الاثنين، يوليو 14، 2008

مدرسة تعليم القيادة

انا دخلت مدرسة تعليم القيادة يوم السبت اللي فات و مدة الدورة 6 أسابيع و بعدها حأمتحن و لو نجحت حأخد الرخصة ان شاء الله
إعذروني مشغول جداً بجد و مش لاقي وقت و لا فرصة ادخل نت خالص
كل يوم من الساعة 4 م للساعة 7 م بأكون في مدرسة تعليم القيادة و بأكون لسه راجع من الشغل ملحقتش آخد نفسي
دا غير ان ايجار الفيلا اللي احنا ساكنين فيها تبع الشغل حيخلص بنهاية شهر شعبان و لازم ادور على سكن و طبعاً حيكون سكن عزاب لأن هنا العمارات اما عزاب او عائلات و مفيش عمارات مختلطة
و لما الاقيه لسه عايز افرشه و اجيب العفش الضروري و الأجهزة الضرورية
دا غير الشغل و السفر اليومي
فإعذروني مشغول جداً بس انا الحمد لله بخير و شكراً على سؤالكم كلكم :)
و اقروا الموضوع ده لحد ما أعرف أكتب لكم
سجن دمنهور العمومي ... 100 سنة اعتقال

هناك 23 تعليقًا:

appy يقول...

يا رب تاخد الرخصه وعموما لما تشترى فرش من عندك هتلاقى المستعمل كويس يعنى مش وحش ربنا معاك وكل سنه وانت طيب

خمسة فضفضة يقول...

السلام عليكم ورحمة الله وبركاته

ربنا يوفقك يا محمد وان شاء الله تاخد الرخصه من اول مره ومايغلبوكش معاهم

و حاول تشترك مع حد من زمايلك في السكن عشان تقسموا الفلوس بينكم وبالتالي يبقي ارخص ليكم انتو الاتنين


ربنا معاك

سلام

فاتيما يقول...

ربنا يوفقك يا محمد فى كل خطوة
و عقبال ما تجهز عش الزوجية إن شاء الله
شكراً على الزيارة
و منتحرمشى من دعواتك

دكتور حر يقول...

ربنا يعينك ويوفقك ويقدر لك الخير يا هندسه

EmY يقول...

ازيك يا محمد ايه اخبارك وحشتني جدآ مش بتظهر علي النت خالص

الحمد لله انك سعيد و مبسوط هناك ربنا يوفقك

انا كمان عايزه اتعلم السواقه بس لسه ماشفتش مدرسه

تحياتي

عاشقه الفردوس يقول...

ربنا معاك

وكلام ابي وفضفضه صح


ربنا ييسرلك

عصفور المدينة يقول...

أعانك الله يا هندسة

الجمعاوي الاصيل يقول...

مبارك عليك وان شاء الله ترجعلنا بالسلامة والجمال والكمال وكلك عز وشريف ونظيف

•√أريـ السمر ـج√• يقول...

بالتوفيق أن شاء الله
و ربنا يهون عليك غربتك

و عمرة مقبولة بأذن الله

دمت بكل الخير

بحبك يامصر يقول...

ربنا معاك يابشمهندس
ويوفقك يارب واشوفك سواق اد الدنيا
هههههههههههههه
تحياتى ادعلنا لما تروح الحرم اوعى تنسى

بت خيخة وأى كلام يقول...

6 اسابيع؟؟؟؟؟؟؟؟؟؟؟
ليه؟
هو انتوا لسة هتخترعوا السواقة

وكمان تلات ساعات يوميا

امال على كدة بقى هنا فى مصر بيطلسقونا فى تعليم السواقة
انا اتعلمت فى 10 ايام وكل يوم ساعة واحدة


بالنسبة للسكن
ممكن تاجر شقة مع زمايلك
كدة الايجار يخف من عليك شوية


والله ليك وحشة يا محمد
خد وقتك خالص
واحنا فى انتظار جديدك دايما

اختك خيخة

مهندس مصري يقول...

