الأربعاء، مارس 05، 2008

إشهدوا يا مدونين الإختلاف في الرأي لا يفسد للود قضية

فوجئت للأسف ان بعض الناس بتردد مقولة الإختلاف في الرأي لا يفسد للود قضية و ما بيعملوش بيها
في التدوينة اللي فاتت كنت باتكلم عن شخص بأحبه و عزيز عليا جداً أعتقل ظلماً و فوجئت بتعليقات متجنية من قطة الصحراء على الإخوان المسلمين
فلما رديت عليها و فندت حججها لجأت فجأة للتجريح الشخصي و الإتهامات الباطلة بدل ما ترد بالمنطق و بالأدلة على ردي عليها
يعني غطت ضعف حجتها بالغلط فيا
طب ليه ؟
أنا ما غلطتش فيها و ما أجبرتهاش تقتنع بحاجة حتى و لو كانت الحاجة دي صح
طب تغلط فيا ليه ؟
و أنا اللي أعرفها على البلوجر من زمان و بأتعامل معاها كأخت ليا و كل اللي متابعين مدونتي أكيد يعرفوا كده
كل ده علشان الإختلاف في الرأي
نخسر إحترامنا لبعض و صداقة طويلة على النت علشان مجرد إختلافنا في الرأي

أنا إفتكرت تدوينة أستاذي عصفور المدينة عن الحوار و عملت بيها من يوم ما قريتها

و زعلت منها و أنا ما كنتش مستني منها كده

الله يسامحها و يهديها
و عموماً شوفوا تعليقات التدوينة اللي فاتت و قولوا لي مين فينا الغلطان

هناك 56 تعليقًا:

د/اجدع بنوته يقول...

هروح اشوف لسه

بس يعنى يمكن قطتنا بتتكلم بعشم يامهندسنا

معلش اختك برده

ويمكن كانت تحت ضغط لاى مشكله

او مخنوقه م حاجه

فاسلوبها خانها

هروح اقرى التعلقات حالا

بس ف الاول وف الاخر حصل خير

واحنا كلنا اخواتك ولا ايه

يعنى انا يوم مااجى مثلا

العب ف باب مدونتك

فالترباس يبوظ

هتشردنى قدام المدونين وتقلى ياتمنه

يااقول لاابوكى

اهىء اهىء

MerMaid يقول...

انا هاروح اقرا التعليقات هناك واجي اقولك ايه رايي

تحياتي مؤقتا

د/اجدع بنوته يقول...

اااه

الصراحه ..

انا اعيب ع قطتنا

كزا حاجه

اولا

ان الاخوان كلهم بتوع جلاجلا وشغل حلمبوحا

لا .. مش معنى انى هطلع الاتوبيس الاقى واحد مربى دقنه وبيتحرش يبقى كل اللى مربين دقنهم بيتستروا وراها

مش معنى ان هلاقى سيده محجبه وبسترق

ان كل المسلمات حرميه

الدين م الناس دى براء

كذلك الحجاب والاسدال مما يفعلونه متخذينه ستار برااء

مدونين على صوتهم باسم حب الوطن واتشهروا جدا تيجى تقولهم تعالوا ننزل نعمل حاجه للوطن

يقولك معطلكش اذن حب الوطن منهم براء

ميمنعش ان ف كل حته ناس وصوليه

ناس تتخذ م ثوابت ستار وقناعات لتصل لاهداف اخرى

يعنى بصراحه الاخوان فيهم ناس محترمه جدا

وتفكيرهم حلو جدا وهمهم ف الاول وف الاخر

مصلحة البلد ومصلحة الاسلام

وف منهم اللى ليه اهداف اخرى منكرش يعنى

بس كل واحد بقى ونيته

بس انى اجى الصق بمجموعه صفه بسبب افراد قليله فيها

فسورى مينفعش

.................

مهما حصل ياقطه مكنش يلزم انك تقولى مليش الشرف انى ادخل مدونه زى دى

كان ممكن لو مش عاجبك الافكار اللى بيعرضها مهندسنا

او اختلفتى معاه تنسحبى بهدوء

محدش هيجى يشدك م ايدك يدخلك هنا بالعافيه

علشان كده حبيتى تعلنيها عاليه للجميع

انك وعهد الله لو الفارس ابو رجل حديد جه جيبك

فانك ملكيش الشرف .. يعنى ميتعبش نفسه ويجى

بقية افكارها اللى عرضتها

هى حره فيها ..

افكارك انت اللى عرضتها

كذلك ليك الحريه التامه فيها

والمفروض المبدا الصح

ان فشلت ف اقناعك .. وفشلت انت ف اقناعى

يبقى الوضع ع ماهو عليه .. ويبقى كلا منا مقتنع برايه

تحياتى ليك

وكلامى ده هنقله بالمسطره لقطتنا

علشان ميحتملش شبهة النميمه

تحياتى ليك وليها

عاشقه الفردوس يقول...
أزال المؤلف هذا التعليق.
عصفور المدينة يقول...

الحمد لله وصلى الله وسلم وبارك على عبده ورسوله محمد وعلى آله صحبه أجمعين

وبذكر الله والصلاة على رسوله يطيب الكلام وتزكو النفوس ويهنأ عيش الدنيا والآخرة

وبذكر الله يرى الإنسان جنة الله في أرضه ويهون عليه ما يلقى فما عند الله خير وأبقى

أخي الحبيب الغالي محمد أسأل الله سبحانه أن يزيدك عزا ويرفع درجتك ويثبت جنانك ولسانك ويختم لنا ولك بخاتمة السعادة ويرزقنا الحسنى وزيادة

هل أنا أعلق على تدوينة أخرى ..لا بل على هذه

============
أيها الإخوان المسلمون أحبكم في الله ويحبكم البسطاء والمرضى والعجائز في البيوت والعرائس المعوزون

أحب إسلامي وأحب من يعمل له

حسبكم رب قوي عزيز ناصر جنده وناصر من عمل لدينه وما كان لله بقي
======
محمد أتت تدوينتك هذه في وقت أرتب فيه أوراقي لأنسحب لفترة من عالم التدوين فرأيت كيف أنك تأثرت بكلماتي البسيطة عن الحوار فالله المستعان

وأنت أهل لكل خير أصلا وسليل الطيبين أهل الصلاح رفع الله قدرك وجعلك خير خلف لخير سلف

دمت طيبا عاقلا

=========
اللهم انصر عبادك العاملين لدينك الرافعين لواءك الساجدين لعظمتك الصابرين على الأذى والسجن في سبيلك وفرج كربهم وفك أسرهم وارفع ذكرهم واشرح صدورهم وامكر لهم وأحبط مكر أعدائهم

آخر العنقود يقول...

انا قريت التعليقات وبصراحة انا مش عارفة اصلا الاخت قطة الصحراء

اللى واضح من التعليقات بيؤكد فكرة التعميم اللى دكتور حر كان لسه بيتكلم عنها
هيا ممكن تكون فعلا مضايقة من شخص معين مثلا والله اعلم طبعا فعشان كده عممت
وده واضح من رئيس دايرتهم

بصراحة بنتحفظ فعلا على بعض الالفاظ اللى ذكرتها
بس ارجع واقولك ياباشمهندس زى ماانت رديت عليها فى تعليقها على كلمة طظ اللى قالها الاستاذ مهدى عاكف وقولت انها لحظة نرفزة منه
اقولك بقى خد كلامها ده انه وقت نرفزة والله اعلم بالظروف
وصلوا ع النبى كده وروقوا ياجماعة
ولا تضايق نفسك ياباشمهندس بجد
انت كنت بتعبر عن اسفك لاعتقال احد احبابك وده لا يدينك فى اى شئ
ربنا يهدينا يااااااااارب
اللهم ارنا الحق حقا وارزقنا اتباعه
وارنا الباطل باطل وارزقنا اجتنابه
آآآآآآآآآمين

تحياتى ليك ياباشمهندس
وفى كلامة خيخة على طول بتقولها
بس انا مش هقولها
روح عندها وانت تقراها
:))
واكيد هتعرفها
المسامح كريم

عاشقه الفردوس يقول...

ايه ده مهندسنا متضايق من ايه

ولاتزعل ياباشمهندس الغلطان فيكو نجيبله عصير ليمون واللي مش غلطان يدفع الحساب
:))

هقرا التعليقات وراجعه


ده تعليقي الاولاني
معلش بقي

محمود المصرى يقول...

