الخميس، يناير 01، 2009

حول غزة و المعبر نحكي علهم يفهمون

تحديث تالت : رغم ما يحدث في غزة مصر تسمح لليهود بالإحتفال بمولد ابو حصيرة عندنا
تحديث تاني : مبارك مصمم على النطق بمصايب رهيبة
شوفوا قال ايه ؟ في البوست ده
و شوفوا تعليقي هناك رداً على كذبه المفضوح
و حسبنا الله و نعم الوكيل

قبل ما نحكي اي حاجة روحوا إقروا مقال ابراهيم عيسى ده لإنه حيفهمكم حاجات كتير و حيوفر كلام كتير انا كنت عايز اقوله لإن من المعضلات توضيح الواضحات

الهدف من الهجمة الإسرائيلية هو تركيع المقاومة في غزة و وقف اطلاق الصواريخ و ارجاعها ذليلة الى حالة الحصار حيث تتحكم اسرائيل في كل مقدرات القطاع
و هذا هو الحد الأدنى المقبول لديهم

اما الحد الأقصى هو إسقاط نظام حكم حماس المقاوم و الغير معترف بإسرائيل و إعادة نظام حكم عباس و دحلان للقطاع ليقوموا بعملهم القذر الذي يمارسونه في الضفة الغربية حالياً من اعتقال للمقاومين و حماية اسرائيل بزعم المحافظة على عملية سلام عبثية تتمنى اسرائيل لو انها ظلت تتفاوض فيها الف عام و تواصل بناء المستوطنات و الجدران العازلة في الوقت نفسه حتى تستولي على كل ما يمكنها من الارض بدون تحمل مسؤولية السكان بل إلقاؤها على عباس
الذي تستطيع من خلال خيانته و تواطؤه دفن القضية
اسرائيل لا تفكر حالياً في استفزاز حليفتها مصر بل تقوم بالتنسيق معها على اعلى المستويات

و محدش طلب الحرب
بل و لا اطالب بطرد السفير رغم انه اقل شئ ممكن عمله هو و قطع الغاز تنفيذاً لحكم القضاء الإداري
لا اطالب حتى بوقف التطبيع الإقتصادي معهم من كويز و خبراء زراعيين و غيرهم
رغم اننا المفروض ان نفعل ذلك لو كنا حقاً مازلنا الدولة الرائدة و زعيمة العرب

كل ما اطالب به فتح المعبر بشكل مستمر و طبيعي
و لما بنقول فتح المعبر ما نقصدش انها تبقى وكالة من غير بواب
لأ و الف لأ
عايزين المعبر يكون طبيعي زي معبر حلايب مع السودان
زي معبر السلوم مع ليبيا
ان تمر من المعبر البضائع بكل انواعها و التي يشتريها الفلسطينيين من فلوسهم و من حر مالهم و محدش فينا بيجبي عليهم و بيدفعوا تمنها الطاق اتنين و تلاتة ساعات
و ان تمر المساعدات الإنسانية التي تبرع بها ناس من العالم كله لغزة بكل حرية و لا نربط مرورها بالتنسيق مع الحليف الإسرائيلي - المساعدات القطرية اغلبها لم يعبر حتى الآن و معها اغلب المساعدات السعودية و المصرية و المساعدات كلها عموماً لم يعبر منها الا النزر اليسير - كل ما علينا هو إدخالها و بعدها تصبح مسؤولية حكومة القطاع

و ان تكون حركة المسافرين حرة في الإتجاهين
و انا هنا لا أطلب مساواة الفلسطيني الجار العربي المسلم الشقيق بالحليف الإسرائيلي الذي يدخل من طابا حتى شرم الشيخ بهويته الشخصية و بدون جواز سفر بكارت بسيط من منفذ طابا ايلات الحدودي
بل أطالب بمعاملة الفلسطيني معاملة اي سائح اجنبي
و ان يدخلوا بجوازات سفرهم و عليها تأشيرة دخول من السفارة المصرية في غزة كأي سائح اجنبي يحصل على تأشيرة سياحية لمدة 3 شهور
و يتم تفتيشهم جيداً و من يعثر معه على اي ممنوعات مهربة يتم تحويله للقضاء الطبيعي و يحاكم قانونياً
و من يحمل اشياء تستحق عليها رسوم جمركية يقوم بدفع جماركها او يتم مصادرتها في حالة عدم الدفع

يعني يصبح معبر طبيعي زي اي معبر تاني
انتوا عارفين ان فيه فلسطينيين يعملون في الخارج في دول الخليج و غيرها و لكنهم لا يستطيعون الخروج من بلدهم و الدخول إليها و مثلهم الطلاب الذين يدرسون بالخارج و المرضى المحتاجون لعلاج بالخارج و الحجاج و المعتمرين و غيرهم
ما معنى و ما غرض ان يقفل المعبر في وجه هؤلاء ؟

و اللي متخوفين من نزوح جماعي للفلسطينيين في حالة فتح المعبر إذا قامت اسرائيل بهجوم بري
أحب اطمئنهم و اعرفهم ان الفلسطينيين الحاليين عندهم تمسك بارضهم فوق ما يتصوروا
ثم المعبر كان مفتوح منذ انسحاب اسرائيل من غزة و حتى حسم حماس العسكري للموقف في القطاع لمدة سنتين و نصف و قامت اسرائيل خلال هذه المدة بضربات و توغلات و اجتياحات كثيرة اكبرها عام 2006 بالتزامن مع حرب لبنان و مع ذلك لم نشهد نزوحاً لللاجئين وقتها فمن اين جئتم بهذه الافكار الخيالية ؟!!!

اعتداءات صيف 2006
من شهر يناير إلى شهراكتوبر 2006 خلفت سقوط 400 قتيل وجرح أكثر من ألف فلسطيني بالقطاع، كما تم اقتحام 364 بيت واعتقال 182 شخص من طرف الإحتلال الإسرائيلي


و عندما كان المعبر مفتوحاً و تحرسه قوات عباس الخائن المستسلم مع المراقبين الاوربيين الذين كانوا يتم حجزهم من قبل اسرائيل بصفة متقطعة لوقف عمل المعبر بحجة عدم وجودهم
و اللي عنده ادنى شك في خيانة محمود عباس ابو مازن يتفضل يقرأ البوست ده
عندما كان المعبر مفتوحاً بهذه الطريقة الذليلة لم يكن يشكل خطراً و كان المسافرون و كانت البضائع تتدفق من خلاله
اما عندما تم تنظيف المعبر من العملاء و المراقبين و اصبح معبراً عربياً خالصاً تحرسه من الجانب الفلسطيني قوات الحكومة الشرعية ( حكومة اسماعيل هنية ) و ذلك بإعتراف واضعي الدستور الفلسطيني انفسهم ( القانون الاساسي )
تم غلقه بحجة واهية و هي ان الوضع الحالي إخلال بإتفاقية المعبر
رغم ان الإتفاقية غير ملزمة لنا اصلاً و تتحدث عن الجانب الفلسطيني من المعبر وليس الجانب المصري بل و لم نقم بالتوقيع عليها اساساً
فأطراف الإتفاقية هم السلطة الوطنية الفلسطينية و الإتحاد الاوربي و إسرائيل

