الثلاثاء، يناير 29، 2008

تاج خالو أحمد الصباغ و ربنا يستر

التاج ده جاي لي من حبيبي في الله أحمد الصباغ و أنا رديت عليه في نفس يوم قرايته أهه و ما ركنتوش زيه
خصوصاً إن عروسة البحر مررته ليا تاني قلت ألحق قبل ما تكتر التمريرات و يخش فيا جون و لا حاجة
1هل توافق على حذف خانة الديانة من البطاقة الشخصية ؟
لا لأنها مهمة في بعض التعاملات الرسمية مثل الزواج و خلافه و لكن أرفض أن يتم التمييز بين الناس في المعاملة على أساسها بل يكون المعيار هو الأمانة و الكفاءة
2ما رأيك فى المثليين ؟
أنجاس أرجاس و حثالة قذرة
هل هى حرية شخصية ؟
لا
هل توافق على الإعتراف بالمثليين ؟
أوافق على الإعتراف بوجودهم كمشكلة تستوجب الحل لا كأفراد يطلبون المعاملة المتساوية مع الأسوياء و الإعتراف بقذاراتهم
و الحل معروف يتم عرضهم على الأطباء النفسيين و المريض يعالج و الصحيح عقلياً و مصر على الشذوذ يطبق عليه الحد الشرعي بالإعدام
خلي البلد تنضف هيا ناقصة
هل لديك أصدقاء من المثليين ؟
لأ و الحمد لله أستغفر الله العظيم دا أنا بأقرف منهم أصلاً
3هل تعتقد بوجود إضطهاد للمسيحين فى مصر ؟
أيوه بس الظلم من الدولة موجود على المسلمين و النصارى و الغني أو الواصل بيعيش مرتاح سواء كان مسلم أو نصراني إنما الغلابة مطحونين في الطرفين
بس فيه احتكاكات بين العامة و الجهلاء من الطرفين كنوع من تفريغ العنف المكبوت فيهم ضد الطرف الأضعف و ما قدروش على الحكومة فبيتشطروا على بعض
و ده سببه أصلاً الجهل بالدين فبالنسبة للمسلمين النصاري و الأقباط هم اللذين وصانا بهم رسول الله صلى الله عليه و سلم خيراً فلهم نسباً و ذمةً و صهراً
لهم ذمة رسول الله أن يعاملوا بالمعروف أحسن معاملة و لا يعتدى عليهم و لا يهانوا و لا يظلموا
كما أن دين النصارى حالياً يدعوهم للتسامح و المحبة حتى مع الاعداء فما بالكم بالجيران
و لا أنكر وجود تعنت من الحكومة في مسألة ترميم و بناء الكنائس التي تحتاج لقرار جمهوري و لا بد من تغيير هذا الوضع بقانون البناء الموحد لدور العبادة و الذي يربط مساحة دار العبادة بعدد السكان من هذه الديانة في المنطقة المحيطة بمكان بناؤه
أما الترميم فلا يجب أن يحتاج أي تصاريح
بس ما تنسوش إن الجوامع متراقبة من أمن الدولة و أغلبها بيتقفل بعد الصلاة مباشرة
يعني التضييق على الجانبين و ما تنسوش اعتقلات الإسلاميين و كتير منهم بيكون مظلوم و يتهم بالإرهاب ظلماً و يعذب تعذيب رهيب
4من هو الشخص الذى تختارة لرئاسة مصر ؟
خيرت الشاطر أو عصام العريان أو أيمن نور و عموماً الإنتخابات النزيهة بجد هيا اللي تحكم
5أذا قمت بتأسيس حزب سياسى .. من هم الأشخاص الذين ستقوم بضمهم فى الحزب ليشاركوك فى حكم مصر حال فوزك فى الإنتخابات ؟
أصحاب الكفاءات و المتميزين في كل المجالات عملاً بمبدأ إدي العيش لخبازه بس مش مسموح له يأكل أي حاجة منه غير مرتبه عايزين أهل الخبرة و الكفاءة يحكموا و نفضنا بقى من أهل الثقة و النفاق
هل توافق على مشاركة كل من : الإخوان المسلمين - الأقباط فى الحكم ؟
الإخوان المسلمين و الأقباط وكل اللي ينجح في الإنتخابات الحرة
و لو حد ليه رأي تاني خصوصاً لو رأي شرعي يا ريت يعرفني في تعليقه
6فى رأيك الشخصى .. ما هى أفضل مدونة على بلوجر قمت بزيارتها ؟
بلاش الإحراج ده بس بأحب كل اللي بأعلق عندهم بإنتظام و هما عارفين نفسهم
7 أيهما تفضل كزوجة .. إمراءه عاملة ، أم ربة منزل ؟
ربة منزل بس تكون متعلمة و مستواها الثقافي متناسب معايا
تكون متفرغة ليا و للأولاد بس لو مت أو بقيت عاجز و بدون معاش تقدر هيا ساعتها تشتغل و تصرف على البيت و الأولاد و ممكن ربنا يكرمها بواحد ابن حلال بعد موتي يتجوزها و يكفل العيال و يرحمها من قرف الشغل
8اذا تزوجت وأنجبت ولدين وبنتين .. أى الأسماء تحب أن تسمى ؟
ابراهيم و أحمد و منى و أسماء
9هل تعتقد أن توريث الحكم فى مصر . . سيتم فعلا أم لا ؟
مش عارف بس أتمنى لأ أتمنى الناس تفوق
10فى رأيك الشخصى : ماهو أفضل إنجاز لحكومة مبارك ؟
مش عارف الصراحة اللي يعرف ياريت يقول لي
وما هو أسوأ عمل قامت به ؟
تزوير الإنتخابات و السجود لأمريكا و إسرائيل و الفساد
ثم لمن تمرر هذا التاج ؟
التاج ده اختياري مش إجباري و عموما الصباغ ما سابش حد غير و مرره له
أمرره لكل اللي في المدونات اللي بأحبها اللي محطوطة في الجنب
و كل اللي يعلق و ليه نفس يأخده يشيل
:)

