الخميس، أكتوبر 23، 2008

الشغل و الموقع تاني :)



انا حابب النهاردة أتكلم عن الشغل و علشان كده عاوزكم تشوفوا شغلي المرة دي بالصوت و الصورة
http://www.youtube.com/watch?v=BTsFTsyvXe4&eurl=http://egyptioneng.blogspot.com/



بس بأعتذر عن رداءة الصوت أحياناً بسبب تيارات الهواء الرهيبة فوق سطح الخزان اللي كنت بأصور منه
و ياريت اللي مش فاكر انا قلت ايه على الشغل قبل كده يراجع البوستات دي

تعريف بالناس و الشغل في حائل
حائل تاني :)
صور الشغل
صب الأرضيات المسلحة بالخزان الـ 50 ألف متر مكعب
غرف الخروج للخزان
القناع الخاص بالأتربة أثناء العواصف الرملية
مكاتبنا كمهندسين للإستشاري في الموقع
مجمع الفيلات السكنية و يتوسطهم المسجد و مكتبنا و مكتب المقاول
منظر الصحراء المحيطة بالمدق اللي بنمشي فيه لحد ما نوصل للموقع و كلها صخور و كسر أحجار زي ما إنتم شايفين و لو كانت في مصر الحتة دي ما كانتش إتسابت كده ابداً و كان زمانها بقت محجر ممتاز
مبنى الإدارة و التحكم
مبنى الكلور
خريطة حقل الآبار و ظاهر فيها المجمع و هو المستطيل الموجود فيها من تحت ده



هناك 73 تعليقًا:

أحسن شاب في البلد يقول...

مش عارف لحقت اول تعليق و لا لأ
بس عموما .. ربنا يوفقك يا هندسة
و شوف لي حاجة معاك كده بعد ما آخد التأجيل ان شاء الله

كـــيــــــــارا يقول...

ربنا معاك ويقدرك علي الشغل ده

طالب ثانوى يقول...

ربنا معاك يابشمهندس ويوفقك

انت متاكد ان اللى فى صورة البروفايل هو انت

اية ياعم احسن شاب مش انت قولت انك مبتشوفش نمدونات

بنوته مصرية يقول...

الله يكون في عونك بجد

شغلك صعب فعلا

ربنا يوفقك وتحقق كل احلامك

فاتيما يقول...

ربنا يوفقك يا محمد
تعرف إنا ليا صديقة مهندسة
دايما لما أقعد أتفرج على الأبراج و الكبارى و الناطحات و اى مبنى شكله مميز كدا أقولها إن الهندسة دى مهنة تشبه السحر
إواى ربنا لايدى لبنى أدم العقل اللى يخليه ينشأ و يعلى فى البنيان حاجات بالروعة دى و تبقى محسوبة بدقة و مهارة و فن
دى عبقرية ربنا بيكرم بيها عباده
تحياتى ليك يا احد ممنوحى هذه النعمة
و ربنا يزيدك كمان و كمان يا محمد

جمعاوى روش طحن يقول...

باشا ..

الله ينور يا عم

و مووضع اللينكات و شغل الكروتة

إعذر أخوك يا ريس

لابس نضارة بقى

و بعدين كنت بأقرا من الريدر

(:

مهندس مصري يقول...

أحسن شاب في البلد
================
لحقت
:)
آميين
و ربنا يكرمك
خلص و شوف وضعك في الجيش ايه ؟
و لو خدت تأجيل ربنا يسهل

كيارا
=====
آميين
:)

طالب ثانوي
==========
آميين
ايوه انا
انا اللي قلت له على البوست ده في الشات

بنوتة مصرية
===========
آميين يا ام نور

فاتيما
======
و يا تري تقصدي انهي عبقرية ؟
عبقرية التصميم و لا عبقرية التنفيذ
:)
و آميين ربنا يزيدني يا أختي و ياريت تكون الزيادة في المرتب كمان
:)

جمعاوي روش طحن
==============
طيب و بعد ما قريت ما قلتش رأيك ليه؟
و لا خفت تزعل حد ؟
:)
الله ينور عليك ما انا كمان بنظارة
:)

نيجار يقول...