اما غلقنا نحن للمعبر فهو يخالف القانون الدولي و يمثل إشتراكاً في جريمة الحصار المفروضة على الشعب الفلسطيني لتركيعه و حثه على التخلي عن خياره الديموقراطي و حكومته المنتخبة
كما ان اغلاق المعبر هو انتهاك لإتفاقيات جنيف الدولية خاصة اننا لسنا في حالة حرب مع غزة

ضحكت عندما سمعت رئيسنا المبارك يقول و شر البلية ما يضحك : إننا لن نقع في فخ تكريس الإنقسام بين الضفة و القطاع و لن نفتح المعبر :))
و هو ما يمكن اعادة صياغته بعبارة اكثر وضوحاً كالتالي :
إننا لن نفتح المعبر حتى تستسلم حماس و تتخلى عن المقاومة و تعيد سلطة عباس الخائن الى القطاع و تتخلى عن الامانة التي حملها لها الشعب الذي انتخبها و ذلك حتى ترضى عنا امريكا و إسرائيل

إن تصريحات ابو الغيط المستسلم الخانع و الذي لا يستأسد الا على أشقائنا الفلسطينين ضايقت الكثيرين و تمنوا لو يتكلم الرئيس مبارك و ليته ما تكلم فقد ذكرني بالمثل القائل سكت دهراً و نطق كفراً

و لا يجب بأن يتحجج البعض بأن الآخرين من كل حكام الدول العربية لم يفعلوا شيئاً حيث ان الحديث الشريف يقول ما معناه : لا يكون احدكم إمعة يقول إذا احسن الناس احسنت و اذا اساؤوا أسات بل وطنوا انفسكم ان تحسنوا اذا اساء الناس
و لكننا عشنا و شفنا مصر الرسمية بجلالة قدرها إمعة و عميلة و خائنة

قطر قد تكون مزايدة و تحاول لعب دور اكبر من حجمها و لكننا من سمحنا لها بهذا بتراجعنا و انبطاحنا و لابد ان يتقدم غيرنا ليملأ الفراغ الذي تركناه
ثم انها تلعب على الحبلين تؤوي القاعدة الامريكية في السيلية و تقيم علاقات اقتصادية وثيقة مع اسرائيل
و لكنها تلعنهم في قناة الجزيرة و تدعم حماس مادياً و ترسل لفلسطين المعونات الإغاثية
لكن مصر فشلت حتى في اللعب على الحبلين و ظهرت مائلة لجانب الخيانة بشكل مفضوح و مقزز

إن مصر تطالب كما إسرائيل بالعودة الى التهدئة لكن ماذا كانت بنود التهدئة
كانت تنص على وقف اطلاق الصواريخ من القطاع و جميع اعمال المقاومة بصورة مؤقتة
مقابل وقف اطلاق النار من اسرائيل بكافة اشكاله و انهاء الحصار و فك المعابر على ان تمتد التهدئة من غزة الى الضفة

و ماذا حدث في مقابل خرق المقاومة للتهدئة 3 مرات فقط في 6 شهور قامت اسرائيل بما يزيد عن 600 خرق للتهدئة من قصف و قنص و توغل و اعتقال و لم يتم رفع الحصار و لم يتم فتح المعابر و لم تمتد التهدئة الى الضفة
فعن أي تهدئة يتحدثون

و لمن سيتحدثون عن مقتل الضابط المصري على الحدود انصحهم بقراءة بيان جبهة علماء الازهر و هي مستقلة تماماً عن الشيخ سيد طنطاوي
خاصة ان ملابسات مقتل الضابط غير واضحة حتى الآن فقصف الطيران الإسرائيلي تسبب في فتح ثغرة في السور الحدودي فإندفع اليها بعض الفلسطينيين هرباً من القصف و ربما رغبة في شراء احتياجاتهم التموينية بعد استنزافهم في ظل حصار خانق نحكمه نحن عليهم مع إسرائيل بل و ننسف بالإشتراك مع سلاح المهندسين الأمريكي الانفاق التي تستخدم في تهريب القوت الضروري لداخل القطاع
المهم ان قواتنا حاصرتهم و اطلقت النار في الهواء حولهم و اثناء ذلك كان القصف مستمر و لم يعلم احد من بدأ الضرب في المليان و الذي اسفر عن مقتل ضابط مصري و مواطن فلسطيني و اصابة 3 فلسطينيين
اي ان ملابسات الحادث مجهولة تماماً و يجب انتظار نتائج التحقيق فيه
و عموماً فيه

شاهد عيان يؤكد براءة حماس من دم الضابط المصري

ولكن خليكم فاكرين إن المثل بيقول الجوع كافر
و لاتنسوا ان اسرائيل تقتل جنودنا و مواطنينا بإنتظام و لا تقوم حكومتنا بإتخاذ أي إجراء

و نهاية اقول لكل من اقتنع برأي نظامنا الخائن العميل و يرضى بغلق المعبر تحججاً بما يسمى الامن القومي المصري رغم ان استقرار حدودنا هو من صميم امننا القومي و هو ما لن يتحقق في ظل حصار الغزاويين و قصفهم
اقول لهم (( و من يتولهم منكم فإنه منهم إن الله لا يهدي القوم الظالمين )) المائدة 51
حسبنا الله و نعم الوكيل و لا حول و لا قوة الا بالله العلي العظيم

تحديث : اللي عايز يعرف حماس عملت ايه من اول الضرب لغاية دلوقت يقرأ البوست ده

بشريات النصر القادم باذن الله :)


و حيثق بأن النصر قادم بإذن الله

و اللي بيتكلم عن إحتمال نزوح اللاجئين الفلسطينيين من غزة لسيناء يتفضل يشوف العالقين الفلسطينين في رفح و هما بيدخلوا القطاع حالياً رغم القصف المتواصل

و اللي بيقولوا لا تلقوا بأيديكم الى التهلكة يروحوا يقرأوا تفسير الآية و سبب نزولها الأول

و اللي بيسأل عن قادة حماس يروح يشوف القائد اللي استشهد ده
مجزرة مروعة: استشهاد القيادي البارز في "حماس" نزار ريان و15 من عائلته بينهم زوجاته الأربع و11 من أطفاله تتراوح أعمارهم من العامين إلى الاثني عشر عاماً
تقرير: القيادي نزار ريان.. خريج جامعة الإمام.. حياة علمية والتفاف شعبي ومسيرة صلبة ضد الاحتلال

القائد العالم ريان.. خمسة عقود من العلم والعمل والجهاد توّجت بالشهادة

و يارب الناس تفهم بقى
و ياريت بلاش تتفرجوا على تلفزيونات و جرايد الحكومة لإنها بتكذب و بتجيب العته و التخلف العقلي
الا هل بلغت اللهم فأشهد




هناك 62 تعليقًا:

حـنــّا السكران يقول...

الله يرحم أبوك ,, قلت المفيد , و الواضح , و الذي لا يريد البعض أن يراه أو يفهمه حتى لو حشرته في عقولهم حشراً .
تحية لك .

أحمد كمال يقول...

ينصر دينك يا باشمهندس ، أتفق مع حضرتك في أن ما تطلبه هو أقل ما يمكن أن نفعله ، و أن بيانات حكومتنا لم تفلح حتى في ذر الرماد في العيون .

لقد نظرت إلى الأمر في رحايا العمر بشكل يستلهم التاريخ ، لأستخرج مما يحدث الحكمة و التحرك الصحيح ، و أرجو أن يكون به شيء من الصحة .

