الخميس، مارس 13، 2008

أنا ماشي

في وسط حالة البلد المنيلة بنيلة حالياً ربنا سهل لي بفرصة شغل في السعودية


لسه بأخلص في الإجراءات


ادعوا لي ربنا يسهل لي و أعرف اسافر


صحيح حأتعب في الغربة و الغربة مرة


بس ايه اللي رماك على المر


اللي أمر منه طبعاً


بقالي 5 سنين متخرج و 4 سنين بأشتغل و اللي جاي على قد اللي رايح تقريباً و الجواز حلم بعيد ما أقدرش أفكر فيه
صحيح الحمد لله أنا أحسن من غيري كتير بس أهو ربنا قال في كتابه ( فأمشوا في مناكبها و كلوا من رزقه ) و أرض الله واسعة و من حق الواحد انه يسعى فيها طلباً للرزق الحلال
أنا بأحب بلدي و مش سايبها كرهاً فيها لأ أنا سايبها لأني مش عارف أحقق ذاتي فيها

نفسي أشتغل و اثبت نفسي هناك و أبقى أحسن مهندس في المكتب كله بشغلي و علمي و مجهودي و قبل ده كله بفضل ربنا عليا


عموماً أنا مش عارف ظروفي طول الإسبوعين الجايين حيبقوا جري و تخليص اجراءات و تظبيط حاجات قبل السفر و لو ربنا سهل و سافرت مش عارف ظروفي ايه و حأقدر أخش نت هناك امتى


فكل الحبايب يعذروني و يدعوا لي محتاج دعواتهم قوي


و أنا فاكر و مش ناسي عليا تاجيين واحد من عاشقة الفردوس قديم قوي


و واحد من ابن حجر العسقلاني جديد :)


و خدوا صورة حجر الاساس بتاع مجلس المدينة عندنا اللي كنت قلت لكم عليه في بوست زيارة مبارك لدمنهور




رغم ان الريس ما جاش لا في دمنهور و لا رشيد

و في اشاعة مش عارف درجة صحتها بتقول ان الرئيس عبد الناصر مات بعد زيارته لدمنهور بشهر واحد و ان الرئيس السادات اتقتل بعد زيارته لدمنهور بشهر برضه و ان الرئيس مبارك متشائم مننا و مش حيزورنا أبداً

ما تنسوش ادعوا لي

هناك 79 تعليقًا:

د/اجدع بنوته يقول...

ممكن نكون اول كومينت

ع العموم شرف يستحق المحاوله للوصول اليه

عصفور المدينة يقول...

وفقك الله يا حبيبي حفظك الله في حلك وترحالك

د/اجدع بنوته يقول...

ربنا معاااااااااااااك

ويقويك يارب ويوفقك

وباذن الله تنجح

وترجع تجوز ف خلال 17 سنه كده

ولا خليهم 3 سنين علشان خاطرك

وابقى طمنا عليك م هناك م ان لاخر باذن الله

ياراجلللللل

مكنتش اعرف المعلومات دى

ده لو كده

الواحد يجبهولكم مخصوص

الشعب يخطفه

المهم يدخل المجال الدمنهورى الجوى

بأى حال م الاحوال

مجداوية يقول...

أخيرا وصلت وعرفت موضوع الخلاف اللى المدونات بتتكلم عنه بس أنا أخى الكريم أوصل وانت تسافر اذا حضرت الملايكة الملايكة التانية تمشى عشان انا وانت بلديات ملايكة دمنهور هى مش أصل منبتى لكن عشت فيها عمر وبصراحة مع احترامى لك ولكل الناس الطيبيبن اللى فيها أنا مقدرش أعيش فيها دلوقت لكن لسه بآجى زيارات,,المهم ,,ربنا يوفقك فى سفرك ونصيحة من أخت أكبر منك وسافرت برضه السعودية وقعدت سنين هناك اياك يا مصرى تتنازل عن كرامتك هناك لأى سبب اتقن عملك بأقصى درجة وتعامل معهم بكل الكبرياء والترفع لما حتعزز نفسك حيحترموك واجعل عملك وحسن اخلاقك هم اللى يتكلموا عنك ولا تنتقد أحد هناك أمام أحد مهما كانت ثقتك فيه ,,وربنا يوفقك ويبارك لك فى رزقك وتشرف الدمهرة هناك ,,وأعتذر انى وصلت متأخرة ولم أقرأ مدونتك من قبل فأنا لسه مستجدة هنا ,,ولا تنس أن أنت هناك أمام الكعبة باذن الله للمسلمين كلهم وللاسلام بالعزة وبصفة شخصية وان كنت لا تعرفنى لكن كأخت لك فى الاسلام أن تقرأ على رسولنا الكريم السلام منى وتدعو لى أن أعود لزيارته صلى الله عليه وسلم يوما ما ,,وربنا معاك أخى الكريم

جمعاوى روش طحن يقول...

