الخميس، ديسمبر 13، 2007

خبر عاجل الحكم على العميد محمود قطري

خبر عاجل
الحكم على العميد محمود قطري

حكمت المحكمة في القضية رقم 7971 لسنة 2007 جنح قسم دمنهور
على العميد السابق و المحامي الحالي / محمود السيد قطري بغرامة 200 جنيه و تعويض مؤقت 5001 جنيه و ذلك بعد إدانته بتهمة إهانة موظف عمومي ( نائب مأمور بندر دمنهور ) أثناء تأدية عمله

الجدير بالذكر أن هذه القضية تم قلب الحقائق فيها حيث أن نائب مأمور بندر دمنهور و أحد صغار الضباط قاموا بالتعدي بالألفاظ غير اللائقة عليه أثناء تأدية عمله داخل قسم بندر دمنهور ومعه ثلاثة من موكليه في أحد القضايا و عندما إعترض على الإهانة قاموا بالسخرية منه و عندما ذهب لمدير أمن البحيرة للشكوى وجد معاملة مهينة من مدير الأمن و عندما ذهب للشكوى بالنيابة مما حدث له وعرف مدير الأمن الخبر أصدر أوامره لنائب المأمور بسرعة تلفيق مذكرة للعميد قطري تقلب الحقائق و مدعمة بتحريات المباحث المزيفة و بـ 3 من شهود الزور من المدنيين الذين ليسوا فوق مستوى الشبهات و الذين تضاربت شهاداتهم مع تحريات المباحث المزعومة و مع مذكرة نائب المأمور نفسه
و تم رفع هذا كله للنيابة ليجد الشاكي و المجني عليه نفسه و قد أصبح جانياً و متهماً
ومن يطلع على المذكرات و الأوراق المقدمة من الطرفين لابد أن يحكم ببراءة الأستاذ محمود قطري من تهمة اهانة موظف عمومي و لابد أن يدين خصومه بتهمة إهانة محامي المنصوص عليها بالقانون
و لكن يتردد أنه مورست ضغوط ضخمة على القاضي ليحكم بالحبس على العميد قطري و لكن ضميره لم يسمح له سوى بالغرامة و التعويض مقدراً أن هذه الإدانة منه للعميد قطري ستريحه من الضغوط و أن هذا حكم أول درجة و مازال هناك 3 درجات تقاضي أخرى من استئناف و معارضة إستئنافية و طعن بالنقض قبل أن يصبح الحكم نهائياً
و قد علق العميد قطري على الحكم في الفيديو التالي

يذكر أيضاً أن العميد قطري سيستأنف الحكم بالإضافة إلى مواجهته لقضيتين أخريتين وهما
- القضية رقم 512 لسنة 2006 جنح قسم دمنهور بتهمة سب و إهانة هيئة الشرطة لأنه صرح لصحيفة العربي الناصري بأن الشرطة تقوم بتزوير الإنتخابات!!!!!!!!!!!!!!!!!!!!
و الجلسة القادمة لهذه القضية يوم 24/12/2007 و ستكون الجلسة الثالثة في هذه القضية
- القضية رقم 21350 لسنة 2006 جنح أبو المطامير و جرت أحداثها من 14 سنة حيث تم اتهامه مع 11 من زملائه الضباط بالإهمال و مجازاتهم إدارياً جميعاً كعادة الداخلية العجيبة ثم بعد 14 سنة قامت بنبش الدفاتر القديمة و لمجرد المعاندة معه قامت بالتضحية بـ 11 من الضباط الآخرين و لم تعقد لهذه القضية أية جلسات حتى الآن حيث إستشعرت الدائرة الأولى التي كانت ستنظر في القضية الحرج
استشعرت الحرج و تنحت عن نظر القضية فتم إحالة القضية لدائرة أخرى ستعقد أولى جلساتها في 15/1/2008

وللأسف الشديد لم يحضر أي ممثل عن نقابة المحامين في هذه القضايا المرفوعة ضد المحامي محمود قطري و كان نقيب المحامين أثناء الجلسة الأخيرة مشغول بإرسال برقية شكر من إتحاد المحامين العرب للرئيس مبارك
كما كان تمثيل منظمات حقوق الإنسان ضعيفاً في الجلسة الأخيرة و ليس بكثافة أول جلسة
نسالكم التضامن مع العميد محمود قطري الذي يصر على قول كلمة الحق و لو كانت شديدة المرارة و نسألكم الدعاء له
و لنا معه مرات أخرى ان شاء الله

هناك 23 تعليقًا:

عصفور المدينة يقول...

