الأربعاء، أبريل 02، 2008

فيديو المظاهرة أمام محكمة دمنهور

بأدور في اليوتيوب على أي فيديو لأحداث امبارح لقيت الفيديو ده و اللي رفعه النجم القادم



ده غير بعض الصور و فيديو لمكان المعركة بعد الطحن مباشرة في مدونة مصري حتى النخاع

اللي حصل مؤكد يا جماعة كان فيه ضرب عنيف جداً و قنابل مسيلة للدموع و رصاص مطاطي و الكلام ده واضح جداً في نهاية الفيديو

‏هناك 17 تعليقًا:

النجم القادم يقول...

السلام عليكم
ايه ده انته كده اول مارفعت الفيديو تقوم تاخده انته
مايغلاش عليك ياهندسة
بس احنا مش بنجيب حاجه من عندنا ده فيديو حقيقى وحى للمظاهرة والضرب واللى مايشوف يبقى اعمى
احنا مش بنلفق شئ دى حقيقة الضرب واضح فى الفيديو
وحسبنا الله ونعم الوكيل

Hosam Yahia حسام يحى يقول...

حسبى الله ونعم الوكيل فى الظالمين

فرنسا هانم يقول...

شفت بقى يا هندسه
دى الواقعيه
انا كنت قلتلك انى مصدقاك
وبكده تبقى وجهه نظرى صح
الموضوع مع الفيديو اللى يكسر القلب ده
يبقى مكتمل
وظاهر للاعمى على رأى اخى النجم القادم
تحياتى يا محمد
وشكرا للنجم القادم
ولا عزاء للحريه

مهندس مصري يقول...

النجم القادم
=============
و عليكم السلام
ما أنا قلت ان الفيديو بتاعك
و الضرب و القنابل واضحة فعلاً و حسبنا الله و نعم الوكيل

حسام يحى
========
حقاً

فرنسا هانم
==========
اصل انت غالية عندنا يا فرنسا و طلباتك أوامر

و الأمن طارد المتظاهرين لمسافة كيلومتر من المحكمة لحد كوبري إفلاقة مروراً بميدان افلاقة أو الشهداء
و كان فيه أكتر من 100 مصاب في المستشفى العام و ألقى الأمن القبض عليهم من المستشفى
و تم عرض المعتقلين على النيابة و أخدوا حبس لمدة 15 يوم على ذمة التحقيق و تم نقل المعتقلين و عددهم 107 لسجن الغربنيات ببرج العرب

المستنصر بالله يقول...

اكيد دة اقل واجب من الحكومه الاخوان
اكبر منافس للحكومه
تفتكر هايتركوا لهم فرصه للوصول للحكم
هيهات

عاشقه الفردوس يقول...

لا لا ايه ده

انا اول مره اشوف حاه زي كده

احنا فين هنا

ايه ده اسود علي اهاليهم وعلي شعبهم اللي مهما عملو هما ولادنا وهما معملوش حاجه احنا كفايه سايبينهم عايشين علي قوت الغلابه


لا وقطط علي اسرائيل اللي قتلت فينا ع الحدود وامريكا اللي قتلت البمبوطيه


ربنا يرحمنا برحمته


بجد حرام عليك ياباشمهندس والله اعصابي تعبت
وايه الاصوات اللي بيعملوها دي

ماعملوهاش ليه لاسرائيل ع الحدود

جه لو كانو عملو كدهومضربوش حتي رصاصه كانو الاسرائيليين ماتو من الرعب


حسبنا الله ونعم الوكيل

nonoymm يقول...

لا حو ولا قوة الا بالله
لسة جاية من مدونة اخي عمار يا حبيبتي يا مصر برضه فيها اللي يحزن
حسبنا الله ونعم الوكيل
ربنا يرحمنا برحمته
تحياتي ودعواتي لكم كلم ولنا

مهندس مصري يقول...

المستنصر بالله
=============
و ده يؤكد انها حكومة ديكتاتورية لا يوجد عندها ذرة من الرحمة أو العقل فضلاً عن العدل

عاشقة الفردوس
==============
هما كما يقول المثل
أسد عليا و في الحروب نعامة

عاشقة النقاب
=============
ربنا يرحمنا برحمته

آفاق الحرية يقول...

السلام عليكم
حسبنا الله ونعم الوكيل
بس حضرتك كنت متوقع ايه من الحكومة
ربنا يهديهم

somaa mahaba يقول...

على كدا انا حتبع نظام وقرن فى بيوتكن ومش حنزل مظاهره يوم الاتنين الجاى زى ما كنت ناويه
الجبن سيد الاخلاق
سومه_87

مواطن مصرى نايم يقول...