الباشا الكبيير

نص يا سيدى طالما جت لك فرصة سفر ماتسبهاش

بس إحسبها صح الأول

يعنى لازم تحدد إنت ح تسافر مدة أد إيه ؟

ولا زم طبعا يبقى الدخل المادى العائد عليك أكتر من اللى ممكن تحصله هنا بكتييييييييييييييير

لإن الغربة لها ثمن

و ربنا يقدم اللى فيه الخير و ماتنساش ركعتين الإستخارة


أما عن زيارة البنى آدم اللى إسمه حسنى مبارك لكم فإتلغت لدواعى أمنيه

و هى :
======

إن موكب البنى آدم ده لازم يبقى تلات عربيات جنب بعض

و شوارع دمنهور أخرها عربيبتن بس فدع غلط على الموكب

ده بجانب الخوف اللآرادى اللى من أى مسئول حيال دمنهور بالذات

الفاتح الجعفري يقول...

البشمهندس الكبير
مش هنقول وداع ان شاء الله
ولكن الي اللقاء
يسر الله لك كل امرك وجعله خير لدنياك واخرتك
ورزقك من فضله وان يرضي عنك دائما ابدا
وصيه يابشمهندس
كن عنوانا لاسلامك اينما كنت
فقط
هتوحشني جدا جدا
ولكن هذه هي الدنيا
جزاكم الله كل خير

بت خيخة وأى كلام يقول...

ربنا يوفقك يامحمد يارب
ويسهلك امورك
وهنفتقدك والله
بس انت اول ما تظبط نفسك هناك حاول تدور على اى انترنت كافيه وتبقى تكتبلنا مذكراتك فى الغربة
ولو عرفت تنزل القاهرة يا محمد ونعمل لقاء مدونين قبل ما تسافر يبقى كويس علشان نسلم عليك
ربنا يكرمك يارب
سلام
اختك خيخة

Ahmed Al-Sabbagh يقول...

لا ما ينفعش الكلام ده

هنهزر

ولا خلاص عشان خدت على خاطرى شوية تقوم سايب البلد

:)

ااااااه انت بتهرب من زيارة دمنهور اللى عزمتنى عليها

:)

بص الاجتهاد واجب على كل انسان

وانا بدعيلك من قلبى ربنا يوفقك فى التجربة دى

وان كانت مش هتبقى سهلة لان زى ما انت قولت الغربة مرة


لكن مع الصبر والعزيمة بيهون الصعب

وبدعيلك من قلبى ديما

ربنا يوفقك

أحمد

صاحب المضيفة يقول...

ربنا معاك ويحفظك من كل مكروه


ومش تنسى تدعي لنا عن الكعبة الله يبارك لك


تروح بالسلامة ويارب تتجوز على طول



تحياتي

زُمُرده يقول...

باذن الله ربنا هيكرمك
وتسافر
وتشتغل وتكون نفسك وربنا يفتحها عليك بزوجه صالحه

بس اخلص النيه
وتوكل واستخير


وادعي لكل الشباب لو سافرت في يوم من الايام
وخليك مواظب ع العمره هناك
وقول يااااااااااااااااااارب

مستــ ج ــــدة يقول...

ربنا يوفقك يابشمهندس وييسرلك الأمور
ويكتبلك الخير .... وبعدين متقولش انا ماشى دى
ان شاء الله هتكون معانا على طول ومش هتسيب المدونة خالص
سلااااااامى وبالتوفيق

أنا مش موافق يقول...

عزيزى
ربنا يسهل امورك

ويفتح طريقك بدل بتسعى فى الخير
خلاص
ربنا معاك
وموضوع دمنهور ده لو جد

نبقا ندعى بقه

سلام

خمسة فضفضة يقول...

السلام عليكم روحمة الله وبركاته

ربنا يوفقك ويفتحلك ابواب الرزق ، وتسافر وترجع بالسلامه ان شاء الله

صانعة الحرية يقول...

السلام عليكم
ربنا يقدر لحضرتك الخير يا فندم
ويرضيك به
ويعينك ويوفقك ان شاء الله

fatima يقول...

مهندس يا مصرى
إيه دا؟؟
ينفع الكلام دا ؟؟
بقى أدخل مجال المدونات من هنا تطفش انت من مصر كلها؟؟ أنا وشى وحش و لا إيه؟؟
الف مبروك أنا و الله مبسوطالك كأن ماجد اخويا هو الى جاتله الفرصة ...
بس بص يا ريت تكون مسافر عشان تتعلم حاجات جديدة و تشوف دنيا منظمة و ناسها بيحترمو القانون و تساعد اهلك ...و بلاش يكون الدافع الأكبر هو التجهيز للجواز عشان بكرة تندم يا جميل و تقول معقولة اتغربت و اتبهدلت عشان فى الآخر أوكس نفسى كدا ؟؟
ليه اللى قبلى ما نصحونيش ؟؟ ادينى بنصحك اهو ...اتفرج ع الدنيا و إستمتع بلحظات جريتك على قد ما تقدر و الجواز جاى جاى كلنا لها فى الآخر
و يا سيدى على مهلك ظبط أموك كويس و انا متهيلالى المدونة هتشتعل نشاطا فى السعودية لأنك من الناس اللى مرتبطة ببلدها قوى لدرجة انك قرفان عشانها ...
الف الف مبروك
و ربنا يجعلها سفرية الهنا و السعد و ترجعلنا سالم غانم
يا رب
أختك مامت يوسف

فزلوكة يقول...

