الأربعاء، أكتوبر 01، 2008

العيد الصغير

كل سنة و انتوا طيبين
أنا بمناسب العيد جايب لكم هدية
صلاة العيد من المساجد الحرام الثلاثة
صلاة العيد من المسجد الأقصى

صلاة العيد من المسجد الحرام

صلاة العيد من المسجد النبوي

و عايز افكركم باللي كنت كاتبه عن العيد السنة اللي فاتت
العيد في القرية العيد فرحة

و العيد في مدينة دمنهور العيد فرحة 2

و كل سنة و انتم طيبين

هناك 26 تعليقًا:

كيارا يقول...

اللللللللللللللللللللللللللللله الله

احلي عديه بس برده عاوزه مصاصه هه بس

كل سنه واننت طيب

والنبي خدمه قولي فين لينك الاسئله الحريمي اصلي دوخت ومش لاقيته:)

°¨¨™¤¦الراقص مع الذئاب¦¤™¨¨° يقول...

كل سنة وانت طيب يا باشمهندس
ربنا يكتبلنا صلاة في المسجد الاقصي محررا إن شاء الله

جزاك الله خيرا

mido يقول...

بعتلك الاكواد على الميل
اهم حاجة اكون بعته على عنوانك
:)

الاكواد من عند طفاطيفو هو اللى علمهالى

امام الجيل يقول...

كل سنة وانت طيب يا بشمهندس

وان شاء الله تكون مقضى العيد بسعادة
رغم الغربة

وتقبل الله منا ومنكم

مهندس مصري يقول...

كيارا
======
مش عارف أجيبها لك منين المصاصة
:)
دوري في جوجل في بحث الصور و إكتبي مصاصة و اللي تلاقيه حلال عليكي

الأسئلة الحريمي لينكها واضح في البوست اللي فات عموماً اهوه تاني

الأسئلة الحريمي

الراقص مع الذئاب
===================
و انت بالصحةو السلامة يا هندسة

آميين
:)

ميدو
=====
وصلوا يا دكتور الف شكر

مهندس مصري يقول...

إمام الجيل
===========
وانت طيب و بالصحة و السلامة
الحمد لله على كل حال
بس العيد هنا ممل قوي
آميين

بحبك يامصر يقول...

كل سنه وانت طيب يابشمهندس

عاشقة القمر يقول...

ايها الشهر ترفق دمع الحبين تدفق
قلوبهم من الفراق تشقق
عسي توبه تصلح ماتمزق
عسي عسي متقطع عن ركب
المقبولين يلحق
عسي أسير الأوزار يطلق
عسي مستوجب النار
ببركه هذا الشهر يعتقق وعسانا الرضا الله وقبوله نوفق
كل عام انتم بخير

princess يقول...

عيدية مقبولة:)
كل سنة وانت طيب:)
تحياتى

أحمد سعيد بسيوني يقول...

بسم الله

كل عام وانتم بخير

كل عام وانتم في صحة وسعاده وهناء دائمين

كل عام وانتم الى الله اقرب

تحياتي الخالصة

kochia يقول...

كل سنة وانت طيب ان شاء الله
واعاده الله عليك بكل الخير

تحياتي

لماضة يقول...

كل سنه وانت طيب يا بشمهندس
يعود عليك الايام بخير

كيارا يقول...

الاجابه اهي اللي جاوبتها عند نواره

***********************************

اولا:
بصي في بنات بتشوف نفسها في عيون الناس ومش بعيونها هي كمان اي انسان ولد او بنت بيحب يسمع راي الناس فيه سواء شكلا او موضوعا لكن مش معني كلامي ان الموضوع يكون سبهلله وعمال علي بطال بالعكس الكلام ده مثلا الزوجه تحب تسمعه من زوجها لكن مش من اي حد بيبقي في حدود يعني باذن الله احب اسمعها من زوجي مش من حد تاني وبرده هتكون برقه وحنيه ومن جواه مش هحبها لو مجرد مجامله احبها جدا وهو حاسسها حاسس اني اميرته ..