بسم الله الرحمن الرحيم

هو انا بصراحة لا اعرف المدونة ديزرت كات لكن قرأت التعليقات , وللأسف قرأتها وانا لسة متعشى وكمان اكلت بسكوت بعد العشا بمعدتى تقلت فلما قرأت الكلام حسيت بقرحة ربنا يستر نشترى انتوبرال وامرنا لله .
بص يا باشمهندس الرسول قال ( انا زعيم بيت فى ربض الجنة لمن ترك المراءوان كان محقا ) فأنت كبر دماغك واحسن رد السلام .
لكن انا عاوز اعرف حاجة هى الاستاذة متضايقة ليه من ان الاخوان مليونيرات ؟ طيب ما سيدنا عثمان بن عفان كان مليونير او ملياردير وكانت قافلة تجارته تتكون من اربعة الاف جمل , وسيدنا عبد الرحمن بن عوف كان يعيل كل اهل المدينة وسيدنا ابو بكر كذلك ومصعب بن الزبير تزوج سكينة بنت الحسين وامهرها الف الف درهم واهدى لأخيها اربعين الف دينار , هى الناس دى كانت وحشة فى نظرها علشان بقوا اغنياء ولا ايه؟ ربنا مش هايحاسب الانسان على رصيده فى ذاته ربنا هايحاسب الانسان على مصدر المال ووجه الانفاق , لو هى شايفة انهم اخدوا قروض من البنوك تجيب الدليل لو شايفة انهم خنصروا من ميزانية الدولة تجيب الدليل لو هى شايفة انهم بيتاجروا فى المخدرات برضه تقول بالدليل ولو شايفة انهم بيصرفوا الفلوس على موائد القمار فى مونتى كارلو ولاس فيجاس تجيب الدليل غير كده مالهاش تطعن فيهم انهم اغنياء , حاجة غريبة .
وبعدين هى بتتكلم عن احمد الخازندار , كان احمد رائف اتكلم عنه وقدم الادلة على عمالته للانجليز وحقارته , مش عارف هى زعلانة عليه ليه؟
بس احسن حتة فى كلامها لما قالت عقبال الباقى لما يعتقلوهم ونرتاح منهم , بصراحة حتة سيما .
اما بالنسبة للأستاذة آبى فأنا احترم اسلوبها وان اختلفت معها فى افكارها .

عابد الرحمن يقول...

ابوس راسك بلاش اتكلم عن الاخوان تاني
لأني المرادي هعتزل بجد هههههههه
عايز رأيي ... أقرى مقال انت اخواني ولا مبتحبهمشي في مدونتي
على فكرة
أنى أحبك في الله

عاشقه الفردوس يقول...

اما بقي ردي هنا

بجد بجد
اهدوا شويه


قطه الصحراء صلي علي النبي كده وروقي


ممكن يكون ليكي وجه نظر عن الاخوان من شخصيه واحده ومعلش احنا كلنا مش واصين علي حد ولا نقدر نتكلم في تصرفات افعال حد


ولو عندك دليل قوليه وبههدوء معندناش يبقي بلاش

وربنا يهدينا للصح

وياستي ولا تزعلي هنشربك ليمونوالباشمهندس هيدفع الحساب

:))


باشمهندس صلي علي النبي ومعلش لازم نعرف ان فيه ناس بتبني اراءها علي الاعلام والاخبار اللي بتتبث من الاعلام جايز حاجه ضايقتها

جايز فيه حاجه غلط في الوسط


احنا اخوات وصلو علي النبي اشرف الخلق سيدنا محمد صلي الله عليه وعلي اله وسلم تسليما كثيرا

MerMaid يقول...

بص يا محمد

اولا انا عاوزة اقول ان الختلاف وارد جدا بين اي اتنين بيتناقشوا
وان اختلاف الراي احيانا بيؤدي الي فركشة صداقات كتير جدا
الا لو كان الطرفين عاقلين و مش هيتخلوا عن صداقتهم حتي لو كانت من خلال لوحة الكيبورد او من خلال شاشة
انا اقترح ان تصفية الخلافات تكون عن طريق الحوار المباشر و افتراض حسن النية في الاخر قبل افتراض سوء النية
لا يمكن ابدا بناء حوار بين اي طرفين راشدين علي اساس عدم التصديق و التشكيك في حسن النوايا والانفعال والعصبية

انا مش هاقدر اقول اكتر من كدة انتم الاتنين صحابي و بحبكم وبحترم فكر كل واحد فيكم و بحترم اي فكر طالما مش بيشتم في الاديان و بيحترم قدسيتها
الحقيقة الاخوان دايما محل نقاش و دايما ناس كتير جدا بيتكلموا عنهم و بيتخانقوا بسببهم بس ده مش يؤدي الي اننا نخسر بعض

تحياتي ليك يا محمد علي أدبك و اخلاقك و علي تقبلك للاراء بالصورة الجميلة دي


تحياتي مرة اخري

فرنسا هانم يقول...

مهندس مصرى اخى العزيز
قطه الصحراء اختى العزيزه
احيانا بتوصل طريقه الحوار والنرفزه اكتر من كده بكتير بين الاخوات وبعضها
لدرجه ان ممكن اخين او اختين يمسكوا فى خناق بعض بالايدى
ويرجعوا تانى اخوات
مين الغلطان ؟؟؟؟؟؟؟؟؟؟؟
مهندس مصرى ولا قطه الصحراء ؟؟؟؟؟؟؟؟
الاتنين كبار وناضجين وعاقلين واذكياء ويكفى وصولهم الى هذا المكان
وتلك المكانه بين المدونين
مش هينفع نعقد محكمه ونحاكمهم
ونغلط واحد عن التانى
لالالالالالالالالالالالالالا
مفروض الاتنين يفكروا
ويراجعوا كلامهم ويقرروا
لو واحد حس انه غلطان فالاسف والاعتذار من مكارم الاخلاق
والله اننا اول من سيهلل له
ولو الاتنين مش شاعرين ان فيهم واحد غلطان
نسيب الموضوع دلوقتى
والايام بيننا
فى هذه الامور لا يفيد طرق الحديد وهو ساخن

كلاكيت تانى وتانى يقول...

عزيزى
أنا بقرأ لك من فترة طويلة ولم أجد الوقت وأعتذر للتعليق ولكن قطة الصحراء أنا أعرفها معرفة شخصية وبرغم ذكائها وقدرتها الواضحة ع الفهم والتعامل مع الحياة بواقعية ألا أنها تبنى رأيها عن الأخوان المسلمين عن تجارب شخصية تعرضت لها ومشكلات صادفتها فى الحياة وأنا من خلالك أوجة لها ذلك التعليق فيا عزيزتى الناس مختلفون ولا يوجد تعميم ع أى شئ فى الحياة فكل طائفة بها السئ والحسن والأخوان وبرغم تاريخم الملئ بالمشكلات العامة والخاصة الأ أنهم كفئة أستطاعوا نشر الدين لفترات طويلة وكان لهم عيوبم ومحاسنهم فلا تحاولى التعميم
ولك يا مهندسنا المصرى الف تحية وكلمة اهمس بها فى أذنك أذا كانت قطة الصحراء مصرة ع رأيها وأنت مصر ع رأيك فما وجة الخلاف ليعلن كل منكما رأية صراحة وكفى باللة المؤمنين شر القتال قأن تعنتت هى فتنازل أنت فلا يوجد ياعزيزى فالدنيا ما يستدعى الخلاف بين أنس يحترمون أفكار الأخرين ويقدرون أن لكل منا وجه نظر وفكر وأعتقد أنكما سويا مخطئين ، سمحتما لى بأبداء وجهة نظرى تحياتى

كلاكيت تانى وتانى يقول...

ههههههههههههههههههههههههههههههههههههههههههههههههههههههههههههههههههه
أسفة لضحكى بس تعرف أنت و قطقوطة لما قريت تعليقاتكم أفتكرت اية أغنية أحمد زكى وسعاد حسنى بتحبنى أد أية قد البسبوسة
لا متحبنيش
بالشكل دة_________الخ
أنا لما علقت المرة الأولى مكنتش قريت حواركم اللى ميتفهمش منة بصراحة حاجة انت مش أخوانى وبتكتب زعلان ع صديق وأب فقدتة ودى مشاعرك وأنت حر فيها وهى علقت عن الأخوان مش ع البوست الخاص بيك بتعلق ع نظرتها للأخوان فسيادتك أسفة سامحنى لكلمة سيادتك بس أنت زى أخويا الصغير
وسيلدتك قمت عملت نفسك أخوان ودافعت عن الأخوان وغيرت سير البوست
يعنى كلامى صح انت دافعت عن فئة لا تنتمى لها وهى علقت ع بوست أنت أصلا مكتبتوش يبقى مفيش وجة للخلاف
أنت كان ممكن تقولها دى وجهة نظرك وأنا بحترمها وتلتزم بأفكارك دون الحجر ع فكرها وهى كان المفروض تقرا البوست كويس وتفهم أنك بتتكلم ع شخص وليس جماعة وأن ذكر الجماعة جاء فى أطار الشخصية وليس العكس
أما أبى الجميلة
ياريت تقرى تعليقى هنا المدونة دى بتاعة المهندس مصرى وحقيقة هو حر يكتب عن الأخوان عاوز ينضملهم محدش فينا لة أنة يعترض أو يوجهة لنوع كتاباتة وأنتى أقوى وأكثر فهما للنقطة دى وأعتقد فى النهاية أن الحماسة خدتكم كلكم وزى ما الأسعار عمالة تغلى كل يوم ومجننة الناس أنتوا كمان رفعتوا حرارة الكلام بأكثر مما يحتمل
أمال لو كنتم فمناقشة عن الئيس ولا الفساد ولا العرى ولا حؤامى مدينة نصر كنت عملتم اية
نهاية الكلام كلكم مهندسنا الذى يبدأ حياتة بعقل ورزانة
وقطقوطتى اللى مفيش أحلى منها فالسرد وأنتزاع الضحكات من الجميع المبتسمة دائما
وأبى الرقيقة القوية التى تختر كلماتها بعناية
مفيش داعى لكل دةتعليقاتكم لنا ولكم تثرى البلوج وكلكم خاسرون كلكم خاسرون لو مقريتوش بداية البوست بتاعى وفهمتوا ان المهم انكم بتحبوا بعض مش بتتخانقوا مع بعض
أسفة للأطالة بس انتوا التلاتة عاوزين كسر دماغكم هههههههههه
تحياتى

وطني يقول...