الأحد، يناير 20، 2008

المقاولين تعمل ايه بعد ما الأسعار ولعت

المقاولين بعد ما أسعار الحديد و الأسمنت و الطوب ولعت بقوا بيلطموا لأنهم ملتزمين بتنفيذ الشغل بأسعار محددة في المقايسات و ما تنفعش تزيد تاني
طن حديد التسليح وصل 4600 جنيه بعد ما كان بـ 3800 جنيه من إسبوع
و طن الأسمنت زاد من 380 لـ 450 جنيه
و ألف الطوب زاد 50 جنيه فرق بسبب تضاعف سعر المازوت المستخدم في أفران حرق الطوب
دا خراب بيوت مستعجل علشان المحتكرين الكبار يزودوا أرصدتهم في البنوك
أنا كنت كاتب من زمان عن شغل المقاولات بس فيه تعليقين مهمين متعلقين بالبلوة بتاعة زيادة الأسعار دي بتوع أنونيمس و DONKYYYYYYY و ردودي عليهم
بصوا عليهم و إدعوا على الظالم و المفتري

صناعة المقاولات تقوم بتشغيل ما يقرب من 86 حرفة و صناعة معاونة لمصلحة من تدميرها بهذا الشكل البشع
حسبنا الله و نعم الوكيل

الخميس، يناير 17، 2008

تاج مجلس الشعب

التاج ده جاي لي من فاقوس - شرقية من المدونة العزيزة قطة الصحراء و ربنا يستر و أعرف اجاوب كويس
اتفضلوا اقروا و شوفوا بنفسكم