اوبظ
ايه الحاجات الجامده دى
بوست جامد
مدونة جميلة
يا هندزه

خمسة فضفضة يقول...

السلام عليكم ورحمة الله وبركاته


ازيك يا باشمهندس اخبارك ايه

علي فكره شفت الفييو اول ما نزل وماكانش فيه ولا تعليق ، بس ماعرفتش اقول ايه ، فقلت السكوت من دهب

ومش لاقيه تعليق الا حسبنا الله ونعم الوكيل علي الظالم والمفتري وابن الحرام

مهندس مصري يقول...

آفاق الحرية
===========
لا مكنتش متوقع حاجة ان طلع العيب من أهل العيب ما يبقاش عيب

سومة
=====
لا إحضري مظاهرات يوم الحد بس اعملي بمبدأ الجري نص الجدعنة :)

مواطن مصري نايم
================
العفو يا باشا ده من بعض ما عندكم
و اهدي لك اغنية سيد درويش
قوم يا مصري مصر دايماً بتناديك خد بنصري نصري دين واجب عليك
:)

خمسة فضفضة
===========
و عليكم السلام و رحمة الله و بركاته

أنا الحمد لله كويس و بخير و على وشك السفر

بس أصل لقيت زوار ياما و تعليقات مفيش قلت يمكن حبايبي المدونين زعلانين مني و لا حاجة
شكلهم متفقين في اغلبهم مع حضرتك على مبدأ السكوت من دهب

مواطن مصرى نايم يقول...

لا خلاص مفيش سيد درويش
انت يمكن تكون شوفت دى عندى
ــــــــــــــــــــــــــــ
نام يا مصرى مصر مش عايزة تناديك
ياللى فقر الدنيا أصبح لك شريك
ياللى كان دائك وفائك والكرامة وكبريائك
الحشيش والبانجو ساقك.كبريائك مات خلاص البركة فيك
نام يا مصرى مصر مش عايزة تناديك
ياللى دايما كنت رافع بالسلاح أيدك لفوق
بالبنادق والمدافع خليت العالم يفوق
النهاردة سهل جدا تحكمك حتة حشيش
الشيوخ فوق مالطة تدن والشباب مابيختشيش
رقصة بلدى ورقصة تانجو
مرة خمرة ومرة بانجو
واللى م الدوامة ينجو يربى دقنه ويعاديك
نام يا مصرى مصر مش عايزة تناديك
فصلوا دستور مقاسهم يلبسوه بس الكبار
وأنت تحت نعال مداسهم قلت أه زى الحمار
قلت أه ولا حد همك مين يدوس فوق وش مين
هما يقروا الفاتحة وأنت كل حرف تقول أمين
أنت عارف بس صامت
حتى بطنك لما صامت
كان حزامك فوقها قامط للزراير يشتكيك
نام يا مصرى مصر مش عايزة تناديك
مين بيفهم فى السياسة؟لا الافندى ولا المدام
المهم الماتش إمتى؟والنتيجة كام لكام؟
والعشا فين النهاردة وفى المسلسل عملوا إيه
ولعيب الكورة الفلانى ساب ناديه فى الدورى ليه؟
كله بيهلوس وهايص
وإنت يا أبن المصرى لايص
جوه مسرح العرايس
والخيوط رابطة فى إيديك
نام يا مصرى مصر مش عايزة تناديك
كنت لما تقول معارض ألف واحد كان يخاف
بعت صوتك فى المعارض وأستغطيت باللحاف
قول نعم.حط العلامة .وأوعى تقرا فى يوم كتاب
هما عايزينك نعامة دافنة راسها فى التراب
والطاووس جنبك يخطى
بصمجى.ويقول دا خطى
وإنت لما رضيت توطى
شوف بقى اللى ح يجرا فيك
نام يا مصرى مصر مش عايزة تناديك

alshared يقول...

طيب أيه اللي هايحصل يوم الاحد

متهيألي هتبقي مجزره

وحسبنا الله ونعم الوكيل

تحياتي

مهندس مصري يقول...

مواطن مصري نايم
===============
أنا قاريها قبل كده
جامدة جداً

الشارد
========
فعلاً ممكن تبقى مجزرة
و أنا علشان كده بأأيد القعدة في البيت بدون مظاهرات في الميادين

مواطن مصرى نايم يقول...

على فكرة يا هندزة
ليها كمالة
بس فى بلوج كاتبها
هو لسه عامله
هو خالى يعنى فى بيتها
البلوج اهوه لو عاوز تشوف الكماله
men-misr.blogspot.com