الجمعة، نوفمبر 28، 2008

آخر قصائد أحمد مطر عن أوباما

وصلتني هذه القصيدة بالبريد الإلكتروني و التي يقال انها آخر قصائد الشاعر أحمد مطر عن الرئيس الأمريكي الجديد باراك أوباما


رسالة بالبريد المستعجل

مِن أوباما..

لِجَميعِ الأَعرابِ شُعوباً أو حُكّاما:

قَرْعُ طناجِرِكُمْ في بابي

أرهَقَني وَأَطارَ صَوابي..

افعَلْ هذا يا أوباما..

اترُكْ هذا يا أوباما..

أَمطِرْنا بَرْداً وسَلاما

يا أوباما.

وَفِّرْ لِلعُريانِ حِزاما!

يا أوباما.

خَصِّصْ لِلطّاسَةِ حَمّاما!

يا أوباما.

فَصِّلْ لِلنّملَةِ (بيجاما!(

يا أوباما..

قَرقَعَةٌ تَعلِكُ أَحلاماً

وَتَقِيءُ صَداها أوهاما.

وَسُعارُ الضَّجّةِ مِن حَوْلي

لا يَخبو حتّى يتنامى.

وَأنا رَجُلٌ عِندي شُغْلٌ

أكثَرُ مِن وَقتِ بَطالَتِكُمْ

أطوَلُ مِن حُكْمِ جَلالَتِكُمْ

فَدَعوني أُنذركُمْ بَدءاً

كَي أَحظى بالعُذْرِ ختاما:

لَستُ بِخادِمِ مَن خَلَّفَكُمْ

لأُساطَ قُعوداً وَقِياما.

لَستُ أخاكُمْ حَتّى أُهْجى

إنْ أَنَا لَمْ أَصِلِ الأَرحاما.

لَستُ أباكُمْ حَتّى أُرجى

لأَِكونَ عَلَيْكُمْ قَوّاما.

وَعُروبَتُكُمْ لَمْ تَختَرْني

وَأنا ما اختَرتُ الإسلاما!

فَدَعوا غَيري يَتَبَنّاكُمْ

أو ظَلُّوا أَبَداً أيتاما!

أنَا أُمثولَةُ (شَعْبٍ) يأبى

أن يَحكُمَهُ أحَدٌ غَصبْا..

و(نِظامٍ) يَحتَرِمُ الشَّعبا.

وَأَنا لَهُما لا غَيرِهِما

سأُقَطِّرُ قَلبي أَنغاما

حَتّى لَو نَزَلَتْ أَنغامي

فَوقَ مَسامِعِكُمْ.. أَلغاما!

فامتَثِلوا.. نُظُماً وَشُعوباً

وَاتَّخِذوا مَثَلي إلهاما.

أَمّا إن شِئتُمْ أن تَبقوا

في هذي الدُّنيا أَنعاما

تَتَسوَّلُ أَمْنَاً وَطَعاما

فَأُصارِحُكُمْ.. أنّي رَجُلٌ

في كُلِّ مَحَطّاتِ حَياتي

لَمْ أُدخِلْ ضِمْنَ حِساباتي

أَن أَرعى، يوماً، أغناما

هناك 16 تعليقًا:

محمد ابراهيم يقول...

لو دي قصيدة لاحمد مطر
بجد ابدع ابدع ابدع
و انا لو مكان اوباما اقول كدة اكيد لان شعوب العرب دوما تتسول منهم كل حاجة
و مشكور جدا يا بشمهندس علي القصيدة
و ربنا معاك
تحياتي
محمد

جبهة التهييس الشعبية يقول...

سخيفة قوي
حد يقول على نفسه غنم، هو شايف نفسه غنمة دي مشكلته
ماحدش طلب من اوباما حاجة، بس يحل عنا ببلاويه

مهندس مصري يقول...

محمد إبراهيم
============
العفو يا بو حميد
فعلاً معظم العرب الرسميين احترفوا التسول من بوابة أمريكا

جبهة التهييس الشعبية
=====================
طيب و انت مش شايفة كل الشحاتين اللي بيترجوا منه يحرر القدس و يجعل ايام العرب كلها رخاء
الشحاتين دول يستاهلوا يكونوا اغنام
لكن مش كل العرب طبعاً

Gannah يقول...

والله عنده حق
فصل للنملة بيجاما :)
ضحكتنى جداا
وشر البلية ما يضحك
وطبعا هو يقصد بموضوع الغنم ده
نظرة الأمريكان واوباما لينا
مش اننا بنقول على نفسنا كده
مش عارفة نوارة زعلت ليه
يعنى احنا فاكرينه هينقذ العالم
ودا منتهى الغباء
وبيدل على نظرة سطحية او منتهى الخبث
عايزين يغيبوا الناس بوهم أوباما
انا شخصيا عجبتنى
ايه رأيك ياباشمهندس نعمل مشروع بيجامات النمل ده وممكن نضيف عليه سواريهات لزوم احتفالات الست نمولة
حاجة تجنن
تحياتى

مهندس مصري يقول...

جنة
====
ههههه
معاكي حق
هو قصده كده فعلاً
بس انا مليش دعوة بالمشروع بتاعك ده
:)
جربي انتي و عرفيني النتيجة

FreeKiller يقول...

