الثلاثاء، يناير 29، 2008

تاج خالو أحمد الصباغ و ربنا يستر

التاج ده جاي لي من حبيبي في الله أحمد الصباغ و أنا رديت عليه في نفس يوم قرايته أهه و ما ركنتوش زيه
خصوصاً إن عروسة البحر مررته ليا تاني قلت ألحق قبل ما تكتر التمريرات و يخش فيا جون و لا حاجة
1هل توافق على حذف خانة الديانة من البطاقة الشخصية ؟
لا لأنها مهمة في بعض التعاملات الرسمية مثل الزواج و خلافه و لكن أرفض أن يتم التمييز بين الناس في المعاملة على أساسها بل يكون المعيار هو الأمانة و الكفاءة
2ما رأيك فى المثليين ؟
أنجاس أرجاس و حثالة قذرة
هل هى حرية شخصية ؟
لا
هل توافق على الإعتراف بالمثليين ؟
أوافق على الإعتراف بوجودهم كمشكلة تستوجب الحل لا كأفراد يطلبون المعاملة المتساوية مع الأسوياء و الإعتراف بقذاراتهم
و الحل معروف يتم عرضهم على الأطباء النفسيين و المريض يعالج و الصحيح عقلياً و مصر على الشذوذ يطبق عليه الحد الشرعي بالإعدام
خلي البلد تنضف هيا ناقصة
هل لديك أصدقاء من المثليين ؟
لأ و الحمد لله أستغفر الله العظيم دا أنا بأقرف منهم أصلاً
3هل تعتقد بوجود إضطهاد للمسيحين فى مصر ؟
أيوه بس الظلم من الدولة موجود على المسلمين و النصارى و الغني أو الواصل بيعيش مرتاح سواء كان مسلم أو نصراني إنما الغلابة مطحونين في الطرفين
بس فيه احتكاكات بين العامة و الجهلاء من الطرفين كنوع من تفريغ العنف المكبوت فيهم ضد الطرف الأضعف و ما قدروش على الحكومة فبيتشطروا على بعض
و ده سببه أصلاً الجهل بالدين فبالنسبة للمسلمين النصاري و الأقباط هم اللذين وصانا بهم رسول الله صلى الله عليه و سلم خيراً فلهم نسباً و ذمةً و صهراً
لهم ذمة رسول الله أن يعاملوا بالمعروف أحسن معاملة و لا يعتدى عليهم و لا يهانوا و لا يظلموا
كما أن دين النصارى حالياً يدعوهم للتسامح و المحبة حتى مع الاعداء فما بالكم بالجيران
و لا أنكر وجود تعنت من الحكومة في مسألة ترميم و بناء الكنائس التي تحتاج لقرار جمهوري و لا بد من تغيير هذا الوضع بقانون البناء الموحد لدور العبادة و الذي يربط مساحة دار العبادة بعدد السكان من هذه الديانة في المنطقة المحيطة بمكان بناؤه
أما الترميم فلا يجب أن يحتاج أي تصاريح
بس ما تنسوش إن الجوامع متراقبة من أمن الدولة و أغلبها بيتقفل بعد الصلاة مباشرة
يعني التضييق على الجانبين و ما تنسوش اعتقلات الإسلاميين و كتير منهم بيكون مظلوم و يتهم بالإرهاب ظلماً و يعذب تعذيب رهيب
4من هو الشخص الذى تختارة لرئاسة مصر ؟
خيرت الشاطر أو عصام العريان أو أيمن نور و عموماً الإنتخابات النزيهة بجد هيا اللي تحكم
5أذا قمت بتأسيس حزب سياسى .. من هم الأشخاص الذين ستقوم بضمهم فى الحزب ليشاركوك فى حكم مصر حال فوزك فى الإنتخابات ؟
أصحاب الكفاءات و المتميزين في كل المجالات عملاً بمبدأ إدي العيش لخبازه بس مش مسموح له يأكل أي حاجة منه غير مرتبه عايزين أهل الخبرة و الكفاءة يحكموا و نفضنا بقى من أهل الثقة و النفاق
هل توافق على مشاركة كل من : الإخوان المسلمين - الأقباط فى الحكم ؟
الإخوان المسلمين و الأقباط وكل اللي ينجح في الإنتخابات الحرة
و لو حد ليه رأي تاني خصوصاً لو رأي شرعي يا ريت يعرفني في تعليقه
6فى رأيك الشخصى .. ما هى أفضل مدونة على بلوجر قمت بزيارتها ؟
بلاش الإحراج ده بس بأحب كل اللي بأعلق عندهم بإنتظام و هما عارفين نفسهم
7 أيهما تفضل كزوجة .. إمراءه عاملة ، أم ربة منزل ؟
ربة منزل بس تكون متعلمة و مستواها الثقافي متناسب معايا
تكون متفرغة ليا و للأولاد بس لو مت أو بقيت عاجز و بدون معاش تقدر هيا ساعتها تشتغل و تصرف على البيت و الأولاد و ممكن ربنا يكرمها بواحد ابن حلال بعد موتي يتجوزها و يكفل العيال و يرحمها من قرف الشغل
8اذا تزوجت وأنجبت ولدين وبنتين .. أى الأسماء تحب أن تسمى ؟
ابراهيم و أحمد و منى و أسماء
9هل تعتقد أن توريث الحكم فى مصر . . سيتم فعلا أم لا ؟
مش عارف بس أتمنى لأ أتمنى الناس تفوق
10فى رأيك الشخصى : ماهو أفضل إنجاز لحكومة مبارك ؟
مش عارف الصراحة اللي يعرف ياريت يقول لي
وما هو أسوأ عمل قامت به ؟
تزوير الإنتخابات و السجود لأمريكا و إسرائيل و الفساد
ثم لمن تمرر هذا التاج ؟
التاج ده اختياري مش إجباري و عموما الصباغ ما سابش حد غير و مرره له
أمرره لكل اللي في المدونات اللي بأحبها اللي محطوطة في الجنب
و كل اللي يعلق و ليه نفس يأخده يشيل
:)