باشمهندس أخويا الغالي
إنت قاصد توجع قلبي ولا إيه،
وإيه الصحراء الجرداء دي إنت بجد عايش في المكان ده لو عايش فيه يبقى ربنا معاك بجد ،
وعايزه أقولت على حاجه إنت بالذات مهما قلت إنسى إني أزعل منك وخلى بالك انا كنت مقدره قوي الغربه اللي انت فيها لإني جربتها وعارفه ان الواحد بيبقى نفسه في اي حد من ريحه بلده يكلمه وبيبقى محتاج حد يحس بيه بجد أصعب وحده وحده الغربه حتى لو حواليك ناس كتير ده طبعاً كان إحساسي لغايه ما شفت المنفى الصحراوي اللي إنت فيه بجد أنا اللي أسفه لك ،
لأ بجد يعني لولا أنا ما جبت سيرتك في البوست ما كنتش هتعلق عندي طيب ما إنت أكيد بتعرف إني بدخل عندك المدونه كتير جداً ووالله امبارح حاولت اعلق كذا مره والنت بيفصل لما أجي انزل التعليق ولو سألت محاسن هتقولك على العذاب اللي بوريهولها علشان أكلمها كلمتين على بعض طبعاً لإن المحافظه الجميله اللي أنا فيها وصله النت فيها بدائيه جداً وانت أكيد عرفت أنا منين بس خليها في سرك علشان أنا بخاف من الحسد هههههههههههه
المهم أنا نفسي أعرف إنت فهمت أنا وجهة نظري إيه ولا لأ
بص يمكن إنت أخدت بالك ان أكتر حاجه زعلت منها هي الكلام على الغلطات الإملائيه بتاعة مجنون خلى بالك إحنا مش في نيابه أومحكمه علشان الكلمات تتفسر أو ما تتفسرش لإن دي كانت حاجه كروكي مش وثيقه جاهزه بدليل المدونه اللي إتعملت علشان مناقشه البنود دي
وغير كده أنا عارفه ان العقود لو حرف فيها غلط مش كلمه بتبقى مصيبه وفي ساعات ناس نصابين محترفين في الحاجات دي المهم وأنا برضه المذكرات بتاعتي لو حرف غلط ممكن القضيه كلها تتشقلب يعني أنا براجع على المذكره بعد ما بكتبها والسكرتيره بتاعتي (اللي بيبقى إسمها أو إسمه لو راجل أمين السر ) بتكتبها على الآله الكاتبه وبتراجعها مره تانيه وبعد كده بتتعرض على مدير النيابه بتاعي بيراجعها برضه وبيأشر عليها بالموافقة ،
فصعب جدا يكون في غلطات إملائيه في شغلي،
بس حرام يبقى الهجوم ده علشان حد ما أخدش باله من حرف في كلمه والمهم ان واضح المعني بتاعها من سياق الكلام يعني المحكمه مش هتفسره لصالح المتهم ولا حاجه وبصراحه أنا قررت اديله براءه وأحفظ القضيه قطعياً لعدم المخالفه إيه رأيك بقى ،
وعلى فكره انا أكتر حاجه استفزتني الكلام اللي اتقال لكيارا واللي كان هيخليها تقفل المدونه خالص لولا إني قعدت اتكلم معاها وأقنعتها ما تقفلهاش ، و بجد إنت أكيد محترم جدا في كلامك بس غيرك للأسف لأ والله اللي حصل ده مهزله بجد يعني الامور ما توصلش لحد التجريح والإهانه ،
بس برضه ياريت توضحلى إنت فهمت إيه من البوست اللي انا كاتباه و لو ما كنتش قرأته كويس ياريت تقرأه وتقولي إنت فهمت إيه من كلامي .وتحياتي ليك

مهندس مصري يقول...

نيجار
======
انا فهمت البوست بتاعك و قريته كويس
أنا اللي زعلني إن الناس تقتطع كلامي من سياقه و تلوي عنق الكلام علشان تغلطني بالعافية
و ده تعسف في التفسير
يعني كلمة جداد مش شتيمة
بل محاولة لإلتماس العذر للناس و إنهم يمكن ما يعرفوش بالتجارب السابقة الفاشلة
و انا حأعرف منين الناس جديدة و لا قديمة غير من تواريخ بروفايلاتهم
لما يكون فيه 35,100 بروفايل من مصر على بلوجر
حأعرفهم كلهم إزاي و انا مكنتش اعرف أكونتاتهم القديمة
ثم جداد مش شتيمة و كانت واضحة جداً في سياق الكلام
يبقى ليه تتفسر من بعض المعلقين عندك على طريقة لا تقربوا الصلاة
و ويل للمصلين
هو ده اللي زعلني
ان الناس مش لاقية غلط في كلامي فعايزة تغلطني بالعافية

مش من ضمن الوثيقة الترحيب بالنقد البناء و عدم المجاملة
أهم سقطوا و فشلوا في اول إختبار
و ما عرفوش يميزوا بين النقد البناء من واحد زيي
و الشتيمة من غيري

انا ما قلتش اني مكنتش حأعلق عندك
لا انا قلت ما كنتش حأعلق تعليق طويل بالشكل ده لولا ذكر إسمي عندك
يعني كنت بأتكلم على طول التعليق بس

و في النهاية و الكلام ده مش موجه ليكي
حسبي الله و نعم الوكيل في كل من ظلمني
و مش حأرد عليهم إحتراماً لكي و لكيارا

مهندس مصري يقول...

آه توضيح بس
انا ساكن و عايش في مدينة حائل و دي عاصمة إمارة حائل بالسعودية
اما موقع الشغل ده فبأسافر له 100 كم رايح الصبح و 100 كم راجع آخر النهار
:)
العمال بس هي اللي عايشة في الموقع هناك

الباحث عن الحقيقة يقول...

كان نفسي احط الصور اللي اخدتهالك على الماسنجر
نيهاهاها

هييجي يوم وارجع البلد وارفعها واخلي اللي ما يشتري يتفرج
هههههههه
ازيك يا عرب منور

محمد الجرايحى يقول...