السلام عليكم و رحمة الله و بركاته
هذه أول زيارة لك أخي الكريم و اسمح لي أقول : أنني حزنت حزنا شديدا على ما بها و ما بالتدوينة السابقة .. هذا ليس اختلافا في الرأي يا أخي الكريم .. الإختلاف في الرأي أن أقول : أخطأ الإخوان في كذا وكذا و هذا رأيي ودليليي على أخطاء الإخوان , أما ما قرأته ليس إلا سبا وقذفا و غيبة يعاقب عليه الشارع الحكيم سبحانه وتعالى .. وحزني الشديد على ما وجدته من سطحية في التفكير و خلط في المفاهيم و ضبابية شديدة في فهم الحقائق و إلقاء للتهم جزافا و بلا دليل من شباب ( يفترض ) أنهم من النخبة المثقفة الواعية .. و الله لقد تملكني شعور قوي أني أقرأ روزاليوسف أو أي صحيفة ناطقة باسم الحكومة و المسماة خطئا بالقومية ... ما قرأته للأختين آبي و قطة الصحراء ليس إلا عريضة إتهام من مباحث أمن الدولة ... كلام مكرر وممجوج و سخيف لا قيمة له و لست بصدد الدفاع هنا عن الإخوان و إن كان هذا شرف لي أدعيه و لكن ما أزعجني حقيقة و أصابني بالهم والغم هو الكلام عن فلسطين بهذا الشكل السطحي .. و القول بأن الإخوان لا يحافظون على حرمة بيوتهم !!!!! ما هذا؟؟ يا أخواتي الكريمات ما قلتماه يحتاج منكما لمراجعة شديدة ليس لأنه سب للإخوان فهو اتهام لا يستحق الوقوف أمامه , ولكن لأنه مفهوم خاطيء للإسلام و فيه جهل وتسطيح شديد , هل تعلمي كيف ماتت سمية أم عمار ؟؟؟ هل قرأتي عن سعيد بن المسيب و سعيد بن جبير و مواجهتهما للحجاج الحاكم الظالم و الوليد بن عبد الملك المستبد ؟؟؟ هل قرأتي حديث رسول الله صلى الله عليه وسلم ( سيد الشهداء حمزة و رجل وقف في وجه إمام جائر فأمره ونهاه فقتله) ؟؟؟
إن ما قلتماه ( آبي وقطة الصحراء ) عن فلسطين و عن حرمات البيوت هو عين ما يتمناه اليهود و الطغاة في بلادنا .. أن ينكفئ كل منا على حاله وليس له شأن بما يجري ... لا في مصر ولا في فلسطين
أفيقوا يرحمكم الله

جمعاوى روش طحن يقول...

ربنا يهدى الجميع يا هندسة

الجمعاوي الاصيل يقول...

نعم الاختلاف في الرأي لا يفسد للود قضية


وهناك قاعده سحرية قد وضعها الامام

الشهيد حسن البنا رحمة الله عليه

فلنجتمع فيما اتفقنا عليه وليعذر بعضنا بعضاً فيما اختلفنا فيه

appy يقول...

معلش يا بشمهندس انا هرد على كلاكيت اقولها
لما كنت بقوله كده كنت بتناقش معاه بس انتى فهمتى غلط وخلاص يا قمر انا مش مختلفه معاه


اما بقى استاذ وطنى
اللى بيتهمنى انى بتكلم بلسان امن الدوله وهو مش فاهم ان ده اتهام ليه صريح قوى ومعرفش جابه منين لو دخل مدونتى هيفهم انا ايه قبل ما يتكلم ويقول اى كلام وخلاص

هل تعلمي كيف ماتت سمية أم عمار ؟؟؟ هل قرأتي عن سعيد بن المسيب و سعيد بن جبير و مواجهتهم
انت جبت ليه امثله عارفاه انا بتكلم عن بعض العناصر فى الخوان ووجهه نظرى بلاش الله يكرمك يعنى ويخليك لما اتكلم تقوموا رجعين بيا لورا خمسميه سنه احنا فى العصر اللى هنا هات ليه مثل من الحقيقه دلوقتى بعد اذنك وبلاش تتهم حد بجهل وانت متعرفهوش ولا تغييب للعقل ولا اللى يختلف معاكوا يبقى امن دوله وممش مثقف


سورى يا بشمهندس بس مكنش ليه لازم اللى بيحصل ده علشان كل واحد يشمر كمه ويدخل يقول كلمتين

appy يقول...

عموما يا بشمهندس
ميرسى انك خليت اى حد يتكلم ويقول اى حاجه وبيتهيأ ليه يعنى كان من باب اولى تفهم الناس بقى الحوار طالما هتعمل التدوينه دى وعلى فكرة دى أرائى وانا حرة فيها محدش هيحاسبنى انا مغلطش فى الرسول ولا فى الدين انا عاوزة حد يناقشنى فى برامج الاخوان المتلخبطه واللى احنا مش فاهمنها وعلى فاكرة انا ملقتش حد بس الله يكرمكوا برضه مش عاوزة واحد عادى انا عاوزة قيادى يعنى العقول اللى بتخطط وتنفذ وده حقى يا بشمهندس صح ولا غلط
انما علشان اجى هنا وواحد معرفش هو مين يتهمنى يتغيب العقل وكلام تافهه ولا معرفش ايه فكده لا كتير وانا علشان كويسه ومش بحب اضايق حد يكفينى انى اقول عليه مفهمش حاجه وقبل ما يرد كان يعرف الشخصيه دى عامله ايه الاول ومش هتكلم عن نفسى
انما هى عادتهم ولا هيشتروها وبيقولك اختلاف فى الراى راى ايه بس
ميرسى يا بشمهندس انك هزئتـنى فى مدونتك

appy يقول...

معش يا بشمهندس برضه لاستاذ وطنى
لما يا استاذ يا مثقف حضرتك انا اتكلمت عن فلسطين كنت اقصد ليه لما الطفله المصريه
يا مصرى يا وطنى اتقتلت على الحدود محدش سمع صوتهم ولا عملوا مظاهرات علشان خاطر البنت فاستغربت بس من موقفهم
فمتتهمنيش انى ضد قضيه فلسطين وانت متعرفش فكرى وسبحان الله بيقولوا لنا اقروا اتتثقفوا يعنى هجمت بدون داعى والله ميرسى ليك

محمود المصرى يقول...

بسم الله الرحمن الرحيم

عين وصابتكم
ايه يا جماعة اللى حصل ؟ مسكتوا فى بعض ليه ؟ فين قول الرسول ان وجدت من اخيك ما تكره فالتمس له سبعين عذرا فان لم تجد فلم ( بضم اللام وتسكين الميم ) نفسك , ايه اللى حصل يا استاذة آبى وانا اللى بقول عليكى عقلك كبير وبتفوتى , الاخ وطنى كل الموضوع انه زعل من الهجوم على الاخوان فأنفعل لأنه منهم فلازم يتضايق , اما عتابك للباشمهندس فهو نفسه هوجم فى مدونته واكيد لما يدخل مش هايقبل الهجوم الشخصى عليكى او على اى اخ او اخت , المهم حضرتك ماتنسيش تكتبى الموضوع الله يكرمك .
وبعدين الاخ وطنى انت مهما كان مش لازم تنفعل كده امال فين بقى ( ونحب كذلك ان يعلم قومنا انهم احب الينا من انفسنا وانه حبيب الى هذه النفوس ان تذهب فداء لعزتهم ان كان فيها الفداء وان تزهق ثمنا لمجدهم وكرامتهم ودينهم وآمالهم ان كان فيها الغناء وما اوقفنا هذا الموقف منهم الا هذه العاطفة التى استبدت بقلوبنا وملكت علينا مشاعرنا فأقضت مضاجعنا واسالت مدامعنا ...)
اما الباشمهندس فمش هاقدر اعاتبه على حاجة لأنى ماحسيتش انه غلط فى حد اولا وثانيا لأنها مدونته فلازم اجامله
يا اخوة ويا اخوات اختلفوا براحتكم لكن ليكن هدفهم هو الوصول للحق وليس الانتصار للنفس .
نسال الله العلى الكريم ان يرنا الحق حقا ويرزقنا اتباعه وان يرنا الباطل باطلا ويرزقنا اجتبابه .
( ربنا اغفر لنا ولاخواننا الذين سبقونا بالايمان ولا تجعل في قلوبنا غلا للذين امنوا ربنا انك رؤوف رحيم )

appy يقول...

محمود على فكرة انا مش بهاجم الاخوان فرقوا يا جماعه بجد انا بحاول افهم فكرهم فبعرض وجهه نظرى او اللى شايفه بواقع ملموس وعاوزة تاقشونى بس مش هجوم فهمت وجهه نظرى

والله شكلى هسيب مدونتى واقعد هنا النهارده ده ايه اليوم ده
وانا مش ناسيه موضوع فلسطين وعنيه يا محمود
بص بقى يا بشمهندس انت اللى جبته لنفسك ههههههههههه قاعده هنا النهارده اشوف الردود الحلوة

همس الاحباب يقول...

