الأربعاء، نوفمبر 26، 2008

مطالب العميد محمود قطري من وزارة الداخلية

إستكمالاً للبوست الماضي شوفوا الفيديو ده و إقرأوا البوستات القديمة المتعلقة بالموضوع ده و بلاش كروتة يا جماعة


و الموضوع كله حقيقي يا جماعة و مفيهوش اي مبالغة بل بالعكس من ساعة ما طلع للمعاش المبكر لغاية دلوقت الحالة بقت أسوأ و بتزداد سوءً كل يوم

هناك 13 تعليقًا:

mahasen saber يقول...

انا قريت يا محمد البست الخاص بالموضوع ده وتصدق صعب عليا فعلا ضابط الشرطه لانه واضح انه ضحيه لتعليم اكاديمى ليس الا

مهندس مصري يقول...

محاسن صابر
==========
مش دايماً بيكون ضحية التعليم ده و فين تربيته في بيته و فين دينه و فين اخلاقه ؟
عموماً إقرأي الـ 3 بوستات القديمة و حتفهمي اكتر يا ام بيرو
:)

المستنصر بالله يقول...

الحمدلله وشاهد شاهدا من اهله
اهو كلامه دة يثبت فشل وزارة حبيب العدلى اللى كبسه على نفسنا بقالها اكتر من 15 سنه
فساد الشرطه هو فعلا سباب الانفلات الامنى والجرائم الغريبه اللى بقينا بنسمع عنها
بس مهما قال ولا حياه لمن تنادى

تحياتى

مهندس مصري يقول...

المستنصر بالله
============
طيب ما هو كاتب 3 كتب بيفضح فيها فساد الشرطة و ممارساتها المخالفة للقانون و الدستور و المشاكل اللي بيعاني منها الضباط غير الفاسدين

Gannah يقول...

أنا أول مرة اسمع عنه
لكن اللى بيحكى عنه معناه ان ده مش جهاز لنشر الأمان ده جهاز لنشر الجريمة
الظلم لازم يكون احد أسباب انهيارنا فى كل المجالات
والغريبة ان كل ما حد يحاول يتكلم يسكتوه ويصادروا كلامه
وايه اللى ياخد 200 الف فى الشهر
ليه يعنى؟؟
ومن فلوسنا كمان
الله ينتقم منهم
لكن برضه اكيد فيهم شرفاء
علشان نبقى منصفين
لو وجدوا مساندة اكيد مع الوقت صوتهم هيعلى
كل ما ادخل عندك باكتسب معلومة جديدة
تحياتى

fashkool يقول...

الامن عندنا بقى امن شخصى .. يعنى كل واحد يا خد باله من لاغليغه .. هى البلد باظت من شويه .. وبعدين هو بياخد 200 الف من كل حاجه من التعديات واشغال الطريق ومن طوابع الشرطه اللى فارضينها علينا فى الرايحه والجايه والواحد بيرخص العربيه بيدفع حوالى 10 جنيه طوابع شرطه عشان يوزعوا 40% منها على بعض .. طفح الكيل

مهندس مصري يقول...

جنة
====
ما هو بيقول في الكتاب إن من ضمن مشاكل الشرطة إن ملهاش نقابة تدافع عن العاملين بها و مش مسموع منها غير الصوت الرسمي بس
و اللي بيكون ممثل لأسوء ما في الشرطة

العفو يا دكتورة و انا كمان بأستفيد من مدونتك و منتظر البوست بتاع خطة التطوير عندك
:)

فشكول
=====
الراجل ده اتنبح صوته في 3 كتب علشان يوضح مساوئ الشرطة و طرق إصلاحها بس كتبه كلها اتصادرت و مرفوع عليه قضايا ياما

وكتبه هي
إعترافات ضابط شرطة في مدينة الذئاب
تزوير دولة
حقوق المواطن المصري في أقسام الشرطة

طالب ثانوى يقول...

اولا بوستات جميلة جدا وقريتها كلها من غير كروتة

ثانيا انت عارف عندنا فى المدرسة فى ولاد ضباط شبة متاكدين انهم هيتقبلوا فى كلية الشرطة وفى واحد منهم بنضارة بس ابن عميد واثق انة هيطلع ضابط غير انة كمان هيتعامل معاملة خاصة فى الكلية

جيفارا قالان العالم محتاج الى قدوة فكل الحمقى لايكفون عن الكلام وانا اظن العميد محمود قطرى ممكن يعتبر هو القدوة السؤال بقى هو معملش لية دة وهو فى جهاز الشرطة

مهندس مصري يقول...

طالب ثانوي
===========
في جهاز الشرطة هو كان السيف على رقبته و كان مفيش قدامه غير المحاكمة العسكرية و الإضطهاد الوظيفي
دا هو ما صدق يخرج من الشرطة علشان يعرف يتكلم
هو عن نفسه بيؤكد انه طول حياته الوظيفية في الشرطة عمره ما ظلم حد و لا اساء لحد
و علشان كده عمره ما كان ضابط مباحث و لا راح اي حتة من الحتت الطرية بتاعة المسنودين
كان ضابط للأمن العام بالزي الرسمي و سمعته طيبة بين الناس في جميع المناطق اللي خدم فيها
و اتحال على المعاش و هو كان ساعتها مفتش في إدارة التفتيش على الضباط بالداخلية

و عموماً اول ما طفاطيفو ينزل الكتاب على النت تقدر تقراه و تحكم بنفسك
و هو مش بيطرح نفسه كقدوة
بل كمجرد واحد بينادي بإصلاح الشرطة و ليس هدمها

جمعاوي صاحب "عيادة أسنان" يقول...

السلام عليكم
بجد بوست رائع يا بشمهندس وفعلا شهد شاهد من اهلها
ربنا يكرمك ويعين العميد قطرى ويرزقه الثبات ودمت لنا بكل خير ويلا سلام

مهندس مصري يقول...

جمعاوي صاحب عيادة اسنان
======================
و عليكم السلام و رحمة الله و بركاته
شكراً
آميين
الله يسلمك يا دكتور

محمد ابراهيم يقول...

بجد انا مش عارف الدنيا فيهاايه
اصعب احساس بجد انك تتصدم في امن وطنك الي المفروض انه في خدمتك و بيحميك
ربنا ياخد كل ظالم يا رب

تحياتي
محمد

مهندس مصري يقول...

محمد إبراهيم
===========
آميين