الأخ الفاضل: مهندس مصرى
السلام عليكم ورحمة الله وبركاته
أحييك على هذا العرض وأدعو الله لك بكل التوفيق والنجاح...
أنت مثال جيد للإنسان المكافح والبناء
بارك الله فيك وأعزك
أخوك
محمد

مهندس مصري يقول...

الباحث عن الحقيقة
================
إياك
دي صور شخصية و ممنوع نشرها
:(

ده نورك يا باحث

محمد الجرايحي
============
و عليكم السلام و رحمة الله و بركاته
ألف شكر على كل الكلام الجميل الحلو ده
أخجلتم تواضعنا يا فندم
:)
آميين و لك مثله ان شاء الله

بذرة امل يقول...

اعانكم الله يابشمهندس
ورجعلك لبلدك مصر بالسلامة ان شاء الله
باين على المشروع ده مشروع كبير اوى
ربنا يوفقكم

Gannah يقول...

باشمهندس
ربنا معاكم
واضح ان شغلكم صعب
الصور حلوة والفيديو برضه ولو ان الصوت زى ما قلت مش واضح قوى
بالتوفيق
تحياتى

نيجار يقول...

محمد باشاالباشمهندس
وده بمناسبة إني أول مره أعرف إسمك وبيقولوا محمد فقلتلهم محمد مين قالولي مهندس مصري ومتسألنيش مين دول اللي بيقولوا ،
المهم بص عايزاك تركز معايا
إحنا بيتهيألي إننا ناس كبار والزعل والعداوات حاجه تقرف يعني ندخلها هنا كمان في عالمنا الجميل ده ،
وإذا كانت الوثيقه هتزعلنا من بعض كده يبقى قلتها أحسن بص في تعليق كاتباه ليك ضد التيار وياريت تيجي تشوفه وعلى العموم والله الموضوع أبسط من اللي حصل بكتير ،

نيجار يقول...

نيجي بقى لأهم حاجه أنا لما بقولك إنت فهمت وجهة نظري قصدي يعني بالنسبه للوثيقه يعني إن انا برضه الفكره في مجملها رائعه بس برضه في حاجات انا معاها وحاجات انا ضدها وغير كده انا مش من اللي عملوا الفكره دي انا مجرد بس نشرتها عندي واشتركت في المدوته بتاعتها(واللي بعد كده إنسحبت منها) علشان اناقش واقول رأيي يعني كنت عايزه أضيف حاجات كتير وافكار حلوه اننا نتلم حواليها زي حاجات خيريه تبقى بصفه منتظمه الكل يشارك فيها وافكاروالله حلو جداً تانيه وتعديل برضه بعض الحاجات اللي انا شايفاها مش صح زي تعريف المدونات بمدونات الشواذ بغض النظر اننا هنشهرهم احنا كده هنفضحهم وده حرام يمكن ربنا يهديهم وساعتها هيبقوا منبوذين وغير كده ربنا بس اللي بيحاسب
يعني في حاجات كتير انا معترضه عليها بص انت مش فاهم سؤالي انا بقولك ايه رأيك في وجهة نظري بالنسبه للوثيقه يعني تفكيري من وجهة نظرك إنت صح ولا غلط لإن ده يهمني أعرفه جداً
وتحياتي ليك

مهندس مصري يقول...

بذرة امل
========
آميين
و تكلفة المرحلة الاولى مبدأياً في المشروع ده 500 مليون ريال سعودي

:)

جنة
===
الحمد لله
المهم يكونوا عجبوكي
و تكوني قرأتي الكتاب لإن نهاية الإسبوع خلصت خلاص يا دكتور
:)

نيجار
======
هههههههههههههههه
دا إنتي متأخرة قوي يا نيجار
ضد التيار كتبت عندي تعليقين على البوست اللي فات و إعتذرت لي و انا رديت بتعليقين عليها و قبلت إعتذارها خلاص
و الموضوع إنتهى
و شفت تعليقها عندك برضه
بصي انتي في تعليقات البوست السابق و شوفي اللي فاتك
:)

مهندس مصري يقول...

نيجار
======
وجهة نظرك كانت صح في مناقشة الوثيقة
و كانت غلط في نشرها قبل ما تتعدل و تتحول لصيغة نهائية


الطريقة الأصح في اللي حصل كانت ايه من وجهة نظري
تتعمل مدونة مناقشة الوثيقة الاول
و يتعمل لها بوست اعلان في مدونة كل واحد منكم
و الناس تخش المدونة دي تتناقش
و لما يتم التوصل لصيغة نهائية
يتم نشرها في كل المدونات الموافقة عليها و عمل بانر لها بحيث كل مدونة ملتزمة بيها تعلقه عندها علشن تعرف الناس بده
و يبقى الإسم مخصص و بيدل على المجموعة دي بس
مش على كل المدونين
يعني يبقى مدوني ميثاق الشرف مثلاً يعني
صدقيني لو كنتم اتبعتوا الخطوات دي كان الهجوم حيقل كتير
إنما الموضوع تحسي انه مشى بالمقلوب
يعني الصيغة المبدأية اتنشرت الاول بدون اي إشارة لإنها مبدأية و قابلة للتعديل في بوستها نفسه
بل بنود فخمة و إسم كبير و قسم و بتاع
كل ده و هي فكرة اولية لسه