تروح بالسلامة إن شاء الله
وربنا يوفقك وييسرلك أمورك

لكن التدوين
حضرتك هتعمل فيه إييييييييييه ؟؟

بالتوفيق دائما إن شاء الله

مهندس مصري يقول...

د/ أجدع بنوتة
===============
أنا اللي ليا الشرف بتعليقك رغم اني مقصر معاكي في مدونتك أو بمعنى أصح مدوناتك
مكسوف منك بجد

عصفور المدينة
=============
آميين أنا باتفائل بدعوتك قوي يا هندسة
:)

مجداوية
=======
هو المدونات اتكلمت عن الخلاف ؟
كام مدونة ؟ أنا ما أعرفش غير مدونتين جابوا سيرة الموضوع
غير شوية تعليقات متناثرة في بعض المدونات الصديقة
عموماً أنا ما كنتش عايز الموضوع يكبر قوي كده
:)

أنا ناوي على اللي حضرتك قولتيه ده كله

و ان شاء الله في اول عمرة حأدعي لكم كلكم و أوصل سلامك
رغم ان الشغل حيكون في حائل
يعني بعيد عن مكة و المدينة
بس ربنا يسهل في اقرب فرصة

و حضرتك اقري في الأرشيف الموضوعات القديمة و ان شاء الله تلاقي موضوعات تعجبك

جمعاوي روش طحن
==============
الحمد لله المقابل المادي كويس و حاشتغل مهندس في مكتب استشاري و مديري حيكون هو نفس مديري اللي كان هنا في شغلى القديم في المكتب الإستشاري اللي كنت شغال فيه في دمنهور قبل كده
دمنهوري زيي و راجل محترم جداً

أما حأقعد قد ايه ؟
دي حسب التساهيل

عموماً العقد سنتين قابل للتجديد

الفاتح الجعفري
===============
أخويا بجد مش هزار
ربنا يستجيب دعاؤك اللهم آميين
و ان شاء الله نتقابل قبل ما اسافر

بت خيخة و أي كلام
=================
أنا حأنطحن نزول للقاهرة لأن اغلب الإجراءات المطلوبة مع الملحق الثقافي السعودي و القنصلية و السفارة و مكتب السفريات و الكشف الطبي و التحاليل و كل ده في القاهرة
مفيش في دمنهور غير الفيش و التشبيه و تصريح السفر

أنا حأضبط مع الصباغ بالموبايل و هو يبقى يرتب معاكم علشان أشوفكم يا أم شريف

أحمد الصباغ
===========
لا يا خفيف ما فيناش من تزويغ و لا انت اللي بتلكك و مش عايز تيجي
أنا قدامي اسبوعين قبل ما اسافر
تتصرف و تنزل لي في أي يوم
مش مشكلتي أنهي يوم
اتصرف يا خال
و حأرتب معاك على قعدة مدونين في القاهرة بس حتماً و لا بد تنزل لي دمنهور و لا هو كان كلام مخاليل
:)

صاحب المضيفة
============
آميين
مش حأنسى
شكراً
:)

زمردة
=======
حضرتك اول مرة تشرفيني
أهلاً بيكي
:)
آميين يارب

مستجدة
========
آميين
أنا قصدي أنا مسافر
و اول ما اضبط أموري هناك راجع لكم و مش حأعتقكم
دا إحنا عشرة بلوجر
و العشرة ما تهونش
:)

أنا مش موافق
==============
ادعي و كلنا معاك
آميين

خمسة فضفضة
==========
و عليكم السلام و رحمة الله و بركاته

آميين

و كل سنة و حضرتك طيبة كمان مرة يا دكتورة

:)

صانعة الحرية
==============
و عليكم السلام و رحمة الله و بركاته
آميين

أم يوسف
=========
بصي يا ستي
أنا نفسي في خير متاع الدنيا
الا و هو الزوجة الصالحة كما قال سيدنا محمد صلى الله عليه و سلم
أما الحرية فيا ستي كفاية 28 سنة حرية و لسه
:)
و لو هيا صالحة يبقى حنبقى احنا الاتنين مع بعض في منتهى الحرية و السعادة ان شاء الله

و من ضمن أهداف السفر برضه اني اتعلم و ازداد خبرة و اكون نفسي مادياً سواء للجواز او لأي حاجة تانية
و أديني حأشوف ناس جديدة و دنيا جديدة و جنسيات مختلفة و حاحاول اعرف السبع فوايد بتوع السفر

و هناك لو لقيت وقت و جهاز متصل بالنت حأروق المدونة على الآخر و حتشوفوها في ثوبها الخليجي
:)
آميين

فزلوكة
=======
الله يسلمك
راجعي الردود السابقة و انتي تعرفي
:)

أنونيمس يقول...

تروح وتيجي بالسلامه يا محمد
اقرى دي
http://anonymous-eg.blogspot.com/2008/03/blog-post_14.html

أنونيمس يقول...

