الأحد، نوفمبر 30، 2008

واشنطن تطرد عالما نوويا مصريا وتعيده إلى مصر بعد خدمة 17 عاما في مختبر بيتس بتهمة تهديده للأمن القومي الأمريكي

المختصر / عاد العالم الفيزيائي المصري عبد المنعم الجنايني إلى بلاده، بعد عمله بالولايات المتحدة لمدة 28 عاما، في مجال تصنيع قطع الغيار السفن الحربية النووية، بعدما قضت وزارة الطاقة بطرده من عمله، وإثر خسارته دعوى كان قد أقامها ضدها، اتهمها فيها بانتهاك حقوقه بسحب تصريحه الأمني.
والجنايني (57 عاما)، حصل على الجنسية الأمريكية منذ 20 عاما، وقد تعرض للطرد من عمله بمختبر "بيتس"، الذي ينتج قطع غيار سفن حربية نووية بالقرب من مدينة بتسبرج بولاية بنسلفانيا، في مايو الماضي، بعد أن ظل يعمل فيه طيلة 17 عاما، إثر وقف العمل بأوراقه الخاصة التابعة لوزارة الطاقة في ديسمبر 2007.
ونقلت وكالة "الاسوشيتد برس" عن الجنايني قوله، إنه طرد بقرار اتخذ خطأ بسبب "التعبير عن رأيه ضد السياسات الخارجية الأمريكية، وتحدثه عن سوء معاملة مكتب التحقيقات الفيدرالية للمسلمين".
ولم تفلح محاولته في الحصول على حكم قضائي ببطلان القرار، حيث أقام دعوى قضائية بمساعدة الاتحاد الأمريكي للحقوق المدنية، أكبر منظمات الحقوق المدنية بالولايات المتحدة، على وزارة الطاقة في وقت سابق من هذا العام، لأنها قامت بطرده من عمله، مطالبا معرفة السبب.
وقال مدير الشئون القانونية لاتحاد الحقوق المدنية الأمريكي في ولاية بنسلفانيا، المحامي ويتولد فايس والكزاك، إن "جلسة استماع عقدت في أكتوبر، بناء على الدعوى القضائية التي رفعها الجنايني، لتفنيد ما ادعاه مسئولو وزارة الطاقة بأن طرده جاء بحجة المحافظة على الأمن القومي."
ووفقا للدعوى، فإن مسئولي وزارة الطاقة ومكتب هيئة التحقيقات الفيدرالية سألوا الجنايني عن الحديث الذي أدلاه بخصوص سياسات أمريكا الخارجية، وآرائه الخاصة حول التفجيرات "الانتحارية"، والقرآن الكريم، وأشياء أخرى، لكنه ومحاميه أفادا بأنه لم يدل بأي معلومات تتسبب في فقدانه وظيفته.
لكن وزارة الطاقة زعمت أن "لديها معلومات موثوق بها بأن العالم الفيزيائي يمثل تهديدا أمنيا لمصالح الولايات المتحدة"، وادعت أن الجنايني "متورط في سلوك غير عادي، يشير إلى أنه غير أمين، وغير جدير بالثقة"، معتبرة أن الكشف عن الأدلة سينتهك الأمن القومي.
وقد رفض القاضي تيرينس ماكفيري الأربعاء الدعوى التي رفعها الجنايني، في الوقت الذي أعلن فيه اتحاد الحريات المدنية الأمريكي أنه سيستأنف الحكم
أظن بعد اللي حصل ده لمواطن امريكي بقى له 20 سنة معاه الجنسية الامريكية و طرده من عمله و ترحيله من الولايات المتحدة الأمريكية بدون ما يعرف السبب القانوني لكده و بدون تهمة أكتر من إنه عبر عن رأيه يبقى لازم كل اللي بيقولوا إن أمريكا إتغيرت علشان إنتخبت أوباما يراجعوا نفسهم
أمريكا دلوقتي بتمر بمرحلة زي المكارثية في الخمسينيات لما كان إتهام أمريكي بإنه شيوعي مجرد إتهام بدون أي أدلة كافي لتدميره
نفس الموضوع حالياً بالنسبة للمسلمين لو تم إتهامك بإنك إسلامي متطرف و إنك تعتقد إن أمريكا بتظلم المسلمين يبقى حيدمروك و ملكش دية و لا تنفعك جنسيتك الأمريكية و إقامتك الطويلة هناك و كل إنجازاتك المهنية طوال عملك عندهم

هناك 17 تعليقًا:

محمد الجرايحى يقول...

