الخميس، فبراير 28، 2008

حبس أ /محمد سويدان مسؤول المكتب الاداري لإخوان البحيرة والحاج صبحي الطحان وأ /عصام الغرباوي 15 يوماعلى خلفية المحليات

نقلاً عن موقع إخوان البحيرة

كتب- خالد محمد 2008-02-28
قرَّرت نيابة دمنهور في ساعة متأخره من مساء أمس حبس أ / محمد سويدان مسؤول المكتب الاداري لإخوان البحيرة والحاج صبحي الطحان وأ /عصام الغرباوي 15 يومًا على ذمة التحقيقات.
وكرَّرت النيابة نفس التهم التي توجَّه للإخوان، وهي: الانتماء لجماعة محظورة تعمل على تعطيل الدستور والقانون وتمنع مؤسسات الدولة من القيام بأعمالها، وحيازة كتب ومنشورات تحتوي على فكر هذه الجماعة والاستعداد بتوزيعها.
كانت قوات أمن الدولة قد اعتقلت أ /محمد سويدان مسؤول المكتب الاداري لإخوان البحيرة والحاج صبحي الطحان وأ /عصام الغرباوي من منزلهم فجر يوم الأربعاء 27/2/2008م، ضمن حملة مداهمات طالت العشرات من قيادات الجماعة في تسع محافظات..
يذكر انه قد تمَّ اعتقال أكثر من 300 على خلفية انتخابات المحليات بمحافظات مختلفة.
حسبنا الله ونعم الوكيل
يعني مفيش قضية أصلاً و كل التهم دي بترسى على مفيش و كل من يتم القبض عليه بهذه التهم غالباً ما يتم تجديد الحبس له كل 15 يوم حتى تنتهي أقصى مدة لتجديد الحبس و هي 6 شهور و بعدها تضطر النيابة لعرضهم على المحكمة التي تحكم بالبراءة من أول جلسة
يعني مجرد رذالة من الأمن
مسلسل هزلي مقيت و بغيض أن يتم حجز الشرفاء خلف القضبان بدون تهم فعلية بينما الفاسدون يتحركون بمطلق حريتهم ليخربوا البلاد و العباد
حسبنا الله ونعم الوكيل

هناك 26 تعليقًا:

همس الاحباب يقول...

اول تعليق اخيرا
مش ممكن
عامة حسبنا الله ونعم الوكيل

همس الاحباب يقول...

ده المتبع فى كل انتخابات فى البلد وفى كل المحافظات .تحياتى

آفاق الحرية يقول...

اللهم فك اسرانا واسري المسلمين

Nigro يقول...

انا مش هزود على كلامك حاجة
حسبنا الله و نعم الوكيل
اللهم فارج الهم كاشف الغم الطف بنا لطفاً يليق بقدرك و عظمتك يا أرحم الراحمين

مستــ ج ــــدة يقول...

حسبنا الله ونعم الوكيل
لنا ولهم الله

عاشقه الفردوس يقول...

حسبنا الله ونعم الوكيل
:((

مهندس مصري يقول...

همس الأحباب
==========
شكراً على اول تعليق و للأسف هو ده المتبع في الإنتخابات

آفاق الحرية
===========
آميين

نيجرو
========
آميييييين

مستجدة
=======
يارب

عاشقة الفردوس
==============
ادعي لهم يا أختي

شكرأ لتعليقاتكم جميعاً و ارجو منكم الدعاء لهم

النجم القادم يقول...

حبيبى بشمهندس محمد يلا حسبنا الله ونعم الوكيل
بس هم اخدوا 15 يوم وتم ترحيلهم الى سجن الغربينيات فى برج العرب
هناك هم بيلموا كل الا اتمسك فى الاستعداد لإنتخابات المحليات
بس عاوزك بقى تنزل الصور الا بعتهالك على الميل
وانتظر قريباً عندى حوار مع البشمهندس اسامة نجل الحاج محمد ليروى لنا لحظات اعتقال الحاج واقتحام المنزل باكثر من 9 ضباط امن دولة التفاصيل بقى فى الحوار

بحبك يامصر يقول...

