الخميس، ديسمبر 20، 2007

مصريون ضد التعذيب إجتماع و انطباعات و غرائب


دعوة مصريون ضد التعذيب

الاجتماع الموسع الشهري واجتماع مجموعات العمل

يوم الخميس الموافق 27/12/2007
الساعة الخامسة مساءاً بنقابة المحامين شارع رمسيس

جدول الاجتماع:-
توزيع مهام لإطلاق حملة "لن نتنازل.. لن نتصالح"

حاكموا جلادي التعذيب ·
الإعداد للمؤتمر الأول .

دقت ساعة العمل
هي دي صيغة الدعوة اللي جات لي على البريد الإكتروني و المرة دي أنا قولت بدري أهوه علشان اللي قالوا المرة اللي فاتت ما قولتش ليه
أديني قولت و الحاضر يعلم الغايب و عايز أشوفكم كلكم هناك خصوصاً المدونين اللي من القاهرة الكبرى و ضواحيها المصراوية يعني علشان عيب يبقى في ناس جاية من المحافظات و ناس من نفس البلد ما تروحش إلا لو كان عذرهم جامد قوي
فاكرين اني كنت قولت حأنشرعن الإجتماع اللي فات إنطباعات عن الرحلة و غرائب أو طرائف الصور و أهو جه و قتها

محطة قطارات دمنهور


السكة الحديد 3 خطوط من اليمين للشمال

خط مصر إسكندرية , خط إسكندرية مصر , خط دمنهور دسوق

أنا كنت في المحطة من الساعة 9 ص علشان أركب قطار 9.10 اللي جه 9.30 ص

وصلت محطة مصر في رمسيس حوالي 11.30 ص وصليت الجمعة في مسجد المحطة

و الخطيب كان بيخطب عن الكعبة و الحج بس قال شوية حاجات غريبة لا أظن أن لها أصل في الدين و رفض النقاش فيها رغم أنه شاب أزهري صغير و لم يذكر أدلة عليها !!!!

عموماً مفيش صور غريبة و لا حاجة من اللي كانت نوارة خايفة منها غير الصورتين دول

ناس زهقانة و حاطة ايدها على خدها و عايزة تروح

و أ نورا يونس و أ جيهان شعبان خدوا جنب لوحدهم و مستنيين الفرج

عايز أشوفكم كلكم هناك المرة الجاية و نتقابل كلنا و ان شاء الله العميد محمود قطري حيحضر و يتكلم و اللي عايز يسأله يحضر السؤال من دلوقتي :)

هناك 21 تعليقًا:

coca يقول...

طيب جميل لو روحت هقدر اعمل ايه

انت نفسك رايح علي اساس انك هتمعمل ايه ؟

بس انا كنت قولتلك ابل كدا هي خطوه جميله جدااا وياريت تحقق هدفها

عصفور المدينة يقول...

أعانكم الله وجود هذه اللقاءات وتسليط الضوء الإعلامي عليها هو خطوة إيجابية في حد ذاته وخاصة وجود
شخصية مثل العميد محمود
أعانكم الله

مهندس مصري يقول...

كوكا
====
هما بيقولوا حنناقش جدول أعمال و حتتوزع مهام و حيبقى فيه إعداد لمؤتمر
أدينا حنروح و نسمع و محدش غاصبنا على حاجة
اللي يعجبنا نعمله و اللي مش عاجبنا حنعترض عليه و نناقشه و نحاول نعدله
ثم الحضور مش حيضر أدينا على الأقل حنشوف ناس محترمة قلبها على البلد و نتعرف عليهم و نشوف نقدر نعمل ايه معاهم علشان خاطر كرامة المواطن المصري
ثم لو الموضوع ما تمش أدينا حنتقابل كلنا و ممكن المدونين اللي حضروا كلهم يقلبوها لقاء تعارف و فسحة حلوة
يعني القاء ششغال على كل لون و كله فوايد :)

عصفور المدينة
=============
أيوة كده دعواتك معانا يا هندسة
:)

Desert cat يقول...

ربنا معاك ويقويك يا فندم
كل سنة وانت طيب

لماضة يقول...

طيب يعنى مكنش ينفع يبقى فى يوم تانى
مفيش غير اليوم اللى هروح فيه جنينه الحيوانات
وبعدين القاهره بعيده شويتين
:(
كان على عينى احضر
يلا معلش الجايات اكتر من الرايحات
بس فكرته حلوه وان شاء الله بالتوفيق

اسلام رفاعى يقول...

خالص التهانى القلبية بمناسبة عيد الاضحى المبارك
كل عام وانتم بخير

مهندس مصري يقول...

قطة الصحراء
===========
و يقويكي انتي كمان
و انتي طيبة :)

لماضة
====
براحتك يا ستي و لو ان احنا كنا عايزينك يمكن كنا نحتاج لماضتك مع الأمن ولا حاجة
ماشي عذرك معاكي و سلمي لي على الفيل :)

اسلام رفاعي
===========
و انت بخير

فرنسا هانم يقول...