أخى الفاضل
أمريكا هى أمريكا .. تتحكم فيها النزعة البرجماتية النفعية هم لايرون إلا أنفسهم ولايعترفون إلا بمصالحهم وهذا قبل أوباما وبعده ولاأعرف متى يفيق هؤلاء الواهمون من أوهامهم...؟؟؟!!!

قلم رصاص يقول...

السلام عليكم ورحمة الله وبركاته

اولا كيف حالك يابشمهندس ؟ أتمنى ان تكون بخير

بخصوص هذا الموضوع .. بأمانة حاجة تضايق وتعكنن ..!

يعني ياخدوه لحم ويرموه عضم ..!

وزيه زي ألاف العلماء المصريين المنتشرين في أمريكا واوروبا اللذين لاتعلم عنهم ولاتسأل فيهم السطلات المصرية

اللذين يبنون في صناعات الدول الأخرى واحنا هنا بندقدق بظلطتين

أتذكر موقف حدث مع الدكتور مهاتير أو محاضر محمد ، رئس وزراء ماليزيا الأسبق..لما عرف انه فيه عالمي ماليزي ذو شان موجود أثنائ فترة وجوده في السطله ..لما عرف ان العالم ده موجود في روسيا.. سافر له مخصوص بنفسه وجابه في طيارته عشان بلده محتاجاه ..!

شوف طبعا احنا فين وبلد إسلامي زينا اللي هي ماليزيا فين دلوقتي .. طبعا لاداعي للمقارنة لأنها ظالمة .. !

عموما دعك من هذا كله ولاتستغرب من كل هذه الأحداث .. فأنت ياعزيزي مصري..والمصري هذه الأيام وبهذه الظروف لايساوي نكله

الله يرحم زمن علي مبارك !
ويطول لنا في عمر مبارك !

تقبل مروري وتحياتي

حـنــّا السكران يقول...

تحياتي يا باشمهندس يا محترم..

و أنا بقرأ المقال ..تذكرت المكارثية فعلاً .. لقيتك كاتب نفس الكلام اللي خطر لي في تعليقك ..
حين يتعلق الأمر بمصلحة أمريكا ( كما يراها راسمي استراتيجيتها ) تسقط كل النظريات و التطبيقات .. و تصبح مثلها مثل أعتى نظام عربي .. لكن الفرق بينها و بين هذه الأنظمة .. ان أنظمتنا واضحة جدا في تعاملها ..قمع و ديكتاتورية على عينك يا تاجر ..أما أمريكا فحتى ابو غريب و غوانتانامو أقيما باسم الديمقراطية ..حتى قتل و تشريد أكثر من نصف سكان العراق تمّ تحت اسم الديمقراطية .. زد عليها الأمن القومي .. و الأمن القومي طبعا هو حامي حمى هذه الديمقراطية .
تحياتي لك يا باشمهندس و ربنا يقوّيك .

اسامه عبدالعال يقول...

طبعا واضح جدا ان اللى كاتب التعليق مش وائل عباس وواضح كمان ان اللى بيشتم لهجته مش مصريه وانا دخلت عند وائل عباس مخصوص عشان اساله عن الموضوع ده واللى هيدخل على البروفايل ده هيعرف انه مش وائل عباس ولهجته فضحته

مهندس مصري يقول...