**لا طبعا المثل اللي قولتيه مش ينفع اصلا ان واحده تسمع كلام من ده من زميلها المفروض انهم زمايل وفي حدود تعامل بينهم لا يبقي في تجاوز الكلام ده ولا اي شي زمايل وبينهم شغل مشترك ولو موضوع بيتكلموا فيه لكن اكتر من كدا يبقي ضدد اللي اتربينا عليه اصلا ...

----------
ثانيا: ممكن اعرف لما جوزك وللا خطيبك وللا حبيبك بيخونك او يسيبك عشان واحدة تانية، ممكن اعرف بتكرهيها هي ليه ؟؟

بصي ثانيا دي حصلتلي ولا صيبت غضبي علي البنت ولا اتكلمت معها من الاساس رد فعلي كان مع اللي خان .
وهي فيها ايه زيادة عني؟
السوال ده مش سالته لاني اعرف اجابته ومش ممكن اقلل من نفسي واساله فيا عنين شافت وتقدر تقيم
-----------
ثالثا: ممكن اعرف لما بتدي البوز المتين وهو يقعد ساعة يسألك مالك ما بتقوليش مالك ليه؟

بصي هو فعلا الموضوع ده حقيقي وبشوفه كتير وانا بصراحه كنت بعمله بس هقولك وبدون هجوم
اولا انا طبعي لما اكون زعلانه مش بتكلم الا لما اهدي اولا عشان مش اقول كلام واندم اني طلعته وثانيا اوقات بيكون اللي مزعلني عارف السبب بس بيعمل نفسه مش فاهم
اجابه السوال ده مش علي حبيب او رجل علي كله اي حد زميله صديقه اهلي كدا يعني

-------
رابعا: ممكن اعرف لما راجل بيغازلك بحاجة انت عارفة ومتأكدة انها مش فيكي بتفرحي ليه؟

لا بالعكس انا لما حد بيغازلني اصلا مش بفرح بالعكس بتحرج جدا وكمان مش تكون فيا بالعكس كدا بحزن جدا لاني انا عاجبني شكلي وحالي الحمد لله ومش عاوزه حد يقول صفه مش فيا

----------
سادسا: يعني ايه عايزة راجل شخصيته اقوى من شخصيتي حضرتك؟ وايه مفهومك للراجل اللي شخصيته قوية؟

بصي يانوراه قوه شخصيه الراجل بالنسبالي في عقله وحكمته وده سبب القوامه انه يقدر يعدي بينا اي منعطف لا قوه في شخط ولا نطر ولا في تحكمات ولا في انه يسيب الحبل علي الاخر القوه في ازاي يقدر يقنعني بشي والموضوع مش يبقي انا ولا هو ونقعد بقي نقول مين يمشي المركب ولا ان مثلا عملت شي غلط يقوم مكسر الدنيا ولا انه عاوز حاجه انا مش عملتها يقوم مبهدل الدنيا في لغه الحوار بتحل اي شي وبتغني عن اي كوارث وعن اي مشاكل

---------
سابعا: مين اللي فهمك ان القعدة في البيت مرتبطة بالفلوس وبس؟

بصي الموضوع ده حصل فعلا قدامي عندي احد خلاتي خريجه جامعه وكانت ماشاء الله حاليا كلنا هنموت من الفرسه ممكن يتضحك عليها بكل سهوله من اي بياع وبقت مش مركزه ممكن يكون صاحب المحل عاوز 300 تديله 350 ومش في دماغها ولا تفقه اي شي واعتقد انها لو كتبت هتغلط
الاحتكاك بالناس علطول والقراءه المستمره دايما بتخلي عقلنا شغال سوا بشغل او لا الشغل بيحمي من الكسل لكن في اوقات مثلا بيبقي البيت محتاجنا اكتر فلازم يوم اما نفكر في شغل او قعدت بيت لازم نوازن الامور صح البيت اولا محتاجنا ولا لا هيتاثر بالشغل لو مش هيتاثر يبقي نشتغل هيكون افيد لينا لو هيتاثر يبقي الاطفال اولي بالرعايه زائد ده كله لازم المدوامه علي القراءه والاطلاع علي اخر الاحداث
----------
ثامنا: مين اللي فهمك ان عيالك ملكية خاصة تعملي فيهم اللي انتي عايزاه ومحدش له حق يحاسبك؟

