الثلاثاء، ديسمبر 11، 2007

نسبة إدمان التدوين عندي

فيه إختبار عبارة عن مجموعة أسئلة و تختار الإجابة من عدة إختيارات و في الآخر يقول لك نسبة إدمانك للتدوين

أنا عن نفسي عملت الإختبار و طلعت نتيجتي
مدمن بنسبة 82%
مش عارف النسبة الصحية كام
عموماً جربوه بنفسكوا و طمنوني على نتايجكم و صحتكم التدوينية
82%How Addicted to Blogging Are You?

Oklahoma City Dating

هناك 9 تعليقات:

Ahmed Al-Sabbagh يقول...

!!أول تعليق

حجز مكان ولى عودة

Ahmed Al-Sabbagh يقول...

تعرف يا محمد

انا سمعت عن الاختبار ده قبل كدة

!وعملتة كمان

الكلام ده كان من حوالى تلات اشهر

وكانت النتيجة رقم قليل

رغم انى بظن انى من اشد المدمنين

انا مش مدمن وبس انا رئيس عصابة انا تاجر نت اساسا

فلما لقيت النتيجة قليلة شكيت فيها وما حطيتهاش فى الموقع

بس مش عارف انت ايه رأيك؟؟

تحياتى

الفاتح الجعفري يقول...

لاحول ولاقوه الابالله
لالالالالالا يابشمهندس متشلش في نفسك ان شاء الله هتبقي كويس
الا قولي لما النت بيبقي قاطع بتتعصب وتقعد تهرش ولاايه
هههههههههههههههههه
ربنا يبارك فيك ويعزك
انا مش هعمله لحسان انا موسوس بعدين متلقنيش تاني
وجزاكم الله خير

دكتور حر يقول...

لا حول ولا قزة الا بالله

عوضنا على الله

لا اله الا الله

ليه كده يا هندسه بس

انت أكيد لسه مخطبتش ؟
صح

عصفور المدينة يقول...

يانهارك أبيض يا مدمن
ده انا اللي بيقولوا علي مدمن جبت 76

جمعاوى روش طحن يقول...

الباشا


النسبة إرتفعت اوى عنت آخر مرة


ها نشوف دكتور ؟

مهندس مصري يقول...

أحمد الصباغ
===========
الإختبار ده عامل زي إختبارات مجلة ميكي كل إجابة بدرجة و بيجمع درجاتك في الآخر

الفاتح الجعفري
==============
لما النت بيقطع بأحس ان ناقص حتة مني و ان الدنيا ناقصها كتير قوي
و ياريت تعمله و تقول لي

دكتور حر
=========
العين بصيرة و الإيد قصيرة
عندكش عروسة تآخد مهندس فقران

جمعاوي روش طحن
=============
المرة اللي فاتت كانت 64% بس المرة دي رقم قياسي
مش عارف الدكتور يقدر يعمل حاجة و لا ايه ؟

يوميات عيل مصري يقول...

حلو إنك طلعت مدمن تدوين
عشان نعالجك بقى
شوف انا جيت لغاية عندك، رغم عدم ردك على الماسنجر، بس يلا، هاعمل ايه

بص انا زعلان
ايوة زعلان
بس زعللي قريب جدا، وخلاص من ناحيتي صافي يا لبن

مهندس مصري يقول...

يوميات عيل مصري
===============
والله النت مهيس معايا و كان قاطع طول اليوم و ما شفتش الماسنجر خالص
إذا كنت زعلتك فأنا غلطان و أستاهل ضرب أي حاجة تضربني بيها
و إذا كنت قليت أدبي فأنت أخويا الكبير و حقك تأدبني وأنا ما اقدرش على زعلك
أنا آسف طول عمري مدب و بأحدف دبش في الكلام بدون قصد
أنا آاااااااسف