بسم الله ما شاء الله
ايه اللى بيحصل ده
انا على فكرة خدت الموضوع امبارح بتهريج وقعدت اضحك على الحوار بين ابى وقطة الصحراء ومهندس مصرى على انه اختلاف فى وجهات النظر وهم كاشخاص اكبر من الاختلاف نفسه لدرجة انى كتبت تعليق امزح فيه مع المهندس محمد علشان اخفف حدة التوتر فقلت فيه ربنا يكفيك شر ابى وقطة الصحراء من باب التهريج مش اكتر على ان الموضوع مجرد اختلاف اراء مع ان الاخت آبى زعلت منى
بس بجد انا ما اقصدتش اساءة لاحد لاننا كلنا اخوة والمفروض اننا على درجة من الوعى والفهم يتيح لنا النقاش بحرية وموضوعية
وعلى اى حال هى مجرد سحابة صيف واتزول مع انه فيه عتاب بسيط للاخ محمد بتسرعه فى كتابة هذا البوست لان الموضوع كان ايتحل بطريقة اسهل من كده وما فيش داعى للطرق على الحديد وهو ساخن ولا هى عين وصابتكم كله ده بسبب الوزارة وكرسى الوزارة الوزارء بداوء ياكلوا فى بعض يا رجالة
تحياتى للجميع

الساحرة يقول...

نشهد علي ايه دة كدة الاختلاف
في الراي افسد كل الود

اهدوة وتحاورو بعقلانيه دة كدة مش حوار
دي خناقه
او ل مرة ادخل الاقي خناقه

آفاق الحرية يقول...

معلش ياباشمهندس
خليك انت الكبير وسامح
وياعم الباشمهندس عصفور المدينة يعمل قعدة صلح ونجيب فيها رئيس القبيلة والغلطان يعتذر
ههههههه

النجم القادم يقول...

حبيب قلبى الغالى بشمهندس مصرى
بص بقى ياعمنا قطة الصحراء انا راى قولتهولك واحنا واقفين ففكك منها وابى عاوزه تعرف بس وعاوزه توضيح والنقاش معها مثمر وممكن ياتى بفايده يانته تخليها تحب الاخوان ويا هى تخليك تكره الاخوان ههههههههههههههههههه

EmY يقول...

ليه نكبر الموضوع
انا دايمآ ضد ان حد يزعلني اعمل عنه بوست لان ده تعقيد للامور احنا كبار كفايه نحل مشاكلنا بهدوء و علي افتراض ان القطه غلطت ممكن يكون من عشمها فيك كصديق و اخ انك تستحملها في لحظة غضب

و بعدين هي حره في رايها في الاخوان و من حقها تشتم في مهدي عاكف لانه بالنسبه لناس كتير انا منهم مجرد نصاب لابس قناع الدين علشان يعرف يوصل لغرضه

بلاش تعصب و عند انت اخوان او محب ليهم انت حر بس اتقبل بقي النقض او بلاش تكتب عنهم و تجيبلهم الشتيمه

تاني انت كده بتعقد الموضوع معاها اتفهموا سوا احسن

تحياتي

fatima يقول...

مهندس يا مصرى
موش هزود على كلام خالتى فرنسا
أنتو فى الآخر إخوات و عادى لما تزعل مع أختك و تعديلها و هى كمان تعديل
زى ما قولتلك عندى فى المدونة
أنت نمكى حبيتن
و هى زربونة حبيتن
فوتوا لبعض حبة و كل واحد متمسك برأيه خلاص
أنتم الاتنين ليكم مكانة فى قلوب كل المدونين ...
انتو بقيتوا ناس يتحيب عليها تعليقاتها و تصرفاتها
متزعلوناش على الود الجميل اللى بينكو
و كل واحد حر فى رأيه
أنا شخصيا زيها ليا ذكريات سخيفة مع الأخوان من أيام الجامعة بس عادى
كل واحد حر فى معتقداته
المهم اننا بنتعايش مع بعض و خلاص
نحترم بعض و كل واحد فى حاله
أنت بتقول انك موش أخوانى لكن تعاطفت معهم
مجراش حاجة لما تسمع رأى ضدهم ...إيه يعنى؟؟
أنا مرضيتش أقول رأيى فيهم كاملا لأنى شفت ان مالوش لازمة
عادى
مشيها يا مهندس
و كبر
أنت و قطة الصحراء
قطتنا الحلوة
تحياتى

د/اجدع بنوته يقول...

اللى بيحصل ده محتاج فعلا اجتماع

عاجل .. م مجلس ادارة المدونين

دى دسيسههههه

عين وصابتكم بجد

وبعدين انتو كده ع وشك تتحولوا لجبهتين

وكل واحد يرد ببوست ع التانى

ياجدعان كلنا مسلمين

كلنا بنحب مصر

كلنا ناس اخلاقها عاليه وعايزه مصلحة البلد دى

يعنى اهدافنا واحده

لا احنا اعداء ولا جبهات بتتصارع ع حتة لحمه

انا حزب وطنى هو اخوان هو سلفى

هو وفدى هى حزب النبى حارسه

لازم نفهم حرية التعبير صح

حرية الراى الاخر صح

لان اللى بيحصل ده مش حرية تعبير

ده تخبيط ف الحلل

وبجد احنا اكبر م ده بكتير يعنى

ولما ينشغل اتنين م كبار المدونين

بحاجه زى كده وينصرفوا عن بقية

اهدافهم وبوستاتهم المميزه جدا

يبقى بجد مش تخبيط ف الحلل بس

لا وبنعمل فيها صلصه كمان

تحياتى ..


اخويا مهندس مصرى

اختى قطة الصحراء

اختى أأأأبى

النجم القادم يقول...

السلام عليكم

اعتذر ياهندسة على الرد ده مسبقاً
بس لازم ارد عليها
ايمى بالله عليكى بطلى شويه خفى يعنى
تحبى الاخوان ولا متحبهمش عادى
لانك تتطاولى على فضيلة المرشد لا متخلنيش ازعل من حضرتك ممكن نختلف فى الراى لكن نشتم حد ده اسمه تجريح الكل يرفضه وانا مرضاش انى اشتم حد عزز عليكى وانتى لما تقولى فضيلة المرشد نصاب يعنى كده الاخوان كلهم نصابين والله ده اسمه كده عدم وعى ودرايه ومعلش قناع ايه الا انتى بتتكلمى فيه
ارحمونا بقى يرحمكم ربنا بطلوا الكلام الا انتوا حفظينه ده الله يخربيت الصحف القومية والا عملها

الفاتح الجعفري يقول...

بسم الله والصلاة والسلام علي رسول الله
ربنا يبارك فيك ويعزك يابشمهندس
ومتزعلش نفسك انت راجل هاديء ومتزن وتري الحق وزي ماقال استاذي عصفور المدينه
انت سليل الطيبين اهل الصلاح وانت اهل لكل خير رفع الله قدرك واكتب كما تشاء ولايصدنك شيء انت تدافع عن الحق وتدافع ضد الظلم سواء مع الاخوان او غيرهم دافع عن الحق ولو وقفت الدنيا كلها ضدك
-----------------------------
ايمي
ربنا يبارك فيكي
بس كلام حضرتك غريب جدا متزعليش مني
اولا
الاستاذ محمد المهدي عاكف قلتي انه نصاب
معاذ الله من ذلك
اين دليلك فين الدليل علي كلامك؟
تذكري قول الله تعالي (مايلفظ من قول الالديه رقيب عتيد)
وهو لن يصل اليه كلامك وهو لايعرفك اصلا وانا لااتأذي من ذلك لان الله لايضيع حق احد وان كل البشر سيقفون امامه يوم القيامه ,فكل من سب وشتم وقتل سيقف امام الله والله يقتص من هذا لذاك ومن ذاك لهذا ولن يترك الله حق احد (وقالوا ياويلتنا مال هذا الكتاب لايغادر صغيرة ولاكبيرة الا احصاها ولايظلم ربك احد)
دي نصيحه مش اكتر ياايمي ان الدنيا متستهلش سب وتجريح وتهم ولا يستحق اي شخص اي كان ان يسألك ربك عليه ويسألك ملكي القبر عليه لايستحق صدقيني
-------------
ثانيا
ايه الكلام ده ياايمي
بلاش تعصب و عند انت اخوان او محب ليهم انت حر بس اتقبل بقي النقض او بلاش تكتب عنهم و تجيبلهم الشتيمه
-----------------
ياسلام ,لاحول ولاقوة الا بالله
هو مين اللي متعصب وعنيد ؟
اللي بيشتم ويجرح ولا اللي بيناقش بموضوعيه
يعني ايه يعني هو انا مختلف معاك في فكرة يااخرص ماانطقش يااتشتم
لاطبعا ازاي
اي حد يتكلم ويقول اللي هو عايزة واللي عنده حجج وبراهين يتفضل يقولها وينتقد زي ماهو عايز انما اللي يشتم ده مينفعش
وعمر الشتيمه مكانت لغه للحوار
وزي ماقولت وهاارجع اقول
التطرف لايعرف لغه او دين او مجموعه ولكنه شيء قابع في العقول والقلوب
انا من حقي ادافع واحب واعتنق مااريد ,واللي عايز يناقشني يناقش بلا سب او تجريح او القاء التهم جزافا
يعني النقد مفيهوش شتيمه ياايمي فيه اسباب ونتائج ونقاط محدده ,انما الشتيمه ملهاش علاقه بالنقد تماما
والمهندس بيحب الاخوان وده من حقه زي مافي ناس كتير بتحب الاخوان ,وفي ناس ملحدين وشيوعيين وعلمانيين وغيرهم اتعامل معهم بلا سب او تجريح وهذا حق مكفول لاي انسان اي كان
وجزاكم الله خير ياايمي
وجزاكم الله خير يابشمهندس

العراق صوت الحق يقول...