تروح وتيجي بالسلامه يا محمد
اقرى دي


http://anonymous-eg.blogspot.com/2008/03/blog-post_14.html

زكرياء يقول...

الله ييسر امورك و اهلا بك في نادي المغتربين يا صديقي، و سلامنا للحجاز و اهل الحجاز و لو اعتمرت سلملي على اشرف اهل احجاز و قله سلم عليك زكرياء، اياك تنسى :)

بالسلامة يا صديقي

بت خيخة وأى كلام يقول...

هى الدعوة للذهاب الى دمنهور مقتصرة على الصباغ بس
ولا ممكن واحدة خيخة تيجى كمان

EmY يقول...

ربنا يوفقك للي فيه خير ليك
مع اني مش مع السفر بس الضرورات تبيح المحظورات

ربنا معاك

تحياتي

مهندس مصري يقول...

أنونيمس
========
الله يسلمك يا تامر
و هديتك مقبولة يا باشا

زكرياء
======
الله يسلمك يا زكرياء
انت الوحيد اللي عرفته من المغرب بس حببتني في المغاربة كلهم
مش حأنسى ان شاء الله

بت خيخة و أي كلام
=================
دا انتي تنوريني يا نوران
:)

ايمي
=====
شكراً يا ايمي
:)

النجم القادم يقول...

حبيب قلبى الغالى

ربنا يوفقك يااااااااارب

وتخلص الورق ويسهلك طريق

يبس هنفتقدك معانا كده

ربنا يوفقك ياااارب ياهندسة

لو عذت اى مساعدة انا تحت امرك

وليا ناسى فى كل حته ههههههه

بس انته تؤمرى اى حاجه رن عليا

بس بيقولك اتلغت الزيارة

لدواعى امنية زى جمعاوى ماقال

واضيف انه لازم يخلوا الاماكن

الا هيمر منها فمكنش ينفع

لان هو جى نص البلد ودى صعب يخلوها

وكمان رايح رشيد يعنى هيمشى على

السريع وهو بيخاف من السريع

مع انى قايله

اوعى تخاف

حزيــــــــــــــــــن يقول...

تروح وترجع بالسلامه ان شاء الله

ابو السيد يقول...

بتعلم منكم والله وفرحان جدا لأن فى ناس بتكتب الحق

بالحق



ربنا يرعاك يا استاذي الفاضل

ربنا يوفقك

Masry يقول...

مع تحياتي http://khawater-mawakef.blogspot.com/

فرنسا هانم يقول...

اخى الصغير مهندس مصرى
مع الف مليون سلامه
ادعو الله لك بالتوفيق
بس امانه
لو لقيت فرصه للنت
طمنا عليك
ربنا يوفقك

عاشقه الفردوس يقول...

ربنا يوفقك
ويوسع رزقك ويصلح حالك
وماتنساش اول قبضيه عمره للوالد والوالده

وماتنساناش من صالح دعائكم

حسن توفيق يقول...

اخى الفاضل -- اختى الفاضلة
ادعوكم للتضامن مع دعوة الداعية الاسلامى الكبير ( عمرو خالد )والانضمام
------ الى ----

( حملة حما يه )
فى انتظاركم ولاتترددوا نحن فى حاجة اليكم
برجاء التواصل للمساهمة وشكرا لكم مقدما....للمزيد يمكنك زيارة مدونتى
او زيارة موقع عمرو خالد مباشرة

حسن توفيق يقول...

ما تنساش انت يا باشمهندس وانت فى بلاد الحرمين تدعوا لنا بالصحة والستر ..كفايه علشان متنساش
ربنا يوفقك

appy يقول...

ربنا معاك يا رب ومتنسناش بقى
بس اممممممممم هقعد اضايق فى مين سلم بقى الموضع لحد او اقترح حد غيرك اضايق فيه ههههههههه
هدعيلك من قلبى مع انى ضد السفر بس ترجع بالسلامه يا رب

محمود المصرى يقول...

بسم الله الرحمن الرحيم

ربنا يوفقك اخى الكريم وبصراحة انا شرفت بمعرفة حضرتك واتمنى لك كل الخير وشد حيلك وان شاء الله تحقق ما تتمنى .
وكلها ارض الله اخى بس ماتقطعش العلاقات يعنى . انت رايح السعودية مش بوركينا فاسو يعنى فيها نت وكهربا وكل حاجة فأدخل بس سلم على الاقل على حبايبك وربنا يعينك .

بت خيخة وأى كلام يقول...

ده انتى تنورينى يا نوران
مالها كدة عاملة زى عزومة المراكبية
ماتعزم بقلب جامد امال يا عم محمد
متنساش تقولنا هتنزل القاهرة امتى علشان نشوفك

سلام
اختك خيخة

هبههههووب يقول...

اذيك يا بشمهندش
ربنا يكتب لك الخير هنا او هناك ويعمل لك الى فيه الخير
المهم صلى استخارة وربنا يعمل الى فيه الصالح ليه
وهنا او هناك كلها ارض الله
صحيح هنا في الاهل والاصحاب
بس انتى رايح لهدق واكيد هتبقى مشغول فيه ومش هتبقى فاضى تفكر ف شىء
ربنا يقدرك ويوفقك ويحميك

ابن حـجـر الـعـسـقـلانـى يقول...