فالناس بمجرد ما تقرأ بتقول مين اللي بيتكلم بإسم المدونين كلهم ده و مين إدى له الحق
فهمتيني
هي غلطة صياغة في المقام الأول
و تسرع في نشر الفكرة قبل ما تنضج

ربنا يوفقكم لما فيه الخير
و انا طبعاً ضد أي بذاءات اتوجهت لكم لإن البذئ بيعبر عن بيئته و تربيته

عالم حبيب يقول...

ربنا يعينك يابشمهندس

بس لازم تظبطوا مع طيارة هليكوبتر لأن الموضوع مش هاينفع فيه عربيات ولا فور باي فور حتى :)

الله يعينك


بأفكر أجي السعودية بدل دبي دي .. هاتخليني أغير رأيي كده :)

امام الجيل يقول...

اعانك الله يا بشمهندس

فى هذه الغربة

مهندس مصري يقول...

عالم حبيب
=========
لا فيه مدق العربيات الفور باي فور بتمشي فيه
الصورة اللي ناشرها دي جنب المدق
يعني لو خرجت عن السكة يبقى الله يرحم العربية
:)
يا عم تعال و لا يهمك
ثم في ناس شغالة في وسط المدن و زي الفل
و اهم ميزة هنا سهولة العمرة و الحج

ربنا يعينا جميعاً

Ahmed Al-Sabbagh يقول...

احساس غريب اوى ومتعة غير عادية وانا بشوف الفيديو والصور يمكن عشان فيهم محمد اللى وحشنى .. لأ مش كدة بس لانى شوفت حاجة جديدة ما شوفتهاش قبل كدة
ولانى بحب الهندسة والمعمار بشتى اشكالة
بجد بوست رائع يا محمد
حاجة كدة جميلة وجديدة وتدي احساس بالفخر والاجتهاد
ربنا يعينك دايما
وعايزين صور كمان وفيديوهات كمان
يعنى ابقى ظبطنا دايما
احمد

mahasen saber يقول...

محمد انا قلتهالك امبارح فعلا ربنا يكرمك على مواضيعك القيمه دى انا عرفت حاجات مكنتش اعرفها
.....
وشئ جميل انك عيشتنا لحظات عملك وعرفتنا عليه انا بصراحه اول مره اشوف مواقع عمل بالشكل ده
......
ربنا يوفقك ويكرمك ويعطيك ما تريد
.

زهرة الجنة يقول...

السلام عليكم
من الواضح يا باشمهندس ان شغلكم صعب
ربنا يوفقك ويكرمك
أتمني لك النجاح والتوفيق

مهندس مصري يقول...

إمام الجيل
==========
آميين

احمد الصباغ
===========
الله يخليك يا احمد
كويس انك بتحب الحاجات دي
حاضبطك من وقت للتاني
:)

محاسن صابر
==========
طيب يا ستي يعني وريناكي اللي عمرك ما شفتيه
:)) ههههههههه
آمييين

زهرة الجنة
==========
و عليكم السلام و رحمة الله و بركاته
الحمد لله على كل حال
ربنا يسمع منك
:)

kochia يقول...

انت ده ؟؟؟؟
شكلك بتتعبوا والله
ربنا يعينك

مهندس مصري يقول...

كوشيا
======
ايه ؟
شكلي غريب ؟
:)
آه الشغلانة متعبة بطبيعتها بس الحمد لله على كل حال
ربنا يسمع منك

CAIROCOMPUTER يقول...

عاوزين رايك فى بوست جديد بعنوان لعب وحب وجد وقتل
salah h: http://netonradio.blogspot.com

بت خيخة وأى كلام يقول...

ايوة كدة
انا احب اوى البوستات الخاصة اللى تعرفنا عن صاحب المدونة اكتر

وانت بالذات يا محمد
لما تكتب بوست خاص عن حياتك فى الغربة
ده بيخلينا نطمن عليك

ربنا يوفقك يارب


معلش بالنسبة للبوست بتاع الوثيقة
انا لسة واخدة بالى منه دلوقتى


انا ماقريتش الوثيقة
لكن عموما انا عندى راى بخصوص مثل هذه الحاجات
انا ارفض رفض قاطع ان التدويت يتحول من مساحة حرة لكل شخص يقدر يعبر فيها عن وجهة نظره بصراحة
لمجموعة من القيود والمعاييير والمفاهيم الى تقيد مساحة الحرية
دى

بدون ما اقرا الوثيقة
انارفضاها
ورافضة اى شكل من اشكل تقييد التدوين
اذا كان اتحاد او حزب او اى نيلة


سلام
اختك خيخة

fashkool يقول...