هناك 34 تعليقًا:

حل وسط يقول...

اول تعليق
يا سلام

اجاباتك جميلة وقريبة من اجاباتي

كل تاج وانت بخير

صاحب المضيفة يقول...

اجبات متحبشة يا عمنا

وردود جامده وواقعية

تسلم الأيادي يا جميل

دمت بخير

عصفور المدينة يقول...

طب انا حاجاوب التاج ازاي دلوقت أنقله منك يعني


قرأت في مدونة اليوم صباحا نبأ وفاة خالك منذ أسبوع والبقاء لله اعذرني كنت مشغول ولم أتابع

مهندس مصري يقول...

حل وسط
=========
توافق آراء برضه زي عروسة البحر
:)
أنا لاحظت ده برضه و أنا بأعلق عندك
شكراً يا خطافة التاجات :)

صاحب المضيفة
============
شكراً يا باشا دا بس من ذوقك

عصفور المدينة
==============
أي تاج عندك بيبقى ليه طعم تاني و بنتعلم منه و الله
قول اللي يجيي في دماغك بدون ترتيب و بشكل تلقائي و حيطلع ممتاز ان شاء الله

و شكر الله سعيك كان الله في العون

عابد الرحمن يقول...

هو مين احمد الصباغ ده .. بجد بسأل مش بستنكر
اصلي لسه جديد ولحظت في مدونات كتير لقيت تاج خالو احمد الصباغ
بس لما دخلت لقيته لسه شاب صغير مش راجل كبير يتقاله يا خالوا
يا ريت يا هندسة تنور اخوك اصل العلم نور

أنونيمس يقول...

أولاً
أنا آسف يا باشا معرفتش غير دلوقتي أن خاللك توفى
البقاء لله

التاج بقى

اجابات موزونة
بس شخصياتن الرئيس دي ... مش عارف مستمختش منها كده

وعاوزها تقعد في البيت
كده يابني هاتبقى فاضية وهاطلع عنيك
خللي بالك مش هايبقى قدامها غيرك
:))

فرنسا هانم يقول...

