلية و الشرطة المصرية



و لم يصمت الأستاذ المحامي محمود قطري فقد قام بتأليف كتابه الثاني تزوير دولة و فضح فيه كيفية تزوير الشرطة لكافة انواع الإنتخابات و الإستفتاءات تمت مصادرة هذا الكتاب أيضاً و قام مؤخراً بتأليف مذكرة إرشادية صغيرة بعنوان حقوق المواطن داخل قسم الشرطة و لم يتمكن من نشرها حتى الآن و مازال صوت الأستاذ محمود قطري الحر ينطلق من مكتبه بمدينة دمنهور بمحافظة البحيرة ليعلن انه لن يتراجع عن فضح الداخلية و عن توعية المصريين بحقوقهم



و أقرب جلسة في سلسة المحاكمات التي يتعرض لها هي في 9/12/2007 في مجمع محاكم دمنهور و سأحاول نقلها إليكم بإذن الله لو سمحت الظروف

و قد كشف الأستاذ محمود قطري عن مطالبه من الداخلية و من الناس كما كشف عن موهبة في تأليف و إلقاء الزجل في الفيديوهات التالية


محمود قطري يستشهد بأحمد فؤاد نجم


يتسأل مالك يا مصر ؟


أربي إبني مخربش و لا أربيه محترم ؟


مطالب العميد محمود قطري من الداخلية و من المواطنين


محمود قطري يخاطب جورج بوش الإبن


مصر أكلها الغول

هناك 20 تعليقًا:

دكتور حر يقول...

ربنا يكثر من أمثاله

والله يا باشمهندس محمد
الواحد بدأ يشم ريحة حركة في مصر اليومين دول

يا مسهل

الفاتح اليعقوبي يقول...

السلام عليكم
ازيك ياهندسة عامل ايه
راجل تمام
شئ صعب علي البلد
لما يكون حاميها حراميها ربنا يهدهم

للاسف الجهاز الي المفروض يحارب الفساد ويحمي الشعب
بقي هو اكتر جهاز فيه فساد وبياذي الشعب
ربنا يهد الظلمة
والسلام

عصفور المدينة يقول...

اللهم أيده بتأييدك واكلأه برعايتك

الفاتح اليعقوبي يقول...

في تعليق علي الموضوع الي فات
والسلام

مهندس مصري يقول...

يا جماعة الفيديوهات مهمة جداً بلاش شغل سلق البيض ده و إتفرجوا عليها و خصوصاً اليعقوبي اللي محسسني إنه جاي يعلق من غير نفس و تأدية واجب و خلاص
:(

دعوة الفردوس يقول...

ايه الجمال ده
سبحان الله دائما هانك مؤشرات خير
دمنهور فيها الناس دي وانا معرفش
عايزين عنوان المكتب بقى علشان نعمل شغل لمدونتنا:)
بجد نفسي جدا احضر الجلسه بس هي هتبقى بعد بكره
والكورسات
والكليه
والمذاكره
والامتحان اخر الشهر
وعمي محامي لو شفته هناك رقبتي تطيييييييير
الله المستعان
بس يلا بقى انت قدها وقدود
هنعتمد على الله ثم عليك بقى

دكتور حر يقول...

انا رجعت لك تاني على روقان

والله يا باشمهندس تسلم على الشغل الجامد والجميل ده

ربنا يكرمكم
حقيقي مصر لسه فيها رجال

شفت كام موهبه وكام اكانيه في رجل واحد

سواء المستضاف او حضرتك
بجد مجهود رائع تشكر عليه

ربنا لمصر

مهندس مصري يقول...

دكتور حر
========
آميين بس هيا الحركة تتشاف و لا تتشم :)

الفاتح اليعقوبي
================
و عليكم السلام ورحمة الله و بركاته
الحمد لله أنا كويس بس عايزك تتفرج على الفيديوهات

عصفور المدينة
=============
اللهم آميين

دعوة الفردوس
=============
مكتبه قريب منك هوا في شارع عبد السلام الشاذلي بعد الكوبري العلوي في صف ناصف بتاع العصير و قناوي للشياحة و كده
وهوا على ناصية في الدور الأول علوي
و رقم موبايله 0102905077 للي عايز يتضامن معاه و لو بكلمة طيبة

دكتور حر
=========
الله يسلمك يا دكتور و ربنا يكرمنا و البلد دي حالها ينعدل شوية

صانعة الحرية يقول...

السلام عليكم
ياااااااااااااااه ابشرى يا مصر
فهناك امل ان تعودى مصر
ربنا يكرمه يارب ويثبته

موضوعات حضرتك دائما رائعه يا بشمهندس ربنا يجعلها فى ميزان حسنات حضرتك

Ahmed Al-Sabbagh يقول...