أنا مش عارف ليه حظى كدة مع الناس .. تقريبا انت خامس واحد من اللى كنت سعيد بتعرفى عليهم و فجأة ألاقيهم سافروا لدرجة إنى قلت لنفسى فى مرة من المرات لواحد منهم :"يا ريتنى ما عرفتك"... معلش ... أنا مش قصدى أضايقك .. لكن بالفعل دة شعورى دلوقتى لما عرفت إنك مسافر

و على العموم تعالى نتفاءل شوية ... الانترنت ماخلاش حد بعيد .. و بالتأكيد انت هاتلاقى هناك وسيلة مناسبة تدخل بيها على النت .. و هاتحس إننا عايشين معاك .. و هانحس إنك عايش معانا

ربنا يكرمك و يوفقك فى سفريتك و يبارك لك و يرزقك رزقا حسنا

و كله يهون من أجل الجواز فى الزمن دة اللى ما يعلم بيه إلا ربنا :) :)

بقول لك إيه .. مش عايزين حد يشيل لكم الشنط هناك .. أنا فى الخدمة يعنى
:) :) :)

مروة الزارع يقول...

مع انى هزعل اوى لما تسافر

بس هدعيلك ربنا يوفقك يااااارب

وتحقق كل اللى تحلم بية

الفاتح اليعقوبي يقول...

السلام عليكم
استاذي محمد ربنا يكرمك يارب ويعزك
برفض السفر للغاية لاني عامل زي السمك بالظلط باكتئب ان بعدت عن الناس اللي بحبهم واعرفهم بس عامة ربنا يقدرلك الخير كله اينما كان ووقتما كان يارب وترجع كده من هناك مهندس استشاري قد الدنيا يارب والاجازة الجاية تكون جي عشان اللي بالي بالك
بس اكيد في نت هناك ولازم تدخل عليه عشان نعرف اخبارك
والسلام

يوميات مواطن مصرى يقول...

ليه بس قلت انك مسافر
كده كل شعب مصر حايحسدك انك حاتخلص من القرف اللى عايشين فيه وكمان نظام مبارك حايحاول يبوظلك الموضوع امال لما انت واللى زيك يسافروا هما حايقرفوا فى مين
حرام عليك يا راجل تعمل كده فى نفسك

محمد الجرايحى يقول...

أخى الكريم
أسأل الله تعالى أن يكتب لك التوفيق
وأن تحقق كل ماتصبو إليه من آمال ...

بارك الله فيك وأعزك
أخوك
محمد

مدحت محمد يقول...

ربنا معاك وان شاء تحقق ذاتك هناك
وان شاء الله ان شاء الله
الريس يزور دمنهور قريب
تحياتى

فضفضة يقول...

مهندس مصري

انت جاي هنا عندنا

ربنا يارب يوفقك

وتخلص ورقك على خير

ويهونها عليك هنا وهناك

الغربة مرة ومرة قوي

بس انت قلت لوحدك اية اللى رماك على المر

بس صدقنى كله هيعدى حلو مر هيعدى

ويارب تلاقى اللى انت بتدور عليه هنا فى السعودية

كلام جداوية رااااااائع اقراه كويس

كنت هقوله لك بس هى سبقتنى

ربنا معاك

النت هنا امره يسير متقلقشي
ومن اول راتب ان شاء الله هتظبط موضوع النت وتجيب لاب توب
بس حلم انك تحقق نفسك وتبقى مهندس مشهور
والحلم الفاضل فى المدينة الفاضلة ده مش هيحصل هنا للاسف

انت هنا كل اللى ممكن تعمله توفر قرشين تنزل تتجوز بيهم
وخلى بالك من نفسك
وربنا يااااااارب يوفقك

ولو احتجت اى خدمة او اى معلومات انا قديمة فى السعودية وتحت امرك !!!

somaa يقول...

انا حدعى ربنا يسهلك وادعى ربنا حسنى طيارته تقف فوق دمنهور ويضطر لهبوط اضطرارى ....هههههه يمكن نرتاح بعد خمس سنين ....برضوا يبقى فى امل
تحياتى للكتاباتك ودا اول تعليق ليا عليها بس اقبله تعليق من مجنونه جدااا بس فى بلد عاقل....
سومه_87

Whispers just for a Night يقول...

سافر يا أخي
ومن يهاجر في سبيل الله يجد في الأرض مراغما كثيرا وسعة

ولكن أنصحك بالنية في العمل
الإخلاص
الدعاء لنا وللمسلمين
أدعو الله لنا بالحج
أدعو الله لنا بالنصرة
أدعو الله لنا بالرفعة
أدعو الله لنا أن يحي قلوبا ميتة
أدعو الله لنا أن نكون يدا واحدة
أدعو الله لنا
ونلقاك في مكة إن شاء المولى الكريم

الطائر الحزين يقول...