فرنسا هانم يقول...

انا معاك فى الرأى يا باشمهندس
والمعبر كان مفتوح زى مانت قلت لمده سنتين ونص بس الحال دلوقتى اتغير خااااااااااااااااااااااااااااالص
دلوقتى ياباشا الكل عايز ينهى على المقاومه من اول عباس لمبارك لفهد لزعبوله بتاع الاردن
والدليل قالوله
ايوه هو ده الدليل
الدليل عدم التوصل الى عقد قمه عربيه
ههههههههههههههههههه
ههههههههههههههههههه
حلوه النكته دى
مش قادرين يتفقوا على عقد قمه عربيه؟
وكانوا بيعقدوها لاى سبب
حتى لو غسيل واحده من الاردن نقط على غسيل واحده من سوريا
دلوقتى مش قادرين يجتمعوا
دى اوامر
من الطاغيه ابو جزمه قالهم
مفيش قمه يعنى مفيش قمه
تحياتى لك يا هندسه
وكل سنه وانت طيب

بت خيخة وأى كلام يقول...

والله يا محمد
انا خلاص مبقتش قادرة افهم او اصدق اى كلام ممكن يتقال

ناس تقول ان مصر فعلا بتفتح المعبر لكن حماس هى اللى مش عايزة تستلم الحاجات
دى عايزة الحاجات توصلها لحد عندها جوة فى غزة
وبصراحة انا مش فاهمة يعنى ايه مصر تكون فاتحة المعبر وحماس متستلمش الحاجات


وناس تانية تقولك الفلسطنيين ولا على بالهم
وفيه فلسطينيين داخلين بعربياتهم عادى جدا وداخلين علشان يتفسحوا فى مصر




هو انا معاك فى اللى انت بتتطالب بيه
ووجهة نظرك منطقية جدا
بس برضه اكيد وجهة نظرك دى لم تخفى عن حكومتنا
يعنى اكيد فكروا فيها
وكون انهم منفذوهاش يبقى اكيد الموضوع ليه جوانب تانية احنا كمواطنين عاديين برضه مش فاهمينها

السياسة دى بحورها غريقة اوى


ناس بتقول ان حماس هما اللى بيقتلوا الفلسطينين جوة غزة


وانا مش عارفة حماس دى كمان عايزة تعمل ايه
هى عايزة تخلص على اهلها بايديها
هما مش فلسطينيين برضه

princess يقول...

انا برده مبقتش عارفة مين اللى بيكدب ومين اللى بيتكلم صح
شوية يقولوا المعبر مفتوح بس حماس هيا اللى مانعة الجرحى
وشوية يقولوا لا مش مفتوح وان احنا مش هنفتحه غير بوجود مراقبين دوليين
حاجة تفرس

مهندس مصري يقول...

حنا السكران
=============
معاك حق
بعض الناس مصممة على عدم الفهم
شكراً يا جو

احمد كمال
=========
الله يخليك يا هندسة
و ياريت عاجب
مازال البعض في الجايكو ضد فتح المعبر
حقاً انه زمن العجائب

فرنسا هانم
==========
فعلاً رغم ان اوربا عقدت قمة ناقشت موضوع غزة يوم الإتنين اللي فات و احنا مش عارفين نعقد القمة العربية
و كل سنة و حضرتك طيبة

بت خيخة و اي كلام
=================
انتي بتجيبي الكلام الغريب ده منين
بصي في قناة الجزيرة و شوفي مصر و هيا بتفتح المعبر ساعتين و تقفله و ترجع تفتحه و تقفله
بلاش تتفرجي على التلفزيون المصري لإنه مليان كذب و بيجيب التخلف العقلي

محافظ شمال سيناء النطع قال انه مش حيسمح بدخول المساعدات غير لما ينسق مع اسرائيل علشان ما تقصفهاش
رغم انها لو عبرت المعبر بقت مسؤليية حكومة حماس مش مسؤوليته
و بعدها لما وافق على دخول المساعدات قال انا خايف على عربياتي و سواقيني ينضربوا في القصف رغم ان السواقيين مش ممانعيين يخشوا غزة بس هو قال لأ حنوصل المعونات لحد بوابة المعبر و انتوا تتكفلوا بنقلها جوه غزة
تخيلي لما لوري يتفرغ كرتونة كرتونة باليد و يتعبى في عربيات صغيرة علشان يتنقل جوه غزة
انا شفت ده بعيني في قناة الجزيرة
شفتي ندالة اكتر من كده
و كل شوية اسرائيل تقصف الحدود فيتقفل المعبر
و ساعات تانية بيقفلوه غتاتة بدون قصف و لا حاجة

لدرجة فيه مساعدات متكومة في العريش و رفح و ما دخلتش بسبب قفل المعبر المتكرر و إصرار مصر على عدم عبور الشاحنات لداخل القطاع و ضياع الوقت في الشحن و التفريغ عدة مرات

فلسطينين مين اللي داخلين بعربياتهم و دخلوا منين ؟ إذا كان الجرحى بيخرجوا بالعافية و المساعدات بتخش بالقطارة

دا شغل اشاعات قذرة و حرب نفسية

هو انتي فاكرة حكومتنا بتفكر في صالح فلسطين
دا انتي غلبانة قوي
مش انا قلت لك من زمان انك طيبة و غلبانة
حكومتنا بتنفذ اوامر امريكا و تعليمات اسرائيل
لإن مبارك ما يقدرش يدوس لأمريكا على طرف و بيسمع الكلام علشان يرضوا عليه و يثبتوه في الحكم و يورثوا ابنه

و حماس ما بتقتلش حد جوه غزة هو فيه مقاومة بتقتل اهلها و ناسها اللي انتخبوها دي اشاعات و حرب نفسية يا بنتي

اميرة
=====
شوفتي اهو انتي بنفسك اكتشفتي كذب حكومتنا بشوية قوة ملاحظة

لا يا ستي تابعي الجزيرة و انتي تعرفي الحقيقة حماس خرجت جرحى فعلاً بس بعد ما مصر فضلت قافلة المعبر يومين كاملين بعد بداية الضرب

لما ابو الغيط كذب الكذبة المفضوحة دي بتاعة منع حماس للجرحي الجزيرة جابت صورة المعبر في بث حي مباشر من مراسلهم في رفح المصرية اللي ورانا كلنا المعبر مقفول و فضح كذب ابو الغيط

أحمد سعيد بسيوني يقول...

بسم الله

تسلم دماغك ويسلم قلمك

انا باستغرب للناس التي مازالت تشاهد وتاخد الاخبار من قنوات العمالة المصرية

لكم الله يا اهلنا في غزة

mo'men mohamed يقول...

من كام سنة قُتل 5 جنود مصريين على الحدود بنيران إسرائيلية

حد سمع عن الموضوع ده ؟؟!!!

السلام عليكم

šσяšαяαα يقول...

