الثلاثاء، سبتمبر 30، 2008

الفلبين والحرب الصامتة ضد المسلمين!

كل سنة و انتم طيبين بمناسبة عيد الفطر
عيد سعيد عليكم جميعاً
و لكن اثناء إحتفالاتكم بالعيد ياريت تفتكروا شعب مسلم يعاني ويلات الحرب لا لسبب سوى أنه يقول :
لا إله إلا الله محمد رسول الله
و أنا ياما سمعت من المهندس عبد الخالق رئيسي المباشر في العمل حكايات كتير عن اللي بيتعرضوا له في جنوب الفلبين من اكتر من اربعين سنة
لكن انا لقيت المقالة دي تلخص كتير من اللي بيتعرضوا له
الفلبين والحرب الصامتة ضد المسلمين!

هناك 16 تعليقًا:

ღღAhMedღ3LaMღღ يقول...

بجد الناس دي أحسن منا وافضل مليون مره منا كلنا
الناس دي بتعاني كما عاني اصحاب الرسول في اول دعوته الي الاسلام
واحنا قاعدين نتفرج ع التي في وعلي مسلسلات رمضان ونقزقز لب وناكل قطايف

حقا هم وغيرهم من المسلمين المضهدين في الارض احـــــباب رسول الله صلي الله عليه وسلم

كل عام وانتم بخير
وتحياتي بشده

mahasen saber يقول...

طب مهو الوضع السيئ للمسلمين مش فى الفلبين بس انا كنتقريت للاستاذ احمد بهجت ان الصين اعدمت حوالى عشرين مليون مسلم الكلام ده من حوالى اربع سنيين شوف دلوقتى يبقوا كام...
ومفيش من ناحية بلدانا العربيه اى اعتراض ولا حتى تنديد من اليى كنا بنسمع عنه زمان...
ومسلمى كوسوفو اليى لسه بيديق عليهم الخناق
ومسلمى الشيشان ودول القوقاز اليى اتنفوا لسيبيريا فى التلاتينات ومحدش من العالم العربى والاسلامى وقف جنبهم واليى بيتزالوا دلوقتى وبرضه محدش من العالمين الاسلامى والعربى وقف معاهم
ومسلمى دول شرق اسيا
ومسلمى الهند والمرمطه اليى بيشوفوها من السيخ على الهندوس والكل يلطش وكالعاده احنا مبنشجعش بس بنتفرج
ومسلمى امريكا وامريكا الجنوبيه بالتحديد اليى لو دخلها مسلم لازم يحصلو حاجه من اتنين ليتنصر ليتقتل ليتطهد ليعيش مغرب وغايب عن الوعى بدينه..
والانيل والادهى والامر من المر نفسه هو تنصير المسلمين فى قلب بلدانهم العربيه وده طبعا موجود فى حملات التبشير اليى غزت السودان واستغلالها للحاله الاقتصاديه وحالة الحرب..
بعد ده كله هتقول الفلبين يا باشمهندس هنقول ياه بجملة...
انا حزينه وملطوشه على قلبى ومتنيله موكوسه معقول اليى بيحصل لينا ده
والادهى بقه والامر برضه حال المسلمين فى بالادهم والحجر على عقائدهم ومظاهرم الدينيه فيها زى تركيا والعلمانيه يبقا منعبش على الغرب واسيا بقه...
هقول بس ربنا اكيد هيجعل المسلمين دول فى اعلى مراتب الجنه واحنا ربنا يلطف بينا

mahasen saber يقول...

حاجه تانيه هصدعك يا باشمهندس
كنت قريت فىكتاب عظماء الدنيا وعظماء الاخره اعتقد اه الكتاب ده للدكتور مصطفى محمود
انه بيقولان الرسول الكريم كان جالس مع الصحابه وقالهم سياتى يوم ويكون الواحد من امتى عشره منكم فالصحابه استغربوا وسيدنا عمر بن الخطاب تسائل
فالرسول الكريم...
قالهم ان انتوا الواحد منك اذا اسلم حوله من يحميه ويؤازره اما هم فسيكون المسلم لوحده ممسك على دينه وحده..
ده طبعا شويه وانا اسفه مش فاكره الصيغه كويس بس حبيت ااقول اليى فاكراه منها عشان نشوف ازاى الناس دى موقفها عند ربنا واحنا اليى ربنا يلطف بينا فعلا ونترجارحمته...

mahasen saber يقول...

اسفه دوشتك بس برضه هقولك بعد ده كله
كل سنه وانتا بالف خير
وربنا يجعل العيد القادم عيد عز وخير لكل امة الاسلام...
فى رعاية الله يا باشمهندس...

مصر تاني يقول...

بص يا باشمهندس اولا قبل اي شيء ربنا يفتكرهم برحمته ويثبتهم علي الايمان بس اعتقد اننا بحاجة لمثل هذه الدعوات لان الله صلت علي مصر عدو من انفسهم الم تسمع مثلا علي سبيل المثال عن الاقباط الاحرار واقباط المهجر دول مجرد امثلة عفانا الله واياكم

كيارا يقول...

امممممممممممممم

قريت البوست وبصراحه قريت تعليق محاسن

فللللللللللللللللللللللل

عيد فلللللللل

بصراحه مش لاقيه ا كومنت هقول ايه حسبي الله نوعم الوكيل ولا ربنا يساعدهم ولا اقول ايه ماهو كلامي هيكون من ورا شاشه وجنبي مروحه وقعده مرتاحه هروح انا فيييييييييين

هقولك احنا السبب فينا لاننا مش بنرفع رايه اسلامنا وشاغلين بالنا بكرسي زائل

كيارا يقول...