هو اسلوب احمد مطر

الراجل ده بيقول درر
و فعلا انا من رأيي ان اوباما لا هيغير و لا هيعمل حاجه
اذا كنا مستنيين حاجه يبقى لازم نجيبها احنا ما نستناهاش من حد يعايرنا بيها

اختيار نشر موفق يا بشمهندس

محمد الجرايحى يقول...

كلمات موجعة وقاسية
ولكن .. قد تكون الحقيقة أكثر إيلاماً

مخنوق كيك يقول...

لا قصيدة في الجون الحقيقي

بس انا ليا تعليق علي حاجة بسيطة بعيدا عن الموضوع والمدونة واوباما وامريكا والاقتصاد والبورصة والزحمة اللي في البلد والتعتيم الاعلامي والزحمه اللي في البلد والفساد اللي علي الكراسي والهواء الملوث .

تصدق نسيت النقطة !! علي كل انا مش افتح اي حاجة لاننا في عصر الكروته بالفعل

علي فكرة احمد مطر راجل تمام ومعروف بضمير الامه الناطق بالعدل والحق .. لذلك تم طرده من مصر في وقت من الاوقات

وعشان كده انا هقف دقيقة حداد علي الرز اللي اتحرق في المطبخ

سلاموز دلوقتي وهابي نيو يير

جمعاوي صاحب "عيادة أسنان" يقول...

السلام عليكم يا بشمهندس

والله ربنا يكرمك على القصيدة اللى زى العسل دى
بجد يسلم احمد مطر والله
============
وَعُروبَتُكُمْ لَمْ تَختَرْني

وَأنا ما اختَرتُ الإسلاما
=============

ونحن ليس لنا امل
الا فى البارى مولانا

هو ناصرنا هو رازقنا
هو ناصر حزبه الانَ


جزكم الله كل خير يا بشمهندس ومبروك الصورة الجديدة يا سيدى

وعلى فكرة محمد خيرى خرج الحمد لله باقى بقى العميد يارب يخرج بالسلامة

معلش هى عين واصابت مدونى الاخوان ربنا يحفظهم

يلا سلام يا باشا

مهندس مصري يقول...

free killer
============
كلامك مضبوط و متفقين عليه
:)
بس هو انت ما بتجيش غير لما حد يعزمك
المدونة مدونتك و مش محتاجة عزومة

محمد الجرايحي
===========
حقاً يا استاذ محمد

مخنوق كيك
=========
هابي نيو يير
قبل الهنا بشهر
براحتك
و ربنا يفك خنقتك بس ما تشمش السحابة السودا كتير :)

و شكراً لتعليقك

جمعاوي
======
و عليكم السلام و رحمة الله و بركاته
الله يكرمك و يعزك
دا انت بتعارض القصائد كمان
يعني سبع صنايع او مواهب :)
الله يبارك فيك
و الف مبروك خروج محمد خيري
و يارب محمد عادل بقى
ربنا يحفظ الجميع
و الف سلامة يا دكتور

mahasen saber يقول...

جميله طبعا ده احمد مطر يا بشر

وبعدين اوباما اصبروا عليه شويه بس وهيورينا اضعاف اليى بوش عمله

مهندس مصري يقول...

محاسن صابر
==========
ربنا يستر يا ام عبد الرحمن
انا لسه قاري خبر النهارده عن إستعداد القوات الامريكية لدخول الصومال بعد إنسحاب اثيوبيا منها نهاية الشهر ده

يعني حينسحبوا من حتة و يضربوا بدالها حتتين تلاتة
و كله بإبتسامة أوباما الساحرة
و سيد من يحتل الأفارقة أفريقي زيهم

ربنا يستر

د. إيمان مكاوي ( أم البنين ) يقول...

أحسنت الإختيار يا باشمهندس
سعيدة بتعرفي على مدونتك
تحياتي

مهندس مصري يقول...

د.إيمان مكاوي (أم البنين)
=======================
شكراً
و انا سعيد برضه
:)

ايوشة يقول...

القصيدة جميلة اوىىىى كاتبها لما اوباما بقى رئيس
بس والله تحفة واحمد مطر دايما مبدع فى اختيار الكلمات والمواضيع انسان عربى فاهم بحق وحقيقى

انت تسال والكمبيوتر يجيب يقول...

سعداءبالمرور هنا وندعوك للأشتراك فى برنامجنا الأذاعى من الأذاعه الرئيسيه لمصر اى أذاعة البرنامج العام ويذاع يومياالتاسعه وعشر دقائق صباحا عدا الجمعه.
سنشير الى مدونتك فى البرنامج اذا لم يكن لديك مانع
وننتظر تعليقاتك على ما نطرحه من اسئله وموضوعات فى مدونتنا وهذه التعليقات تذاع ايضا مع الموضوعات المعلق عليها
وبالمدونه يمكن الأستماع الى حلقات سابقه من البرنامج عن مدونات اخرى نختارها لتميزها.
وبموقعنا تفاصيل اكثر
المدونه
http://netonradio.blogspot.com
الموقع
http://stop.to/cairo
وبالموقع رابط تحت الساعه الى اليسار ليدخلك الى مجموعتنا على الفيسبوك واسمها انا والنت حيث يحكى الزملاء فى المجموعه حكاياتهم مع النت وندعوك للأنضمام اليه
تحاتنا وامنياتنا لك بالتوفيق