ربنا يكرمك والله يابشمهندس ويجزيك كل خير على التعب دا
تعرف المجهود اللى بذلته دا زى بالظبط واحد شايل ار بى جى وبيشوط فى ملعب القتال:)

واحنا فعلا من صغرنا بنتحقن بالكلام دا وان مصر ام الدنيا وانها المضحية الاولى فى سبيل العروبة
بس لاول مرة فحايتى اتصدم بالشكل واحس انى عاوزة ادفن راسى زى النعامة واتبرى من البلد دى
بس المشكلة ان البلد مش هى السبب
المشكلة ان فى حيتان هى اللى عمالة بتمص فخير البلد وكل العالم دى بتقول ياللا نفسى

ومعاك حق فكل حرف قلته
عالاقل نتلم شوية ونقطع عنهم بنزينة الوقود المجانى اللى بيدمروا بيه الناس الغلابة اللى ملهاش فكل النكد دا غير انهم عاوزين يحسوا ان ليهم بيت وسقف وحنفية مية ولقمة عيش

لك الله ياغزة
لكم الله يا كل المستضعفين فى الارض

ـــــــــــــــــــــ

شكرا على المقال والبيان.. يستاهلو فعلا اننا نقراهم

عاشقه الفردوس يقول...

اله يعزك ويرفع قدرك

ياخيخة الله يكرمك سيبك من كلام الناس الغبية المستسلمه دي

ربنا يرحمنا

ست البيت يقول...

تسلم ايديك وكيبوردك يا مهندس
بنبسط لما ألاقي حد فاهم حاجة

عموما الدعوة والتبرع والتظاهر
السلمي يعني أصل مش حنفيد القضية لما نبقى ورا الشمس
ونناضل من أجل اعلاء كلمة الحق

بجد تسلم ايدك وكلامك وردودك
أحييك بشدة
بس أدعي أنت بس إن شاء الله الدعوة مستجابة منك
أنت لسه راجع من الحج
تقبل الله منك

~*§¦§ Appy §¦§*~ يقول...

هندسه انا عملت الرسايل عندي تعالى ساعدنا بقى

محمد الجرايحى يقول...

السلام عليكم ورحمة الله وبركاته
فى مثل هذه الظروف التى يمر بها قطاع غزة كان المفترض فتح المعبر وبدون مهاترات
ولكن الحجج والأمن القومى وغيره مجرد كلام
لايسمن ولايغنى من جوع....
وحسبنا الله ونعم الوكيل

NIDAAL .R يقول...

بصراحة يا هندسة انا مش عارف اقول ايه غير حسبنا الله ونعم الوكيل
و مؤيدك فى المطالب بس اولها طرد السفير
و بالنسبة للظابط ... ده كدة يبقى الضحية الواحد و الستين على الحدود ... 60 على يد أسرائيل و الحكومة المصرية ما فتحتش بقها
وواحد على أيد احد الملثمين .. الى ممكن يكون محسوب على اى حد و عمل كدة بتكليف لأثارة أزمة و تقليل تعاطف

وأضحك بقى على ابو الزفت الطين القطران .. الغيط
قال ايه .. الرئيس طلب ليفنى لأنه حس قبلها بثلاثة ايام من المؤشرات أن اسرائيل ناوية تعملها .. و قلها انتى يا ست انتى .. أياك تضربوا غزة و اياك تموتوا فلسطينين . ده كان رد ابو الغيط على سبب زيارةليفنى للقاهرة قبل الضرب .
و ان كان فأن دل انما يدل على ان مبارك ما بقاش له لازمة .. و الست مش بتحترم كلام رئيس دولة مصر .. مصر الى كانت سيرتها زمان بتزلزل جبال ... بجد ...وكانت كلمتها مسموعة وواحدة و قاطعة و ملزمة .

أى خدمة
و من أروع بوستاتك على فكرة
مش علشان انت كاتب عن فلسطين
ولكن علشان انت كاتب بقلبك مش بأيدك
بكرة قلبى انا كمان يكبر و يطول الكيبوورد علشان بكتب هو كمان
ههههههههههههههههههه

NIDAAL .R يقول...

يا خيخة صلى على النبى
عليه الصلاة و السلام
و أعملى زى ما البشمهندس بيقولك
ما تتفرجيش على التلفزيون المصرى

ثم أن المفروض أنك ما دام باعتة مواد اغاثية ما تجيش على الحدود و تقفى وتقولى هما ييجوا يخدوخها من هنا .. تبقى انتى كدة مش فرقة أغاثية ..المفروض أن المواد دى بتوصل لغاية اقرب مخزن او مكان التفريغ وعمر ما كان مكان التفريغ للمساعدات الانسانية هو المعبر
صلى على النبى .. عليه أفضل صلاة وسلام

أحسن شاب في البلد يقول...

بص يا عم الحاج
بغض النظر عن المعبر مفتوح و لا مقفول
بغض النظر عن مين غلطان
حكومة مصر مش وطنيين
و حماس برضه مش ملايكة
صواريخهم دي يعني عملت ايه ؟
موتت 2 و اصابت 10 ... يا فرحتي ... لولولولولولي
جابوا الخراب لنفسهم
مش ربنا بيقول " و لا تلقوا بايديكم الي التهلكة " .... " و اعدوا لهم ما استطعتم من قوة و من رباط الخيل .... " مش يجهزوا نفسهم و يبقوا مستعدين قبل ما يحدفوا البمب بتاعهم
مش فيه قاعدة شرعية بتقول درء المفاسد مقدم على جلب المنافع ؟؟
يعني علشان يقولوا احنا هنا .. يتسسببوا في الخراب ده كله
مصر غلطانة في عدم فتحها للمعبر .. و تصدير الغاز و حاجات تانية كتير .. متفقين
بس اللي حماس بتعمله ... يفتقر للتخطيط ... تلطيش و خلاص
و بعدين الجزيرة اللي بيقولوا علينا خونة ... قطر من اوائل الناس اللي عاملة علاقات اقتصادية مع اسرائيل و مكاتب تمثيل تجاري
سوريا اللي عايزانا نحارب .. تروح تشوف الجولان بتاعها الاول
حسن نصر الله اللي عايز 40 مليون من الـ 80 ينزلوا الشارع و يفتحوا المعبر عافية و الشرطة مش هاتقدر تموتهم ... مش ده اللي منع انصاره من النزول للشارع علشان ما يعملش فوضى في لبنان ؟؟
يا عم الحاج مصر غلطانة
بس ده ما يديش الحق لأي كلب يهوهو علينا
اللي ايده في الميه .. مش زي اللي ايده في دورة الميه

مهندس مصري يقول...

بصوا يا جماعة قبل ما ارد عليكم ياريت تقروا الموضوع ده


بشريات النصر القادم باذن الله :)

Walad_Masry يقول...

يا حماعة برضه أنا مصمم إننا عمالين نعيب على حكامنا ووزراءنا ونطلع فيهم القطط الفاطسة ونسينا خالص إننا إحنا سبب المشكلة

كل واحد فينا يبص لنفسه الأول عمل ايه علشان نصرة الدين عمل ايه علشان يعز الدين

كام واحد فينا صلى الفجر حاضر مع الجماعة وإذا كنا مش قادرين نجاهد نفسنا ونصحى ونمشي خطوتين للمسجد أمال هنجاهد أعدءنا إزاي

أرجو قراءة البوست الخاص بنفس الموضوع في مدونتي ربما وضح وجهة النظر

تحياتي

أحسن شاب في البلد يقول...