دخلت مجلس الشعب من اوسع ابوابه ايه هو رمزك الانتخابى المفضل ؟؟؟؟
رمز الطيارة
كنت تفضل الدخول مستقل او تتبع حزب معين ؟؟؟؟
مستقل
اذا دخلت مستقل هل توافق على التوقيع للحزب الوطنى بعد نجاحك كمستقل ؟؟؟؟
لا لأنه حزب قذر و مأوى للفساد و تجمع لأصحاب المصالح و الوصوليين و المنتفعين على كل شكل و لون
ايه اول حاجه هتعملها لنفسك ولاسرتك ؟؟؟؟؟
مش في دماغي حاجة معينة بس حاعمل ايه يعني ؟ اعتقد و لا حاجة زينا زي غيرنا
ايه المشروع اللى ناوى تعمله لاهل دايرتك ؟؟؟؟ دون ذكر اسم الدائره
ياه مشروع واحد قولي مشاريع حأضغط على الحكومة علشان مشاريع إستكمال المياه و الصرف الصحي و الرصف الأسفلتي و الإسكان
قعدت فى المجلس جنب نائب مميز . من هو النائب ؟؟؟
كل نواب الإخوان المسلمين متميزين و أغلب المستقلين و المعارضة بس أنا بأحب النائب بتاعنا دكتور محمد جمال حشمت اللي زوروا ضده الإنتخابات اللي فاتت و نجحوا مصطفى الفقي
قدمت سؤال للحكومه ايه هو السؤال ؟؟؟؟؟
انتوا مش خايفين من يوم الحساب و وقوفكم قدام ربنا
طلب احاطه موضوعه ايه ؟؟؟ وبتقدمه لمين ؟؟؟؟
لرئيس الوزراء عن اهدار المال العام بالمليارات و العك بتاع وزير المالية
استجواب لاتنين من الوزراء موضوعه ايه ؟؟؟؟وبتستجوب مين
استجواب لوزير الإسكان عن مشروعات المياه و الصرف الصحي و الإسكان كلها تبعه و كلها روبة
و عن بيع أراضي الدولة بالمزاد ساعات و منحها للحبايب ساعات بدون قواعد واضحة
و الوزير التاني وزير الحكم المحلي عن فساد المحليات
انت مع الخصخصه ؟؟؟؟؟؟
أنا مع ان الدولة تمتلك المرافق الأساسية زي المطارات و المواني و السكة الحديد و المرافق من مياه و كهرباء و صرف صحي
و الباقي يبقى ملك أشخاص بما في ذلك جميع المصانع ماعدا المصانع الحربية
بس يكون البيع بالقيمة الحقيقة و ليس بقيمة بخسة كما يحدث حالياً
و ان يتم مراعاة مصالح العاملين و لا يتم اضطهادهم لإجبارهم على المعاش المبكر و ترك العمل
و أن يكون هناك قانون حقيقي لمنع الإحتكار و يسري على كافة الناس بما فيهم كبار رجال الاعمال
و أن تكون أولوية الشراء للمصريين و ثم العرب و أخيراً الأجانب مع إستثناء الإسرائيليين حتى من البيع لهم عبر وسيط فيما بعد
يعني من الآخر البيع بعدل و شفافية و نعرف الفلوس حصيلة البيع كام و اتقبضت ازاي و راحت فين و اتصرفت على إيه مش السبهللة بتاعة دلوقت
هل انت مع قطع العلاقه مع اسرائيل ؟؟؟؟؟
أكيد لأنها كيان غريب لابد من إزالته
هل تؤيد الحرب على العراق ؟؟؟؟؟؟؟؟
لا
هل تؤيد مرور الامريكان فى القناه ؟؟؟؟؟؟
السفن التجارية بس إنما الحربية لأ
هل انت مشترك فى مؤامره كسر فرنسا هانم بالاشتراك مع ام دبوه ؟؟؟؟؟؟؟؟
لا و الله و فرنسا هانم عارفة كده كويس
بتمرر التاج ده لمين ؟؟؟؟؟؟
اليعقوبي
الجعفري
بت خيخة و أي كلام
مروة الزارع
احمد الصباغ
أنونيمس
عصفور المدينة
جمعاوي روش طحن
النجم القادم
ايمي
كوكا
لماضة
يا الله ان شالله ما عن حد حوش :)