بصي الواحد لازم يسال ويعرف الصح لانهم تاجنا وبعدين الزوج بيبقي اليوم كله مطحون في عمله فلازم الفراغ اللي عامله الاب احنا نسده لكن لازم يكون فرحان بعياله
ورايي اكيد ان الزوج والزوجه هما اللي ليهم الحق فقط في تربيه العيال غير دول محدش له حق يتدخل في تربيتهم
---------

تاسعا: اذا كان جوزك بيعاملك وحش وانت قاعدة معاه عشان العيال بتضربي العيال ضرب غرائب الابل ليه هم مالهم؟

انا ضدد ده طبعا ضد انهم يتضربوا اصلا
-------
عاشرا: بدل الشكوى العمال على بطال والزن الزن الزن مش بتاخدي خطوات تاخدي بيها حقك بدراعك ليه؟ انت كتعة؟

بصراحه بكرهها مشاكلي انا احلها بنفسي مش احب حد يتدخل فيها انا مش عقلي ملغي بقدر افكر كويس جدا يبقي الشكوي لغير الله مذله كان فيه روايه مش فاكرها بالضبط وهي ان كان فيه زوج وزجه الزوج بيروح يصلي الفجر مثلا وبيمشي علطول بدون مايتكلم مع احد المهم الرسول صلي الله عليه وسلم في مره ساله ليه وكدا قاله انا وزوجتي عندنا جلباب واحد انا بلبسه وباجي اصلي بيه وبعدها بروح تلبسه هي وتصلي فراح الراجل بعد كده حكي لزوجته قالتله اتشتكي الله لرسول الله

مابالك بقي اللي شغالين شكوووي للعباد العاديه
---------

حادي عشر: ليه لما واحد بيحبك ؟

هاتيه ده مش لاقيت حد يحبني بجد لحد الان :)
--------

ثاني عشر: بقى بذمتك الكلام السم اللي بتقوليه لصحباتك البنات عشان تحطمي بيه صورتهم قدام نفسهم تقدري تقولي ربعه لجوزك وللا انت تخافي ما تختشيش؟

عمري ما قلت كلام سم لحد في حياتي بالعكس والحمد لله اللي يعرفني عارف ده ...

-------------
ثالث عشر: ليه بتغيري لما عيالك يحبوا ابوهم؟
بالعكس يحبوني ويحبوه مهو ابوهم من دمه ولحمه ازاي اغير
----------
رابع عشر: اساسا ليه بتسيطري على الولاد وفعلا تحجمي سلطات ابوهم لحد ما يبقى كومبارس صامت؟ دي انا عارفة اجابتها، عشان يحبوكي اكتر...هو جوزك ده ضرتك؟

انا لحد الان مش اتجوزت بس برده عمري مااتخيل اني اعمل حاجه زي كدا
--------
خامس عشر: ليه بتطوعي بتضحيات لجوزك وولادك ماحدش فيهم طلبها منك وتحملي نفسك فوق طاقتك لحد ما يعتبروا التضحيات دي حق مكتسب ولما تفيصي في يوم وما تقدريش تقدمي التضحيات دي وما يعذروكيش ترجعي تزعلي؟ مش انت اللي عودتيهم على كده؟ حد طلب منك؟

تضحيات ازاي ؟؟؟؟؟؟؟؟؟؟
-------
سادس عشر: ليه لما بتمسكي جوزك تسلخي وشه وتقولي له انا باعمل كذا وكذا وكذا وكذا وترصي له لستة التضحيات ويرد عليكي ويقول لك: والله ما حدش طلب منك كل ده...ليه لما بيقول كده ما بتقوليش له طيب وانا من النهاردة ح ابطل ده كله مدام مش مهم عندك وانت ما طلبتوش؟ ليه تفضلي تعملي نفس التضحيات وبرضه زعلانة ومتبرمة؟

