الأحد، أبريل 13، 2008

أخدوا اخلاء سبيل وشوفوا فيديو حصري

أولاً:- آسف على التأخير بس بقالي يومين ما فتحتش نت و لا قعدت على الكمبيوتر مشاغل الترتيبات النهائية للسفر
ثانياً:- بالنسبة لمعتقلي الإضراب من حزب الغد و حركة كفاية في دمنهور فقد أمرت محكمة جنايات دمنهور أمس السبت بإخلاء سبيلهم وذلك رداً على إستئناف نيابة أمن الدولة لقرار المحكمة السابق القاضي بإطلاق سراحهم و لكن للأسف رغم ذلك مازالت الداخلية تتلكأ في اطلاق سراحهم و قد انتهت اجراءات الإفراج عنهم و تم عرضهم على مباحث أمن الدولة و هم الآن في ترحيلات قسم شرطة دمنهور و لا يعرف سبب عدم الإفراج عنهم حتى الآن و لكن غالباً سيتم اطلاق سراحهم
الجدير بالذكر أن من ضمن هؤلاء المعتقلين المدون أحمد ميلاد صاحب مدونة مصري حتى النخاع
ثالثاً:- حصلت على فيديوهات لمشهد قمع الشرطة المصرية لنشطاء معتصمين أمام نيابة عابدين بالقاهرة يوم 7/4/2008 الماضي اثناء مطالبتهم بالإفراج عن رفاقهم المعتقلين في الإضراب شاهدوا الفيديوهين




هناك 10 تعليقات:

nonoymm يقول...

السلام عليكم ورحمة الله
حسبي الله ونعم الوكيل ربنا يرحمنا برحمته
بس حضرتك كدة هتخليني اغير رايي واعينك في وزارة الاعلام بدل الزراعة
دة انا عينتك في الزراعة مخصوص عشان تفضل في مصر وتروح عسقلانيا مش بعيد برضه وما تسيبناش
ربنا يوفقك يارب
تحياتي

فرنسا هانم يقول...

مبروك على اخلاء سبيلهم
وخلى امن الدوله تتلم شويه عن الناس

بنت مصريه يقول...

شكرا على تعليقك يا باشمهندس واحييك على مدونتك الجميله وعلى فكره انا شلت تأكيد الكلمه فعلا وحشه ازا كنت انا بتخنق منها انتو هتعملوا ايه
وبالنسبه لفيديوهاتك مقدرش اقول غير
حسبى الله ونعم الوكيل

hosam يقول...

الحمد لله انهم خرجوا

عقبال كل المعتقلين السياسين

بنت مصريه يقول...

مرسى على تعليقك يا باش مهندس
وعلى فكره انا شلت تأكيد الكلمه بس كده دا انتو تامروا على فكره انا لسه كاتبه موضوع اتوقع انو هيعجبك ويعجب ناس كتير يا ريت اشوف تعليقك

صحفية روشة يقول...

ربنا يرحمنا برحمتو وينهى الاوضاع اللى وصلتلها البلد دى على خير
مش عاوزين نضرب
احنا بس عاوزين حال البلد يتعدل

مهندس مصري يقول...

عاشقة النقاب
===============
يا ستي أنا قابلت ابن حجر العسقلاني و إداني تأشيرة خروج من عسقلانيا
حضرتك إتأخرتي في الموضوع ده
:)

فرنسا هانم
==========
الله يبارك فيكي
آميين

بنت مصرية
==========
العفو يا ستي
و أنا علقت عندك خلاص
:)

حسام
======
يارب

صحفية روشة
===========
آميين
يارب يتعدل يارب

طارق ابو شعره يقول...

لم يتم اطلاق سراح معتقلى الغد وكفايه حتى الان 14ابريل الساعهالسابعه والنصف مساء من حوالى ثلاث ساعات اواكثر قدم المحامون بلاغ للمحامى العام ثم بعد نصف ساعه تم ترحيل معتقلينا وتفريقهم فى عربات بوكس ليتوجهوا الى مراكز المحافظه حتى لا يحرج المحامى العام ايضا تم الافراج عن معتقلى الاخوان المسلمين فى الامس الساعه الثالثه صباحامن امن الدوله هذه الرساله ارجوا توصيلها للجان وهيئات حقوق الانسان لانتهاك النظام لاحكام القضاء الاخوه المعتقلين مضربين عن الطعام من امس واصيب الدكتور عادل العطار باغماء ونقل الى المستشفى فى فجر امس

somaa mahaba يقول...

مبروووووك وعقبال الباقيه
تحياتى ليك سومه_87

طارق ابوشعره يقول...

خرج المعتقلين من امن الدوله ومركزى ايتاى والرحمانيه واعتقل كل من د/عادل العطار وعصام جويده وطاهر السعيد ابو شعره الدكتور وعصام لكفايه وطاهر للغد