عموما عندما أحد يفهم غلط أفضل من أن لا يفهم بالمره
أضحك معك ...
عمر

صاحب المضيفة يقول...

من المحتمل تبني وجهة نظر معينة بطريقة أو بأخرى


لكن من الغير المحتمل التجريح في الرأي الاخر بدون وجه حق


فكما أنه من المطلوب من الاخر احترام وجهة نظري لابد علي أيضا من احترام وجهة نظره


تحياتي

مهندس مصري يقول...

أولاً رد عام للكل كده
هسسسسسسسسس
ايه يا مدونين أغيب يومين عن االبلوج ألاقيكم طاحنين بعض
نزل السلاح منك له ليها ليها له
:)
هههههههههههههههههه
هسسسسسسسسس
اسمعوا الكلام بتاعي و براحة و بالعقل

أنا لما كتبت البوست ده ما كنتش بأحجر على رأي قطة الصحراء
هي حرة في اللي تحبه و اللي تكرهه
بس أنا أعرف ان الحوار هو أني أعرض رأيي كاملاً و هي ترد عليه برأيها كاملاً و تنتقد بعض النقط في رأيي بالأدب و أنا أرد على ردها و هي ترد على ردي
كل ده في اطار من الأدب و الإحترام
و في الآخر حيحصل حاجة من 3 يا إما أقنعتها يا إما اقنعتني يا إما محدش فينا قدر يقنع التاني بس فهمنا فكر بعض أكتر و فضلنا برضه في الآخر نحترم بعض و نحترم اختلافنا الفكري و فضلنا أصحاب
و ساعتها علشان نحافظ على الصداقة دي حنتجنب الكلام في موضوع الخلاف بعد كده
يعني لو انا عملت بوست عن الإخوان هيا ما تعلقش عليه حفاظاً على صداقتي و لأننا اتناقشنا قبل كده و ما وصلناش لنهاية
و بالعكس لو هيا كتبت بوست تهاجم فيه الإخوان بدون سب أنا برضه ما أعلقش عليه حفاظاً على صداقتي ليها
و أنا عملت كده قبل كده و كذا موضوع عندها مختلف معاها فيهم ما علقتش عليهم تجنباً للمشاكل و حفاظاً على الصداقة
هي كان ممكن تعمل كده معايا
لكن لأ دخلت و علقت و انحرفت بمسار البوست لجهة الهجوم على الإخوان
أنا ما قدرتش أشوف الغلط و أسكت فرديت بأدب و فندت ردها فردت تاني فرديت تاني
قامت هي لما ما لقتش رد شتمتني و شتمت مدونتي
و أنا ما عنديش اعتراض على رأيها و هي حرة و طول ما بتتكلم بالأدب هي حرة
اعتراضي على انها شتمتني لمجرد الإختلاف في الرأي

افهموني يا جماعة اعتراضي مش على رأيها
اعتراضي على الشتيمة
أنا ما غلطتش فيها و كنت بأعزها ليه تشتمني
لو كانت سكتت و ما رديتش ما دام مش لاقية رد منطقي و بالأدلة
كنت أنا سكتت و الموضوع عدى
لكن تشتمني ليه
فين أدب الحوار
فين الصداقة و حقها

عموماً أنا كنت عامل البوست ده علشان هي تعرف غلطها لما انتم كمدونين تغلطوها

هي غلطانة

بس لو جت و اعتذرت عن غلطها و مسحت تعليقها بتاع الشتيمة
أنا حأمسح البوست ده و نرجع أصدقاء تاني و يا دار ما دخلك شر
أما لو عندت و صممت على الشتيمة و الغلط
أنا مش حأعلق عندها تاني و هي مش حتيجي هنا تاني
و نقاطع بعض و البلوجر مش ضيق ده فيه عشرات الآلاف من المدونات و ما ضاقتش على مدونتي و لا مدونتها و ربنا يهديها و يسهل لها ما فيه الخير
و الله يسامحها

مهندس مصري يقول...

د / أجدع بنوتة
================
الترباس و الباب كله هدية مني ليك و ما تغلاش عليكي حاجة في المدونة
:)
و هي بتعمم بسبب مواقف شخصية و محدش أجبرها على حاجة هيا حرة بس بالأدب

عصفور المدينة
==============
آميين

جاءت كلماتك هذه برداً و سلاماً على قلبي فأثلجت صدري فوا الله لا تدري مدى فرحتي بها
رغم اني أقل مما تظن يا استاذي

اللهم اجعلني خيراً مما يظنون و إغفر لي ما لا يعلمون

فأنا احب كل من قال لا اله الا الله و عمل بها و عمل لها
بغض النظر عن المسمى من اخوان لسلفيين لأنصار سنة للجمعية الشرعية و كل من يعمل لدين الله بدون ابتداع و منهجهم هو كتاب الله و سنة رسوله صلى الله عليه و سلم
و لي أصدقاء من السلفيين و لي أصدقاء من الإخوان و أحبهم كلهم في الله

بس يعني ايه تنسحب فترة من عالم التدويين
لأ لأ لأ لأ لأ لأ لأااااااااااااااااااا

دا كتاباتك يا بشمهندس هي اكتر كتابات باستفيد بها على الإطلاق

ليه تحرمنا من نبع من منابع العلم و الاخلاق الصافية
أرجو منك مراجعة قرارك هذا الذي سيحزنني كثيراً

آخر العنقود
=============
هي عندها تدوينة بإسم يقولون ما لا يفعلون
http://catofdesert.blogspot.com/2007/10/blog-post_23.html

اقريها و يا ريت الناس كلهم يقروها و يعرفوا انها خدت الإخوان كلهم بذنب واحد جارها بتقول انه منهم و الله أعلم

الله يسامحها


عاشقة الفردوس
==============
لا يا ستي الغلطان يعتذر
و التاني يقبل اعتذاره
و نرجع أصدقاء تاني

محمود المصري
==============
ألف سلامة يا باشا
:)
متفق معاك

و الأستاذة آبي قمة في الإحترام في الحوار ربنا يكرمها يارب

عابد الرحمن
=============
و أنا كمان بأحبك بجد
بس انا كنت بأتكلم على أدب الحوار و عدم التعميم

:)

عاشقة الفردوس
===============
سبب زعلها في التدوينة دي عندها
http://catofdesert.blogspot.com/2007/10/blog-post_23.html

بس غلط تعمم و تتهم الناس بدون دليل
و أه حاجة الأدب في الحوار
و رايها هي حرة فيه بدون شتيمة
و لو اعتذرت انا حأقبل اعتذارهاأنا قلبي أبيض
:)


حاروح أصلي الجمعة و أرجع أكمل رد على التعليقات

مهندس مصري يقول...

عروسة البحر
============
أنا مش ضد الإختلاف في الراي كل واحد حر
لكن ضد الشتيمة و الإتهامات بدون دليل

ليه ما نتحاورش بأدب و سواء اتفقنا أو اختلفنا نحترم بعض

أنا لغاية دلوقت مقدم حسن النية و ما اتهمتهاش بأي حاجة و هيا اتهمتني بإني إخوان و بإني باضلل الناس و بإتهامات تانية
يبقى غلطت فيا بدون وجه حق

الله يسامحها و يهديها لما فيه الخير

و شكراً على تعليقك و على صداقتك اللي أعتز بيها

فرنسا هانم
===========
ردك دبلوماسي يا فرنسا
:)
بس أنا اللي أعرفه ان ساعة ما واحد يغلط بيتعمل قعدة و الناس المحترمة بتجيب الغلط على الغلطان و يحكموا عليه كمان
و التدوينة دي أنا معتبرها قعدة للمدونين علشان يغلطوا الغلطان اللي شتم التاني

و لو اعتذرت انا حأقبل اعتذارها
يقول رسول الله صلى الله عليه و سلم : من أتاه أخوه متنصلاً فلم يقبل منه لا يرد على الحوض
و يقول أيضاً : ما معناه ( ليس منا من لم يقل عثرة اخاه و يقبل عذره و يغفر ذنبه )

أنا مستعد أقبل اعتذارها

انما غير كده ربنا يسهل لها و يكرمها و مفيش حاجة تجبرني اني اعرف واحدة شتمتني و ما رضيتش حتى تعتذر

كلاكيت تاني و تاني
==================
أنا اشكر الظروف اللي خلتني اكتشف انك من قرائي
و أشكرك على متابعتك ليا

بس ما ينفعش اشوفها كاتبة كلام غلط و اسكت و الا ده يبقى اقرار مني بصحة كلامها في مدونتي
لكن مدونتها هيا حرة فيها و لما بتكتب حاجة مش عاجاني ما كنتش باعلق حفاظاً على صداقتي ليها
لكن بدل ما تعمل هي زيي
لا علقت و جادلت و حاولت تفرض رايها اللي هيا حرة فيه بس مش من حقها تفرضه
و لما فشلت في الحوار بالمنطق
شتمت
و أنا اعتراضي على الشتيمة
ليه ما نحترمش بعض