انا الحمد لله فكيت الجبس
وعلشان كده جيت بالنفاثه
والنفاثه دى عجلتى المحترمه
بتمشى على سرعه البرق
وعلشان معايا العجله
خدت لفه بعد ما عملت واحده امريكانى بالعجله
فى المدونه
وكان فى احصائيه انت عامله عن نسبه ادمانك للتدوين واظن طلعت 82 فى الميه
حاول بقى تدفىء كويس وتبعد عن السمك المقلى
وتنام 3 ساعات فى العصر يوم الاتنين ويوم الاربعاء وتشرب نص كبايه ينسون كل اسبوعين
وتيجى لخالتك فرنسا العياده بعد عشر سنين وانشاء الله اكون شفت لك ولى دكتور كويس يعالجنا احنا الاتنين من ادمان النت
اما اجتماع المدونين
خطوه جميله
لرقى عالم التدوين

Hossam يقول...

hello
اولا بلوجك جميل جدا
انا عندى 16 سنة
ينفع اجى واشارك
لو ينفع بليز قولى وهاجى اشنء الله

مهندس مصري يقول...

فرنسا هانم
===========
أيوه كده ما حدش يقدر يكلمنا نص كلمة فرنسا بذات نفسها عندنا يا مرحبا يا مرحبا
علم العلاج و ينفذ يا فندم
بس لو كنتي ضغطتي على النتيجة بتاعتي كنتي عملتي الإختبار لنفسك و كنا إطمنا عليكي
إعمليه و طمنيني :)

حسام
=====
أولاً شكراً على ذوقك
ثانياً ينفع طبعاً إنك تحضر و حأستناك هناك
:)

الفاتح الجعفري يقول...

ايوه كدا يابشمهندس فبليها بفتره ان شاء الله اجي بس اليعقوبي ممكن ميجيش علشان الامتحانات بس هيبقي الساعه كام
وجزاكم الله خير

الفاتح الجعفري يقول...

خلاص عرفت بس مختدش بالي من الموعد الساعه الخامسه ان شاء لله اكون موجود بأذن الله

walaa يقول...

ربنا يوفقكم فى هذا العمل وكل عام وحضرتك طيب

الفاتح اليعقوبي يقول...

السلام عليكم
الامتحانات الامتحانات
كلمة جية من المحنة بس في اليوم ده لو قمت بدري وذاكرت هاجي باذن الله والله المستعان
ودعواتك ياحبي
والسلام

مهندس مصري يقول...

الفاتح الجعفري
==============
أيوه كده عايز نشوفك هناك نفسي أتعرف عليك انت و اليعقوبي شكلكم عيال مجدع
:)
خالص مودتي

ولاء
===
آمييين
و انت بالصحة و السلامة

الفاتح اليعقوبي
================
روح يا عز يا بني ربنا يوعدك بإمتياز قادر يا كريم و ينجيك من الإمتحانات دي و كل إمتحانات يارب
شد حيلك و ضبط مذاكرتك علشان نفسي أشوفك والله
:)

Ahmed Al-Sabbagh يقول...

انت رائع يا محمد

بجد انت ريبورتاجاتك المصورة اكتر تحقيقات بتعجبنى فى المدونات كلها

اسلوبك حلو اوى بحس انى كنت معاك

وطبعا انا هحضر لاسباب عديدة اهمها انى اشوفك

وانا كان نفسى اروح الاجتماع اللى فات

بس انت عارف الحكاية

بص ياريت تكلمنى يوم الخميس بالنهار

عشان انت عارف اخوك اخر توهان

او عرفنى انك خرجت من دمنهور عشان انتظرك

ما تعرفش مين هيكون موجود تانى ؟

انا بردة كانت الدنيا مهنجة عندى

وجيت عندك متأخر

مع انى بعتبر نفسى صاحب مدونة مش ضيف

وبوستاتك متابعها بوست بوست

تحياتى يا صديقى

عاشقه الفردوس يقول...

ماشاء الله فكره حلوه بجد
انا اول ره اسمع عنها
بس موفقه باذن الله

الله الستعان

كل عام وحضرتك بخير

مهندس مصري يقول...

أحمد الصباغ
==========
انت اللي رائع يا أبو حميد
بتحسسني بالأخوة و المشاعر الفياضة اللي طالعة من القلب
حنتقابل هناك إن شاء الله و حأكلمك أول ما أخرج من دمنهور يعني قبل الميعاد بـ 3 ساعات تقريباً
و انت صاحب مدونة طبعاً مفيش كلام

عاشقة الفردوس
==============
و كل سنة و انتي بخير و صحة و سعادة
بس جاية و لا مش جاية
:)

EmY يقول...

انا جايه استناني
ان شاء الله اكون معاكوا

مهندس مصري يقول...

إيمي
=====
في إنتظارك
و ان شاء الله نقدر نعمل حاجة بالإجتماع ده

سعید يقول...

عشاق الگوگل القاء نظرة على هذا الموقع والتمتع