ماشي يا سيدي ... بعد ما قريت اللينك اللي انت حطيته , انا اقتنعت
حماس شغاله زي الفل ... يا سيدي ربنا يقويهم كمان و كمان
بس برضه .. ده ما يديش الحق لأي كلب يهوهو علينا
لو الشعوب العربية مخونة حكام مصر .. احنا كمان مخونينهم
لو الشعوب العربية مخونة الشعب المصري ... يبقوا غلطانين
لو الحكومات العربية ( واخد لي بالك ) مخونة حكومة مصر ... يبقى لا مؤاخذة ... كل واحد يبص على نفسه الأول قبل ما يتكلم
سواء الأردن او سوريا او لبنان او اليمن او اي دولة من دول الخليج
و سلام

Gannah يقول...

باشمهندس
البوست انا متفقة معاك فيه تماما
أنا اكتشفت فعلا ان فيه ناس كتير استطاع الاعلام تضليلهم وايهامهم بأن فتح المعابر خطر يهدد مصر
بينما هو يهدد مصالحهم مع أمريكا واسرائيل
كما انهم أوهموا الناس أن المعابر هى باب لا قدرة لمصر على التحكم فيه يعنى لو فتحناه كل أهالى غزة هينتقلوا لسيناء
الكلام طبعا ساذج جدااا لكن للأسف الناس مصدقة ومقتنعة
وناسيين أن المعابر سهل التحكم فيها وان المطلوب فقط تمرير المساعدات والجرحى
وان حماس عندها قضية بتدافع عنها ومش مستعدة تترك غزة للصهاينة ولو هو ده الهدف كان سهل جداا تحقيقة
بجد حسبى الله ونعم الوكيل فى كل عملاء الاحتلال اينما كانوا
العميل هو عدو لنا مثله مثل الصهاينة بل هو أكثر خطورة
الصهاينة واضحين أما العملاء فهم يعملون من وراء أقنعة وشعارات الدفاع عن مصر اللى هما خربوها وأصبحت بلد الله وحده يعلم حالها
بوست ممتاز
وكمان قريت مقال ابراهيم عيسى
تحياتى

مهندس مصري يقول...

احمد سعيد بسيوني
=================
الله يسلمك

مؤمن محمد
=========
و لا حد حيسمع و لو سمع كلها شهر و ينساه
:(
و عليكم السلام و رحمة الله و بركاته

صرصارة
=======
الله يخليكي
مش قوي كده يعني
دا كلنا قاعدين في بيوتنا في الأمان و إخواتنا بيموتوا
أي حاجة نعملها هنا ما تسواش حاجة خالص جنب تضحياتهم بأرواحهم

طيب انتي فهمتى و حسيتي لإنك انسانة محترمة بتفهم
الللي يغيظ بقى اللي عارفين اننا غلطانين لكن بيدافعوا عن مصر الرسمية بسبب العصبية الجاهلية القبلية

و بيقولوا قطع لسان كل اللي يجيب سيرة مصر حتى لو كان بيتكلم صح

بس حتى لو كان هو مزايد حقير لو بيقول الحق فده هو المهم

الحق أحق ان يتبع و لو اللي بيقوله لك مش بيعمله حتى المفروض انت تعمله

مش تبقى إمعة و تقول لي إشمعنى

عاشقة الفردوس
==============
الله يخليكي
آميين

ست البيت
=========
الله يسلمك

اللهم انصر المجاهدين و المسلمين اينما كانوا

آبي
====
انا بعتها من امبارح و بتاع 30 ردوا قالوا انهم في اجازة الكريسماس
و باصيت اللنك بتاع بوستك ده على الإيميل لناس ياما

المهم انتي رأيك ايه في البوست ده
عايز اعرف رأيك ضروري
بس يكون رأي منطقى عقلاني

محمد الجرايحي
===========
و عليكم السلام و رحمة الله و بركاته

المصيبة ان التضليل الاعلامي المصري الرهيب نجح في غسيل مخ الكثيرين من المثقفين فما بالك بالبسطاء

نضال
=====
يا سيدي انا قللت سقف المطالب خالص و خليته فتح المعبر بس رغم ان كل المطالب التانية اللي انا ذكرتها مطالب مشروعة تماماً بس الناس خايفة لتقوم حرب مع اسرائيل فانا قلت نفتح المعبر بس و نفضل برضه ندي اسرائيل كل حاجة
يعني نلعب على الحبلين زي غيرنا
بس برضه لقيت لك ناس على الجايكو بتقول لأ فتح المعبر معناه اعلان حرب مع اسرائيل علشان بدون مراقبيين حيتهمونا بتهريب السلاح لحماس و يضربونا

شفت وصلنا لأي درجة من الذل و الخنوع

و مقتل الضابط بيقولك من شهود عيان القوات بتاعتنا هيا اللي ضربت في المليان الاول و قتلت واحد فأبو اللي مات ده رد بالضرب في المليان علطول فقتل الضابط اللي قتل ابنه

و مبارك بقى خيال مآتة ما بيخوفش حد غير المصريين

الله يخليك و يكرمك يا غالي
:)
اصل انا اتفلقت من النقاش مع الجاهلين و المغرضين اللي مصممين ان موقف حكومتنا صح رغم انه فضيحة و كارثة فرديت عليهم بالبوست ده علشان يفهموا
و اللي فاهم و بيكابر يبقى هو خلاص حدد انتماؤه لجانب الصهاينة

و معروف فعلاً في كل حتة ان المساعدات بتتفرغ في المخازن مش على الحدود
حاجة تكسف من ضمن حاجات كتير

احسن شاب في البلد
=================
ضحكتني يا معتز و انا مليش نفس اضحك
بقى اللي ايده في المياه مش زي اللي ايده في دورة المياه
ههههههههههههههههه :))

طيب و حماس دي بقى ايدها في ايه ؟
دا مش ايدها دا جتتها كلها في النار
و كفاية استشهاد واحد من اهم قوادها امبارح هو و اتنين زوجاته و 7 من اولاده

http://almokhtsar.com/news.php?action=show&id=7139

و قبلها هو اللي مودع إبنه قبل ما يبعته في عملية فدائية استشهد فيها

ربنا بيقول اعدوا لهم ما استطعتم من قوة

جميل

حد قالك ان كان في ايدهم يعملوا حاجة اكتر من كده و ما عملوهاش في ظل حصارنا الخانق لهم مع اسرائيل

و ما سألتش نفسك ايه البديل ؟
يا اما يستسلموا
يا اما يموتوا من الجوع و المرض تحت الحصار

و لو رفعوا صوتهم نقول لهم هس موتوا بالراحة مش عاوزين دوشة
مش عارفين تموتوا بهدوء و لا ايه ؟ ايه الصداع ده ؟

و لو طلبوا فتح المعبر اللي هوا حقهم طبقاً للقانون الدولي نقول لهم لأ استسلموا الاول و رجعوا عباس الخاين يعتقلكم و يعذبكم و يسلمكم لإسرائيل و ساعتها بس نفتح المعبر
طيب يرضي مين يا مسلمين

و لا تلقوا بايدكم الى التهلكة

لو حضرتك كلفت نفسك و بصيت على تفسير ابن كثير للآية على جهاز الكمبيوتر عندك حتلاقيه كاتب ايه ؟

الآية نزلت في الأنصار تحثهم على الجهاد بالمال فهي تقول { وأنفقوا في سبيل الله } وسبيل الله: طريق مجاهدة الصادِّين عن سبيله ومنهجه، الذي شرعه لعباده. وقوله سبحانه: { ولا تلقوا بأيديكم إلى التهلكة } أي: ولا تتركوا النفقة في سبيل الله، فإن الله يعوضكم عنها أجرًا، ويرزقكم في العاجل قبل الآجل .