و حاسبي على دماغي أحسن مش حتستحمل تكسير خالص
أنا معنديش غيرها
:)

وطني
======
اهلاً بك في اول زيارة عندي
و لكن حضرتك أخطأت عندما جمعت بين ىبي و قطة الصحراء

فآبي تتناقش بإحترام و لا تحاول فرض رايها و تسعى لمعرفة الحقيقة

بعكس قطة الصحراء التي هي على النقيض
تماماً في اسلوبها
و موقفها من الإخوان بنته ليس على فكرهم و لكن على تعاملات شخصية

عموماً إقرأ تدوينة قطة الصحراء اللي رابطها فوق في الردود السابقة و انت تفهم اكتر
و اقرأ مدونة كوكب آبي و انت تعرف أفكارها قبل ما تتهمها بالباطل

الإخوان المفروض انهم قدوة و أنا عاذرك انك انفعلت من بعض الكلام الإستفزازي لكن المفروض تكظم غيظك يا أخي
و لعلمك الأستاذة آبي أنا كملت حوار معاها على الشات ثم وجهاً لوجه و هي من أكثر الناس احتراماً في الحوار
ربنا يكرمها

و سعيد جداً باول زيارة منك و ياريت منورني علطول
:)

جمعاوي روش طحن
===============
آميين

الجمعاوي الأصيل
===============
الله ينور عليك


مضطر أقوم دلوقتي و حأكمل رد في أقرب فرصة النهاردة
:)

الفاتح اليعقوبي يقول...

السلام عليكم
ازيك ياهندسة عامل ايه ربنا يكرمك يارب
فعلا خناقة علي مافيش اذا النقاش جعلها تفعل هذا فمن الواجب لها ان لاتتناقش وهي الصراحة لم تسكت وراحت عملت بوست تشتم في الاخوان بس اللي لاحظته فعلا ان اللي هي بتعمله ده مش طبيعي يعني مش تصرف انسان طبيعي حتي البوست اللي هي كاتباه يدل علي سطحية شديدة اجارانا الله واجارك ومواقفها شخصية ومن الواجب لها ان تعتذر لك ولكن هذا وقت يضيع فيه الواجب من اناس لا نعلم لهم فكرا واي ملامح ذهنية
...................................

الي استاذة ايمي
يااهلا بالمعارك
يااستاذتي الفاضلة معلش يعني ايه محمد مهدي عاكف بالنسبة ليكي ولكثير غيرك نصاب ومن حقها تشتمه

يااستاذة الشتيمة دي بيسموها بالبلدي كده قلة ادب يعني اللي عايز يتناقش باحترام يتناقش ولسنا جماعة فوق النقد ولكن اللي ينتقد ينتقد بادب وليس باسلوب فظ
وتاني حاجة اسف جدا حضرتك تعرفي ايه عن محمد مهدي عاكف عشان تشتميه قلنا قبل كده النقاش يبقي بادب ويعني ايه من حقها تشتمه ليه يعني بتاع ايه ده مااسهل الشتمية ولكن هذا اسلوب الذين لايعرفون شئ عن اي شئ مجرد هرطقة فاضية وهو ايضا اسلوب اناس خاوية تداري ضعف حجتها وقلة حيلتها مع المنطق والعقل

.......................

بلاش تعصب و عند انت اخوان او محب ليهم انت حر بس اتقبل بقي النقض او بلاش تكتب عنهم و تجيبلهم الشتيمه


يااستاذة هو بالفعل حر ومن حقه يكتب عنهم ومن حق الناس ان تناقشه في هذا ولكن هناك بشر لا تملك اي حجة في النقاش فتلجا الي الشتيمة والتطاول


سؤال اخير لك
ماذا تعرفي عن الاخوان ؟؟؟
وماذا تعرفي عن النصاب (محمد مهدي عاكف)معاذ الله؟؟؟؟؟؟؟؟؟
اجوبك يااستاذة انت لاتعرفي اي شئ عنهم مجرد كلام جرائد مهمة رؤساء تحريرها هو سب وشتيمة الاخوان والا لفصلوا من اعمالهم


يااستاذة الرجل الذي تسبونه هذا اعتقل في عهد الطاغوت عبد الناصر 20عاما بالرغم من دوره في مجاهدة الانجليز
واذا اردت ان تعرفي اكثر عنه فلديك هذا اللينك

http://ar.wikipedia.org/wiki/%D9%85%D8%AD%D9%85%D8%AF_%D9%85%D9%87%D8%AF%D9%8A_%D8%B9%D8%A7%D9%83%D9%81

للعلم هذا ليس بلينك الجماعة هذا لينك الموسوعة الحرة علي النت


يااستاذتي الفاضلة
انت قلت قبل هذا انك تكرهي الاخوان ولكن تحترمي الجعفري واليعقوبي والجيزاوي
اولا الجيزاوي مش اخوان وهذه واحدة
الثانية انك بالتاكيد لم تقابلي غيرنا من الاخوان و اقسم بالله اني انا والجعفري من اقل الاخوان شان وعلما ومقاما

فلاتنبهري بالاشخاص واعرفي الي ما يدعو هؤلاء الاشخاص


واسف ان كان كلامي اغضب حضرتك ولكنك قلتي كلاما قبله بكثير ايضا يؤذينا في كرامتنا ومشاعرنا وراجعي تعليقاتك في المدونات
والسلام

وطني يقول...

خاص للأستاذة آبي
السلام عليكم ورحمة الله
واضح من كلامك و كلام محمود و كلام مهندس مصري إن فيه سوء تفاهم حصل
و أرجو أن تفهمي أنه ليس من أسلوبي أبدا الإساءة للأشخاص .. قد أكون انفعلت بعض الشيء على ما تصورت أنه فهم خاطئ ولكن هذا لا يعطيني الحق في الإساءة لأحد
عموما .. إذا كنت اعتبرت رأيي إساءة شخصية لك فانا أعتذر عنها و أرجو قبول اعتذاري
...............
دا كان تعليقي عند إبنتنا الكريمة آبي

مهندس مصري يقول...

آبي
====
أنا قابلتك امبارح و اتكلمنا و أظن انك فهمتي غرضي من كتابة البوست ده
أنا كنت باضرب بيكي مثل في الإحترام في الحوار و تقبل اراء الآخرين و مناقشتهم بكل أدب
و ارجو انك ما تزعليش من أي حد و حقك عليا
:)

محمود المصري
=============
معاك 100% أنا بألوم على الأخ وطني تسرعه و جمعه بين آبي و قطة الصحراء لكن بألتمس له العذر و بأعتذر لآبي عن اي حاجة ضايقتها و حقها عليا كمان مرة

:)
و منورني يا سيد العاقلين
:)

آبي
======
و المدونة نورت بقعدتك فيها
:)

همس الأحباب
===========
منورني يا باشا
و حط نفسك مكاني لو واحدة بتعزها شتمتك لمجرد الإختلاف في الرأي حتعمل ايه؟

الساحرة
=========
يا ستي و لا يهمك واحدة و غلطت و بنعرفها غلطها
بصي في الأرشيف و حتلاقي حاجات كتير تعجبك ان شاء الله و بعد كده ان شاء الله لما تدخلى هنا حتلاقي كل خير
:)
و ياريت ما تأخديش انطباع وحش عن المدونة من البوست ده

آفاق الحرية
============
ما هو ده اللي أنا باقوله الغلطان يعتذر و نبقى حبايب

النجم القادم
=============
يا سيدي لا هيا تحب و لا أنا أكره
مش ده المهم المهم اننا نعرف نتناقش بإحترام

ايمي
=======
أظن الجعفري و اليعقوبي ردوا عليكي قبل ما أنا أقرا تعليقك أصلاً

و عموماً أنا مؤمن بنقاش أي موضوع بحياد و موضوعية و بدون تعصب و بأدب

فاطمة
======
يا عزيزتي في فرق بين الراي و الشتيمة
طول ما كانت بتقول رايها بادب رغم المغالطات اللي فيه كنت بأرد عليها و أفند ردها بأدب
لكن لما تشتمني أنا و مدونتي ما اعتقدش ان ده راي
و انا أؤكد لك ان الإخوان بشر مش ملايكة و علشان كده حتلاقي فيهم الكويس و الوحش
بس في اعتقادي نسبة الكويس أكتر من الوحش فبلاش نعمم

و ايه نمكي دي ؟
انا فهمت زربونة لكن ما فهمتش نمكي و لو اني استنتجت معناها
:)
سعيد بتعليقك

د / أجدع بنوتة
===============
كبار المدونين
الله يكرمك دا انا غلبان

ثم ما حدش اعترض على حرية التعبير لكن حرية التعبير لا تعني الشتيمة و لا ايه ؟

:)

النجم القادم
=============
اهدأ يا نجم
الجعفري و اليعقوبي ردوا خلاص
و ربنا يهدي ايمي لكل ما فيه الخير
:)

الفاتح الجعفري
===============
الله يخليك على الكلمتين الحلوين دول
ربنا يكرمك و يخليك ليا

و متفق معاك في ردك على ايمي الصديقة العزيزة
:)

العراق صوت الحق
================
ربنا يكرمك و ينصرك يا عمر يا غالي
:)

صاحب المضيفة
==============
بالضبط ما دام الرأي بدون تجريح و النقاش موضوعي
يبقى لازم نحترم بعض

الفاتح اليعقوبي
================
و عليكم السلام و رحمة الله و بركاته
ربنا يهديها يا يعقوبي و تعرف ان الحوار أدب قبل كل شئ
و انا شفت بوستها المستفز حالياً بس ما رضيتش اعلق لأنها بتمسح التعليقات المخالفة لوجهة نظرها بمنتهى الحرية
:)
ربنا يهديها

و بيت الشعر بيقول
فعين الرضا عن كل عيب كليلة و لكن عين السخط تبدي المساويا
هي بتبص بعين السخط للإخوان فبتتصيد لهم العيوب
و لو ما لقتش عيوب تلوي عنق الحقيقة و تعتصرها علشان تنزل عيوب

رغم اني كنت اتمنى انها تنظر بعين التوازن اللي تكلم عنها البشمهندس عصفور المدينة قبل كده
ربنا يهديها

أما ايمي
فياريت تدخل اللينك بتاع ويكيبديا ده و تقرأ قبل ما تتهم الناس كده

و مش عارف كوكا فين ما دخلتش في الحوار ده ليه
دبلوماسية و مش عايزة تزعل حد منها
ماشي براحتها
:)

وطني
======
يعني خلاص صافي يا لبن ولا ايه؟
:)
ان شاء الله صافي يا لبن
و ما تقطعش زيارات حضرتك عننا بقى

مهندس مصري يقول...