ده يجاوب عليه واحده متجوزه بس انا اصلا عمري هعمل شي انا مش راضيه عنه لاني عنيييييييييييده جدا
-------------
سابع عشر: ليه لما الراجل بيكسل في مسئولياته بتعمليها بداله؟

في دي عشان انا وهو واحد وبنكمل بعض دايما
---------
ثامن عشر: ليه بتحبي ولادك الصبيان اكتر من البنات وليه بتفهمي ابنك انه اهم كائن في الكون وان الدنيا بتدور في فلكه وتعملي كل حاجة بداله....وبدل جوزك طبعا مع انهم مش عايزين ده منك؟
برده مش هعمل ده بصي انا ليا اخ وبشوف معامله ماما ليه مش فيها كده خالص بالعكس ماما بتساوي بينا حتي في الحضن لما بتحضني بتحضنه عشان تساوي بينا
وكل واحد له دور بيقوم بيه انا ولا اخويا ولا ماما ولا بابا حاله واحده نقوم بدور بعض فيها ان يكون العذر مقبول تعبان مشغول في دراسه في شغل كدا يعني
-------
تاسع عشر: ليه لما بتتخطبي او تتجوزي كل تفكيرك بينصب على احتياجات جوزك وازاي تلبيها له عشان تحتفظي بيه وعمرك ما بتسألي نفسك انت محتاجة ايه؟

اهتمامي بزوجي ان شاء الله هيكون بحبي ليه مش عشان شي تاني وزي مانا مهتميه بيه هو هيهتم بيا مش عارفه ليه يانوراه انتي محساساني ان الحياه بين الزوج والزوجه حرب
---------

عشرين: ليه بتحطي اخوات جوزك البنات ومراتات اخواتك الصبيان في دماغك؟

وانا مالي بيهم ماما عودتني اني اكون في حالي ومليش دعوه باي حد كل انسان حر في كونه
--------

واحد وعشرين: ليه ولادك لازم يطلعوا زي ما انت عايزة مش زي ما هم عايزين؟

لا لازم يطلع لهم شخصيه مستقله عني عشان يقدروا يواجهو الدنيا من غيري انا مش هكون معهم طول حياتهم
---------
اتنين وعشرين: ليه بتحبي تصعبي على الناس؟ انا بقرف من ده انا لازم اكون قويه ومحدش يعرف باللي جوايا ومبحبش اقلق حد عليا ولا اصعب حد عليا
-------
تلاتة وعشرين: ليه مؤخرا انتشرت ظاهرة المزة المؤدبة؟ ماهو يا مزة يا مؤدبة...منى زكي هي السبب مش كده؟
موزه مؤدبه ازاي يعني !!!!!!
------
اربعة وعشرين: ليه عارفة كل ده ومصممة ما تغيرهوش؟

اكيد اي خطا بلاقيه في حياتي بغيره وبكون قادره اني اغير اي سلبيه بكتشفها فيا

كيارا يقول...

وتجبلي مصاصه بقي مليس دعوه هه بس

قلم رصاص يقول...

كل سنة وانت طيب يابشمهندس

وعيد سعيد عليك وعلى كل الأمة الاسلامية

وعيدية مقبوله ياباشا

تقبل مروري

القعقاع يقول...

كل عام وأنتم إلى الله أقرب وعلى طاعته أدوم
تقبل الله منا ومنكم

Dr.Mohammed Gohary يقول...

كل سنة وانت طيب
يا باش مهندس

ويارب يبقا عيد سعيد
عليك وعلينا وعلى أمة محمد أجمعين

خالص تقديري

فزلوكة يقول...

شكرا جزيلا يا باشمهندس
فعلا روحانيات مختلفة
كل سنة وحضرتك طيب وبخير

عاشقه الفردوس يقول...

جميييييييييله جدا الهدايا دي

حقيقي رائعه ربنا يباركلك ويبارك فيك
يارب اكتبلنا صلاه هناك اللهم امين


كل عام وحضرتك الي الله اقرب

mahasen saber يقول...

