الثلاثاء، نوفمبر 04، 2008

أخيراً حيزور بلدنا الزيارة الموعودة


أخيراً الرئيس مبارك حيزور بلدنا الزيارة الموعودة
إقروا الخبر ده في البديل
إلغاء مباريات الدوري.. ونقل مدارس.. وطائرات هليوكوبتر تحلق في سماء البحيرة استعدادا لزيارة مبارك
و راجعوا انا كنت كاتب ايه على الإستعدادات السابقة لزيارته اللي ما تمتش
زيارة حسني مبارك و سوزان لمدينتي دمنهور و رشيد

و ربنا يستر علينا
دي الأوبرا اللي حيفتتحها في ميدان الساعة بدمنهور

و ده شكلها زمان قبل الترميم و جنبها مجلس المدينة
و مبنيين من زمان قوي شوفوا حجر الأساس
لفهم اوضح و مزيد من التفاصيل اقروا الخبر و البوست القديم الموجودين في اللينكات اللي فوق و بلاش كروتة :)

هناك 21 تعليقًا:

mido يقول...

يا عمى مش عايزيين مبارك يزور اى ممنطقة فى مصر لأنه بيشلها

لما يغير طريقته يبقى اهلا وسهلا

صبرني يارب يقول...

نفس الى حضرتك بتقول عليه ده يا استاذنا حصل عندنا وزياده شويه

الاول قالوا حسني جاي شد فى البلد ووضب ياعم قلنا حلو اهو نتنجي على حسه

وبعدين ما جاش

بعدين قالوا اسبوع شباب الجامعات وان هايبقى فى المنصوره وهايبقى علىا لمستوى العربي
وجمال مبارك بذات نفسيته هايجى يفتتحه ويقعد فى المنصوره 3 ايام مع الشباااااااب يا حلاوه

وحياتك يا استاذنا بنوله فندق اي والللللللللله بنوله فندق قدام الجامعه مباشرة ومن ميزانية الجامعه
وكان فى شوارع مفحوره عشان تجديدات البنيه التحتيه ردموووووووها من غير تركيب
وقالك ياعم لما الزياره تخلص
ولمع فى البلد من فوق الوش بسرعه بسرعه

وبعد ما مشي على فكره باعوا الفندق لسلسة فنادق رمادا اه والله العظيم باعوه

ومن شهر كده زفته كانت هنا سوزان
فىمكتبه الله يحرقها عندنا اسمها مكتبة مبارك فتحوها ولا عشرين مره
جات ست هبابه
وقبلها بيوم كنا جايين من راس البر
اي حد بيجى المنصوره من ناحية طالخا يقولك على الشارع بتاع مصنع السماد والكهربا ده فيه كام مطب صناعي
ومش عارفه ليه هو كده
ومطبااااااات ايه من الى قلبك يحبها
واحنا جايين بقى كانوا بيشلوها
اه انت عايز سوزان تتهشتك فى العربيه
ما ينفعش تفرط ياعم مصلبينها على ما تيجى

وهكذا وهكذا
اي كلب ضال من تبعهم شد في البلد واقرف الناس

ايه الرغي كده كله
ايه يا صباغ ما صدقت ترغي يا اخي
حقا انا رغايه ؟

النجم القادم يقول...

حبيب قلبى

والله ياريس انا طول النهار رايح جى وعمال اتفرج على الشغل بتاع العمال وهم بيمسحوا الشوارع وشوفت الطيارة الهيلكوبتر وهى نازله فى المطار بس مشغلتش بالى مش عارف ليه حتى مافيش يافطه واحده متعلقه فى البلد مش عارف ليه بس بابا اكدلى انه جاى وكمان واحد سواق تاكسى بيحكيلى انه جاب ظابط امن دولة من الموقف فبيقوله ايه البلد بتاعتكم مولعه الريس جاى عندكم يلا هيصوا فالسواق بيقوله اللى مايوعى يجى قاله يارب يا اخويا وهو نازل قاله على فكرة انا ظابط امن دولة وجاى فى تامين الريس ههههههههههههههههه

خمسة فضفضة يقول...