محمد الجرايحي
===========
اتمنى انا يفيقوا قريباً يا أستاذي
سنري من اوباما الشئ الكثير
و إن غداً لناظره قريب

قلم رصاص
=========
و عليكم السلام و رحمة الله و بركاته
معاك حق
بس ماليزيا بلد ديموقراطي حر
اما عندنا فما اوسع افواه المعتقلات و السجون و هذا هو الفرق
أما امريكا فارجو ان يكتشف الجميع زيف مبادئها
التي تطبق حسب المزاج و لا ينال الحقوق الكاملة فيها سوى الـ wasp الأثرياء
White Anglo Saxon Protestant
الأبيض الأنجلوساكسوني البروتستانتي

حنا السكران
============
معاك حق
الله يكتب لك كل الخير يا حنا
أنا متابع مدونتك منذ فترة و لكن لا أعلق
سعيد بأول تعليق لك عندي هنا

وائل عباس المزيف
================
إلى الشخص المنتحل لشخصية وائل عباس
أستغفر الله العظيم
اتق الله و تب إليه
لإني سأختصمك الى الله يوم القيامة و سآخذ من حسناتك و لو لم يكن لديك فسأطرح عليك من سيئاتي
و موعدنا يوم القيامة و هو ليس ببعيد
و قد قمت بمسح تعليقاتك حتى لا تؤذي انظار زائري المدونة
و حسبي الله و نعم الوكيل

اسامة عبد العال
================
ههههههههه
شكراً يا أسامة يا غالي
هو شخص غريب و فعلاً شكله مش مصري
ربنا يهديه

Gannah يقول...

زى ما قلتلك قبل كده امريكا بلد سياسات واستراتيجيات لا تتغير بتغير الأشخاص الا فى بعض التفاصيل البسيطة التى قد توحى للبعض بالاختلاف

أكيد طبعا دى حجة لكن يا ترى ايه السبب الحقيقى
اذا كان انكر ان له أى أراء ضد السياسة الخارجية الأمريكية يبقى ايه السبب؟؟
وبعدين ما كل الامريكان بينتقدوا السياسة الخارجية ولا علشان هو مسلم

احنا ساعات بنقلدهم والاخوان المسلمين اللى كل شوية يتسجنوا وتتصادر أموالهم اكبر مثال
---------------------------
عندى قرف من عالم التدوين وبجد لما دخلت لقيتك عملت اشراف بسبب تعليقات سخيفة قرفت اكتر
هى الناس ايه حصلها ايه؟؟
اللى بيشتم ده بيستفيد ايه
ميقول رأيه مهما كان مخالف
بجد زهقت
عامة زى ما قلت كلها حسنات ليك

تحياتى

جعلوني مريض نفسيا يقول...

الأمريكان بيتخذوا قراراتهم من مبدا الخوف والرعب كمان واكيد بعد اللأحداث الي في السنين الي فاتت وصورة العرب والمسلمين بالخصوص الي اصبحت مرتبطة في ازهان الأمريكان وغيرهم بالأرهاب فده رد فعل طبيعي ان يعملوا كده وبعدين الخبر زي منا فهمت ان هم طردوه من الشغل بس لسه قاعد في امريكا عادي

اعتقد ان في بلاد ثانية لو الموقف ده حصل عندهم كان زمان العالم ده محبوس دلوقتي بدون اي جريمة ارتكبها

انا مش بدافع عن امريكا بس عادي بتحصل وهتحصل كل يوم وعندنا بيحصل اسوء واسوء لسه مستواهم موصلش للقاع الي احنا فيه

مهندس مصري يقول...

جنة
===
معاكي حق
بس هو قال إن امريكا بتظلم المسلمين على مستوى العالم و إن الـ FBI بيعامل المسلمين الأمريكيين بتمييز و تحيز ضدهم

إحنا معروف إن بلادنا ديكتاتورية
لكن امريكا ام الديموقراطية و الحرية بتفعلهم بمزاجها

هو واحد بذئ داير يشتم في مدونات كتير و انا مش عايز أي حد يشوف قذاراته
معلش
:)
ثم ده بيشتم لمجرد الشتيمة و ملوش رأي في الموضوع أصلاً

تجاهليه يا دكتورة

جعلوني مريضاً نفسياً
==================
لا قرار المحكمة امر بترحيله لمصر رغم جنسيته الأمريكية
محدش قال إنهم وصلوا لمستوانا
بس اللي حصل ده سقطة بمقياس العدالة الأمريكية مضرب الأمثال
:)
ما تقارنش امريكا بينا
قارن امريكا باللي بتقوله عن نفسها

Ahmed Al-Sabbagh يقول...