وهل هو حفظه الله يتوقع الراحة
ولكن له الله ومعه القوة التي لا تهزم
هو حسبه وحسبنا ونعم الوكيل

عصفور المدينة يقول...

أخونا الأستاذة أحمد محمد باعتني أقولك تبطل زعل وأصالحك عليه مش عارف انت زعلامن إيه
هو انت زعلان من يوم البوست اللي اتشال
انا ابعته لك
بس اوعى تزعل المعلم بتاعنا

أحمد محمود ميلاد يقول...

حكم صادم حقا خاصة أن معطيات القضية لا تصل أطلاقا للأدانة و لكنها من عجائب الأمور في مصر الأن نرجو له السلامة و نقف معه بكل قوة

مهندس مصري يقول...

عصفور المدينة
=============
أنا مش زعلان منه هوا اللي ما إستلطفش كلمة في تعليقي الأخير عنده كتبتها بحسن نية
و الله ما كان قصدي حاجة بس تقول ايه في الحماقة بتاعة الواحد
أنا اللي آسف ليه و حأعتذر له عنده
و ياريت تبعت الإستراحات اللي شالها لو عندك لأن أنا نفسي فيها

أحمد محمود ميلاد
==============
معك كل الحق
و إحقاقاً للحق أريد أن يعرف جميع القراء أنك أنت من عرفتني على العميد قطري
كما كنت أنت و حزب الغد بالبحيرة من أول الداعمين له في الشارع و في المحكمة و لم أكن لأعرف عما يعانيه شيئاً لولا مدونتك
بارك الله فيك يا أستاذي

دعوة الفردوس يقول...

حسبنا الله ونعم الوكيل

كل ده متوقع
ولكنه قرر أن يخوض غمار معارك الرجال
نسأل الله له الثبات
وأن يجعله من جنود الحق
على فكره
ده مش بس طلع جاري وقريب مني
لا ده
يوه مش عايزه اقولك ان بيننا شارع
انا بس اخد الاجازه
وهبيت هناك ليلة وهقطع عليك

Desert cat يقول...

لا حول ولا قوة الا بالله
ربنا معاه

مهندس مصري يقول...

دعوة الفردوس
=============
قطعي براحتك
دا حيفرح بيكي جداً لأنه بيحب كل اللي بيحبوا مصر

قطة الصحراء
===========
إدعي له ربنا يكرمه و ينصره قادر يا كريم

الفاتح اليعقوبي يقول...

السلام عليكم
انا مش عارف اقول ايه بالظبط

بس لااجد افضل غير قول الرسول صلي الله عيله وسلم


فطوبي للغرباء
فطوبي للغرباء
فطوبي للغرباء
فطوبي للغرباء
فطوبي للغرباء
فطوبي للغرباء
فطوبي للغرباء
فطوبي للغرباء

أحمد مصطفى يقول...

لا حول ولا قوة الا بالله

حكم سياسى طبعا كالعادة

بصراحة انا مش عارف هم هيفضلوا وراء

الناس المحترمين لحد ما يقضوا عليهم

ربنا يستر

تحياتى على التدوينة الجميلة دى
اخوك/ احمد

أنونيمس يقول...

يا بشمهندس الراجل ده من الصابرين اللي ربنا قال عليهم
وبشر الصابرين

لأمتى مصر هاتفضل كده؟
ولأمتى هايبقى كل اللي ف ادينا اننا ندعي وبس ؟؟؟

مهندس مصري يقول...

الفاتح اليعقوبي
================
وعليكم السلام ورحمة الله وبركاته
حقاً صدق رسول الله صلى الله عليه وسلم
و شكراً على إجابتك لسؤالي و مستني فضيحة الجعفري ليك في عيد ميلادك إن شاء الله

أحمد مصطفى
=========
ما إحنا قلنا القاضي كان مضغوط عليه بشدة يالحبس يا النقل و التشريد
ربنا يلطف بالجميع

أنونيمس
========
يا حبيبي يا دكترة إحنا بنعمل اللي نقدر عليه
نشر و نشرنا
دعاء و بندعي
كتابه حننزله إلكتروني على النت إن شاء الله علشان الناس تقراه
و جلسات المحاكمة بيحضرها اللي يقدر يحضرها
نعمل ايه أكتر من كده

أما مصر فأكلها الغول زي ما قال هوا في التدوينة السابقة عنه

زعيم كمورا مورا يقول...