استاذنا الباشمهندس
الاعتقالات دى خلاص شعبنا اتعود عليها عند كل انتخابات
وده لينك واحد من الاخوان والده اعتقل فى الاعتقالات الاخيره وهو يحكى لحظات مداهمة الامن لمنزلهم واعتقال والده
http://edrab.blogspot.com/
حسبى الله ونعم الوكيل

مريووووم العقل كلة يقول...

السلام عليكم
يمكن اول مرة ازور مدونتك
بس بجد حلوة اوى
وبالنسبة للبوست اقول حسبى الله ونعم الوكيل
بس اكييد ربنا واقف معاهم وحيقدرلهم الخييييييييييير

سلالالالالالالالام مؤقت

EmY يقول...

انت اخوان ولا ايه
علي العموم انا مقتنعه ان المطبخ بين الاخوان و الحكومه شغال زي الفل

مستنيه رأيك في البوست الجديد

تحياتي

مهندس مصري يقول...

النجم القادم
==============
انت ما بعتش صور ؟
و منتظر حوارك على أحر من الجمر

بحبك يا مصر
============
للأسف انه اتعود عليها مع انها جريمة ضخمة ضد حقوق الإنسان و ضد الدستور و القانون الطبيعي

مريووووم العقل كله
===================
شرفتيني في أول زيارة و يارب منوارني دايماً في بوستات أحسن من كده

ايمان
======
لا أنا مش إخوان بس الراجل اللي اعتقلوه ده ( أ / محمد سويدان ) راجل محترم جداً و بأعتبره زي أبويا و عزيز عليا جداً جداً

و ما أعتقدش ان فيه مطبخ و الا ما كانوش اعتقلوا الأعداد الكتيرة دي بما فيهم ناس من اعلى القيادات في الجماعة

و حأشوف البوست الجديد حالاً

د/اجدع بنوته يقول...

حسبنا الله ونعم الوكيلللللللل

عبدالرحمن فارس يقول...

يعني هي عادتهم ولا هيشتروها هي دي الشرطه المصريه وهو دا أمن الدوله ومتستبعدش بعد كده لو استدعى الأمر يدخلوا الجيش

لكن البنت الي ماتت على الحدود محدش يدخل ولا حتى قدر يفتح بؤه بكلمه

احنا كمان مسؤل المكتب الاداري عندنا في الفيوم الدكتور أحمد عبدالرحمن محبوس بس حبسوه قبل الهنا بسنه بقاله 3 أشهر دلوقتي

والفيوم عندنا بقت معتقل صغير مفيش حد فيها ممرش على المعتقلات

دا غير الي محبوسين دلوقتي عشان الانتخابات مايلغوها وخلاص وبلاش وجع قلب ويريحو الصيف من الشتا

حسبي الله ونعم الوكيل فيك يا حسني انت والعادلي

ربنا يفك أسر الجميع

النجم القادم يقول...

السلام عليكم
بعد اذنك يابشمهندس محمد
الاخت الفاضلة ايمان مطبخ ايه الا حضرتك بتتكلمى عليه
اظن ان اخويا الكبير بشمهندس محمد اتكلك بما فيه الكفاية
ولكن تعالى نتكلم مطبخ ايه ياستاذة حضرتك الا ميشوفش من الغربال يبقى اعمى لو مطبخ معمول بين الاخوان والحكومة كما تعتقدين كانوا نجحوا حد للاخوان فى الشورى ومكنوش قفلوا اللجان وزوروا الانتخابات ومكنوش بدأوا من قبل المحليات بشهرين يلموا الناس ويحطوهم فى المعتقلات يبقى مطبخ ايه بقى لو بنطبخها نعهم معتقدش ان فيه حد يمكن ان يضحى بحريته فى سبيل طبخة بلين احد ولما الكبار هو الا يتمسكوا تبقى طبخه ازاى يعنى والحدق يفهم بقى كده يعنى خلاص اتخنقنا من الصحف بتاعت امن الدولة دى وكلام الانشاء ده جزاكى الله خيرا وانا متأسف تانى مرة بشمهندسنا الغالى والحوار خلاص ياريس تم بحمد اللهع بنظبطه بس

صاحب المضيفة يقول...

حسبنا الله ونعم الوكيل


لا تعليق

مهندس مصري يقول...