السلام عليكم ورحمة الله وبركاته

تفتكر فعلا يا محمد هايعملها ويجمد قلبه ويروح دمنهور ؟؟


عموما احنا معتمدين علي الله وبعدين عليكوا عاوزين نخلص بقي ، ويارب وش دمنهور الحلو اللي كان علي كل اللي فبله يبقي هوه هواه عليه

مش سمعاك بتقول آمين

:))))))))

nona يقول...

دة انتوا مفترين الفتراء باة عايزين الراجل يجى يزوركم وبلدكم لا تسر عدو و لا حبيب
بس صحيح هى اية لازمة الاوبرا عندكم هو احنا كنا عمالنا اية بالى عندنا
تفتكر انها هيكون ليها فعلية اكتر مننا

مهندس مصري يقول...

ميدو
=====
مع إني منبه على عدم الكروتة
روح إقرأ البوست القديم و انت تعرف إني بأهاجم الزيارة
مين قال إننا بنرحب بيه اصلاً ؟

صبرني يارب
==========
معاكي حق ده الطبيعي بتاعهم
ربنا ينتقم منهم
حسبنا الله و نعم الوكيل

النجم القادم
=============
الله يكرمك يا احمد
انت عيني هناك دلوقت
انا منتظر تغطيتك انت بالذات للحدث التاريخي ده

خمسة فضفضة
==========
و عليكم السلام و رحمة الله و بركاته

آمييييييييييييييييييييييين

يارب نخلص بقى

و منتظر تعليقك على عمرة رمضان عندي :)

نونا
=====
و لا ليها اي لازمة
ادينا حنشوف بعد ما يفتتحها حيحصل فيها ايه

محمد الجرايحى يقول...

السلام عليكم ورحمة الله وبركاته
من غير حلفان أنا زرت اللينكات وما فى كروته...
ولكن أريد أن أوضح شئ آخر الرئيس مبارك منذ إشاعة المرض وهو يريد أن يثبت أنه مازال بصحته ومازال قادراً على القيام بمهام الرئاسة ومنها متابعة
المشروعات والافتتاحات وغير ذلك...
وهناك أمر آخر هو يريد أن يقول للمجموعة إياه أنا لسه موجود وأنا لسه الريس مش جمال .....

حزينه يقول...

هههههه
اه والله انا كنت ماشيه فى الشارع
بقول دى مش دمنهور
دى بلد نضيفه اوى انا مش اعرفها
وكمان الامن بقى جامد اوى
اخدوا مفاتيح كل مكاتب الشباب
ومنعوا اى ندوه
بس بردة حروح ندوه مصطفى حسنى
ابقى تعالى فى مجمع مبارك




حزينه

مهندس مصري يقول...

محمد الجرايحي
===========
و عليكم السلام و رحمة الله و بركاته
ما هو إشاعة المرض دي من أغسطس 2007 لكن المرة اللي فاتت اللي قالوا حيزورنا فيها كانت فبراير 2008

أدينا حنشوف
و مصدقك :)

حزينة
=====
مكاتب ايه ؟ و ندوات ايه ؟
ثم آجي إزاي من السعودية يا بنتي
البركة فيكي تنشري لنا تغطية للندوة في مدونتك
إشتغلي شوية شغل صحافة بقى و بلاش كسل
دي المدونات دي من ضمن وظايفها الصحافة الشعبية
:)

جمعاوى روش طحن يقول...

وجهة نظرى

إنه مش ح يجى


زى المرة اللى فاتت



فكك

(:

سومه...مجنونه فى بلد عاقل يقول...

يادى الخيبه والله انا طلعت شفافه لما كتبت من امريكا لميت غمر ههههههههههههه
حتعرف لما تقرا اللى كتبته متهيالى ميت غمر ودمنهور كله من بحره

سومه...مجنونه فى بلد عاقل يقول...

اه نسيت اقولك عاوزين زياره منه لان مصر بتضف شوارعها بغض النظر عن تييييت

Gannah يقول...