شكراً ليكم كلكم يا جماعة و حآخد بنصايحكم دي كلها و ان شاء الله حأدعي لكم
أما انتي يا خيخة
الدورة 90 ساعة لما تقسيميها على 17 فرد اللي هو عددنا ينوب كل واحد فينا 5 ساعات و نصف بس
يعني مش عشرة زيك يا قادرة
يعني احنا اللي بنتطلسق
:)

مسلم من مصر يقول...

السلام عليكم
اخى الباشمهندس محمد, أخوك مهندس مدنى زيك, و مغترب أيضاً لكن فى الكويت.
قلبى معك, مريت بما تمر به,ان شاء الله ربنا يوفقك فى الرخصة و فى السكن.
قبل مسافر كنت بسمع أن الرخصة صعبة جدا و مفيش هزار و لا كوسة, لكن فى النهاية وجدت أننا أمة عربية واحدة من المحيط الى الخليج :)
يمكن حتى فى مصر ممكن تنجح من غير كوسة ما دمت تستطيع القيادة بالفعل, لكن هنا تبقى سويق و تسقط عشان مفيش كوسة.
ربنا معاك, و توكل على الله, و الله الموفق.

مدرسة الفشله بنات يقول...

بجد بموووووووووووووووووووووووووووووووووووووووووووووووووووووووووووووووووووووووووووووووووووووووووووووت فى كتاباتك كلها انا بقراها بس مكنتش بعلق اول مره اعلق

دعوة الفردوس يقول...

ربنا ييسرلك الحال

بت خيخة وأى كلام يقول...

اهه نقكم ده هو الى جايبنا ورا

وبعدين سبعتاشر واحد ازاى
يعنى بتقفوا طابور
وكل واحد يسوقله شوية
هما بيدربوك على عربية مراجيح ولا ايه يا محمد


المهم يا جميل
ربنا يكون فى عونك
ويسعدك يارب

متغيبش علينا فى البوستات
عايزين نعرف اخبارك اول بأول

سلام
اختك خيخة

Bongo يقول...

السلام عليكم

ربنا يوفقك دايما

و ييسر لك كل عسير

ان شاء الله كل حاجة هتبقي كويسة

ربنا معاك

تحياتي لك

سومه...مجنونه فى بلد عاقل يقول...

الاول بعتذر على اهمالى وعدم السؤال عليك بس دا لانى كنت بدخل مش بلاقيك كاتب جديد...فقلت انك نسيت المدونات
ثانيا مبروك على العمره
ثالثا ان شاء الله تاخد الرخصه لو كنت فى مصر كنت قولتلك طريقه تاخدها بيها زى ما انا اخدتها ...حتى مفيش لا رشاوى ولا قرف خالص من اللى موجود فى كل حته
اه العربيات المستعمله انا اعرف انها كويسه فى حائل وشديده ثم كمان هات لون ابيض عشان ميجربش اصل انا زمان كنت فى حائل
والشمس فعلا بتبوظ العربيات ..فاحسن لون هو الابيض مبيتاثرش قوى بالشمس
اسيبك على خير
تحياتى ليك سومه_87

Ahmed Al-Sabbagh يقول...

احنا عايزين قيادة طيارات

صواريخ

مواكييك

هههههههههه


ربنا يكرمك يارب

احمد

صانعة الحرية يقول...

ربنا يوفقك يا استاذنا ويعينك

الفاتح اليعقوبي يقول...

السلام عليكم
ربنا يوفقك ياهندسة واشوفك راجع من السعودية بدبابة او مدرعة
وربنا ييسر لك امرك في امر السكن
ولعله خير
والسلام

الفاتح اليعقوبي يقول...

السلام عليكم
ربنا يوفقك ياهندسة واشوفك راجع من السعودية بدبابة او مدرعة
وربنا ييسر لك امرك في امر السكن
ولعله خير
والسلام

مهندس مصري يقول...

يا خيخة في اختراع اسمه دكك بنقعد عليها و بالدور
:)