اللي منتظر رأيهم في الموضوع ده هما
أحمد الصباغ
كوكا
بت خيخة و أي كلام
عبد الرحمن فارس

هما فين و لا اروح أنده لكل واحد بإسمه في مدونته؟
:)

fatima يقول...

مهندس يا مصرى
نمكى يا سيدى يعنى بتدق على الواحدة و تركز على أدق أدق التفاصيلو مبتعديش الحاجة من تحت إيديك الا لما تفصصها
موش وصف وحش يعنى
بس صفة متعبة لصاحبها و للناس
بتخليهم يحسسوا على كل كلمة زى ما بعمل كدا دلوقتى لحسن تزعل منى و لا أقول كلمة تضايقك من غير ما اخد بالى
و زربونة يعنى بتطلع تطلع و تنزل على مفيش و قلبها طيب
بس
تحياتى

مهندس مصري يقول...

فاطمة
=====
ههههههههههههههههه
مش قلت لك ان انا استنتجت معناها

و التركيز في التفاصيل هو سمة المهندسين
حكم المهنة بقى نعمل ايه

و حضرتك سيدة محترمة لم أرى في مدونتها أو تعليقاتها أي شئ يجرح احساس الآخرين
فإتكلمي براحتك لأن حضرتك ما دام محترمة يبقى عمرك ما حتغلطي فيا أو في غيري
و تشرفت بمعرفة حضرتك
:)

EmY يقول...

حلو ردك عليا اوي رد علي الاهامش كده زي مايكون صدقه

اولا يا استاذ ويكيبيديا مش مكان تاخد منه معلومات صحيحه تماما لان اي حد يقدر يغير فيها

سلام

فرنسا هانم يقول...

شكرا اخى محمد
انا جربت اعمل اللينك ونجحت
وحشيت اسم فرنسا فى التدوينه اللى كتبتها ونجحت
شكرا جزيلا لك

دكتور بيطرى يقول...

أخى العزيز معلش غبت عنك شوية بسبب بعض إنشغالاتى
لقد قرأت كثير من التعليقات ولم أجد حوار راقى من المعلقين ووجدت شبه خناقة
فمن المفروض أن يكون هناك هدف من الحوار وأن يكون هذا الهدف (أمر محمود) فقديما قالو الغاية لا تبرر الوسيلة بعكس ميكافبللى ولكن عندما يكون الهدف والغاية هو تجريح جماعة مثلا , فأدعو أختنا الكريمة تقرأ كتاب عن الجرح والتعديل لأئمة الحديث لتقييم رواة الحديث لإثبات صحة نقلهم عن رواة الحديث (فهنا كان الهدف والغاية نبيلين)
فالتجريح له أصول فمثلا إذا أردت إثبات شىء ما فلابد من إختلاف مصادر البحث وأن يكون المنقول منهم مشهود لهم بالحيادية والثقة فى النقل
وعندما أقيم جماعة ما ليس عن طريق تقييم أحد أفرادها فمن الممكن أن يكون هذا الفرد مخطىء فلا أعمم الحكم على باقى الجماعة ولكن التقييم يكون للأهداف والوسائل بإسلوب علمى بحثى وليس بأسلوب (العيار اللى مايصيبشى يدوش!!)
وأريد أن أنوه أخيرا بأن جماعة الإسلام فى عهد الرسول كان فيها أبوبكر وعمر وكان فيها إمام المنافقين أبى إبن سلول وعندما طلب الصحابة من الرسول قتل المنافقين فرد عليهم بقوله (أتريدون أن يقال عن أن محمد يقتل أصحابه؟؟) وكانت أسرار المنافقين كلها كانت مع أمين الأمة سيدنا أبوعبيدة إبن الجراح ( أحد العشرة المبشرين بالجنة) لدرجة أن سأله ابوبكر وعمر عن أن يكون أسمهما وحاشى لله مع المنافقين من شدة ورعهما!! فأين نحن من هؤلاء العظماء .
وبالمقارنة فإن جماعة مثل جماعة الأخوان أو غيرها من الجماعات التى تعمل من أجل نشر الإسلام فليست أعظم من الجماعة الأولى ففيها أمثال أبوبكر وعمر وفيها أمثال المنافق أبى ابن سلول !!
ولكن من سنة الدعوات الإبتلاء حتى يكون هناك تمحيص للجماعة المسلمة فقال تعالى ( ولنبلونكم حتى نعلم المجاهدين منكم والصابرين ونبلوا أخباركم )وهذا من رحمة الله بالفئة الناجية الصابرة
وانا أعجب من كلام قطة الصحراء من تشمتها فى المعتقلين !! وشماتتها فى حماس ؟؟؟؟؟؟؟؟ أظن إنهازعلت من العملية الإستشهادية بتاعة امس اللى راح ضحيتها سبعة من اليهود وثلاثون جريحا فإذا سمعتى التعليقات على الحادث من كل الأطراف المحايدة تجدى أن الكل يشيد بدور حماس بأنها ردت للعرب وللمسلمين كرامتهم.
وبنفس المنطق المعوج يسقط كثير من العلامانيين فى كلامهم فريضة الجهاد ويسمى مثل هذه العمليات الإستشهادية (بالعمليات الإرهابية ) فأنا أقول للجميع أليس فيكم عقول راشدة تعقل ما تقول ؟
وأقول لكل من يتهجم على شرفاء هذه البلد أتقوا الله وأتقوا يوم لاينفع فيه مال ولا بنون إلا من أتى الله بقلب سليم !! وأدعوهم لقراءة القرءان و كتب الصحابة والتابعين وقراء تاريخ العظماء من المسلمين أمثال محمد الفاتح وبيازيد وتاريخ الدولة والخلافة العثمانية وليسمع كل من لديه عقل وبصيرة ماذا قال السلطان عبد الحميد لهرتسل حين راوده عن فلسطين. قال: «إن فلسطين ليست ملك يميني، بل ملك الأمة الإسلامية، واذا مزقت دولة الخلافة يوماً فإنهم يستطيعون آنذاك أن يأخذوا فلسطين بلا ثمن. أما وأنا حي، فإن عمل المبضع في بدني لأهون علي من أن أرى فلسطين قد بترت من دولة الخلافة العثمانية. من الممكن أن تقطع أجسادنا ميتة، وليس من الممكن أن تشرح ونحن على قيد الحياة». رحمك الله أميرنا .
وأدعوهم لقراءة تاريخ المسلمين فى الأندلس لكى يعتزوا بدولتهم الإسلامية.
وأدعوهم لقراءة كتاب سياسة الإستحمار ( لكاتب إيرانى )المتبعة مع عالمنا الأسلامى اليوم وهى سياسة التوهان العقائدى والنفسى ) وهى التى يتشدق بها أو يستحمر بها العلمانيين أرجع الله رشدهم وصوابهم.
أخى الكريم أكرمك الله وجعلك من الذين يسمعون القول ويتبعون أحسنه.
فلا تيأس فإن نصر الله قادم إنشاء الله

غير معرف يقول...

مهندس معماري اسكندراني بالغربة

شوف يا هندة انا لما عملت القعدة ( اقصد قاعدة الكبار عشان نشوف مين الغلطان ) , لاقيت بسة الصحراء هيه اللي غلطانة ( اسف على لفظ بسة لان القطة في الدولة اللي انا باشتغل فيها بنقول عليها بسة ) هي اللي غلطانة طبعا ومديونة ليك باعتذار رسمي او بمعنى ادق مطلوب منها بعد الحكم والمداولة ههههه . . . .

ان تقوم بعمل بوست في مدونتها باعتذار رسمي ليك وان تدفع قرش صاغ واحد على سبيل التعويض او بغرامة تعليق اعتذار بمدونتك

والسلام

مهندس معماري اسكندراني بالغربة

عبدالرحمن فارس يقول...

