السبت، أغسطس 16، 2008

و مرت عليا سنة تدوينية

و مرت عليا سنة في عالم التدوين
و الحمد لله أعتقد إنها من أحلى سنين عمري
عرفت أصحاب جداد ممتازين من المدونين و لقيت كل اللي بأعتبرهم أصحابي من المدونين بيحبوني بدون مصلحة خاصة و لا لحاجة مادية عايزينها و أنا كمان بأحبهم في الله و لله و ربنا يديم المحبة و التواصل بينا يارب
حصل لي كتير في السنة دي
و أهم حدث حصل لي إني سافرت من مصر للسعودية و إنخفض معدلي التدويني جداً لعدم إتصالي الدائم بالإنترنت بعكس مصر اللي كان النت في البيت 24 ساعة
بس المدونة أعتقد إنها فجرت فيا قدرات صحفية على متابعة الأخبار و نشرها أولاً بأول مدعمة بالصور
و عملت كام تحقيق مصور كويسين و مش كلهم سياسيين و أوعدكم بمجرد ما أدخل dsl هنا حأغرقكم موضوعات مصورة :)
كمان المدونة خلتني أعبر عن رأيي بحرية على نطاق واسع - و ربنا يستر و ما يقفلوش المدونة علشان ملهاش ترخيص - و أتفاعل مع آراء الآخرين بل و استفيد منها و ياما الواحد إستفاد من قراءة تدوينات الآخرين بل و بعد عدة نقاشات ممكن الواحد يقتنع برأي أصح من رأيه الأول و الرجوع إلى الحق فضيلة
و إتهاجمت في مدونتي هنا علشان البعض إعتقد إن ليا توجه سياسي هو بيكرهه رغم إن المفروض إن الإختلاف في الرأي لا يفسد للود قضية
عموماً كانت سنة حافلة و جميلة و مفيدة و حلوها بالنسبة لي على المستوى الشخصي كان أكتر من مرها
عموماً أحب أفكركم ببعض الموضوعات اللي كتبتها السنة اللي فاتت دي
أنا مين
يا مرحب يا نظيف باشا 4
يا مرحب يا نظيف باشا 3
يا مرحب يا نظيف باشا 2
يا مرحب يا نظيف باشا 1
رجل الحمار
شبكة أم نبيل
العيد فرحة 2
العيد فرحة
رجل الحمار - جبهة الأسافين من الزملاء
رجل الحمار - جبهة الروتين و المديرين
قصيدة الحرية : أحمد مطر
رجل الحمار - جبهة المقاول
تحقيق صحفي مع العميد السابق محمود قطري
الإجتماع الموسع لمصريين ضد التعذيب
مصريون ضد التعذيب إجتماع و انطباعات و غرائب
الليلة الكبيرة يا عمي و العالم كتيرة
خبر عاجل الحكم على العميد محمود قطري
الإجتماع الموسع اللي ضيق فجأة لمصريون ضد التعذيب
الفلسطينيون لم يبيعوا أرضهم
حبيبة قلبي
هذي بلاد لم تعد كبلادي
قصيدة لا تصالح للشاعر أمل دنقل
زيارة حسني مبارك و سوزان لمدينتي دمنهور و رشيد
لقاء مع العميد محمود قطري
يوم معرض الكتاب و مقابلة أحسن ناس
ماذا تعرف عن قانون الطوارئ اللي حاكمنا
فيديو سقوط صورة الرئيس مبارك في المحلة
معركة المحلة ما خلصتش
صور اشتباكات المحلة النهاردة مع قوات الأمن من رويت...
فيديو المظاهرة أمام محكمة دمنهور

موضوعات كتير بس كل موضوع له ذكرى عندي و عموماً عندكم الأرشيف مليان على الجنب اليمين إبقوا قلبوا فيه برواقة
و دعواتكم ليا لأن إمتحان رخصة القيادة يوم الاربعاء القادم أو السبت اللي بعده فكثفوا الدعوات
سلام :)

هناك 11 تعليقًا:

A.SAMIR يقول...

سنة حلوة عليك و ع المدونة ان شاء الله
طبعا انا هادعيلك من قلبي بخصوص امتحان القيادة علشان انا مجربه قبل كدة وعارف ان شعاره
انت وحظك
بالتوفيق ان شاء الله
تحياااتي

النجمة الصامدة يقول...

كل سنة وحضرتك طيب

وربنا يجعله في ميزان حسناتك

والجاي يكون افضل باذن الله

ابو اعصار يقول...

موااضيع رووعاه
على فكره ربما امن الدوله يطلع بقرار انه اي مدونة لازم تتطلع تراخيص

انت فينن في السعوديه انا في الدمام امتحان القياده العملي يرتكز على التلبيقة بنسبة 90 في المية وترجع ورا بالعربيه بنسبة 10 في المية

اما النظري ورقة الاشارات اللي ادهولك وربنا يوفقك بس ادخل بقلب جامد
موفق

النجم القادم يقول...

حبيب قلبى ربنا يكرمك يارب وترجعلنا بالسلامه وربنا يكرمك وتمر سنين مش سنة واحده

حته على جنب

انا اديت رقمك للشيخ اسامه

عاشقه الفردوس يقول...

كل عام ومدونتك بخير وباذن الله تثقل ميزانك يوم الحساب


ربنا يكرمك يارب وتنجح

دعواتك لينا في الارض التي شرفت بان لامس ترابها قدم حبيبنا محمد عليه افضل الصلاه وازكي السلام

ابن حـجـر الـعـسـقـلانـى يقول...

كل سنة و انت طيب و بخير

يا رب تكون سعيد و مبسوط فى شغلك الجديد

و عايزين نفرح بيك بقى قريب ... و لا مش ناوى ؟؟

على العموم ربنا يكرمك و يعينك و يوفقك فى شغلك و ترجع لنا مرضى و مرتاح

صاحب المضيفة يقول...

بارك الله لك في عملك وسنتك الجميلة

ومد لك في عمرك وعمر مدونتك الرقيقة


في انتظارك دوما لنخفف عنك وحدة الغربة والم الفراق

تحياتي

هبة النيـــــل يقول...

مدونة لذيذة وسعيدة باكتشافها وإن شاء الله مش هتكون آخر زيارة

هدعبس في الارشيف انتظرني

هبة النيـــــل يقول...

اوووبس

نسيت أقولك كل سنة وانت طيب

علشان عيد ميلاد المدونة

سومه...مجنونه فى بلد عاقل يقول...

عقبال الف سنه

اسامه عبدالعال يقول...

ياراجل تعبتنى بقالى يومين بقرا فيهم
وبعد القرايه احب اقولك حاجتين

الحاجه الاولى عليك الف نور
الحاجه التانيه دا انتا مش زى ما قلتلى انتاجك قل لا ده يعتبر اندثر بالنسبه للى انا قريته وتناول الاحدات الهايل ده انا متاكد ان اكيد عندك وقت اكتر للمدونه متضيعوش