الأحد، سبتمبر 28، 2008

إختراق إسرائيلي خطير للخليج

تمكنت إسرائيل من إختراق أجهزة الأمن في الدول الخليجية بشكل خطير
إقروا المقالتين دول للاستاذ فهمي هويدي
مقالة 1
مقالة 2




هناك 17 تعليقًا:

mido يقول...

قريت المقالتين فعلا

و مش متخيل الخليج بتعامل ازاى مع القضية دى

بس خلى بالك اسرائيل مش محتاجة تعمل كده علشان تعرف اسرارهم

أنا متهيألى ان الخليج بلبوص قدام اسرائيل خاصة حكامهم :)

مهندس مصري يقول...

ميدو
=====
لا يا دكتور مش للدرجة دي
الخليج مكشوف كتير لأمريكا بس إسرائيل حاجة مختلفة
و اول مرة تحصل كده

mido يقول...

لا يا دكتور مش للدرجة دي
الخليج مكشوف كتير لأمريكا بس إسرائيل حاجة مختلفة


يعنى... هما مش بلابيص أوى قدام اسرائيل
بس انت عارف ان اسرائيل اى معلومات مش عندها بتطلبها من امريكا و امريكا مش بتخبى عليها حاجة
:)

بس اسرائيل بتخبى على امريكا

علشان كده أنا بقول الجوازة دى متنفعش

:)
ولا انت رأيك ايه؟!

نيجار يقول...

السلام عليكم يا بشمهندس
إللي ما يتسموش دول عاملين زي السرطان عايزين ينتشروا في كل الوطن العربي محاوله لتحقيق حلمهم في دوله عظمى من المحيط إلى الخليج دي طبعاً تخطيطات حاسبينها كويس مش زينا نايمين على وداناوربنا يعديها على خير .
وكل سنه وإنت طيب

الباحث عن الحقيقة يقول...

التوغل ده كان لازم نتوقعه من اول ما امريكا حطت رجلها بقوة وثبات جوه الخليج
هي امريكا واسرائيل ايه يا باشمهندس
وااااحد

¨¨¨°~*§¦§ Appy §¦§*~°¨¨¨ يقول...

يوووووووا وفى مصر من بدري وامريكا عاملاها فى مصر واتاكدت امبارح يا هندسه وهبقى اقولك ازاي
كل سنه وانت طيب

قلم رصاص يقول...

السلام عليكم

ازيك يابشمهدس
دي اول زيارة لي لمدونتك الرائعة وانا بأشكرك على اضافتي عندك

نرجع بقى لموضوعنا بتاع اسرائيل

انا متفق مع ميدو على ان الخليج مكشوف جدا ادام الاسرائيلين .. وليس الأمريكان فحسب

طب هقولك على حاجة حلوة بقى .. تأكد لك صحة كلامي وتبين لكم جميعا ان اسرائيل كشفاهم من زمااااااااااان جدا


لما اسرائيل ضربت المفاعل النووي العراقي اللي كان اسمه على ما أذكر (أوزارك ).. ده كان سنة 1981 م

عارفين الطيارات الاسرائيلية عدت للعراق عن طريق ايه ؟

ياساده أكثر من 20 طائرة مقاتلة إسرائيلية اخترقت المجال الجوي السعودي سنة 81 .. وراحت دكت المفاعل العرقي دكا بصواريخها .. ورجعت من نفس الطريق اللي جت منه .. دون أن يلحظها مخلوق

والكلام ده فات عليه النهاردة 27 سنة
ههههههههههههههه

ياعم قول ياباسط.. هما الكلاب دول لولا وجود مصر في المنطقة كانوا سابوا حاجة للدول دي.. والله كانوا احتلوها وهما نايمين

وكمان وجود ايران عامل توازن رائع في منطقة الخليج

احنا جايين نهدي النفوس يعني
هههههههههههههه

تقبل مروري وتحياتي يابشمهندس

فرنسا هانم يقول...

هى الشرشوحه دى مش هتهمد ابدااااااا
ربنا اقوى واعلى واجل منهم ومن اللى وراهم
وما صبرك الا بالله
كل سنه وانت طيب يا محمد

(احمد سكر ) يقول...

دا الطبيعى ياباشمهندس

وهنا ف مصر كمان

اختراق ف كل المجالات

سيبك انت

كل سنه وانت طيب

احمد

مهندس مصري يقول...