اتفرجت على الصور ولو انها صور عايزه واحد بروفشنال عشان يفهم ايه اللى جوه الصور .. لكن من وجهة نظرى ..جميله .. بالنسبه لوثيقة المدونين .. اولا انا ما اعرفش عنها حاجه .. لكن ممكن تكون حاجه زى نقابه تدافع عن تضامنهم معا .. او رابطه .. او شيئ من هذا القبيل .. اما وثيقه تلتزم بـــ .. ولا تلتزم بــــ .. متهيأ لى حتكون محاوله لتقييد المدونين وكتم افواههم.. شكرا على سماحك لى بالزياره.

osama يقول...

فكرتنى بالذي مضي ياهندس
الله يعينك ولما تروح حديقه السمرا ابقي افتكرنى
ههههه

مهندس مصري يقول...

كمبيوتر القاهرة
===============
طيب

بت خيخة و اي كلام
=================
و انا بأتخنق من الإمتحانات
انا عايز كلام صاحبة المدونة
مش شوية أسئلة مرصوصة جنب و تحت بعض
:)
و بعدين ما قولتيش رأيك في الصور و الفيديو و الشغل
:)

بالنسبة للوثيقة انا معاكي
بس انا بأفرد أسباب الرفض بمنطق
مش بأحدف رفضي في وش الناس و أمشي
:))ههههههههههههههه

فشكول
======
المدونة مفتوحة للجميع و مفيهاش سماح و لا غيره
:)
كفاية ان حضرتك كلفت نفسك و كتبت تعليق

بالنسبة للوثيقة لينكها موجود في البوست اللي فات و ممكن تقرأها و تشوف ردي عليها و تعليقات الناس و بعدها تحكم بنفسك و انت على نور
:)

أسامة
======
انا فاكرك على طول
بس ايه رأيك في اللي مضى

نهر الحب يقول...

مهندس مصرى
ربنا يوفقك يارب
وتنجح باستمرار فى عملك
تحياتى لك

محمد الكومي يقول...
أزال المؤلف هذا التعليق.
شباب روش طحن يقول...

أطمن ليه علاقة بالموضوع


أهلا وسهلا بحضرتك وسعيد بالتعرف علي مدونتك وإيه كمية الصحرا دي ربنا يكون في عونك وتعمل أحسن خزان في العالم وسلم لي علي حائل

الفاتح الجعفري يقول...

ربنا يبارك في عمرك يابشمهندس
وييسر لك امرك
شغلكم واضح انه صعب جدا ربنا يعينك
ويرزقك ما تحب ويقيك ماتحذر
ولاتنسانا من صالح دعائك
جزاكم الله كل خير

مهندس مصري يقول...

نهر الحب
=======
آميين:)

شباب روش طحن
=============
و انا اسعد
بس هو انت واحد و لا كام واحد لإن البروفايل بتاعك يلخبط
:)
و ربنا يسهل و نخلص المشروع ده على خير
:)
و يوصل سلامك ان شاءالله

الفاتح الجعفري
==============
آميين و لك مثله و زيادة
:)
الحمد لله على كل حال
امال لو احنا شغلنا صعب و إحنا بنشرف بس
أمال الصنايعية اللي شغالين بإيديهم يبقى شغلهم ايه ؟

الحمد لله ربنا يقوينا جميعاً

mahasen saber يقول...

اه صحيح يا محمد عايزه اسالك سؤال عبيط شويه..هو انتوا ايه اغرب الكائنات الخاصه بالبيئه الصحراويه اليى شوفتها
.....
وايه اغرب موقف اتعرضت ليه
واكتر شئ ماساوى اتعرضله حد منكم فى العمل
.......
بس ايه اغرب حيوان شوفتوه فى الصحرا
.......

ابو اعصار يقول...

مشا الله يا عم شغل مبهر
انت بتطحن بجد
الله يعينك
على فكرةلسا واصل مصر النهارده
وحاولت اتصل بليك لكن فوجئت اني مسجل رقمك غلط

ابو اعصار يقول...

مشا الله يا عم شغل مبهر
انت بتطحن بجد
الله يعينك
على فكرةلسا واصل مصر النهارده
وحاولت اتصل بليك لكن فوجئت اني مسجل رقمك غلط

عاشقة القمر يقول...

رينا يساعدك ويوفقك ربنا معاك

الآنسة حنفي يقول...

يا خبر يا بشمهندس دانت شغال في ظروف صعبة اوي

ربنا يا رب يقويك و يعوض تعبك خير

مهندس مصري يقول...