باشمهندس
يعنى ايه نقل مدارس؟؟؟
وليه اوبرا هو احنا عندنا الاساسيات ودلوقتى بندور على الكماليات
أوبرا ايه بالله عليك؟؟
والله احنا بلد العجايب
وليه دلوقتى الزيارة ؟؟؟
مبارك عليكم الزيارة :)
احنا الحمد لله فى بورسعيد اتحرمنا من شرف زيارة المسؤولين عقبالكم وبعدين اعتقد ان ابو العربى وام العربى وانا مش بنحب الاوبرا
ابقى تابع بقى وقلنا ايه اللى حصل
تحياتى

محمد ابراهيم يقول...

بلدك يا بشمهندس بتصرف ببذخ في التفاهات فقط
اما الاشياء المهمة فلا
و بعدين حط 10000 خط تحت كلمة ميزانية رئاسة الجمهورية
هي رئاسة الجمهورية في السنة تبقي كام 5 مليون لما يدفع في مشروع زي ده 5 مليون جنيه ؟
حسبي الله و نعم الوكيل
تحياتي
محمد

مهندس مصري يقول...

جمعاوي روش طحن
==============
الله اعلم
ادينا حنشوف
:)

سومة مجنونة في بلد عاقل
======================
شفافة من يومك يا سومة
:)
و بتقولي شعر كمان
لا ده انتي كده خلاص محدش حيقدر عليكي
شفافة و شاعرة
:)

جنة
====
اظن بعد ما قريتي اللينكين فهمتي الموضوع
انتوا اتحرمتوا بسبب المختل ابو سكينة رسمياً و الغلبان ابو شكوى شعبياً
الله اعلم احنا ايه اللي حيجرى لنا
انا حأتابع من اصحابي اللي في دمنهور و اقول لكم

مهندس مصري يقول...

محمد ابراهيم
============
الله اعلم
هو حد عارف حاجة بس اكيد ميزانية الرئاسة بالمليارات لإن الملايين بقت فكة بالنسبة لهم دلوقتي

حزينه يقول...

اها مش كنت اعرف انك فى السعوديه
مكاتب الشباب
يعنى ايه شغل صحافه..؟؟

حزينه

مهندس مصري يقول...

حزينة
======
يعني تصوري الندوة على قد ما تقدري
و تنشري الصور في مدونتك مع حكايتك مع الندوة من طق طق لسلامو عليكو
:)

كـــيــــــــارا يقول...

ههههههههههههه

انا مش بكروت اهو ورحت قريت البوست اللي فات

انا شاطره اهو اخد مصاصه بقي :)

نيجي للبوستين

-----------

و رغم كل المصاريف دي الحكومة مديونة و بتقول أزود لكم المرتبات منين؟

---------

الكلمه دي شدتني اوي اوي

وفعلا مش عارفه اقول ايه

هو اصلا بدل التلوين والتكلفه و.و.و. يودي الفلوس دي للي محتاجها مش للمنظره الفارغه

كمان هو بالزياره دي هيعمل ايه

الناس الجعانه هتاكل

ولا الناس المرميه في الشوارع ملهاش مكان ياويها هتلاقي مسكتها

مهندس مصري يقول...

كيارا
======
شاطرة
:)
هي زيارة منظرة و خلاص

شاب مصري مفروس يقول...

يا عمى سيبك
ما المرة اللى فاتت كانت فيه هوجة اكتر من كده ويفط في كل حته وفراشة في ميدان الساعة ولا جه ولا نيلة
ده بيهوش كده بس مش عارف ليه دايما بيجبن ييجي دمنهور
اما نشوف جاي يهبب ايه ده
بس بيني وبينك مصلحة برده اهو البلد تنضف شوية
الا قولولي صحيح حدش يعرف اوبرا دمنهور دي لازمتها ايه
يعنى الواحد ممكن يستفاد فيها ايه بالظبط
يعنى ممكن يبقي فيه عروش اوبرا وفرقة البلشوي تيجي وكده يعنى