اسفه نسيت اقول كل سنه وانت طيب

قلم رصاص يقول...

مشكور ياهندزه على الموضوع

صحيح حاجة تجيب الحزن فعلا على أوضاع المسلمين في العالم الظالم ده

عموما ربنا ان شاء الله سينصر الاسلام في شتى بقاع الأرض

تقبل مروري

وعيد سعيد عليكم جميعا

أنا إنسان يقول...

بعمل شات كتير جدا مع فلبينيين
ولينا شبه خليه هناك
همه صفاتهم قريبه جدا من شعب مصر
وكتير من المسلمين هناك بيقولولي انهم بيساندوهم في السر
لان ده نوع من انواع ال
jihad
كده بالحرف
!!!!!!!!!!!!!
ربنا معاهم

نهر الحب يقول...

اللهم زد هـــــــذا الوجه نورا
واجعله دائـما مأجورا
وبلغه العيد مسرورا
امين يارب العالمين
عيد سعيد

بحبك يامصر يقول...

من بداية ظهور الاسلام وهو بيتعرض للإضظهاد والظلم مش جديد وكمان مش هنستغرب لان الاضطهاد ده سعات بيظهر فى بلاد مسلمه زى مثلا مصر لو واحد مسيحى اعلن اسلامه بيجبر على الرجوع الى دين الثلوث واللى اكيد ده شرك
مفيش فى ايدينا شئ نقدمه ليهم الا الدعاء يارب انصرهم وثبتهم يارب
كل سنه وانت طيب يا هندسه

واصطنعتك لنفسي يقول...

لا إله إلا الله حتي الفلبين كمان
اللهم انصر المسلمين المستضعفين في كل مكان

كل سنة وحضرتك طيب
ربنا يتقبل منا ومنكم إن شاء الله

إيمان

قوس قزح يقول...

رضي الله عنك وأرضاك
وهداك وأغناك
وعافاك وشفاك
ووفقك لخير الدعاء
وأجاب لك الرجاء
وأحبك بلا ابتلاء
وجعلك ساعياً للخير
مؤثراً في الغير
وكل عام وانت بخير

د/اجدع بنوته يقول...

كل سنه وانت طيب

ويارب عيد سعيد

وحاول تتبسط وتخرج وتفرح نفسك كده

وان شاء الله العيد الجاى تفرح بيه ف مصر

علم الهسس يقول...

عيد سعيد

ابقوا رورونا على
مدونة فنون التغيير

http://changearts.blogspot.com/

لعنا نجد الحل للأزمة

وتقبل تحياتى

مهندس مصري يقول...

أحمد علام
=======
كل عام و انت بألف خير
و الناس دي محتاجة مساعدة مالية و عسكرية و دبلوماسية مع حكومة الفلبين
مع بعثات دينية لتعليم الناس دينهم لإنهم في أمس الحاجة لكل من يعلمهم دينهم الصحيح خصوصاً مع وصول حملات التبشير الشيعي من الباكستانيين لهم و التي تبلبل عقائد الفقراء و البسطاء ممن يجهلون دينهم في وسط هذه الحرب الدائرة

محاسن صابر
==========
ما هي دي المشكلة في كل مكان في العلم جرح للمسلمين نازف
أصبحنا كغثاء السيل و تتداعى علينا الأمم كما تتداعى الأكلة إلى قصعتها
كما أخبر رسول الله صلى الله عليه و سلم و قُذِف في قلوبنا الوهن ( حب الدنيا و كراهية الموت )

و على فكرة تونس ألعن من تركيا 100 مرة في موضوع العلمانية

في الحديث الذي ذكرتيه يقول الرسول ما معناه: إنكم تجدون على الخير أعواناً و هم لا يجدون على الخير أعواناً

و كل سنة و انتي طيبة
:)

آميين ربنا ينصر الإسلام و المسلمين

مصر تاني
=========
بس دول رغم خطرهم اللي متفق معاك فيه ما بيقتلوناش و لا بيقصفونا بالمدفعية و الطيران و لا بيهدموا مساجدنا و منازلنا زي اللي بيحصل هناك

كيارا
======
على الأقل نفتكرهم بالدعاء
انا رئيسي المهندس عبد الخالق بيقول لي الناس دي بتدبحنا هناك و ييجوا يشتغلوا في الخليج هنا و المسلمين هنا يصاحبوهم و يضحكوا معاهم بينما هما بيدبحوا المسلمين في بلدنا هناك

كل سنة و انتي طيبة و عيدك فل الفل
:) كفاية التورتات العملاقة اللي عندك

قلم رصاص
=========
آميين
و عيد سعيد يارب على كل المسلمين

انا إنسان
==========
انا رئيسي المباشر منهم
من مسلمين جنوب الفلبين
و كلهم بيدعموا حركة تحرير مورو الإسلامية

نهر الحب
=======
آمين
و لكي بمثله
و عيد سعيد لكي

بحبك يا مصر
===========
و الدعاء و الدعم المعنوي مش شوية كبداية

كل سنة و انت طيب و بألف صحة و سلامة

و إصطنعتك لنفسي
================
آميين
و كل سنة و انتي طيبة
و أول زيارة ليكي في المدونة هنا :)

قوس قزح
========
آميين و لكي بمثله
و كل سنة و انتي طيبة

د / أجدع بنوتة
===============
و انتي طيبة
مفيش حتة ينخرج فيها هنا
كلها جناين في الصحراء
و شوارع في شوارع و خلاص

ربنا يسهل السنة الجاية

علم الهسس
===========
عيد سعيد عليك
إن شاء الله امر على المدونة
:)