محاسن صابر
==========
يا ستي انا لسه رايح من 6 شهور بس فكان الموقع بقى عمار شوية
انما ربنا يكون في عون الناس اللي بدأت الشغل في الموقع ده من سنة و نص فاتت
لما كان صحراء جرداء بجد و مفيهوش صريخ ابن يومين

أغرب كائن هو الضب
و مش عارف اوصفه إزاي
بس هو كائن زاحف شبه التمساح بس على صغير و من غير الدرع اللي مغطي التمساح و بيعيش في قلب الصحراء و مش محتاج انهار و لا مياه زي التمساح

بس ده كان بيجري عبر المدق قدام العربية بس ما قابلتوش و انا على رجليا

أغرب موقف
مش فاكر
بس كنت دايماً بأستغرب كلمات باللهجة السورية و السعودية
ده غير العربي المكسر بتاع الهنود و البنغال و الباكستانيين و غيرهم من الأجانب اللي ما بيتكلموش غير عربي مكسر و ما بيتكلموش إنجليزي

أكتر شئ مأساوي هو لما عامل بنغالي إنهال بكوريك الحفر على رجل مشرف فني مصري من مراقبين المقاول و مشرفينه على العمال
فكسر له رجله خالص
بسبب إن العامل البنغالي الغبي ما كانش عايزه يآخد خرطوم مياه من المكان اللي هو شغال فيه و يديه لعامل تاني رغم إنه يرؤسهم هما الإتنين
و العامل ده استدعوا له الشرطة و تم ترحيله لبلده بنجلاديش

ابو اعصار
===========
الله يخليك
بس لما كنت معايا في المملكة ما اتصلتش
و عايز تتصل دولي من مصر
حأبعت لك الرقم على الميل او الماسنجر
:)

عاشقة القمر
============
آميين

الآنسة حنفي
===========
الحمد لله على كل حال
آميين

Abo 7anf يقول...

السلام عليكم
دى اول زياره ليا
وربنا يوفقك
فى شغلك

سومه...مجنونه فى بلد عاقل يقول...

هههههههه حلوه قوى الكمامه دى
وتحس فى نوع من النظافه والنظام

إنـســـانـة يقول...

دى حاجة كدة عاملة زى بيت جحا

:D

ربنا يوفقك يافندم وييسرلك الحال اللهم امين

FREE EGYPT يقول...

هل تريد من تعرف من وراء اسقاط الطائرة المصرية فوق المحيط؟
هل تريد ان تعرف الجهة وراء محاولة اغتيال حسنى مبارك؟ هل تريد ان تعرف من وراء مقتل سعاد حسنى و أشرف مروان؟ هل تريد معرفة القصة الحقيقية وراء مقتل ضابطة المخابرات الأمريكية فى أحد فنادق القاهرة؟ اذا أردت معرفة كل الأسرار والملابسات الخاصة بكل القضايا السابقة وغيرها من الملفات السرية فتابعنا اسبوعيا لتكتشف كنز من المعلومات الصادمة والغير متاحة الا فى ملفات اجهزة المخابرات

سري للغاية
http://toptop-secret.blogspot.com

مهندس مصري يقول...

أبو حنف
========
و عليكم السلام
منور
و انا بطلت فرجة على الكورة علشان حرقة الدم

سومة مجنونة في بلد عاقل
======================
مش حتضحكي في وسط العاصفة الرملية و حتحسي بقيمتها لما تخليكي تعرفي تتنفسي في وسط سحب الرمال

إنسانة
=======
بيت جحا
ليه ؟
آميين يا ستي

حرروا مصر
==========
انت بتجيب الكلام ده منين

DR.HAMAS يقول...

بسم الله ما شاء الله

ربنا يوفقك فى شغلك يا رب

و المهم انك تكون مبسوط بيه

لو كدة

هيبقى جنة

ربنا يعينك







د.حماس

elsha3er يقول...

ربنا يوفقكم يارب وتخلوا مصر كلها عمار شد حيلك ياباش مهندس


احمد الشاعر

مهندس مصري يقول...

د/ حماس
=======
ياه
ليك وحشة يا راجل
منورني
آميين
الحمد لله
:)

الشاعر
=======
بس انا مش بأعمر في مصر دلوقت
ما تركز معانا شوية
:)

محمد الجرايحى يقول...

أخى الفاضل
السلام عليكم ورحمة الله وبركاته
أشكرلك هذه اللفتة الطيبة منك بإضافة مدونتى إلى مفضلتك جزاك الله خيراً
أخوك
محمد

مهندس مصري يقول...

محمد الجرايحي
===========
و عليكم السلام و رحمة الله و بركاته
لإنها مدونة متميزة
:)
لكن لإنها وورد برس فلا أستطيع التعليق عليها بإنتظام و لكن سأقرأها دائماً إن شاء الله

prince4ever يقول...

ربنا يوفقك في شغلك يا باشمهندس و يجعلك دايما ناجح وللافضل دائما
بعيدا عن البوست فدي اول مره ليا عندك هنا وده من سوء حظي طبعا اني اتأخر على مدون محترم زي حضرتك ليه فكر ممتاز و رأي رائع... بجد احييك
تحياتي القلبيه
رامي..قصاصة ورق

طالب ثانوى يقول...

انت طلعت برج الاسد والقرد القرود والاسود احسن ناس مقولتليش اي رايك فى اخر بوست عندى

فركـشاوي نـاوي يقول...

سلام الله عليكم ربنا يعينكم يا رجاله..انا كنت ماشي كده ..حودت اشرب كبايه شاي ..لقيت المكاتب فاضيه و الناس مشغوله ..شربت الشاي ومستني اما الناس تفضي...

