الثلاثاء، أبريل 08، 2008

ايه اللي حصل في الإضراب في دمنهور

أنا جاء لي التعليق المجهول ده على تدوينة الأمن يهاجم مظاهرة الإخوان المسلمين
أنا مش عارف مدى صحته بس عايز اللي يعرف حاجة و عنده رد يرد على الكلام ده
غير معرف يقول...
اخبار اضراب 6ابريل تم النزول الى ميدان الساعه الواحده والنصف يبدأ احمد ميلاد والدكتور عادل العطار المظاهره ومعهم الدكتور محمد برانيه ويحيى ابوشعره وطاهر ابو شعره وطارق ابو شعره ليبدأ الهتاف يسقط يسقط حسنى مبارك ويتم القبض على الجميع اتمكن من الفرار وجمع الاوراق المطبوعه واذهب انا وباقى المتظاهرين الى مبنى نقابة المحامين ونبدأ اعتصام لاخراج من تم القبض عليهم يصل اثناء الاعتصام الاستاذ طارق حشاد القيادى بالاخوان ولن اقول المسلمين ثم بعد فتره ينزل مع رفاقه ليتحدثوا مع طارق هيكل مفتش امن الدوله ثم يذهبوا لنفاجأ بعد ذلك بانسحاب الامن لخلف المبنى ويامرنا رجال النقابه انهم سيغلقوا ابواب المبنى لنخرج ونحن حوالى 20 فرد لمواجهة الامن يقترح زملائنا بالحزب الناصرى فك الاعتصام والتشاور مره اخرى بعد عدة ساعات يخرج 6 افراد من ال18المقبوض عليهم منهم قيادى الحزب الناصرى ويبقى الاستاذ احمد ميلاد والدكتور عادل العطار ورفاقنا من الغد وكفايه ليحولوا للنائب العام ليامر بحبسهم خمس عشرة يوم على ذمة التحقيق هل هؤلاء هم الاخوان اولا ينضموا للائتلاف المعارضه ولم يشاركوا حتى المظاهره السابقه لم يحضرها احد منهم عدا الدكتور جمال حشمت ليلقى كلمه بها كاى ضيف واليوم لم يكتفوا بعدم المشاركه بل شاركوا امن الدوله فى القبض على اخواننا وطردنا من نقابه المحامين لنواجه بقلتنا قوات امن الدوله اى اخوان هؤلاء اقترح عليهم اسم الاخوان الغادرين فهذا ما يليق على افعالهم والبقية تاتى من غدر وخيانه لمصر من ابنائها
08 أبريل, 2008 05:16 م
أنا لا اتفق مع المعلق في رأيه في الإخوان و لكن اذا كان هذا حدث بالفعل فسيكون شئ غريب جداً و اريد عليه رد

أما الشئ الوحيد الذي سمعته عن الإضراب في دمنهور هو قيام مظاهرة تندد بالغلاء و تهتف ضد الحكومة أول امس في مجمع المواقف الجديد و لكن تم تفريقها سريعاً
كما كان ميدان الساعة في وسط البلد في ميعاد المظاهرة التي دعت اليها حركة كفاية مكتظاً بقوات الأمن الخاصة و تم القاء القبض على 18 من حركة كفاية و حزب الغد تم اطلاق سراح 6 منهم و أمرت النيابة بحبس الـ 12 الآخرين لمدة 15 يوم على ذمة التحقيق و تم ترحيلهم لسجن برج العرب الذي رفض استقبالهم فتمت اعادتهم الى سجن الأبعادية بدمنهور
تحديث
غدا محاكمة معتقلي محافظة البحيرة

هناك 8 تعليقات:

فرنسا هانم يقول...

للاسف الشديد اخى مهندس مصرى التعليق يتحدث عن وقائع محدده
وانت ترد بكلمه اذا كان قد حدث فهذا شىء غريب
انا لست معك اخى محمد
ومش عارفه دى تانى مره انتقدك وانت عارف مقدار معزتك عندى
وعارف انا بقدرك واحترمك قد ايه
ارجو تحرى الموضوع جيدا بما انه فى بلدك ثم اعاده كتابه التدوينه برأى محدد

عارفه انى ممكن اكون قاسيه عليك
لكن دى قساوه الام على طفلها
او الاخت على اخيها الاصغر
قساوه للامام
لا للهدم

مهندس مصري يقول...

للاسف طلعت الوقائع المذكورة في التعليق حقيقية
و المعلق الغير معروف هو أمين صندوق حزب الغد بالبحيرة و هو صديق شخصي ليا

فرنسا هانم يقول...

احييك على صدقك وعلى واقعيتك
تحيه مره اخرى لشخصك
تحيه على سرعه تلبيتك للتعليق

بنوته مصرية يقول...

بص يا بشمهندس الاخوان لاخر لحظة قالو سبونا ندرس موضوع الاضراب

واللي عمل الاضراب كان بعيد عن الاخوان اللي يضحكك بقي معظم اللي تم اعتقالهم هما من الاخوان

يعني سبحان الله الموضوع عملية نية والنية انا شيفاها مكنتش سليمة

لك كل التحية
رودي

النجم القادم يقول...