ربنا يوفقك ويكرمك ويجعل لك الخير اينما تكون

قلتى لى هو هيروح دمنهور امتى؟

تحياتى

مهندس مصري يقول...

النجم القادم
============
حكمت فعدلت فأمنت فنمت يا عمر
هو لازم يخاف يا بني
يخاف من ظلمه للناس و ده أبسط عقاب ليه من ربنا

حزين
======
الله يسلمك

أبو السيد
==========
آميين
ربنا يفرحك كمان و كمان

مصري
=====
و تحياتي ليك

فرنسا هانم
===========
ألف مليون = مليار
يبقى نقول
مليار الله يسلمك يا فرنسا يا غالية
:)
و ان شاء الله على اتصال عبر النت دايماً

عاشقة الفردوس
==============
من عينيا
:)

حسن توفيق
==========
حاضر
آميين

آبي
=====
يا ستي
عندك في كوكبك ناس ياما و انتي طالقة عليهم خرفانك غير تحديف القلل دا غير الزير النووي اللي جه في آخر تدوينتين
أنا حأنفد بعمري سليم بدون اصابات و الحمد لله
:)
ههههههههههههههههه

محمود المصري
===========
آميين
انت يا أخي من الناس القلائل الذين أحسست بإنطباق حديث رسول الله صلى الله عليه و سلم على علاقتي بهم
فقد قال : الأرواح جنود مجندة ما تعارف منها في الله إئتلف و ما تنافر منها في الله إختلف
و لقد شعرت روحي بالإئتلاف مع روحك
و لن تنقطع اخوتنا في الله أبداً ان شاء الله
:)

بت خيخة و أي كلام
=================
هههههههههههههههههه
حاضر
يا أم شريف
:(
قصدي
:)

هبههههووب
==========
آميين
شكراً
:)
و ربنا يسهل ما فيه الخير

ابن حجر العسقلاني
=================
أولاً شكراً على الكلام الجميل بتاعك ده
:)
وا الله القلوب عند بعضها
بس نعمل ايه بقى في الظروف
أنا بس استقر هناك و أضبط أموري و حتلاقيني لابد لك في كل اوقات فراغي على النت
و مش حأسيبك يا معلم
ثم شنط مين و بتاع مين
دا انت مقامك أكبر من كده قوي يا أبو العساقيل
أول ما السعودية تبدأ مشروعها النووي حأوصيهم عليك يا باشا

مروة الزارع
===========
ربنا يوفقك في شغلك الجديد يا مروة و يكرمك
انتي بنت طيبة و أكيد ربنا حيكرمك
:)

الفاتح اليعقوبي
================
و عليكم السلام و رحمة الله و بركاته
يا حبيبي ان شاء الله على اتصال دايماً
و آميين ربنا يسمع منك

يوميات مواطن مصري
==================
لا لسه في ملايين كتير يقرفوها
ربنا يريحنا منهم على خير
و سعيد بأول زيارة لك للمدونة
:)

محمد الجرايحي
===========
شكراً :)

مدحت محمد
========
شكراً
:)
و اهلاً بيك في أول زيارة

فضفضة
======
أهلاً بحضرتك الأول
المشاريب كلها مجانية في تلاجة المدونة
مدي ايدك و بالهنا
:)
مفيش مدينة فاضلة على الأرض
و محدش جاب سيرة شهرة
أنا قلت عايز أحقق ذاتي و ابقى مهندس كبير بعلمي و خبرتي
أبقى خبير استشاري
و استشاري دي معناها 15 سنة خبرة و أنا لسه 4 سنين خبرة بس
يعني لسه فاضل 11 سنة
:)
لكن الشهرة دي ما خطرتش في بالي
و عموماً الشغل الكتير في مشاريع كبيرة مع شركات و مكاتب محترمة و التفوق في الشغل هو اللي حيصنع سيرة ذاتية متميزة للواحد في شغله
:)

و خلاص ما دام بقالنا ضهر مدونين في السعودية يبقى حنسافر بقلب جامد
:)

سومة
=====
شكراً يا سومة و ياريت تقلبي في القديم بتاع المدونة حتلاقي حاجات كتير تعجبك ان شاء الله

همسات فقط لليلة
===============
ان شاء الله

الطائر الحزين
=============
مش رايح

ربنا يكرمك و يعزك

العراق صوت الحق يقول...

موفق أن شاء الله يا محمد
أتصور أن متابعة التدوين سيكون صعب ولكن لا تحرمنا من الاطمئنان عليك
ياالله وكأني أعرفك من سنوات .
على كلا سندعوا الله لك بظهر الغيب وأنت أن شاءالله كذلك.

أمير القلوب يقول...

أخي الفاضل
ربنا ييسرلك أمورك ويختار لك مافيه الخير
بارك الله فيك
حياك الله

MerMaid يقول...

محمد

ربنا يوفقك يارب يا محمد
يعز علينا قوي قوي فراقك

خللي بالك من نفسك و توكل علي الله
و بجدانت اخ عزيز علية جدا جدا
وانت عارف كدة
ربنا يكرمك يارب يارب يارب

تحياتي ليك
ويارب ترجع سالم غانم
هههههههههههه
حسيت ان سالم غانم ده واحد غيرك
لا يارب ترجع محمد قنديل اللي كلنا عرفناه

تحياتي

somaa يقول...