و تفسير الآية و سبب نزولها في اللينك ده
http://www.islamweb.net/ver2/Archive/readArt.php?lang=A&id=59561

يعني بتحثنا على النفقة في سبيل الله و لو امسكنا اموالنا عن الجهاد بها في سبيل الله يبقى ساعتها ببخلنا ده احنا بنلقي بايدينا الى التهلكة

أظن واضح و مفهوم

بالنسبة لتخطيط حماس
شوف اللينك اللي في تعليقي اللي قبل ده

سوريا مزايدة و بتجعجع على الفاضي
بس على الاقل قادة الفصائل قاعدين عندها و بيقولوا في معسكرات تدريب عندها كمان
بس هيا بتجعجع جعجعة ياما بالاونطة و احسن رد عليها هو بوستات احمد زيدان
بص على مدونته في السايد بار ده معارض سوري و مدير مكتب قناة الجزيرة في باكستان

حسن نصر الله انت عارف رأيي فيه من زمان

و اللي خلى الكلاب تهوهو علينا اننا ماشيين غلط
و المثل بيقول امشي عدل يحتار عدوك فيك

مشي حكومتنا عوج و كمان مش عايزة تتشتم و عاملة فيها خضرا الشريفة

حأصلي الجمعة و ارجع اكمل رد

مهندس مصري يقول...

سبب نزول قوله تعالى: { ولا تلقوا بأيديكم إلى التهلكة }
http://www.islamweb.net/ver2/Archive/readArt.php?lang=A&id=59561

الخميس :01/06/2006
(إسلام ويب)

إسلام ويب >> القرآن الكريم >> أسباب النزول





غابة

في مقال سابق لنا، تحدثنا عن علم أسباب النزول، وبيَّنا أن هذا العلم من علوم القرآن المهمة، التي أولى العلماء به عنايتهم؛ إذ في معرفة هذا العلم عون لقارئ كتاب الله على فهم المراد من الآيات، ومعرفة مقصودها وحِكَمِها .

وتبيانًا لذلك، نحاول في مقالنا التالي أن نقف على سبب نزول قوله تعالى: { ولا تلقوا بأيديكم إلى التهلكة } (البقرة:195) لنتعرف في ضوء ما ورد من أسباب نزول هذه الآية على المقصود منها .

ونسارع إلى القول فنقول: إن أهل العلم قد ذكروا لنزول هذه الآية أسبابًا عديدة، نبدأها بما جاء في البخاري من حديث حذيفة رضي الله عنه: في قوله تعالى: { وأنفقوا في سبيل الله ولا تلقوا بأيديكم إلى التهلكة } قال: نزلت في النفقة؛ وإلى هذا المعنى ذهب البخاري إذ لم يذكر غيره، وهو أصح ما جاء في سبب نزول هذه الآية. والمعنى على هذا يكون: { وأنفقوا في سبيل الله } وسبيل الله: طريق مجاهدة الصادِّين عن سبيله ومنهجه، الذي شرعه لعباده. وقوله سبحانه: { ولا تلقوا بأيديكم إلى التهلكة } أي: ولا تتركوا النفقة في سبيل الله، فإن الله يعوضكم عنها أجرًا، ويرزقكم في العاجل قبل الآجل .

وروى الإمام أحمد في "مسنده" عن البراء بن عازب وقد سئل عن: الرجل يحمل على المشركين أهو ممن ألقى بيده إلى التهلكة ؟ قال: لا؛ لأن الله عز وجل بعث رسوله صلى الله عليه وسلم: فقال: { فقاتل في سبيل الله لا تكلف إلا نفسك } (النساء:84) إنما ذاك في النفقة .

وعند أبي داود و الترمذي وغيرهما، من طريق أسلم أبي عمران ، قال: غزونا من المدينة نريد القسطنطينية، وعلى الجماعة عبد الرحمن بن خالد بن الوليد والروم ملصقو ظهورهم بحائط المدينة، فحمل رجل على العدو، فقال الناس: مه مه !! لا إله إلا الله، يلقي بيديه إلى التهلكة، فقال أبو أيوب : إنما نزلت هذه الآية فينا معشر الأنصار؛ لما نصر الله نبيه، وأظهر الإسلام، قلنا: هلم نقيم في أموالنا ونصلحها، فأنزل الله تعالى: { وأنفقوا في سبيل الله ولا تلقوا بأيديكم إلى التهلكة } فالإلقاء بالأيدي إلى التهلكة أن نقيم في أموالنا ونصلحها وندع الجهاد. قال أبو عمران فلم يزل أبو أيوب رضي الله عنه يجاهد في سبيل الله حتى دفن بالقسطنطينية؛ فكانت التهلكة في الإقامة في الأهل والمال وترك الجهاد .

قال عامة أهل العلم: المعنى لا تلقوا بأيديكم بأن تتركوا النفقة في سبيل الله، وتخافوا الفقر، فيقول الرجل: ليس عندي ما أنفقه؛ وقد روي عن ابن عباس رضي الله عنهما، أنه قال: أنفق في سبيل الله، وإن لم يكن لك إلا سهم أو مشقص، ولا يقولن أحدكم: لا أجد شيئًا .

وعنه أيضًا: { ولا تلقوا بأيديكم إلى التهلكة } قال: ليس التهلكة أن يُقتل الرجل في سبيل الله، ولكنْ الإمساك عن النفقة في سبيل الله .

وقد رويَ في سبب نزول هذه الآية - غير ما تقدم - أن الأنصار كان احتبس عليهم بعض الرزق، وكانوا قد أنفقوا نفقات، فساء ظنهم، وأمسكوا، فأنزل الله: { وأنفقوا في سبيل الله ولا تلقوا بأيديكم إلى التهلكة } قال: وكانت التهلكة سوء ظنهم، وإمساكهم .

ومما قيل أيضًا في سبب نزول هذه الآية: { ولا تلقوا بأيديكم } فيما أصبتم من الآثام { إلى التهلكة } فتيأسوا من رحمة الله، ولكن ارجوا رحمته، واعملوا الخيرات؛ فعن البراء بن عازب رضي الله عنه، قال في قوله تعالى: { ولا تلقوا بأيديكم إلى التهلكة } قال: هو الرجل يصيب الذنوب، فيُلقي بيده إلى التهلكة، يقول: لا توبة لي !

قال الطبري بعد أن عرض لأسباب نزول هذه الآية: ( والصواب من القول في ذلك عندي، أن يقال: إن الله جل ثناؤه أمر بالإنفاق في سبيله، بقوله: { وأنفقوا في سبيل الله } وسبيله: طريقه الذي شرعه لعباده وأوضحه لهم. ومعنى ذلك: وأنفقوا في إعزاز ديني الذي شرعته لكم، بجهاد عدوكم الناصبين لكم الحرب على الكفر بي، ونهاهم أن يلقوا بأيديهم إلى التهلكة، فقال: { ولا تلقوا بأيديكم إلى التهلكة } .