جدع حتى الثمالة يقول...

جميل.. يا رب يعينك على الشغل يا باشمهندس .. الاما قلتليش... انتا خريج جامعة ايه .. يا ريت تشرفنا بالزيارة فى مدونتنا

fashkool يقول...

يا مهندس .. ازيك وازى حائل معاك .. ايه اخبار الكبسه .. الكبسه اللى فى المندى مش اى كبسه .. دمنهور بتسلم عليك حقيقى هى بلد جميله جدا ومنظمه جدا وشارع المحافظه مش موجود فى اى بلد فى مصر وبعدين انت عارف ما دام انت ساكن فى ابو الريش خد بالك الحته اللى موجوده فى الميدان اللى كان اسمها بيت الوكيل اللى قدام الشركه العربيه لحلج الاقطان نصفها خدها واحد اسمه الحسينى وهد وحيعمل برج سكنى والحته التانيه حوالى 500 متر الاوقاف حتعملها ايضا برج سكنى وطبعا الريالات جاهزه خد بالك عشان تاخد لك شقه فى برج الاوقاف 20% مقدم والباقى على 10 سنين معلومه اظن تستاهل الدنيا . . اصل انا تبع الجماعه اللى اشتروا مصنع سجاد دمنهور وكنت فى ابو الريش عشان المشروع بتاع بيت الوكيل.. سلام

أنا إنسان يقول...

ماتصدقش
1\11
مؤتمر القلة المندسة
على الانترنت
مؤتمر موازي لمؤتمر أكاذيب الحزب الوطني
مؤتمر القله المندسه
ردا على اكاذيب الوطنى
ماتصدقش
كل سنه بيقولوا نفس الكلام
كل سنه بيكذبوا نفس الكذب
بقالهم سنين بيكرروا نفس الكلام عن الفكر الجديد و العبور للمستقبل و الرخاء اللى احنا عايشين فيه
و الرفاهيه اللى مش حاسسين بيها
المره دى جايين يعرضوا معجزاتهم اللى حققوها
من تشغيل كل العاطلين و حل جميع المشاكل و رفاهيه و نعيم
و مشروعات و ديمقراطيه غير مسبوقه فى تاريخ العالم
و تعليم ايه و صحة ايه و محاربة فقر و كمان فساد
احنا بقى اللى هانرد عليهم و نفضحهم فى العالم كله بأراء و أرقام و احصائيات
و نعرف كل الناس اللى مش عارفين انهم كذابين ..
وان كنا نشك ان فيه لسه ناس مش عارفين كذبهم
هانفضح كذبهم
و نفضح فشلهم
فى الصحه و التعليم و التنميه و محاربة الفقر و محاربة الفساد
و نعرف كل الناس إن الاصلاح الحقيقى ضد مصالحهم..
و إن الفكر الجديد ما هو إلا خدعه و كذبه جديده يضاف لكذبهم
من 28 سنه
احنا اللى بيقولوا علينا القله المندسه..
رغم اننا الشعب ..
الاغلبيه
مؤتمر الحزب الوطنى..
.ماتصدقش
تابع معانا مؤتمر القله المندسه الالكترونى...
أول مؤتمر افتراضى فى مصرفى الايام 1 و 2 و 3 نوفمبرعلى الموقع
www.anti-ndp.com
برعاية شباب 6 ابريل
تسجيلات حيه
لقاءات جريئه مع كبار المفكرين و العلماء
بيانات للرد على الحزب الوطنى من جميع القوى و الحركات السياسيه الوطنيه
استمع لرأى الناس فى الشارع يردون على اكاذيب انجازات الحزب الوطنى
موقع المؤتمر
www.anti-ndp.com
أو مدونة المؤتمر
http://anti-ndp.blogspot.com/
........................................................................
ملحوظة هامة
ليس هذا إعلان
ولكنه دعوة للحضور والمشاركة
شاركنا في
مؤتمر القلة المندسة
شباب 6 أبريل

مهندس مصري يقول...

أمير للأبد
========
الله يخليك يا دكتور رامي
و انا تشرفت بتعليقك
معلش يمكن تكون كتاباتي في الفترة الجاية قليلة بس عندك الارشيف مليان حاجات حتعجبك ان شاء الله
:)

طالب ثانوي
===========
لإن الابراج دي مكتوبة في البروفايل من نفسها وانا مش بأهتم بالحاجات دي اصلاً
و حأشوف بوستك الجديد

فركشاوي ناوي
============
و عليكم السلام و رحمة الله و بركاته
معلش انت استنيت كتير
ساقع يا جسيم هنا بعد الشاي
( جسيم ده الفراش البنغالي بتاع المقاول )
:)

جدع حتى الثمالة
==============
خريج هندسة اسكندرية قسم مدني دفعة 2003
:)

فشكول
======
يعني انت من السادة الكرام موظفي الاوقاف
:)
أشكرك على رأيك في دمنهور ده شئ يشرفني
و حاسأل اكيد دي معلومة مهمة و لو المقدم معقول يبقى خير ان شاء الله

انا انسان
==========
حاضر مع القلة المندسة ان شاء الله

م/ الحسيني لزومي يقول...