الفلسطينيون لم يبيعوا أرضهم

تساؤل برئ من بعض المدونين طرح أثناء النقاش في مدونتي شوية كلام و بقت سلطة بيقول ما الفلسطنيين باعوا أرضهم و قبضوا التمن طب جايين يبكوا عليها ليه دلوقت


و دي أكذوبة كبيرة أشاعها الصهاينة عن أهل فلسطين الأبرار و للأسف اللي ما يعرفش تاريخ فلسطين الحقيقي و جهاد أهلها المستميت ضد الإنتداب الإنجليزي و العصابات الصهيونية بيصدق الأكذوبة دي


حأرد عليهم من خلال كتاب من أقيم الكتب اللي قريتها و إسمه

حقائق عن قضية فلسطين بقلم سماحة السيد / محمد أمين الحسيني مفتي فلسطين و رئيس الهيئة العربية العليا و الكتاب ده طبعة 1954م يعني كانت لسه نكبة فلسطين مبقالهاش 6 سنين و كان لسه معانا القدس و الضفة الغربية و قطاع غزة
بيقول ايه

تدل الإحصاءات الرسمية على أن مساحة اراضي فلسطين هي نحو سبعة و عشرين مليون دونم ( و الدونم ألف متر مربع ) و يبلغ مجموع ما إستولى عليه اليهود إلى يوم انتهاء الإنتداب البريطاني في 15 مايو 1948 نحو مليوني دونم أي نحو سبعة في المائة من مجموع أراضي فلسطين على أن ما تسرب من أيدي عرب فلسطين من هذين المليونين لا يزيد عن 250000 مائتين و خمسين ألف دونم أي الثمن 1/8 و كان وقوع الكثير منها لظروف قاهرة و بعضها ذهب نتيجة لنزع ملكية الأراضي العربية و هو ما كانت تقوم به حكومة الإنتداب البريطاني لصالح اليهود وفقاً للمادة الثانية من صك الإنتداب البريطاني على فلسطين و التي تنص على أن من واجب الحكومة المنتدبة أن تسهل لليهود جميع الوسائل لإنشاء الوطن القومي اليهودي

أما باقي المليوني دونم فقد تسربت لأيدي اليهود كما يلي

ستمائة و خمسين ألف 650000 دونم إستولى عليها اليهود في عهد الحكومة العثمانية خلال حقبة طويلة من الأراضي الأميرية بحجة إنعاش الزراعة و إنشاء مدارس زراعية

ثلاثمائة ألف 300000 دونم منحتها حكومة الإنتداب البريطانية لليهود دون مقابل و هي من أملاك الدولة

مائتي ألف 200000 دونم منحتها حكومة الإنتداب البريطانية لليهود لقاء أجرة إسمية و هي من أملاك الدولة

ستمائة و خمسة و ثلاثين ألف 635000 دونم اشتراها اليهود من بعض اللبنانيين و السوريين الذين كانوا يملكون اراضي في فلسطين ( كمرج بن عامر و وادي الحوارث و الحولة وغيرها) وبالتالي يكون 7/8 ما تسرب لليهود من الأراضي التي إستولوا عليها انما تسرب عن غير طريق الفلسطينيين و ما تسرب من الفلسطينيين هو 1/8 من الأراضي بما يساوي 250 ألف دونم أو 62 ألف فدان مصري

على ان الكثير ممن باعوا أراضيهم من الفلسطينيين أو كانوا سماسرة للبيع قد فتك بهم الشعب الفلسطيني

و خصوصاً أن جميع مؤتمرات العلماء و الهيئات الدينية التي كانت تعقد سنوياً كانت تصدر الفتاوي بتكفير من يبيع الأرض أو يسمسر على بيعها و تعتبره مرتداً لا يدفن في مقابر المسلمين و تجب مقاطعته و عدم التعامل معه و قد أصدر مؤتمر الكهنة الأرثوذكس العرب في فلسطين قرارات مماثلة