ثم يتابع الطبري فيقول: و( كذلك الآئس من رحمة الله، لذنب سلف منه، ملق بيديه إلى التهلكة، لأن الله قد نهى عن ذلك، فقال: { ولا تيأسوا من روح الله إنه لا ييأس من روح الله إلا القوم الكافرون } (يوسف:87) وكذلك التارك غزو المشركين وجهادهم، في حال وجوب ذلك عليه، وفي حال حاجة المسلمين إليه، مضيِّع فرضًا، ملقٍ بيده إلى التهلكة. فإذ كانت هذه المعاني كلها يحتملها قوله: { ولا تلقوا بأيديكم إلى التهلكة } ولم يكن الله عز وجل خص منها شيئًا دون شيء، فالصواب من القول في ذلك، أن يقال: إن الله نهى عن الإلقاء بأيدينا لما فيه هلاكنا، والاستسلام للهلكة - وهي العذاب - بترك ما لزمنا من فرائضه ) .

ومضمون الآية - كما قال ابن كثير -: الأمر بالإنفاق في سبيل الله، في سائر وجوه القربات، ووجوه الطاعات، وخاصة صرف الأموال في قتال الأعداء، وبذلها فيما يقوى به المسلمون على عدوهم، والإخبار عن ترك فعل ذلك بأنه هلاك ودمار .

وعلى ضوء ما ذكرنا من أسباب نزول هذه الآية، لا يبقى مُتَمَسَّكٌ لمن ذهب إلى القول بأن هذه الآية تدل على ترك الجهاد والقعود عنه، خوف الهلكة، بل مطلوب الآية ومقصودها عكس ذلك تمامًا .

مهندس مصري يقول...

ولد مصري
=========
ماشي حضرتك معاك حق
بس مش معنى كده اننا نصمت على الاكاذيب المفضوحة و نترك الساحة الخالية للمضللين
حتى يكتمل ايماننا

بل يجب ان نعمل في كلا الجبهتين

احسن شاب في البلد
=================
طيب كويس انك اقتنعت

و انا موافقك تماماً
بس مفيش حد من الشعوب العربية بيخون الشعب المصري
كلهم بيخونوا مبارك العميل و حكومته

و قلة مريضة بس هي اللي فتحت بقها على الشعب المصري و لو اني ما سمعتش اي كلب منهم لحد دلوقت

جنة
====
افضل رد للإدعاءات الوهمية دي هو عودة العالقين الفلسطينين من رفح و العريش الى داخل القطاع رغم القصف المستمر حالياً
http://arabic.wafa.ps/arabic/942951028260.html

يارب الناس تفهم بقى

شكراً يا دكتورة

ali يقول...

كثر الحديث ما يفعل الحديث المنمق , من هو مع ومن هو ضد .
أظن أننا بحاجة لوقفة مع الذات نوضح فيها امرين إثنين :
1- من هو العدو ومن هو الصديق .
فالأقدمون قالوا سابقاً ‘رف عدوك .
2- نحن بحاجة للصدق مع اننفسنا قبل الصدق مع الله ، فالله سيعيننا الإيمان والطاعة .
أين الذين تبرعوا بعد هجمات امريكا بملايين الدولارات أين من ملأوا القنوات الفضائية بأراهم المتأمركة .
لاوالله لن ترضى عنك اليهود والنصارى حتى تتبع ملتهم 00000

جبهة التهييس الشعبية يقول...

عندي سؤال يا محمد

ماحدش بيجيب سيرة الفلسطيني اللي اتقتل على حدود مصر ليه؟

طيب فيه ظابط اتقتل
وفلسطيني اتقتل، وللا الفلسطيني ده دمه حلال؟

واسم الله عليك، ايوة حلايب وشلاتين

يعني معبر حلايب وشلاتين مقفول عشان اللي بيحصل في دارفور؟
اتقفل لما كان الجنوب والشمال بيتقاتلوا؟

مالنا احنا الفلسطينيين متخانقين مع بعض؟

يعني قاعد على قلبنا غصب عنا
وكمان عايز يجبر الفلسطينيين يختاروا حكومة تعجبه هو يا اما يموتوا من الجوع والقصف؟

تسلم ايدك

مهندس مصري يقول...

علي ضوا
=======
للأسف فيه حملة تضليل اعلامية رهيبة لحد ما ناس حصل لها غسيل مخ و ما بقاتش عارفة مين العدو و مين الصديق

فعلاً صدق الله العظيم

جبهة التهييس الشعبية
=====================
لا اصل مش فارق واحد مات مننا اذا كانت اسرائيل قتلت 400

تحسي ان الموضوع بقى فيه نعرة العصبية القبلية الجاهلية

و كأن المصري من طينة و الفلسطيني من طينة تانية

منتظر رأيك في التحديث
:)

الله يسلمك

Ahmed Al-Sabbagh يقول...

بص يا ريس انت جبت اللبة وكشفت الفولة
وقطعت فرط الموضوع
ناقص مقال نوارة عن قادة حماس
ومقالك ومقال ابراهيم عيسى ومقال نوارة
يتحطوا فى عنين اى واحد بيزايد الجوز
الموضوع واضح زى الشمس
انا كنت قريت مقال ابراهيم عيسى الاربعاء
بس ما كنتش قريت بيان علماء الازهر بخصوص الشهيد

بص هى كلمة
لو احنا خزيانين ومتخاذلين ومستضعفين ومش عايزين ناخد أى موقف
يبقى ياريت بلاش نتحجج بحجج تضحك علينا العالم

ينصر دينك يا محمد

mahasen saber يقول...

الله ينور عليك يا محمد قلت الصح بحذافيره شوية خونه ويقولوا عليهم رسل سلام
وحماس ومجاهديها يصوروهم انهم هما الاساس والسبب فى اليى بيحصل
حسبى الله ونعم الوكيل والمشكله ان كدبتهم فيه اليى عنده استعداد لتصديقئها
ربنا يلطف بينا المعايير اتشقلبت والمفاهيم خلاص اتلتخطت بالسواد

مهندس مصري يقول...

احمد الصباغ
===========
بالضبط يا احمد
فليقل خيراً او ليصمت

مش لازم الخيانة تكون فضيحتها بجلاجل

محاسن صابر
==========
بس ياريت الناس اللي معمول لها غسيل مخ تقرا و تفهم و تفوق بقى

الله يكرمك يا محاسن إقري اللينكات اللي في الموضوع حتوضح لك اكتر

بت خيخة وأى كلام يقول...

طب ما اهوه احنا بنوصل الحاجات لحد البوابة
هو ايه اللى المفروض نعمله تانى
مايجوا بقى بتوع حماس ياخدوا المساعدات من عند الباوبة
ما هو احنا برضه مش مطالبين ندخل بعد البوابة لحد قطاع غزة علشان نوصل الاعانات

يعنى انا مثلا محتاجة كيس سكر من جارتى
وجارتى جابتلى كيس السكر لحد باب شقتى

هل المفروض ان جارتى دى تيجى تسيبلى كيس السكر عند باب المطبخ
طب ما اروح انا عند الباب علشان اخد كيس السكر اللى انا محتاجاه واللى جارتى اتكرمت وجابتهولى لحد باب بيتى

ولا علشان فيه شوية كلاب فى الصالة وانا خايفة منهم
اقوم اقول لا انا مش هاخرج من اوضة النوم علشان الكلاب ماتعضنيش
جارتى هى اللى تدخل الصالة وتسيب كيس السكر فى المطبخ
طب ما الكلاب دى هتعض جارتى

انا كدة فى تشبيهى ده
فاهمة الموضوع صح ولا ايه؟

لو انا مش فاهمة
ياريت يا محمد
تفهمنى بضرب مثل مشابه علشان افهم
لانك قلتها بنفسك التلفزيون المصرى والجرايد وكلام الناس الفلسطينين قبل المصريين
جابولى تخلف عقلى
ومحسوبتك خيخة
كلمة توديها وكلمة تجيبها

وبراحة عليا وانت بتشرحلى ومتشخطش فيا كدة
علشان انا اعصابى بتسيب من الشخط
وممكن اعمل بي بي على نفسى


سلام
اختك خيخة

مهندس مصري يقول...