د / أجدع بنوتة
===============
حقاً هو مولانا و نعم النصير

عبد الرحمن فارس
================
ربنا يكون في عوننا جميعاً و يفك أسرهم كلهم

النجم القادم
==============
ما كانش ليه لازمة الرد الطويل ده قالت رأيها ببساطة و أنا رديت ببساطة
هدي أخلاقك شوية
:)

صاحب المضيفة
==============
شكراً لمرورك

الفاتح الجعفري يقول...

حبيب قلبي
انت عامل
ايه ربنا يبارك فيك ويعزكحسبناالله ونعم الوكيل هنقول ايه هذا والله يااخي اخلاقهم وطبعهم مش هيشتروا وليس الظلم غريبا عليهم
احسن حاجه فيك يامحمد انا اشعر ان عندك بصيرة فتري الحق اينما كان وعمرك ماكان عندك تضارب او تناقض في رائك
ربنا يحفظك ويبارك فيك
وجزاكم الله كل خير

مهندس مصري يقول...

الفاتح الجعفري
================
مش قوي كده
بصيرة الواحد على قد ما يعرف بيحاول انه يشوف الصح و يعمله
أما بالنسبة للتضارب أنا دايماً بأسمع الرأي الآخر و أراجع نفسي و لو اقتنعت بخطأي بأعترف بيه و لا أكابر
علشان كده صعب تلاقي تضارب عندي مع المراجعة المستمرة
:)
و هنتقابل الخميس الجاي ان شاء الله
:)

سكــر يقول...

حسبنا الله ونعم الوكيل

انا هقلك انه فى مره من المرات

وايام الانتخابات

لما اخدونا اخوانا ايااهم

كل الاماكن كانت مليانه معتقلين

تخيل ودونا فين ؟؟؟

ودنا مدرسه ابتدائى

وعملوها ثكنه عسكريه

وفضلنا فيها

لغاية ماخلصت الانتخابات

حسبنا الله ونعم الوكيل

تحياتى لك اخى الفاضل

اخيك احمد سكر

مهندس مصري يقول...

سكر
=====
نورتني في أول زيارة
و جديدة حكاية المدرسة الإبتدائي دي
ربنا ينصرنا على الظالمين

أحمد محمود ميلاد يقول...

شيئ مقزز.... رغم أختلافي فكريا مع جماعة الأخوان المسلميين الا أنهم بلا مزايده وطنيون مخلصون يرون صلاح الوطن في نهج فكري ما و لأن النظام مذعور و خائف على الكرسي و الوريث فأنه يقمع كل من يتقدم الصفوف...لا تهنوا و لا تحزنوا و طالما تعتقدون أنكم على حق فلن يزيدكم بطش الطاغيه ألا تمسكا...كل السلامه للخلوق أ/ محمد سويدان الذي شُرفت بلقائه في غير ذات مره و للأخوانهو نتمنى لهم الحرلايه ليعودوا معنا من كل الأطياف و الألوان السياسه و الفكريه نبتغي أمرا واحدا ألا و هو حريه مصر

قبلة الحياة يقول...

شيء مؤلم اننا نلاقي الشرفاء والانقياء موجودين خلف القضبان وكل جريمتهم انهم يقولون لا اله الا الله محمد رسول الله .. واناس اقل ما يقال عنهم فاسقون ولا يعرفون للشرف طريق لم يذوقوا حلالا ابدا

يعربدون في آمان وطمأنينة وبحريه مطلقة

اختلفت المعايير وتبدلت القيم كيف سنواجه اطفالنا لو جاءوا يوماً وبأعينهم مليون سؤال وسؤال .. كيف ؟!! .. ومفهومهم ان السجين دايما على خطأ وهو الجانب الشر والحر الطليق هو الصالح وهو الخير .. كيف سنرد على اسئلتهم !!!

الجمعاوي الاصيل يقول...

حسبنا الله ونعم الوكيبل

Mo3Az يقول...

حسبنا الله ونعم الوكيل
نسأل الله السلامة
جزاك الله خير

مهندس مصري يقول...

أحمد محمود ميلاد
================
الله يسلمك يا أستاذ أحمد
و يارب نشوف الحرية في مصر قريباً

قبلة الحياة
============
سنقول لهم هذه هي الديكتاتورية

الجمعاوي الأصيل
===============
معاذ
=====
شكراً لتعليقكما و دعواتكم ليه يا إخوتي