ميدو
=====
بيحصل إن أمريكا بتخبي بعض حاجات على إسرائيل و علشان كده إسرائيل بتجسس عليها رغم التعاون الوثيق بينهم

نيجار
======
و عليكم السلام و رحمة الله و بركاته
للأسف
رغم إن ايهود اولمرت إعترف بإن الوطن الكبير من النيل للفرات مستحيل و لن يمكن تحقيقه

الباحث عن الحقيقة
=================
فعلاً

آبي
====
منتظر التفاصيل منك

قلم رصاص
=========
وعليكم السلام
أصل مدونتك جميلة و عجبتني فضفتها

انا عارف حكاية إنهم عبروا من المجال الجوي السعودي بس ده انا ارجعته لضعف الردارات و الدفاع الجوي السعودي وقتها
خصوصاً إن الطيران الإسرائيلي كان منخفض جداً و تحت مستوى رصد الردار و لم يرتفع حسب رواية الطيران الإسرائيلي الا قبل ضرب المفاعل مباشرة
:)

و فعلاً لولا وجود مصر في المنطقة كانت إسرائيل إجتاحتها
بس قوة إيران ذات حدين
ضد امريكا و إسرائيل
و ضد العرب السنة برضه
و متنساش إحتلالها لجزر الإمارات و مطالبة بعض متطرفيها بضم البحرين

فرنسا هانم
==========
و انتي طيبة يا فرنسا نورتي المدونة و منتظر قرايتك لكل اللي فاتك
دي كلها أخبار حلوة عني هنا يا فرنسا
و انا بأعتبرك اختي الكبيرة
:)

احمد سكر
========
الطبيعي ده غلط و لازم يتصلح
و انت بالصحة و السلامة
:)

Gannah يقول...

حقيقى بمبقاش فيه شىء غريب بعد اللى حصل فى العراق واللى بيحصل فى فلسطين
انا كنت جاية اقولك كل سنة وانت طيب
العيد بكرة ان شاء الله
عيد سعيد
اول عيد بالنسبة لك فى الغربة واكيد الاهل هيوحشوك ربنا يجمعك بيهم على خير
تحياتى

الـفـرعـون الـمـصـرى يقول...

السلام عليكم ورحمه ا لله وبركاته
كل سنه والامه الاسلاميه بخير

طول ما حكامنا العرب مش يد واحده توقع أى حاجه تحصل


من أى دوله ممكن تعمل الى هى عاوزاه فى العرب

تحياتى

جمعاوي(لا للنميمة) يقول...

السلام عليكم أخى

ولولا ان هذا الكلام صادر عن مصدر ثقة مثل استاذ فهمى هويدى لحسبت انه من الخيال ان يحدث

بس هنقول ايه هم دول العرب والمسلمين

كل عام وانتم بخير يا فندم ويلا سلام

Beram ElMasry يقول...

عيد فطر سعيد اعاده الله عليكم باليمن والخير والبركة ، وادام سعدكم وحقق احلامكم

بحبك يامصر يقول...

السلام عليكم
ازيك يابشمهندس وحشنا والله وكل سن وانت طيب
انا بتفق مع ان اسرائيل كشفا معظم دولنا العربيه من فتره طويله وده مش عشان هما شاطرين اوى لا ده عشان احنا خايبين وخاينين وكده يعنى ودليل كلامى عمليات التصفيه الى كانت بتقوم بيها اسرائيل عن طريق الموساد فى اكتر من دوله عربيه مصر تونس سوريا لبنان الاردن كل الدول دى حصلت فيها اختراقات امنيه قويه جدا
تحياتى ليك يابشمهندس

عالم حبيب يقول...
أزال المؤلف هذا التعليق.
محمد الكومي يقول...

مساء الخير

كل سنة و انت طيب

جاي على اثر تعليقك في مدونة الاستاذ صلاح حجازي

انا في اول الكومنت و قبل استعراضي للنوع التاني اتكلمت عن روايات الدكتور

و انا كان ليا معاه لقاء قريب جدا في اسكندرية و اتكلمنا انا و الدكتور احمد في الموضوع

مش عارف حسيت انك مش مصدق اللي انا كاتبه فحبيت اجي اوضحلك بس

قشطة يا هندسة

سلام