اجابات جامد يا هندسه
وخصوصا حكايه الاقباط والمسلمين
فعلا الاتنين مطحونين
والغنى والواصل
فوق الكل
دلوقتى انا حاسه ان مفيش اضطهاد دينى
فى اضطهاد مادى

مهندس مصري يقول...

عابد الرحمن
=============
بص يا سيدي
أحمد الصباغ ده شاب 28 سنة بس انسان جميل جداً و أخلاقه عالية و صاحب صاحبه و يسد في اي موقف و هو مسمي مدونته خالو أحمد الصباغ
علشان ولاد إخواته اللي مسميهم المخاليل لأنهم هما اللي خللوه ( خلوه خال يعني ) و لو قلبت كويس في مدونته حتعرف عنه كتير قوي
ثم هوا بيزور مدونات كتير جداً و حبايبه ما يتعدوش في الوسط التدويني فما تستغربش لما تلاقي التاج بتاعه بيستمر و ينتشر و يتوغل و يكتسح و يستمر و يستمر و يستمر
:)

أنونيمس
==========
شكر الله سعيك يا دكترة

لو مش عاجبك يا عم جاوب انت التاج و حط اللي انت عايزه أنا ما رضيتش أتقل عليك بالتاج ده و خليته إختياري علشان ما تزهقش مني
:)
ثم مفيش احسن من قعدة البيت للست اللي حأحبها و عايز أريحها و أسعدها

مهندس مصري يقول...

فرنسا هانم
==========
يا دي النور يا دي النور
انت علقتي و انا بأرد على التعليقات

بالضبط يا ست الكل
فيه دلوقت اضهاد مادي
الغني بيطحن الفقير و يأكل لحمته المفرومة و لا بيهمه
مش كلهم بس معظهم و خصوصاً فاحشي الثراء منهم اللي كونوا ثرواتهم عن طريق استغلال الفساد في الدولة و الإحتكار لسلع مهمة

اسلام رفاعى يقول...

اجابا ت حضرتك رائعة
سعيد بزيارة مدونتك
اتمنى ان تشرفن ىفى مدونت

ابن حـجـر الـعـسـقـلانـى يقول...

بص .. أنا مش هاطول فى التعليق .. لأن بصراحة إجاباتك حول الأسئلة اللى بتدور حول الأقباط عجبتنى جدا

الله ينور عليك

الفاتح الجعفري يقول...

البشمهندس الكبير
يعني انت هنا تجاوب تاج احمد الصباغ وانا جاوبت التاج بتاعك ومجتش برده
بس ماشاء الله يابشمهندس اجابات من الاخر
ربنا يبارك فيك
يعني اجابات مهندس فعلا
جزاكم الله كل خير

mermaid يقول...

محمد قنديل
ايه الجابات الجامدة دي؟؟
انت كدة هتنافسني في اجاباتي و تفوقت علية كمان
ماشاء الله عليك
بس انا شايفة ان كل اللي علي الساحة حاليا حرامية
ده رايي الشخصي
تحياتي ليك
وانت مغشتش مني ولا حاجة
اجاباتك تحفة يا محمد

لماضة يقول...

ده الصباغ بينتقم مننا مش بيمررلنا تاج
هههههه
اجابات حلوه وعاقله يا هندسه
بالنسبه ليوم الجمعه انا اخدت الموافقه الحمد لله
ادعى بس الجو يطلع حلو
وميحصلش حاجه كده ولا كده وبابا يرجع فى كلامه
ان شاءالله جايه وياريت لو حد يبعتلى نمرته على الفيس بوك انت او الصباغ او اى حد من الجماعه اكيد رايح لانى معرفش حد خالص ولا حتى ايميل
وخايفه اروح معرفش اوصلكوا

EmY يقول...

ايه يا عم الهندسه داخل امي كده ليه
التاج جميل اوي فعلا و انا و كوكا هانجاوبه قريب
اجابات جميله بس ايه يا عم العنف ده

ماتيجي معرض الكتاب يوم الجمعه اجازه و مالكش حجه

Ahmed Al-Sabbagh يقول...

