السبت، يناير 05، 2008

هذي بلاد لم تعد كبلادي

هذي بلاد لم تعد كبلادي
للشاعر فاروق جويدة

عن الشباب الذي غرق على سواحل ايطاليا و تركيا و اليونان
قصيدة جامدة جداً إسمعوها

هناك 35 تعليقًا:

أنونيمس يقول...

طب تصدق أنا مشفتهاش ومش هاشوفها

عشان أما قريتها في المصري اليوم

عنيا دمعت واتخنقت وقلبي وجعني

قريتها يجي عشر مرات

ومش قادر كمان أسمعها

و ع العموم تسلم إيدك يا بشمهندس

أنونيمس يقول...

منك لله يا محمد
مقدرتش امسك نفسي شوفتها وسمعتها
عاجبك كده
هنام ازاي الليله دي بقى
:(

السـيد شبـل يقول...

مهندس مصرى ...
انا اولا زعلان منك لانك وعدتنى بزيارة مدونتى وقرائتها وهذا لم يحدث لكنى التمس لك العذر نظرا لضيق وقتك



موضوع مهم للغايه ......

يكشف الستار عن المؤامره الصهيونيه على المدونات

تجدونه على
مدونة السيد شبل بلا اسم


www.bela-esm.blogspot.com

السـيد شبـل يقول...

وانا قريت شعر جويده قبل كده
وهذا ليس بجديد عليه

اجد ترابطا قويا بين هذه الابيات واشعار امل دنقل رحمه الله


اتمنالك التوفيق

عاشقه الفردوس يقول...

لا اشوفها
شكلها صعبه جدا
بس هحاول معاها تانى لان النت عندى تقيل
قريتها فى مدونه مسلمه ومكملتهاش لانى نفسيتى تعبت


هفتحها تانى وهشوفها
ربنا يكرمك ياباشمهندس

جمعاوى روش طحن يقول...

لسه قريها إمبارح

كان نفسى الأقيها فيديو


ممكن ترفع الفيدو عندك يا هندسة

علشان اخوك مش فاضى ينزلها ع ع اليويتوب


مشكور يا معلم مقدما

appy يقول...

اممممممممممم
وبعدين بقى معاك انا اقعد اضحك المدونين واوريهم بلادنا الحلوة وانت تنكد علينا ماشى بس لما انزل بلدكم فى المرة الجايه هعمل فيك مقلب هجيب ميكرفون وامشى فى الشارع انادى عليك انك تايهه
المهم كمان بطوط دى سوزوكى ماروتى

Ahmed Al-Sabbagh يقول...

تسلم ايدك يا محمد

انا قريتها قبل كدة

وجعت قلبى اوى

والله يابنى قلبى موجوع اوى من الموضوع ده

وانت دايما إختياراتك رائعة وبنشوف كل جديد ومهم عندك

كمان بالنسبة لتغطية ضد التعذيب سامحنى سامحنى بجهزها وهنزلها واسف اوىىى للتأخير وكمان كل الصور تحت أمرك

واسمح لى احط عند الاعلان ده

قريبا تغطية لثلاث لقاءات خلال شهر ديسمبر

ندوة الشعر الاحتجاجى
ندوة مراجعات الجهاد
اجتماع مصريين ضد التعذيب
فى مدونة أحمد الصباغ

أشكرك .. بكام الاعلان عندك :)

وحشتنى يا محمد
ويارب اشوفك عن قريب

تحياتى
أخوك أحمد

مروة الزارع يقول...

جامدة فعلا انا شوفتها من فترة وخلتنى ادمع كتيررررررر

اقولك سر

مش عارفة لية برضة انا بحب مصر؟

غريبة مش كدة

الفاتح الجعفري يقول...

البشمهندس الكبير
عامل ايه ربنا ييسر لك امرك يارب
فعلا قصيده مؤثره جدا
في الاخر ليس لنا الا ان نقول حسبنا الله ونعم الوكيل
وجزاكم الله خير يابشمهندس

مهندس مصري يقول...

أنونيمس
=========
أنا أول ما قريتها على الميل عندي حصل لي كده برضه بس فعلاً حركت مشاعري و دمعت عينيا
معلش يا تامر ما هي دي حقيقة اللي بيحصل لنا دلوقت و لازم نواجهها

السيد شبل
==========
آسف و رايح عندك علطول دلوقت

عاشقة الفردوس
==============
الله يخليكي و يكرمك حاولي تاني و ان شاء الله تشوفيها لأن إحساسه و هو بيقولها بيزيدها جمال على جمالها

جمعاوي روش طحن
==============
معنديش الفيديو بتاعها دا أنا لقيتها على اليوتيوب و قلت أوريها لكم معلش يا هيثم
و اخبار امتحاناتك ايه ؟

