الأحد، أبريل 06، 2008

اضراب 6 ابريل خليك في البيت



إتفقت كافه القوي الوطنية في مصر علي أن يكون يوم 6 إبريل يوم إضراب عام في مصر يوم 6 إبريل خليك قاعد في البيت أو شاركنا فى الميادين العامة أوعي تنـــــــــزل لكن شاركنا ماتروحشي الشغل ماتروحشي الجامعه ماتروحشي المدرسة ماتفتحشي المحل ماتفتحشي الصيدليه ماتروحشي القسم ماتروحشي المعسكر عايزين مرتبات تعيشنا عايزين نشتغل عايزين تعليم لأولادنا عايزين مواصلات أدمية عايزين مستشفيات تعالجنا عايزين دواء لأطفالنا عايزين قضاء منصف عايزين أمن وأمان عايزين حرية وكرامه عايزين شقق للعرسان مش عايزين رفع أسعار مش عايزين محسوبيه مش عايزين ظباط بلطجية مش عايزين تعذيب في الإقسام مش عايزين أتاوات مش عايزين فساد مش عايزين رشاوي مش عايزين إعتقالات مش عايزين تلفيق قضايا قول لأصحابك مايروحوش الشغل همه كمان وخليهم يدخلوا الإضراب حزب العمل المصري حركة كفاية الإخوان المسلمين حزب الكرامه حزب الوسط حركة موظفي الضرائب العقاريه عمال غزل المحلة حركة إداريي وعمال القطاع التعليمي نقابةالمحامين حركة أستاذه الجامعات السادس من إبريل إضراب عام سلمي في مصر أبعت رسايل لخمسة من أصحابك ولو كل واحد بعت لخمسة في ظرف يومين البلد كلهاحتعرف بالموبايل بالأرضي بالأيميل أو حتي رسايل عالشات في قنوات التليفزيون أنسخوا رسالتنا وأبعتوها تعليق على كل المقالات ألي بتقروها بيكوا وبينا البلد دي حتتغير ان شاءالله

هناك 7 تعليقات:

fatima يقول...

انشالله يكون لهذا الاضراب الصدى المطلوب على كل الأصعدة ...
و خلينا بالبيت

A.SAMIR يقول...

لن اكذب عليك
انا متشائم

مهندس مصري يقول...

فاطمة
========
يارب

أ سمير
======
أنا متعادل
لا متفائل و لا متشائم
بس مش محمل الموضوع اكبر من حجمه
مش بكرة اللي حيصلح الكون بس دي مجرد خطوة على الطريق

Aluguel de Computadores يقول...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Aluguel de Computadores, I hope you enjoy. The address is http://aluguel-de-computadores.blogspot.com. A hug.

appy يقول...

يا خوفى من الاسد اللى بنلعب معاه
بس يارب تجيب نتيجه

nonoymm يقول...

يا خوووووووفي يا بدران
منتظرة الساعة 5 الا ربع
فيه تاثير ولا ايه
تحياتي

محمود المصرى يقول...

بسم الله الرحمن الرحيم

هو انا ليه مش شايف عايزين نطبق الشرع وحاكمية الشريعة ؟