الأحد، أبريل 06، 2008

صور اشتباكات المحلة النهاردة مع قوات الأمن من رويترز

صديقي عبد الرحمن فارس بعت لي اللنك ده
و فيه صور اشتباكات المحلة مع الأمن النهاردة طبقأ لوكالات الأنباء و خاصة رويترز

و فيه تعتيم في كل القنوات على الموضوع ده حتى الجزيرة مش جايبة حاجة
في مجزرة في المحلة يا جماعة و في كلام على مئات المصابين و 4 شهداء منهم طفل صغير و حصار كامل للمدينة و اشتباكات عنيفة خصوصاً في ميدان الشون و حوالين محطة القطار

شوفوا بعض الصور







هناك 12 تعليقًا:

EmY يقول...

اول تعليق

انا ماشفتش الصور غير عندك بس ايه السبب الي وصل الامور لكده
مش المفروض الاعتصام سلمي

تحياتي

somaa mahaba يقول...

حسبنا الله ونعم الوكيل هو نعم المولى ونعم النصير
تحياتى ليك مهندس
سومه_87

somaa mahaba يقول...
أزال المؤلف هذا التعليق.
زكرياء يقول...

لا حول و لا قوة إلا بالله، يعني اسود على الشعب المنهك و قطط على اسرائيل و امريكا اللي ماسحين بكرامتنا الأرض، حرام يعني ان الناس تنادي بحقههم في حياة كريمة؟
اللهم احفظ الأحرار يا رب و ارحم الشهداء

غير معرف يقول...

http://www.facebook.com/group.php?gid=11002991343

Name:
حملة لصيام يوم الخميس 17 ابريل والدعاء على الحكومة وكل ظالم من المسؤولين
Type:
Common Interest - Politics
Description:
دعوة لصيام يوم الخميس 17 ابريل والدعاء على الحكومة وعلى كل ظالم من المسؤولين في هذا البلد والذين تسببوا في جوعنا وفي تخلف شعوبنا
دعوة للجميع في هذا اليوم بأن يصوم ويدعو عند إفطاره على الحكومة وعلى كل ظالم يظلم من هو أضعف منه
ندعو على كل من تسبب في تخلفنا وجوع الشعب
فكما أن للصائم دعوة مستجابة فإنا نجعلها للمساهمة في إنكار المنكر في بلدنا وفي الإبتهال إلى الله بأن يرفع عنا غضبه وأن يرزقنا بمسؤولين
عندهم ضمير بمسؤولين يخافون الله بمسؤولين يتقون الله فينا
بمسؤولين يقودون بلادنا إلى التطور والنمو وإلى تحرير فلسطين
بمسؤولين يكرمنا الله بسببهم لا بمسؤولين يجلبون علينا غضب الله
ويظلموننا ويضطهدوننا ويجوعوننا

ترى ماذا سيكون شعور الظالمين في الحزب الوطني والوزراء حين يعلمون أن الشعب كله يدعو عليهم في هذا اليوم
ماذا سيكون شعور المحتكرين وهم يعلمون أن الشعب بكامله يدعو عليهم جبار قوي يمهل الظالم ولا يهمله

ماذا سيكون شعور من يجادلون ويمررون القوانين في مجلس الشعب لإذلال الشعب وظلمه
حين يعلمون أن 70 مليونا يدعو عليهم

نحن نشكو إلى الله الجبار المنتقم من هؤلاء الظالمين
نشكو ممن منعونا من قول الحق ومن تغيير المنكر
نشكو إلى رب رحيم رؤوف يعلم بحالنا وبضعفنا ويعلم منا صدق نيتنا

هل سيتهموننا بأننا نشكو إلى الله
هل سيتهموننا بأننا ندعو عليهم
هل يوجد في القانون ما يحرم هذا الفعل
هل هذا فعل مخالف للقانون أم أنه تدخل في السياسة ؟؟
أم أنه شكوى إلى جهات خارجية ؟؟

ندعو كل من يقرأ هذه الكلمات أن يرسلها إلى كل من يعلم على الايميلات والمنتديات والموبايلات
عن طريق الطبع وعن طريق الكلام

وليحتسب مايقوم به عند الله رغبة منا برفع الظلم عن المظلومين وبإنكار المنكر عملا بقول رسول الله صلى الله عليه وسلم : ( من رأي منكرا فليغيره بيده فإن لم يستطع فبلسانه فإن لم يستطع فبقلبه وذلك أضعف الإيمان )
وهانحن نعمل بما نقدر عليه في إنكار الظلم والرجاء إلى الله بأن يرفع عنا هذا الظلم وأن يخلصنا من هؤلاء الظلمة

---------------------------------------
رسالة موبايل او عبر الماسنجر
دي رسالة مختصرة لارسالها لاصحابك:ـ
دعوةلصيام يوم الخميس17 ابريل والدعاءفيهالمصروعلى كل ظالم من المسؤولين يتسبب في وصولنا إلى هذا الحال من الجوع والتخلف
والعذاب والاضطهاد

النجم القادم يقول...

حسبنا الله ونعم الوكيل

ربنا ينتقم من ظلمة واعوانهم

يعيد الينا اخواننا واهالينا المعتقلين على خلفية الاضراب
وعلى خلفية المحليات بخير
وانا زعلان جدا على اللى حصل من الامن ده
والله الواحد يتحسر مش عارف هم بيعملوامعانا كده ليه
دول كانوا بيضربوا فينا ولا كاننا يهود
ولا يعوذ بالله حسبنا الله ونعم الوكيل

عاشقه الفردوس يقول...