آبي
====
و لا يهمك دا دمنهور تنور بزيارتك بس معندناش تكاتك
:)

أحمد الصباغ
===========
الله يسلمك و أنا مش عايز أوجع قلب الناس بس حسيت إنها لازم تتسمع
أنا كنت بأطمن على الصور بس براحتك يا بو حميد
ثم انت كمان واحشني بس انت فاهم الظروف
القلوب عند بعضها

مروة الزراع
============
لا مش غريبة أنا برضه بأحبها رغم قرفي منها بس ما نقدرش غير اننا نحبها

الفاتح الجعفري
==============
فعلاً حسبنا الله و نعم الوكيل
جزاك الله خيراً على عاصفة النار أيضاً

Desert cat يقول...

دى رهيبة
اتبعتت لى على الميل من كام يوم
فعلا جامده جدا
تسلم ايدك يابشمهندس

سها يقول...

اتذاعت في العاشرة مساء كنت نايمة وحيت لقيتها
ليلة راس السنة
بعد السعة 12
بداية للسنة الجديده
والصبح
اتحفتني بلادي بارتفاع الاسعار للمرة مش عارف كام

مهندس مصري يقول...

قطة الصحراء
===========
الله يسلمك و يكرمك و أشوف سايبرك كده أكبر سايبر في فاقوس كلها
:)

سها
====
عادي عادي جداً
تعليمات البنك الدولي للحكومة بتاعتنا ان الخصخصة لكل شيئ بنسبة 100% و رفع الدعم و إلغاؤه نهائياً لازم تنتهي قبل 2011 و إلا مش حيحصل لهم كويس

نقطة مية يقول...

عزيزي صاحب المدونة
عزيزتي صاحبة المدونة
========================
نتشرف بدعوتك لافتتاح
دار الكتب
هي حلم صاحب البوابة الذي تحقق
طريقة مبتكرة لتوثيق الكتب العربية و نشرها بين الناس بكل سهولة و يسر والدمج بين دور النشر المختلفة لسهولة البحث لاي قارىءوالنشر لاي كاتب
الافتتاح يوم الخميس 10-1-2008
في مكتبة البلد 31 شارع محمد محمود امام الجامعة الامريكية
الساعة السادسة مساءا
يلا نشارك مصطفى فرحته بتحقيق الحلم

عبدالرحمن فارس يقول...

نعم هي لم تعد كبلادي

صدق فاروق جويده

اليعقوبي يقول...

السلام عليكم
اتساذي وحبيب قلبي ازيك يابشمهندس عامل اهي اعانك الله في المشكلةاللي انت فيها
شعر صعب اوي علي اي واحد بيحب البلد دي اعاداها الله الينا سليمة معافاة
بعد مالحرامية اللي سرقوها غيروها وخلوها بلد غير بلدنا
والسلام

الجمعاوي الاصيل يقول...

مهندس مصري

نعتذر عن التقصي في الفترة الاخيرة

فانا مزنوق جداص في الامتحانات نسألكم الدعاء

موضوعي الاخير ايام من امتحاناتي

مهندس مصري يقول...

نقطة مية
=========
ألف مبروك بس مش حأقدر آجي

عبد الرحمن فارس
==============
حقاً

اليعقوبي
=========
الحمد لله مفيش مشكلة لحد دلوقتي
ربنا يكرمك عامل ايه في الإمتحانات ؟

الجمعاوي الأصيل
==============
ربنا يعينك

EmY يقول...

اان بحب فاروق جويده و حبيته اكتر بعد القصيده دي فعلا جميله و مؤثره و واقعيه مؤلمه
تحياتي ليك

السـيد شبـل يقول...

موضوع هايل وتمنياتى بالتوفيق

ممكن استغل المساحه للاعلان عن موضوع غايه ف الاهميه



ادعوكم لزيارة مدونة


السيد شبل ... بلا اسم

www.bela-esm.blogspot.com


للتعرف على اهم مبادره للتقريب بين الاخوان والناصريين وايضاح صوره كامله حول الاشتراكيه الاسلاميه




لكم خالص تحياتى وتمنياتى بالتوفيق

السيد شبل

أمير القلوب يقول...

أخي الفاضل
م.محمد
كل عام وانت بخير بمناسبة العام الهجري الجديد جعله الله عاماً سعيداً علينا جميعاً
والقصيدة دي جامدة جداً حتى من عنوانها
بس توجع القلب .
جزيت خيراً
تحياتي لك

مهندس مصري يقول...