اشكرك واتمنى تزور مدونتى وانا فعلا قلبت فى مدوناتك القديمه ومازالت
اسلوبك جميل واحييك ومواضيع صح وهادفه
سومه_87

Nsreen Bsunee يقول...

ربنا معاك يارب ويسهللك يا باشمهندس
الغربه صعبه بس حتتعود عليها وحتعيش حياه مختلفه شويه لمن حتتعود متقلقش



ياااااااااااارب مبارك يزور دمنهور ياااااااااااااااااااااااارب
يااااااااااااااااااااارب

آفاق الحرية يقول...

السلام عليكم
وانا اللي كنت فاكر ان حضرتك سافرت من زمان
علي العموم ياباشمهندس ربنا يوفقك

ikhwangeeee يقول...

ربنا يا عم يسسهلها ..

تروح وتيجى بالسلامة


أخوكم إخوانى حتى النخاع
http://ikhwangeeee.blogspot.com

ikhwangeeee يقول...

ربنا يا عم يسسهلها ..

تروح وتيجى بالسلامة


أخوكم إخوانى حتى النخاع
http://ikhwangeeee.blogspot.com

بحبك يامصر يقول...

ربنا يوفقك يا بشمهندس

alshared يقول...

ربنا يوفقك يا هندسه

وتروح وتبقي أحسن مهندس في المكتب بتاعك بيقولولنا في الكليه أن المهندسين المصريين qualified علي مستوي العالم

ربنا معاك وعقبالنا

تحياتي

الفقير إلى الله يقول...

ربنا ييسر ليك ان شاء الله يا باشمهندس وترجع بالسلامه وتعلم ليك قرشين كويسين تتجوز بيهم يارب

only spot يقول...

ربنا يوفقك يار ب وان شاء الله نقرى احلى البوستات ليك وانت بالسعوديه وربنا يهون غربتك ويرد كل غريب لوطنه سالم
خالص تحياتى

nonoymm يقول...

ربنا يبرك لك يارب ويسدد خطاك وتم المامورية على خير وترجع سالم غانم باذن الله بس ما تنساش تدعيلي ولولادي ولزوجي لما ربنا يكرمك وتزوربيته
اما عن زيار الريس وراه مشغوليات اهم منا انتوا ايه ما بترحموش :]

رئـــــيسـة حزب الأحلام يقول...

السلام عليكم
ربنا معاك واهى دنيا وتعدى

سهر الليالى يقول...

طبعا أولا وقبل كل شىء ربنا يوفقك وتقدر توصل لكل اللى بتتمناه

اكيد الغربة صعبة واكيد كان نفسك تكون فى بلدك وانا نفسى كنت اتمنى ان شباب البلدى يكونو لها بس
بس هنقول ايه ربنا يسهل الحال

سلامى ومتنسناش فى الدعوات
أة وشوية شامبوهات وكريمات ومكسرات
ههههههههه

تحياتى يا بشمهندس

Soooo يقول...

روح يابني
كفايه انك هتبقى جنب مكة المكرمة وبيت الله الحرام وهتبقى قريب من المدينة المنوره والمسجد النبوي

وربنا يوفقك يارب

ملحوظه
مش هنوصيك بقى .. موبيلات ولاب توبات ودي في ديهات وعربيات وفيلل وشاليهات في مارينا



سلامووووووووووووز

غير معرف يقول...

ممكن تقولى اللى اسمها خيخة دى
شكلها عامل ازاى
مش انت شفتها فى لقاء المدونين

صحفية روشة يقول...

ربنا يسهلهالك
ويسهلها لكل مصرى

Miss Dot يقول...

ربنا معاك


في غاية الاهميه أنشرها بين المدونين ان استطعت
ادعوكم لزيارة هذه المدونه
http://www.ta7arosh.blogspot.com/

إبـراهيم ... معـايــا يقول...

أدعوكم، وتدعوكم ورقة وقلم .... إلى الاحتفالية المقامة بمناسبة فوز بوكر العربية ببهاء طـاهر ، وذلك يوم الثلاثاء القادم .... الأول من إبريل ... في نقابة الصحفيين الدور الرابع ... السادســـة مساءً

مهندس مصري يقول...