لله درك يا دمنهور

لازال لديكى من الشرفاء ما يكفى للتعبير عن جراح الوطن

ده ريبورتاج الموسم يا محمد
بجد خبطة صحفية قوية
والفيديوهات جميلة اوى
عجبيتنى الاشعار جدا خصوصا
"اربى ابنى مخرش ولا محترم "
"و اذا كان رب البيت الابيض بالدف بيضرب
فشيمة أهل الأرض التوهان"

جميلة اوى اوى

كنت المفروض تكتب الاشعار دى فى البوست عشان الناس تقراها بروقان

موضوعاتك دائما متميزة وعندك الجديد دائما

تسلم ايديك

و

تحياتى

Desert cat يقول...

مش كل ظباط الشرطة نموذج واحد
فيهم ناس محترمين
مش معنى كلامى انهم ملايكة
لاء فيهم ناس عايزه الحرق
بس برضه فيهم ناس تستحق الاحترام بكل جدارة

مهندس مصري يقول...

صانعة الحرية
============
آميين
سعيد دايماً بتشريفك ليا
و يارب أكون عند حسن ظنك

أحمد الصباغ
===========
الله يكرمك يا أحمد
بس الأشعار الجميلة اللي في الفيديوهات لو إتكتب حيبقى بوست طويل قوي
دا كل واحدة عايزة بوست لوحدها
مرة تانية إن شاء الله

قطة الصحراء
============
المحترمين فيهم قلة بس بجد الواحد بينبهر إزاي فضلوا محترمين وسط الجو القذر بتاع مجال عملهم ربنا يقويهم و يهدي زمايلهم الضالين

أنونيمس يقول...

تصدق يا بشمهندس

أنا نفسي أقرا الكتب بتاعة العميد قطري

بس مش عارف أجيبهم منين

معندكش نسخ إلكتروني؟؟؟

تبقى عملت فينا جميلة

وتسلم ع المجهود والمقابلة اللي أنا شايف انك استمتعت بها

جبهة التهييس الشعبية يقول...

انا عملت لك لنك عندي في المدونة على الحوار ده
انت ما تتخيلش يا محمد اهمية الحوار ده قد ايه
الراجل ده بيدي لنا حلول من الجدر
والنبي سلم لي عليه وقول له فيه واحدة بتبوس ايديك

مهندس مصري يقول...

أنونيمس
========
الكتاب الأولاني عندي إداني منه نسخة هدية و ممكن لما أجي انزل القاهرة أجيب لكل واحد عايز نسخة منه و عليها إهداء كمان
أما النسخة الإلكتروني همتكوا معانا ننزله pdf لأن أنا في النت مش قد كده

جبهة التهييس الشعبية
=====================
تشكري على اللنك يا زعيمة
و سلا مك حيوصل ان شاء الله
ثم ما تكلميه على الموبايل ما أنا ناشر نمرته فوق في ردود التعليقات !!!

أحمد مصطفى يقول...

الله ينور ياباشا

وشكرا على نمرة العميد قطرى

تحياتى
أحمد مصطفى

غير معرف يقول...

أنا بأشكرك يا باشمهندس جدا أنا زيك قرفان لكن بأحب مصر ونفسي أشوفها حرة بجد مش شعارات أنا باحيي الأستاذ محمود علي ثوريته النادرة جدا، أنا شايفه بطل أرجوه يكمل اللي بدأه أنا بأتألم في كل مرة باتلامس فيها مع الواقع المصري خصوصا موضوع التعذيب

أحمد محمود ميلاد يقول...

مجهود متميز يا باشمهندس....ما كتبه و كشفه ا/ قطري خلال العشر سنوات الماضية كان أول نظرة على هذا المجتمع الشرطي الفاسد من الداخل و طبعا هذا ما أثار حنق الداخلية و لذلك اعتقد أنه يحتاج المزيد من التضامن في شتي صوره--فارجو أن نتكاتف وراء كل مظلوم ينفرد به نظام مبارك ليأكل من لحمه--أيمن نور نحاول الوقوف بجانبه و مقصريين و الشاطر و اخوانه نحاول نصرة قضيتهم كاليبراليين و مقصريين فمن يقف مع العميد القطري...؟؟؟؟حضرنا احد جلساته و كان سعيدااا للغاية بوجود حد أدنى من التضامن و نعد باستمرار الدعم أن شاء الله

ahmedaldosoky يقول...

البلد مليانة ناس كويسين وقطرى واحد منهم
http://ahmedes2005.blogsome.com

مهندس مصري يقول...

أحمد مصطفى
==========
و ينور عليك :)

غير معرف
========
لا شكر على واجب و شكراً لتعليقك

احمد محمود ميلاد
=============
ألف شكر ليك يا أستاذي ربنا يكرمك و يعينك

أحمد الدسوقي
============
فعلاً