موضوع جامد جدا وقصيدة مطر حلوة اوى
واتضامن معاك ضد التعليقات المسيئة لك
ومدونتك هتفضل من اجمل وارقى المدونات

مولان يقول...

هي هي نفس السياسه اللي هتتبع

مش في جديد

ومش عارفه بجد الناس كان عندها امل ليسه في اوباما

TiMmY يقول...



السلام عليكم يا باشمنهدس

بصراحة الموضوع أثار داخلي شقين ..

أولهما الاضطهاد العالمي للمسلمين و الذي أصبح ظاهرة و ليس حدثا عابرا ..

حتى من دولة تتشدق بالديموقراطية و الحرية التي دائما ما تستثني الإسلام ..

الثاني أنه مهما أذاقنا وطننا الهوان فلن نستطيع أن نكون غير مصريين ..

حتى و لو خدمنا أي دولة أخرى سنين عددا فبن تعتبرنا من أبنائها .. سواء كانت هذه الدولة عربية أو أجنبية ..

للأسف .. من ولد مصريا فقد حلّت عليه الـ**** , فلا يستطيع أن يعيش بكرامة داخل وطنه , و لن يستطيع أن يعيش خارجه أيضا !!

الله المستعان ..

و آسف على الإطالة ياباشمهندس ..

~*§¦§ Appy §¦§*~ يقول...

ما هو يا بشمهندس طالما حاجه تعترض معاهم ومع سياستهم هيدوسوا على اى حد يعنى مصلحتهم اولا
زى عندنا الضرايب مصلحتك اولا

مهندس مصري يقول...

أحمد الصباغ
==========
الف شكر يا احمد
ربنا يخليك يا غالي
:)
و يديم بينا الحب في الله و المودة الخالصة

مولان
=====
بس ياريت كل الناس تفهم كده

تيمي
=====
و عليكم السلام و رحمة الله و بركاته

معاك حق في كل اللي قلته
فقد هانت علينا انفسنا و ابتعدنا عن منهج الله فهنا على الناس كلها

آبي
====
و فين القانون و الدستور عندهم
ما يلتزموش بيه ليه؟
و لا هو حبر على ورق زي هنا

mahasen saber يقول...

للاسف يا باشمهندس امريكا طول عمرها بتكيل الامور بمكيالين
يعنى عندها الامريكى اليى من اصل ايرلندى فى كفه حتى ولو كان مجرم
والامريكى العربى فى قاع الكفه حتى ولو كان عالم فذ

ويا سلام بئه لو مسلم يبقى اكيد ده ارهابى يمشى على الارض

mahasen saber يقول...

بس على فكره ازدواجية النظره من قبل الحكومه الامريكيه لمواطنيها
ده اكيد بفعل فاعل الا وهو اللوبى الصهيونى المسيطر على بواطن الامور هناك بدءا من الاعلام الى الكونجرس الى راس الحكم

mahasen saber يقول...

اما يا باشمهندس بخصوص الشخص ما اليى بيبعتلك تعلقات وتفاهات مهينه
فهقولك يا محمد انتا ومدونتك اكبر من كده بكتير
ويكفى اننا بندخل مدونتك وقلبنا متطمن من الفحوى والمحتوى اليى فيها
وده لانك شخصيه وعقليه جديره بالاحترام
فبندخل وواثقين من الموضوعات الراقيه والتناول المحترم للامور
ويكفى انك علامه مشرفه لكل مدون محترم بالغربه ولكل مصرى بالغربه

فمتزعلش نفسك مكانك ومكانتك محفوظه عندنا فوق دماغنا من فوق
ومتبصش لاى تفاهات
انتا اكبر من الشخص ده
بكتير كتير قوى

مهندس مصري يقول...

محاسن صابر
==========
أمريكا دايماً مزدوجة المعايير لكن تتظاهر بالعدل و المساواة
و متفق مع تفسيرك تماماً
بس مش ده السبب الوحيد

و الف دشليار شكر لحضرتك علشان الكلام الجميل اللي قلتيه في حقي ده و يارب اكون قده و اكون عند حسن ظنك و ظن القراء