بص يا بشمهندس نصيحتي متشغلش بالك كتير بالعالم التافهه دي ، ياباشا دي ناس فاضيه مورهاش حاجه غير الاخوان عملوا والاخوان سوو ، وكأن الاخوان دول مفيش الا هما في البلد ، تاني حاجه انا بتهيألي لو جبنا سيده الي هي اثار الحكيم في المسلسل واشتغلت عند واحد اخوان وطلع عين الي خلفوها مش هتطلع برضه تكرهم بالشكل دا ، ولو جبنا واحده جوزها طلقها واتجوزت مكانه واحد اخوان وطلع عنين ام العيال مش هيكروه برضه بالشكل دا ، الله اعلم يمكن حصلت حاجه اكبر من كده والراجل خلع عشان كده بتكره الاخوان

النقطه التانيه يباشا متشغلش بالك بالألفاظ الي بتتقال دي فكل اناء ينضح بما فيه لأن الواحد بتبان عليه البيئه الي هو عايش فيها ، يعني الي بيسمع كلام كويس مش هيقول غير كلام كويس والي بيسمع كلام قليل الأدب مش هيقول غير كلام قليل الأدب ، فكل واحد حسب ما اتربى واتعود ، والي متعلمش احترام الكبير في بيته يبقى مش هيحترم الناس الي بره ، طب قولي انت بس هيخترمهم ازاي لما هو اصلا مش متبري على الاحترام .

يعني مستني ايه من بسلامتها تقول مهدي راح مهدي جه وكأن المرشد بيلعب مع اهلها .

كمان فيه امثله عربيه بتقول

لو أن كل كلب عوى ألقمته حجرا .....

والمثل التاني بيقول ايه : الكلاب تعوي والقافلة تسير

وسبق كتير اوي كلاب عوت ولسه فيه كلاب بتعوي وياما لسه كلاب هتعوي

ما علينا اللهم اخزيك يا شوشو

بالمناسبه انا توجهاتي معروفه ومحدش يقعد يهري ويقول كذا لأن مفيش واحد اخواني لسانه طويل زيي كده

ويارتني ابقى اخوان عشان لساني دا يخف

ثم انت عايز ايه من ناس كل همها انها تحسن صورة البلطجيه والحراميه بتوع الشرطه مستني منهم ايه يعني انهم يشكروا في الاخوان

دول يدافعوا عن واحد زي عز عن واحد زي سوايرس واحد ناهب ام البلد والتاني عايز يقلبها ليله حمرا

ومحدش يقول اني اقصده بالكلام
والي على راسه بطحه يحسس عليها

ارجو ان تعليقي يفضل زي ما هو

بالمناسبه انا قاصد كل كلمه انا بقولها يعني مش لحظة نرفزه والي يزعل يزعل والي يتفلق يتفلق والي يخبط راسه في الحيط يخبط ومية البحر مفيش اكتر منها

والي ميشفش من الغربال يبقى اعمى

وملعون امن الدوله على الي بيحامي لأمن الدوله على الي شغال في أمن الدوله على مدونين أمن الدوله

المقر بما أعلاه
عبدالرحمن فارس
مدونة لساني هو القلم
www.chabfares.arwp.net

خمسة فضفضة يقول...

السلام عليكم ورحمة الله وبركاته

ليه كده يا جماعه لما حد يناقش موضوع وناس تختلف معاها في الرأي الاتنين بياخدوا الكلام علي محمل شخصي ويزعلوا ويتقمصوامن بعض
مع ان فعلا المفروض ان الاختلاف في الرأي لا يفسد للود قضية
وزي المقوله الشهيره اللي بتقول رايي صواب يحتمل الخطأ وراي غيري خطا يحتمل الصواب
فليه كده وليه كمان نلقي الاتهامات علي الناس جزافا من غير ادله ولا بينه
وليه من موقف او اتنين بنبني راينا علي ناس معينه
فيه تدوينه عند دكتور حر ليها نفس المعني اسمها ع م م ، ممكن اكون باختلف معاك في نقطتين تلاته بس فيه حاجات تانيه كتير كويسه ممكن نتفق عليها


وفي الآخر احب اقولكم العبوا سوا وماتتخانقوش
وسمعني سلام الصلح خير ......
:-) :-) :-) :-)

مهندس مصري يقول...

ايمي
======
يا عزيزتي الجعفري رد عليكي بما فيه الكفاية و انا متفق معاه في كلامه يبقى حأكرر نفس الكلام تاني ليه
:)

ثم ويكبيديا صحيح أي حد ممكن يغير فيه بس لو لوحظ التغيير ده و الناس اشتكت ادارة الموقع بتراجع المنشور و بتصححه
و يا ستي اعملي بحث في جوجل كله و اقري من الموقع اللي يعجبك المهم يكون محايد لا معاهم و لا عليهم

فرنسا هانم
===========
العفو يا ستي
و اي خدمة و احنا في الخدمة :)
و متشكر جداً على نصيحتك ليا برضه انتي اللي مسبقة دايماً بالخير

دكتور بيطري
============
سلم قولك يا أخي
كل الجماعات فيها الصالح و فيها الطالح و ليسوا بأحسن من الجماعة الأولى و لكن بعض الناس يتسرعون في اصدار احكامهم
أشكرك شكراً جزيلاً

مهندس معماري اسكندراني بالغربة
=======================
ماشي يا زميل المهنة
و انا موافق على حكمك
:)

عبد الرحمن فارس
==================
شكراً على تعليقك يا أخي
بس اعترض على طولة اللسان لأننا مش مفروض ننحدر بمستوانا في الحوار
احنا أحسن من كده
و ياريت ما نتهمهاش بدون دليل و الا يبقى عملنا زيها
ربنا يهدي أخلاقك و يقصر لسانك و يكرمك و ييسر لك كل خير

:)

خمسة فضفضة
=============
و عليكم السلام و رحمة الله و بركاته
و انتي جيتك عندي غالية يا دكتورة و ربنا اللي يعلم

و انا برضه باقول الصلح خير
و لو اعتذرت لي انا حأمسح البوست ده كله و الصلح خير
:)

بحبك يامصر يقول...

اللحقيقه انا متابع الحوار من البوست السابق (اللى عمل المشكله)وان شاء الله مفيش مشكله ولا حاجه ..بس عندى سؤال

هى المدونات اتعملت عشان ندخل عند بعض ونوافق بعض على موضوعتنا ؟ او لو اختلفنا فى ارأنا تبقى مشكله وخناقه؟
للأسف الكل بيقول جملة (الاختلاف فى الرأى لا يفسد للود قضيه) ومش بيعمل بيها الكل عنده شعارات وبس ياجماعه كونوا على قدر من الوعى كفايه لنستفاد من بعضنا البعض

مهندس مصري يقول...

صدمت بالمستوى الذي وصلت اليه التعليقات في التدوينة الأخيرة لقطة الصحراء
و لم اعلق عندها و لن اعلق

و لكن رجاء لكل من يريد تفنيد اراؤها انا يجادلها بالأدب

رغم انها عنيدة و لن تقتنع فلا فائدة من مناقشتها

فأنا لا ارضى ان تشتم أو تسب او تتهم بالعمالة باطلاً بدون دليل

فهذا هو ما اعترضت عليه عندما فعلته هي معي
و لا أرضى ان يفعل بها مثل ما فعلت معي
و كل من بدأ بشتيمتها عليه ان يتوقع رداً من جنس تعليقه

فكل من يشتم احداً فهو مخطئ في حقه و هو محاسب يوم الدين عما تلفظ به لسانه او كتبت يداه
اتقوا الله يا اخوتي المدونين
و لنطوي هذه الصفحة
هدانا الله و اياها الى كل خير

Ahmed Al-Sabbagh يقول...
أزال المؤلف هذا التعليق.
Ahmed Al-Sabbagh يقول...

سورى يا محمد

انا ماليش فى الخناقات وانت عارف

كان نفسى اخدم

بس معلش مش بحب الخناقات على المدونات

بس انت بردة اتعاملت مع حنان - قطة الصحراء بعنف شوية ويمكن ده اللى خلاها عصبية

يعنى ممكن تخلى صدرك رحب اكتر

وآبى طبعا بتهدى النفوس اهى

هههههههه

سلام يا صاحبى

مهندس مصري يقول...

أحمد الصباغ
=============
يا خالو لا بعنف و لا حاجة
دا أنا باقولها مفيش داعي للنرفزة و التريقة
قامت داخلة فيا شمال
ربنا يكرمها بقى
:)

عبدالرحمن فارس يقول...

نصحية حضرتك يا بشمهندس ع العين والراس من فوق

اما موضوع الاتهام دا فاننا متهمتش حد انا قلت شوية كلام والي على راسه بطحه بقى


محبتي

somaa يقول...

صللوا على النبى يا جماعه احنا اخوات مع انى لسه جديده بس برضوا اخوات هههه هدى نفسك يا بشمهندس واعمل بالنصيحه بتاعه الممثل اللى مش فاكره اسمه..اختلفنا عاااااادى اتفقنا عاااااادى كله عادىىىىى ...ياه امال بقى لو اصابك الحظ فى ذات المرات وتبقى من ضمن المشرفين على مدونه عامه...تلاقى واحد داخل بفيفى عبده يقولنا ...قومى ياختى انتى وهى اتزوقوا بلا غم حتعنسوا...واللى داخل باللمبى يشتم الفاظ قذره....وتلاقى واحده رزعتك كلمه فى قفاك ...يا متخلفه يا رجعيه ....ههههه خليك زى الاستيك منه فيه مطاط...لحسن الدنيا فيها حاجات تخرب العقول....امال انا اتجننت من شويه....!!؟؟
سومه_87