شارك في الحملة الشعبية للقيد بالجداول الانتخابية بوضع بنر الحملة علي مدونتك.
بنر الحملة موجود علي مدونتي

نيجار يقول...

ماشييييييييييييييي
بس بجد ضحكتني وأنا ماليش نفس أضحك
بس إطمن أنا قمت باللازم شيلت الشرفه خالص وخليتها حيطه سد
مش كده أريح برضه
فينا من تريقه عليا
أوكيشن يا باشمهندس

عمر يقول...

بسم الله الرحمن الرحيم

ربنا يعينك يا بشمهندس ويوفقك ويآنسك في غربتك

بصراحة ذكرتني باللذي مضى ، أيام السعودية انا خلصت دراستي لغاية الكلية عندكم بس في مكان قريب من حائل اسمه ( القصيم ) اكيد تعرفه ، بصراحة بالنسبة لي كانت ايام جميلة والعيشه في السعودية بالنسبة للعيشه هنا في مصر تعتبر راحة - يمكن عشان كنت لسه بادرس مش باشتغل .

على العموم اعانكم الله وترجع لوطنك بالسلامة .

تحياتي

همس يقول...

ايه الصحرا دى كلها

الله معك و يكون فى عونك ويقويك ويوفئك


ويبارك ويجزيك كل خير

انا تعبت من البؤين اللى قلتهم

هروح استريح باه

هههههههههههههه


سلام

مهندس مصري يقول...

م/ الحسيني لزومي
===============
حاضر

نيجار
======
مش تريقة ده هزار :)

عمر
====
عارف القصيم طبعاً
الحياة في السعودية اريح مادياً
مفيهاش ضغوط الحياة و الصراع بتاعها اللي في مصر

همس
===
طيب شكراً
:)
روحي استريحي

كلمة حق يقول...

ربنا يوفقك فى عملك ويبارك لك فى رزقك
مدونتك بجد جميلة وهادفة
جزاك الله خيرا

كلمة حق يقول...

اتمنى لو زرت مدوناتى ( كلمة حق -عايز حقى -الحب كما ينبغى أن يكون ) بجد يهمنى رأيك

صبرني يارب يقول...

صعب اوي اوي الصحرا

ربنا يعينك انا حقيقى باشفق اوي على الناس الى عايشين فى الصحراء لانها من وجهة نظري قاسيه اوي

ربنا يوفقك ويقويك يارب تحياتي لك

الفاتح اليعقوبي يقول...

السلام عليكم
ازيك ياهندسة ربنا يوفقك يارب في الشغل
أنا جي اسلم عليك بسرعة
ادعو الله لي
والسلام

بس خلاص ... يقول...

السلام عليكم ورحمة الله وبركاته
فكرة جميله جدا ان يعرض كل منا مايعمل حتى يكون مثلا اعلى لغيره من الشباب الجاد
وفقك الله فى عملك وجزاك الله كل الخير عنه وحيثما وجد الانسان المصرى نجد العمار والمدينة والخير ... فانك خير مثال للشاب المصرى الجاد
.. واتفق مع رايك ياهندسه فى موضوع وثيقة التدوين
فلقد جئنا الى عالم التدوين بحثا عن الحرية فى حدود الاداب العامة واللياقة
الدنيا مش محتاجة قيود وتعقيدات

جمعاوي يقول...

السلام عليكم يا بشمهندس

بجد ربنا يعينك يارب وييسر لك حالك

وكويس والله انك بتطمنا على شغلك ماشى ازاى ههههههههه بجد والله فكرة جبارةههه

دمت لنا بخير ويلا سلام

مهندس مصري يقول...

كلمة حق
=======
آميين
شكراً
:)
إن شاء الله اشوفهم بس اعذرني مشغول جداً اليومين دول

صبرني يارب
==========
انا مش عايش فيها
انا شغال فيها بس
:)

الفاتح اليعقوبي
================
و عليكم السلام و رحمة الله و بركاته
آميين الله يسلمك :)
ربنا يكرمك و يسهل لك و ييسر لك كل الخير يا دفعة :)

بس خلاص
======
و عليكم السلام و رحمة الله و بركاته
شكراً لكلامك المشجع ده :)
و كويس اننا متفقين في الرأي في اول مرة تزوريني
بس لي ملاحظتين
حضرتك مش كاتبة معلومات عن نفسك خالص في البروفايل بتاعك
لا عمرك و لا عملك و لا شهادتك و لا شئ
طيب ياريت تعرفينا عليكي شوية بدون ما تكشفي شخصيتك بس نعرف بنتكلم مع مين ؟
:)
و حضرتك برضه حاطة تأكيد الكلمة في التعليقات عندك و دي بتبقى متعبة لكل اللي بيعلق فياريت تلغي الخاصية دي من التعليقات

و منوراني في اول زيارة

جمعاوي
=====
و عليكم السلام و رحمة الله و بركاته
شكراً
:)