صديقى العزيز المهندس المصرى محمد

أولا أشكرك بشدة على اهتمامك بالتاج وطبعا مش محتاج ان اقولك ان اجاباتك جميلة جدا جدا وانك صاحب فكر وذو رؤية وكمان واضح اننا متفقين فى حاجات كتير اوى

ثانيا انت ضحكتنى اوى وانت بتعرفنى لعابد الرحمن ههههههه وربنا يخليك على الكلام الحلو العسل بتاعك
وانا هكبس على نفس عابد الرحمن فى مدونتة واخليه يكرهنى قصدى يعرفنى :)

ثاليثا بقى احنا هنروح المعرض يوم الجمعة .. وانا مش بدعوك انا انا بقولك هتيجى بالإكراه .. انا طبعا هتصل بيك بس انا بقول هنا عشان كمان لماضة تعرف لانها كانت عايزة تعرف الميعاد

واحنا منتظرينك

كمان ان شاء الله يوم عشرة مارس هعمل حفلة صغنونة نناقش فيها الاجابات ونحللها سوا

تقبل تحياتى

أخوك أحمد الصباغ

عاشقه الفردوس يقول...

بجد بجد
مش هعرف اجاوب خلاص
نطلع منها بقي

ربنا يباركلك والله كل اجابات حضرتك تستحق الشكر عليها
خلاص انتخب نفسك واحنا وراك

موجة يقول...

باشمهندس
دي اول زارة ليك
بس مش حتكون الاخيرة
انا لاني حليت التاج ده
بالف على كل اللي الصباغ باتلعهم دعوة علشان اعرف تنوع الاراء مع آراءي في المجال ده
احنا متفقين في اراء كتير الا ان المسيحين يتعاملوا زي المسلمين في موضوع بناء دور العبادة
حبيبي دا انتا لو فتحتلهم الباب مش حتلاقي شارع ما هوش كنيسة
هما معاهم فلوس مش زينا اضافة لانهم مخلصين لدنهم اللي معتقدين فيه برضه مش زينا دلوقتي

خالص تحياتي
احمد

بت خيخة وأى كلام يقول...

اجاباتك جامدة اوى يا محمد
بتدل على انسان صريح ومن النوع اللى بيقول للأعور انت أعور فى عينه من غير لف ودوران
برافو عليك احييك على شجاعتك
اختك خيخة

مهندس مصري يقول...

اسلام الرفاعي
=============
في أقرب فرصة
ان شاء الله
شكراً

ابن حجر العسقلاني
=================
و ينور عليك يا باشا :)

الفاتح الجعفري
=============
الله يخليك و علقت عندك بس بص انت كويس

عروسة البحر
============
شكراً بس بلاش نعمم على كل السياسيين و الموضوع ده عايز كلام كتير
لا تحفة و لا حاجة دا بس من ذوقك

مهندس مصري يقول...

لماضة
======
أظن كده تمام و نتقابل في المعرض ان شاء الله

ايمي
====
أنا حامي و عنيف مع اللي يستاهل
و جاي ان شاء الله

أحمد الصباغ
===========
الله يخليك و جاي ان شاء الله

عاشقة الفردوس
===============
لا يا ستي أنا ناخب مش مرشح
و جاوبي على التاج باللي في دماغك بكل صدق و ما تحسيبلهاش كتير
و ان شاء الله خير :)

موجه
=====
نورتني و يارب دايماً
بس العدل لا يتجزأ و لايفرق بين الأديان و أنا بأقول المساحة تتناسب مع كثافتهم السكانية في مناطقهم
مش تبقى فين نجوع نصرانية بالكامل و مش مسموح لهم ببناء كنيسة خصوصاً في الصعيد
لكن ما يجوش يعملوا كاتدرائية في وسط حي كله مسلمين
و هو ده اللي حينظمه القانون
:)

بت خيخة و أي كلام
=================
طول عمري معروف عني اني بأحدف دبش
بس ما بأحبش أشوف غلط و أوافق عليه
لازم أعترض
و الشجاعة دي بعض ما عندكم
دا انتي بتكتبي موضوعات جريئة محتاجة شجاعة جامدة

مهندس مصري يقول...