هوده اللي كنت خايفه منه

ليه يحصل كده
مش قالو اعتصام سلمي


ربنا يستر
حرام والله مافيش وعي ليه
الحركات اللي نظمت الاعتصام ده مش المفروض كانت تسيطر ع الوضع

استغفر الله العظيم

مواطن مصرى نايم يقول...

الله ينور يا هندزة
تحياتى ليك
انا كمان عندى فى البلوج حاجات مش الكل شافها
و منها حاجات انا مصدرها
انا عملت تغطية امبارح طوال اليوم
تحياتى ليك

nonoymm يقول...

هو دة اللي كنت عارفة وحاسة انه هيحصل بسبب قلة التنظيم وعدم وضوح اي حاجة في اي حاجة
اهو بقى اعتصام دموي وكمان فيه ناس ماتت من عمال المحلة الغلابة واللي جرحى في المستشفيات واللي في المعتقلات
الاخ اللي عامل دعوة لصيام الخميس علشان ندعي على الحكومة
الافضل منه ودة رايي نعمل دعوة لمحاسبة انفسنا ونصوم يوم لتفريج الهم والكرب اللي احنا فيه وندعو كمان ان كفاية استغلالنا لبعض ربنا يرحمنا برحمته يارب
تحياتي

الفاتح الجعفري يقول...

زي ماتوقعت والله العظيم
حزب مبارك وحكومته حولوا البلد الي اسرائيل اخري ووحولوا مدينة المحلة الي غزة اخري
ايه ده معقول اللي بيحصل ده احنا فين هنا ,مش كفايه اللي الناس فيه
حسبنا الله ونعم الوكيل
جزاكم الله كل خير

بت خيخة وأى كلام يقول...

قبل ماعلق على البوست
قلت اجى ابرد نارك واكتبلك التفاصيل
بص يا سيدى انا قبل ما انزل من التاكسى لاقيت بنوتة قاعدة عند السور بتاع فاكسيرا فقلت فى عقل بالى انا حاسة ان البنت دى هى فاتيما
ولان سواق التاكسى ماكنش معاه فكرة فدخل فى الشارع الجانبى اللى بعد فاكسيرا علشان افك من سوبر ماركت زمزم
وبعدين انا اتمشيت شوية وطبعا عديت من قدام البنوتة اللى كانت قاعدة على السور
ورحت وقفت قدام الباب الرئيسى
شوية ورودى جت رحت سلمت عليها
فالبنوتة اللى كانت قاعدة على السور
لما شافتنا راحت قامت وجت ناحيتنا
وهى لسة بتسلم
رحت انا قلتها انتى فاتيما مش كدة
قالتلى عرفتى ازاى قلتلها احساس
وعرفناها على نفسنا وقعدنا نرغى احنا التلاتة شوية
وبعد كدة محمد عبد العاطى جه صاحب مدونة جاست هيومن
وقعدنا نرغى كلنا
وشوية والصباغ جه
وبعد كدة واحد اسمه مايكل
وبعد كدة لقينا تاكسى نزل منه تلات بنات واحدة محجبة واتنين لابسين خمار
عرفوا نفسهم
البنوتة المحجبة هى كلاكيت تانى وتانى
ولاقيت واحدة من اللى لابسين خمار بتقولى انا اخر العنقود
رحت انا تنحت وقلتلها انتى نانا
قالتلى اه
رحت واخداها فى حضنى وقعدت اعيط من الفرحة لانى متصورتش انها هتيجى من قويسنا لحد القاهرة
وكانت البنوتة التانية هى هند اخت دكتور حر
واتضح انهم قابلوا كلاكيت تانى وتانى تقريبا فى محطة مترو او حاجة زى دى ولقوها انى هى كمان بتسال فين فاكسيرا فجم سوا
وبعدين شوية وشيماء جت هى وعصام زميلها وبعد كدة دخلنا كلنا سوا
والناس هناك رحبوا بينا لما لاقونا مجموعة مع بعض
وجه تقريبا مدير المركز وقعد يتكلم معانا شوية وانه عايز مننا نعمل توعية اكتر للناس بالنسبة لموضوع التبرع بالدم
وطبعا كلنا مالينا استمارات التبرع
وبعد كدة دخلنا واحد ورا التانى واغلبنا اتبرع والحمد الله
وفى وسط تبرعنا سووو جه واتبرع هو كمان
وبعد ما خلاص خلصنا وماشيين
دكتور حر جه
ورحنا كلنا على التابعى فطرنا
وبعد كدة كل واحد راح لحال سبيله
تقريبا دى كل التفاصيل
يارب تكون عيشت معانا اليوم

سلام
اختك خيخة

مهندس مصري يقول...

ايمي
====
اظن البوست الجديد جاوب على السؤال ده

سومة
======
بالضبط
و تحياتي ليكي يا سومة

زكرياء
======
آميين

غير معرف
========
ان شاء الله

النجم القادم
==============
آميين

عاشقة الفردوس
===============
القيادات كلها اعتقلت
و الغوغاء دخلوا في الموضوع
و البوست الجديد موضح

مواطن مصري نايم
================
و ينور عليك

عاشقة النقاب
==============
ما هو كان سلمي بس الأمن ضرب و قلبت بغم و دخل فيها شوية صيع و بلطجية
حسبنا الله و نعم الوكيل

الفاتح الجعفري
===============
للأسف الأمن ولعها و البلجية صبوا البنزين على النار

بت خيخة و اي كلام
=================
بالضبط كده عشت اليوم بالضبط