الحمد الله انها جت على اد كدة
دة كان ممكن بسبب الى عمله يروح ورا الشمس
ياله
ربنا يتولاه برحمته ويصبره واهله
ويصبرنا احنا اصلنا موعدين كل ميطلع واحد شجاع
يقعد معانا يومين ويختفى
عمونا الباش مهندس ازيك ياباشا
انا اول مرة اجى المنطقه دى
بس بصراحه جامدة وكلامك دخل دماغى
الله ينور عليك

الفاتح الجعفري يقول...

بص يابشمهندس انا هقولك بيت شعر ماشي انا ماشي بيه في المدونات اليومين دول لانه عجبني اوي
لاتأسفن علي الدنيا لطالما:::رقصت علي جثث الاسود كلابا
لاتحسبن برقصها تعلوا علي اسيادها:::تبقي الاسود اسودا والكلاب كلابا
وهكذا قوله الحق وهكذا اهله دائما مايحاربون ويكفيهم الله هو حسبهم
وجزاكم الله خير

صانعة الحرية يقول...

السلام عليكم
دا المتوقع يا استاذنا
مادام ماشى صح يبقى لسه ياما هيشوف
دا احنا فى مصر يا فندم
وربنا يعينه ويثبته
وحسبنا الله ونعم الوكيل

أمير القلوب يقول...

حسبنا الله ونعم الوكيل
والله الحكومة دي ما فيها فايدة
وقال إيه كان شعار الحزن الوطني بلدنا بتتقدم بينا
داهية تاخدكوا وإحنا راضيين بالتخلف اللي إحنا فيه بس حلوا عن سمانا
تقبل تحياتي

مدونون ضد ابو حصيرة يقول...

شكرا على اشتراككم معنا في حملة مدونون ضد أبو حصيرة .. ونرجو منكم وضع بنر الحملة على موقعكم للأعلان على الحملة ونشرها .. وشكرا

EmY يقول...

قلب الحقايق و التلفيق بقي عادي جدا احنا في عصر حرية الفساد
المظلوم ياخد عبلي قفا و ماحدش ينصفه لا كمان نحبسه
ربنا معانا

دكتور حر يقول...

حسبنا الله ونعم الوكيل

طبيغي لمثل هذا
في مثل هذا الزمن
عند أمثال هؤلاء

جمعاوى روش طحن يقول...

كان الحكم متوقع جداااااااااااااااااا

ولا ايه ؟

مهندس مصري يقول...

زعيم كمورا مورا
===============
و ينور عليك يا زعيم
الزيارة الأولى دي شرفتني و ياريت تكررها كتير

الفاتح الجعفري
=============
يا شعرك يا جعفري متألق يا بني
جزانا و إياكم

صانعة الحرية
============
و عليكم السلام و رحمة الله و بركاته
آميين و يثبتنا على الحق أجمعين

أمير القلوب
===========
موافق على كل كلماتك و نورتني بزيارتك

مدونون ضد أبو حصيرة
===================
حاضر

إيمي
===
ربنا يستر

دكتور حر
=========
لا لا لا لا متأخر المرة دي :)

جمعاوي روش طحن
==============
لا مش متوقع طبقاً لورق القضية بس نعمل ايه لتليفونات اللحظة الأخيرة

NIDAAL PAL يقول...

انا مش هقول غير
ربنا على كل ظالم
تشرفت بمدونتك
وجزاك الله خيراً
تحياتى
juba

مدونه انا بحبك يا مصر يقول...

وكل عام وانت بخير بمناسبه العيد الاضحى
وتقبل الله منا ومنكم
احمد الجيزاوى

مهندس مصري يقول...

niddal pal
==========
الشرف ليا
و جزانا الله الخير و إياكم

مدونة أنا بأحبك يا مصر
=======================
و انت طيب دايما يا بو حميد