العراق صوت الحق
==================
ان شاء الله متواصلين دائماً يا أخي في الإسلام
:)

أمير القلوب
============
آميين

عروسة البحر
============
هههههههههههه
و انتي كمان أخت عزيزة و ربنا اللي يعلم
:)

سوما
=====
انا زرت مدونتك فعلاً
بس ياريت تكملي تقليب في القديم عندي برضه لأن القديم عندي أحلى من الجديد
:)
و شكراً على رأيك المجامل

نسريين
========
يارب آميين يارب

أفاق الحرية
===========
و عليكم السلام
الله يخليك
:)

اخوانجي
========
الله يسلمك

بحبك يا مصر
============
آميين

الشارد
=======
آميين و عقبالك
:)

الفقير الى الله
=============
ياااااااااااااااارب
:)


only spot
==========
ان شاء الله
و انا متفائل خير


عاشقة النقاب
=============
آميين
ان شاء الله مش حأنسى

رئيسة حزب الأحلام
================
على رأيك أهي دنيا و تعدي و نموت

سهر الليالي
============
آه دا انتي داخلة على طمع بقى
هي سبحة و سجادة صلاة
و مفيش فصال
:)

سوووووووو
===========
حيلك حيلك يا عم
:)
دا انا بأقولك رايح السعودية
امال لو قلت لك لقيت مصباح علاء الدين السحري و لا مغارة على بابا كنت قلت ايه

غير معرف
==========
الرد عند خيخة

صحفية روشة
===========
آميين

الآنسة نقطة
===========
زرتها

ابراهيم معايا
==============
آسف مش حأقدر آجيي
بالتوفيق
:)

elmancy يقول...

مبارك مش هيزور دمنهور ولا حتى بعد شهور
إنت بتنادى فى مالطة
هو عارف أد إيه الشعب مش طايقه والقلوب عند بعضها
عموما ربنا يوفقك ولو إنى معترض على مبدأ السفر بس هنعمل إيه
حكم القوى
تمنياتى لك بالتوفيق
http://elmancy2000.blogspot.com/

كلاكيت تانى وتانى يقول...

وفقك اللة فى رحلتك وياريت تقولى هتستقر فين فالسعودية لية صحاب كتير وانشاء اللة ممكن اقدر اساعد لو محتاج مساعدة
تحياتى لك

اتحاد المدونيين المصريين يقول...

****************** حملة حماية *************************
------------------ ندعوكم للمشاركة في مسابقة ----------------------
.......... " أفضل مقال عن مكافحة المخدرات والإدمان " ..............
للمزيد من التفاصيل والاخبار السارة عن الاتحاد واعضاؤه تفضل بزيارتنا

خديجة عبدالله يقول...

ربنا يوفقك ويقدرلك كل الخير

ويرضيك بيه وترجع سالم غانم

لكن الغربة مرة وربنا يكتب لك كل الخير إن شاء الله

دكتور حر يقول...

مهندسنا الغالي

ربنا يقدر لك الخير

وتوفق في رحلة حياتك ان شاء الله

تقبل خالص تحياتي
ونراك قريبا ان شاء الله

أخدت رقمك من جمعاوي بس طلع غلط
يا ريت تبقى تبعتهولي ميل بقى
وربنا يوفقك يارب

عاشقه الفردوس يقول...

اخونا المهندس

فيه ايه بقي
لا احنا مش عايزين كده
ع الاقل تقولنا اخبارك قبل ماتسافر

يلا مستنين نعرف اخبارك

ماتقطعش بينا كده ياعم

:(((

مهندس مصري يقول...

المنسي
=======
شكراً على تعليقك
يجيي أو ما يجييش مش فارقة
أحسن انه ما جاش ما كناش ناقصيين خنقته

كلاكيت تاني و تاني
==================
انا رايح حائل
و شكراً لحضرتك
:)

خديجة عبد الله
============
ان شاء الله
آميين
شكراً لمرورك
:)

دكتور حر
=========
أنا بعت رقمي ليك على الياهو ماسنجر
و دعواتك لينا بقى أنا بأتفائل بدعواتك
:)

عاشقة الفردوس
==============
لا أنا ما اقدرش على زعلكم
أنا الحمد لله بخير
و خلصت كل ورقي و منتظر التأشيرة و حأسافر بعدها علطول

حنين القلب يقول...

السلام عليكم يا باشمهندس انا اول مرة اجى عندك وكان عشمى اشرب حاجه بس انت مش فاضى بقى المهم ربنا يوفقك وتروح وترجع محقق كل امالك سلام

عاشقه الفردوس يقول...

ربنا معاك يارب
وماتنساش اول ماتدخل السعوديه
تدعي لاختك في الله

وربنا معاك ويصلح حالك ويوسع رزقك ويفرج كربك ويهون عليك الصعاب اللهم امين

mado80 يقول...

ربنا يوفقك ان شاء الله

مع أني ضد فكره السفر تماما بس صحيح ايه اللي رماك علي المر

ربنا يعينك ويوفقك يارب

تحياتي ليك

soska يقول...

مهندس مصري و كل معلق ادعوكم لزيارة مدونتي لقراءة خبر هام جدا يهم كل مصري

مهندس مصري يقول...

حنين القلب
===========
شكراً يا حنين

عاشقة الفردوس
==============
ان شاء الله حأدعي لك و لكل المدونين المحترمين

آميين

و البوست الأخير عندك حلو بس بالنسبة ليا انا شغال بس بصي على التدوينات عندي اللي تحت تسمية شغل و شوفي اللي بيحصل هنا في الشغل

مادو 80
=========
ربنا ما يحكم عليك بالغربة ابداً يا مادو
شكراً على تعليقك

سوسكا
======
شفت الموضوع عندك و قلبت في المدونة شوية