توضيح لموجه
===========
يكون لهم حق بناء دور عبادتهم بحرية دون أن يتحرشوا بالمسلمين و يستفزوهم

لكن مجرد بناء كنيسة ليس مشكلة كبرى في حد ذاتها لتحتاج الى إذن و قرار جمهوري

النجم القادم يقول...

السلام عليكم
البشمهندس الكبير
ايه الغيبة الكبيرة دى
ربنا يجعلها اخر الاحزان اللهم امين
ايه ياعمنا الواحد لسه ملحقش يجاوب على تاج الحصانة تقوم تلبسه فى تاج خالوووو احمد الصباغ مش كفايه هو علينا
اجابات جميلة وحلوة اختياراتك للرئاسة
وتحياتى ليك ياباشا

احمد الجيزاوى يقول...

احمد الصباغ دة فعلا شقى جدا
بيعمل تجات ........
بس عجبتى فعلا فى الرد على سول خانه الديانه
فعلا محتجنه فى المعملت مثل الزاج الله يفتح عليك
وكل تاج وانت طيب وبشفه

موضوع تانى انا زعلا فعلا انى مقدرتش
اجى النهاردة اشوفك فى معرض الكتاب بس حاول انى اشوفك قريبنا ان شاء الله
اخوك
احمد الجيزاوى

مهندس مصري يقول...

النجم القادم
=============
نورت يا بني
التاج ده اختياري يعني براحتك

أحمد الجيزاوي
==============
ليه هو انت ما إنضربتش في المظاهرة يوميها
:)
كنت تعال و احنا نجبسك
:)
الله يخليك ياأحمد
الجايات أكتر ان شاء الله

بحبك يامصر يقول...

اجابات واحد بيحب بلده بجد ربنا يكتر من امثالكعشان البلد تكون افضل

جمعاوى روش طحن يقول...

أحمد و منى

ماشى يا عمنا

عقبال ما تلاقى أم منى

Desert cat يقول...

واضح من الاجابات ان السياسة واخد حيز جامد اوى من تفكيرك
بعد الاجابات دى مصر لسه بخير بس بعيدا عن الشاطر واخوانه

مهندس مصري يقول...

بحبك يا مصر
===========
شكراً
:)
ثم انت كمان بتحبها

جمعاوي روش طحن
==============
طب و ما تقولش ليه أم أحمد
:)

قطة الصحراء
============
ما هو علشان كده قلت اللي ينجح في الإنتخابات النزيهة هو اللي يحكم
لا بمزاجي و لا بمزاجك و لكن بإختيار أغلبية الشعب الحقيقية و ليس المزيفة
و الإختلاف في الرأي لا يفسد للود قضية
:)

صانعة الحرية يقول...

السلام عليكم
ما شاء الله الاجابات رائعه يا فندم
وخصوصا بتاع الاقباط
بجد الغلبان مطحون
بس على فكره انا حاسه الحكايه حكاية نفوذ اكتر منها ماديات
صدقنى فى ناس متوسطه ماديا لانها شريفه زى ما بيقولوا ومش بتقبل الرشاوى والحرام ولكن لديهم سلطه ونفوذ
فبيعيشوا بشوات برضه
وخير دليل انتظر نتايج المجالس المحليه
النتايج اعلنت من قبل الانتخابات
والله بصدق
والكل من اعضاء حزن وثنى
و قول على الدنيا السلامه

معذرة على تقصيرى فى التعليقات

ض/خالد يقول...

والله..وبدون مجاملات..

لو جالي تاج...
تقريبا هتبقى دي اجاباتي

مهندس مصري يقول...

صانعة الحرية
============
و عليكم السلام و رحمة الله و بركاته
عذرك معاكي يا أختي
أعانكي الله على مشاغلك
:)

ض/خالد
=======
القلوب عند بعضها يا سيدي
:)

خادمة الاسلام يقول...

السلام عليكم
مدونة محترمه
سعيده بزيارتها

مهندس مصري يقول...

خادمة الإسلام
===========
و أنا أسعد
:)