انتهى كلام مفتي فلسطين

و أرجو أن يكون أجاب تساؤلاتهم عن البيع أما بالنسبة للجهاد فلبطولات شعب فلسطين ضد الصهاينة و الإنتداب الإنجليزي بوست آخر

الأحد، يناير 13، 2008

حبيبة قلبي

بأحبها جداً و ما أقدرش أتخيل يمر إسبوع من غير ما أشوفها و بأسمع صوتها في التليفون يومياً تقريباً
من أول ما دخلت حياتي و أنا مشغول بيها و بأحبها أكتر مما تتخيلوا
تبات عندنا في البيت ليلة الأربع و تقضي الخميس بطوله و تروح في الليل

و طول ما هيا موجودة في البيت و ملناش شغلانة غيرها نضحك معاها و نلاعبها ونأكلها و نشربها كمان
بأتكلم عن نوران بنت أختي اللي لما إتولدت أصبحت أنا خال و ياله من شعور جميييييل
ولدت نوران في 28/7/2006 و من يوميها و أنا خال
بأتابعها كل إسبوع و هيا بتكبر و بتتعلم الزحف و المشي و الكلام و تجرب أنواع الأكل المختلفة و تلعب معانا أنا و أخويا و بابا و ماما
لما بتضحك بيبقى الواحد طاير من الفرحة و لما بتعيط بيبقى الواحد نفسه يعمل أي حاجة علشان يضحكها تاني
شوفوا كانت صغيرة إزاي في السبوع


لا و الجميل فيها إنها اول ما تسمع الآذان تقول أكباار يعني يالا نصلي و نقول الله أكبر

يعني بتشجع الكبار على الصلاة لأنها بتحب تقف جنب أي حد بيصلي و تحاول تقلده شكلها حتطلع بتصلي من صغرها (عمرها أقل من سنة و نص)

بصوا و هيا بتصلي أو بتحاول يعني


بس كل يوم بنطلع منها بجديد في الكلام هيا لسه بتتعلم الكلام و يا دوب بتقول كلمات بسيطة بس كل يوم بنكتشف إطلاقها لأسماء على الحاجات اللي بتقابلها و بنغلب عبال ما نفهم هيا عايزة ايه

و طبعاً كل ما تيجي نقعد نهريها تصوير بالموبايل سواء صور أو فيديو لأن بجد إنفعالاتها و تصرفاتها و ردود أفعالها بتبقى لذيذة جداً

بأحس إنها الحاجة الحلوة جداً اللي في حياتي

منظرها بالحجاب :)

ايه اللي خلاني أكتب الكلام ده

أولاً : إني مخنوق و مضايق شوية و أنا الكلام عن نوران بيريحني

ثانياً : إني حبيت أعمل لنوران سجلات على النت مش على الكمبيوتر و الموبايل بتوعي و بس

ثالثاً : إني لقيت مدونين كتير شغالين في مناقشات في قضايا عامة كبيرة و انشغلوا قوي فيها و أنا معنديش مانع كل واحد حر في مدونته و كلهم عايزين الصح و الخير من وجهة نظرهم بس مش من المفروض اننا نقلب المدونة جرنال أو فرع تاني لقناة الجزيرة و هاتك يا دش المفروض في رأيي الشخصي إن المدونة وسيلة شخصية للتواصل يعني مش لازم تتقلب نشرة أخبار و مواعظ لازم يكون فيها لمحة شخصية علشان نحس بدفء الكلام و حميميته مش أنه مواعظ و حكم و أخبار و السلام

و عموماً براحتكم يا جدعان و معلش مشغول شوية فمش قادر أكتب بإنتظام

أحلى سلام مني و من نوران لكل المدونين الجدعان :) مضطرين نخلص كلام أصل جالها مكالمة تليفون مهمة

السبت، يناير 05، 2008

هذي بلاد لم تعد كبلادي

هذي بلاد لم تعد كبلادي
للشاعر فاروق جويدة

عن الشباب الذي غرق على سواحل ايطاليا و تركيا و اليونان
قصيدة جامدة جداً إسمعوها