حبيبى الغالى بص انا مش عارف بالضبط موضوع الموقف
اللى حصل ده فى النقابة بس علشان منظلمش حد
هو الاستاذ طارق حشاد هو عضو فى مجلس النقابة
وممكن كان بيتكلم مع اللواء طارق هيكل رئيس مباحث امن الدولة بالبحيرة
لامر ما لا اعرفه وممكن كان بخصوص عدم التواجد بالنقابه
الله اعلم ولكنى اخى الحبيب عندى فيديو
قام بنشره اخونا مالك مصطفى على مدونة مظلومين
يوضح كيف تم اعتقال المتظاهرين فى ميدان الساعة واللذين لم يتجاوز عددهم 20 فرد
وهديك الرابط ولكن ايضا
نجل الدكتور حشمت طورد فى ميدان الساعة وكاد ان يقبض عليه
واخى الحبيب لا اعلم مدى صحة كلام كاتب التعليق
ولكن اقول لكاتب التعليق او كما تقول انه امين الصندوق بالغد
ان الاخوان لا يعقدون صفقات مع احد والواضح انه فى نفس وقت الكلام اللى حصل ده
كان الاستئناف المقدم من الحاج محمد سويدان يعرض على النيابة والتى امرت بعدم قبوله وحبسه 15 يوم
ولو كان فيه صفقه لتسليم هؤلاء ال18 فرد لافرج عن مسئول الاخوان بالبحيرة
نقطة اخرى وهى فى تمام الساعة 1.00
اى قبل المظاهرة والصفقة قام تقولون تم اعتقال الاستاذ ماهر حزيمة وهو مرشح فى انتخابات المحليات
والاستاذ حمدى العصار احد قيادات الاخوان بالبحيرة
فكيف يعتقل اخواننا ونعقد صفقه مع الامن
الحدق يفهم

بالله عليكم يعنى كفانا اتهامات الكل هيجن من عدم مشاركة الاخوان
ده موقف واخذوه فلا نرميهم بالباطل وان نقول انه يبلغون عن الناس فى الغد وكفاية ازاى
واحنا الاتنين فى مركب واحد والناس بتاعتنا
عمالة تعتقل وتسجن بالله عليكم حد بيفهم يجاوب
علشان انا اتنبح صوتى من كتر الكلام
خد يابشمهندس محمد رابط الفيديو اهوت

http://www.youtube.com/watch?v=zjyLKkfFBcY

هتلاقيه بعنوان
اعتداء الأمن المصري على المتظاهرين يوم الغضب 4/6 بالبحيرة
اللى رافعه اخونا مالك مصطفى مدونة مظلومين
علشان اللى يقول اننا بلغنا عند حد ياجماعة كفانا رمي الناس بالباطل

بسم الله الرحمن الرحيم

يا ايها اللذين امنوا ان جائكم فاسق بنبأ فتبينوا عسى ان تصيبوا قوما بجهالة فتصبحوا على ما فعلتم نادمين

صدق الله العظيم

Hosam Yahia حسام يحى يقول...

المهندس المصرى

ازاى الاخوان هيعملوا صفقه مع الامن

اذا كان بن الاستاذ جمال حشمت كان هيتقبض عليه هوا كمان

!!!!!!!!!

مهندس مصري يقول...

بنوتة مصرية
============
هما بيعتقلوهم بسبب و من غير سبب
تقريباً اعتقال الإخوان بقى ادمان عند الأمن

النجم القادم
=============
يا أخي العزيز
أنا متفق معه في ما رواه من أحداث و لكن غير متفق معه في تفسيره لها
و أنا اعلم جيداً أنه لا توجد أي صفقة و لكنني وضعت رأيه كما هو و طالبت الإخوان بالرد عليه
لأني كما تعلم لست عضواً في الإخوان لذا لا أملك التحدث بإسمهم و لا أتحدث سوى بإسمي فقط

ربنا يفك أسر جميع المعتقلين

حسام يحى
=========
مفيش صفقة و لا حاجة بس أعتقد ان المعلق كان بيتكلم و هو زعلان من خذلان الإخوان لهم في المظاهرة

ربنا يفك اسر المعتقلين جميعاً من كل التيارات يارب

طارق ابو شعره يقول...

يا جماعه الى حصل ده حصل امام ثلاثين شخص النقابه حمتنا حتى الساعه الخامسه تقريبا بعدها انسحبت دى قدرتها او توازنتها المهم النهايه واحده انا اتحبست مع الاخوان يوم مظاهرة مسجد احباب الله ومكنتش حزين لانها بلدى مثلهم اليوم الاخوان خرجم من الحبس وكفايه والاحزاب وزعوهم على المراكز تمهيدا لاعتقالهم تقدر تقلى ليه افرجوا عن الاخوان وحيعتقلوا كفايه والغد والناصرى لان الاضراب الجاى الاخوان مش حيشاركم فيه هم دول الاخوان المهم محدش يشاركنى