إيمي
====
أنا مليش في الشعر قد كده بس القصيدة دي هزتني و أثرت فيا
و أنا بأحب فاروق جويدة ككاتب أكتر منه شاعر لأني كنت بأعشق مقالته الإسبوعية في أهرام الجمعة بس بطلت أشتري الأهرام خالص
بس راجل محترم و صادق و جرئ

و بأقولك ايه عايز حوارك الصحفي معايا يبقى براحة لأحسن أنا مش حمل مفاجأت و أسئلة جامدة
:)

السيد شبل
==========
قريتها يا باشا

أمير القلوب
===========
و انت بخير و صحة و ربنا يستجيب منك يارب و يجعله عام سعيد علينا جميعاً

DR.HAMAS يقول...

ممتازة جدا جدا جدا

و معبرة قوى

نشكرك يا بشمهندس

على نقل الكلمات الجميلة دى لينا

أكرمك الله


د.حمـــاس

مهندس مصري يقول...

د حماس
========
منورني بتعليقك
أكرمنا الله و إياك
:)

MerMaid يقول...

ازيك يا بشمهندس

--------------------------
القصيدة روعة طبعا
انا سمعتها اول شيء من الشاعر فاروق جويدة
علي العاشرة مساءا

بجد احزنتني كثيرا والصور اللي فيها صور رائعة جدا

اختيارك موفق و احييك عليه

منور

تحياتي
واتمني تزورني مرة في مدونتي شوية كلام
:))

مهندس مصري يقول...

عروسة البحر
===========
أنا زرت مدونتك قبل ما تعلقي التعليق ده عندي بس ما لقيتش حاجة أقولها تعليقاً على موضوعك الأخير و لما حاولت أزوغ و أعلق على الموضوع اللي قبله لقيتك واعية و قافلة التعليقات فيه
:)
ان شاء الله أقدر أعلق في موضوعك الجاي لو لقيت إني حأضيف جديد
شكراً لزيارتك و منوراني دايماً :)

محمد الجرايحى يقول...

أخى الفاضل: مهندس مصرى
السلام عليكم ورحمة الله وبركاته
وأشكرلك حسن الاختيار
الشاعر / فاروق جويدة
شاعر سخر موهبته وقلمه لقضايا أمته
مضحياً بالكثير فهو من الذين صدقوا مع أنفسهم واختار الطريق الصعب

أخوك
محمد

النجم القادم يقول...

حبيب قلبى ياهندسة انته كده جبت جون انا كنت قلت للاخت انا مسلمة انها لو بالصور كما نشرت فى العاشرة مساءا يبقى افضل ولكن دائما رجالة دمنهور متقدمين ربنا يكرمك ياهندسة كده ونشوفك مهندس كبير مش قرفان هههههههههههه وربنا يكرمك وانا عاوز اشوفك ياعم ماينفعش كده بس ادعيلى هبدأ امتحانات يوم الاحد الساعة 4 واخلص يوم الاحد نفسه الساعة 6 متنساش تدعيلى

احمد الجيزاوى يقول...

انا كنت بضور على الفيديو دة على اليوتيوب علشان عوز اشوفه
اتريه عندك
تحياتى
احمد الجيزاوى

لماضة يقول...

يا عفريت
جبتها ازاى دى
طيب مش هتفرج عليها تانى
انا شوفتها مره وكنت يومها قاعده بقى متمسمره فى الكنبه وبشرب شاى بلبن ومستنيه على نار القصيده الجديده
والاقيه بيقول القصيده دى صراحه نكد عليا ونفسى اتسدت وشربت الشاى بلبن على بؤ واحد
بس عجبتنى القصيده الحقيقه

مهندس مصري يقول...

محمد الجرايحي
===========
و عليكم السلام و رحمة الله و بركاته
أتفق مع حضرتك في كل اللي قلته
و عفواً يا أستاذي دا بس من ذوقك

النجم القادم
=============
طيب مش تذاكر يا بني بدل القعدة على النت دي اللي حتجيبك ورا :)
ذاكر ربنا يكرمك و ينجحك يا أحمد يا بن حتتي

أحمد الجيزاوي
=============
انت بس تؤمر و احنا نجيب لك اليوتيوب كله لحد عندك
أخبارك مالية المدونات و عمال تشد المدونين كلهم على البورصة لما حتخلي الناس تقول انك مشارك فيها و بتجيب لها زباين
ههههههههه:)
ربنا يحرسك يا أحمد و يحفظك و يسدد على الحق خطاك دايماً

لماضة
=====
أي خدمة :)

lonely يقول...

القصيده اكثر من رائه
والواقع اكثر مراره
واشد قسوه

daktara يقول...

هاشوفها وبعدين اقولك رأيي
رغم ان عارف فاروق جويدة وواثق انه اكيد هيقلب المواجع
تحياتي

مهندس مصري يقول...

وحيدة
======
فعلاً

دكترة
=====
بالضبط
بس كل ده بتشوفها :)