اجمل من كده عيديه ..تسر العين
وتفرح القلب
وتحسس الواحد بعظمة دينه
وتعيشه فى الروحانيات الجميله...
بصراحه مفيش اجمل من كده

..جزاك الله كل خير..
وعيد سعيد عليك يا باشمهندس
وعلى كل من تحب
وعلى فكره انتا عقلى راقى قوى
وروحك ساميه جدا..
واى حد بيدخل مدونتك طبيعى بيستشف كده...
عيد سعيد ومبارك..
وكل سنه وانتا بالف الف خير...

مهندس مصري يقول...

بحبك يا مصر
===========
و انت طيب
:)

عاشقة القمر
============
و انتي بخير
اول مرة حد من السودان الشقيق يعلق في المدونة
:)

أميرة
=====
و انتي طيبة
:)
و كد نبقى خالصين عيدية كاملة أهيه مش نص

احمد سعيد بسيوني
================
و انت بألف خير
:)

kochia
=======
و كل سنة و انتي طيبة
آميين
:)

لماضة
=====
و انتي طيبة يا ست الدكتورة
خطوة عزيزة
مبقيتيش تزورينا غير في المناسبات
:)

كيارا
======
ماشي ياستي
و آدي

المصاصة

إنتي تؤمري


قلم رصاص
=========
و انت طيب و بألف خير
مرور شريف يا باشا
:)

القعقاع
========
آمييين
انا و انت و كل المسلمين

د / محمد الجوهري
===============
آميين و كل سنة و انت طيب دايماً

فزلوكة
=======
عفواً
و انتي طيبة
:)

عاشقة الفردوس
==============
سعيد إنها عجبتك
:)
آميين نصلي هناك كلنا جماعة

كل سنة و انتي طيبة

محاسن صابر
==========
ياه ايه الكلام ده كله
أخجلتيني جداً وا الله ( وش مكسوف )
الحمد لله إن العيدية عجبتك
و سلامي لعبد الرحمن
:)
عيد سعيد عليكي و على كل حبايبك
و كل سنة و انتي بخير و سعادة

طالب ثانوى يقول...

كل سنة وانت طيب

وعيدية جميلة جدا انا عارف انك موجود هنا دلوقت افتح الياهو قاعد وحيد مفيش حد فاتح غيرى

¨¨¨°~*§¦§ Appy §¦§*~°¨¨¨ يقول...

يا رب عقبالى يا رب بتمناها ادعي ليه يا رب
بس عاوزه اقولك ان العيد مبقاش فرحه خالص خسه ان حد سرق العيد فى مصر والفرحه
كل سنه وانت طيب وبخير

جمعاوي(لا للنميمة) يقول...

السلام عليكم اخى المهندس

وفعلا احلى هدية والله بجد ربنا يكرمك وكل عام وحضرتك بالف خير وعيد سعيد عليك

صحيح انا قلتلك تدخل تشوف الواد ابنى واللا لا على العموم ياريت تنورنا بالزيارة وتشوف الواد الجديد يلا سلام

مصري بالغربة يقول...

كل سنة وانت طيب

وان شاء الله العيد الجاي انت عارف هاقابلك فين

لاني طالع الحج السنة ديه ان شاء الله

فاشوفك هناك باذن الله

وليك عندي هدية , سي دي عليه كل مناسك الحج بالصوت والصورة
ان شاء الله لما اروح حايل بعد العيد اجبهولك معايا

مهندس/ محمود مرسي

مهندس مصري يقول...

طالب ثانوي
==========
و انت طيب :)
و كويس ان الهدية عجبتك عقبال ما تصلي فيهم كلهم
و انا لسه داخل دلوقت

آبي
====
آميين ربنا يكتبها لك في الـ 3 مساجد
طيب اذا كان مفيش فرحة للعيد في مصر امال انا اعمل هنا ايه ؟
دا هنا مفيش طعم عيد اصلاً

جمعاوي
======
و عليكم السلام و رحمة الله و بركاته
سعيد ان الهدية عجبتك

مصري بالغربة
============
و انت طيب يا هندسة
خلاص منتظر هديتك و مقابلتك
و مع بعض في الحج إن شاء الله
:)