بت خيخة و اي كلام
================
انتي قريتي ردي عليكي و على بقية التعليقات كويس و لا لأ
و قريتي التحديث و لا لأ
يا بنتي انا مش بأشخط فيكي
انتي اختي و صعبان عليا حيرتك و عدم فهمك
شوفي تعليقات نضال و رده عليكي

يا ستي المساعدات بتيجي بطيارات و بتتفرغ منها على لواري و اللواري دي المفروض تفرغ حمولتها في مخازن و مراكز التوزيع في غزة
و السواقين موافقين و اصحاب اللواري موافقين
يبقى بأي حق حكومتنا تتدخل و تمنعهم يوصلوا الحاجة للمخازن و مراكز التوزيع

هيا خايفة عليهم اكتر من نفسهم

يعني مثلاً لو عندي دقيق طالع من مطاحن البحيرة و رايح مخابز اسكندرية
المفروض لو المحافظتين متخانقين انزل الدقيق عند بوابة اسكندرية قبل ابيس
و يرجع يتحمل على لواري تانية و نضيع الوقت
و لا المفروض نفس العربيات تكمل لحد ما توصله للمخابز و يتعجن و يخبز و يتعمل عيش بسرعة
و لا نضيع وقت في الشيل و الحط و نسيب الناس تموت من الجوع علشان اجراءات روتينية عقيمة غرضها العطلة و مش بتتعمل في اي مكان في العالم

طيب و مانعيين الاطباء المتطوعين و مستشفاياتهم الميدانية من دخول غزة ليه و لاطعينهم بقالهم اسبوع على المعبر

المدونة نورا يونس هناك في رفح من يومين و بتحكي مهازل بتعملها حكومتنا
شوفي مدونتها http://norayounis.com/

و اخيراً المثال بتاعك غلط جداً
اذا كنتي انتي متعورة في اوضة النوم
و جارتك جايبة لك شاش و قطن علشان تلحقك و توقف النزيف و شلالات الدم اللي بتخر منك
و انتي متعورة جامد و بتقفي على رجليكي بالعافية

و اللي عورك طوبة حدفوها عيال من الشارع و لسه بيحدفوا الطوب لغاية دلوقت

جارتك حترمي لك الشاش و القطن على باب شقتك و ترجع شقتها خوفاً من الطوب و تسيبك تنزفي
و لا حتخش لحد عندك و تربط لك الجرح خصوصاً انك لوحدك في الشقة

بل و ممكن تدلق مية وسخة على شوية الصيع اللي بيحدفوا بالطوب من الشارع

انما احنا بقينا عاملين زي ما نكون جارتك و شايفينك بتنزفي و رغم ان عيال جارتك جابوا الشاش و القطن هيا حيشاهم و بتقول لأ سيبوهم يحدفوها بالطوب لإنها مش بتحبك بسبب خناقة سابقة بينكم و شوية ضغائن شخصية
و في نفس الوقت بتقول عليكي انتي اللي غلطانة لإنك انتي اللي شتمتي شوية الصيع دول لما حدفوكي بالطوب قبل كده في الشارع قدام بيتكم
و بتقول انا حذرتها ان دول عيال صيع و ممكن يؤذوها و ما دام ما سمعتش كلامي خليها تشرب بقى ان شالله تموت حتى
و في نفس الوقت جارتك مضبطة مع اختك اللي عايزة تورث الشقة بعد ما تموتي انتي من ضرب الطوب و اختك متفقة مع العيال اللي بيحدفوا طوب عليكي

انتي حماس و اهل غزة
جارتك حكومة مصر
العيال الصيع اسرائيل
عيال جارتك شعب مصر
اختك هي فتح و حكومة عباس الخاين في رام الله


يارب تكوني فهمتي بقى

و نصيحة شوفي الجزيرة و انتي تفهمي
و بلاش تتفرجي على الوساخة اللي في تلفزيوناتنا و جرايدنا الحكومية

صفـــــــاء يقول...

.
على ذكر المعونات

الهلال الاحمر القطرى أسترجع المعونات بتاعته تانى وأعلن ان المصرين رفضو أنزالها من الطائرة وعبورها وانهم اضطرو أسفين لأرجاعها الى قطر مرة اخرى
.

بت خيخة وأى كلام يقول...

لا مبقراش تعليقات
وخدت بالى بالى بسرعة كدة من التحديثات وفهمت انها موجهة ليا
ولا مش هاتفرج على الجزيرة

انا مصدقاك

طب خلينا فى المثل بتاعك
جارتى متعورة وقاعدة فى اوضة النوم ومش قادرة تتحرك
ماهو لو انا دخلت الشقة العيال الصيع هيعورونى انا كمان
يبقى كدة عملنا ايه؟
يبقى كدة انا وجارتى متعورين
هى متعورة فى اوضة النوم وانا اتعورت فى الصالة
ودمنا سايح احنا الاتنين
والشاش والقطن مرمى برة على الباب ومتنطور فى الصالة

هيبقى ايه الحل بقى؟

انا اقولك الحل
الحل ان احنا مندخلش من الباب
وندخل من شباك اوضة النوم

صح كدة؟

حد بقى يشوفلنا شباك ندخل منه

بس خلاص
سلام
اختك خيخة

بت خيخة وأى كلام يقول...

قريت تعليق نضال

بص يا محمد
كلامك جميل
وحكاية ان سواقين اللورى يدخلوا ويختصروا وقت والكلام ده كله كويس جدا

بس فيه مثل بيقولك نص العمى ولا العمى كله

لو خلاص حكومتنا مزنوقة اوى ومغتتة علينا ومش عايزوة تدخل اللوريات
مش مشكلة
بلاش نقف للتفاهات دى
الهدف ان الحاجات توصل لاهل غزة باى طريقة
وصلت بقى علطول ومباشرة بدخول اللوريات كان بها ونحمد ربنا ونشكره
وصلت متأخرة شوية بسبب تقفيل دماغ الحكومة ومصممة ان الوريات والعرلابيات والقوافل متعديش البوابة مش مشكلة
نفرغ الحمولة ونشحنها فى عربيات بتاعة فلسطين

المهم ان الحاجات توصل فعلا ومتفضلش مرمية عند البوابة
هو ده الهدف ان الإعانات توصل بأى طريقة

مهندس مصري يقول...

بت خيخة و اي كلام
===================
لا يا ستي
الحل في المية الوسخة
تحدفي عليهم من بلكونتك مياه وسخة فيجروا بعيد و يروحوا ينضفوا نفسهم
عقبال ما تطلبي البوليس و لا تشوفي صرفة

المياه الوسخة : هي ضغط دبلوماسي كبير مساند لحماس و المقاومة
و إدخال كل المساعدات فوراً
مش نآخد صف اسرائيل و يبقى منظرنا زبالة كده اكتر ما هو زبالة من الاول

و اقري لينكات التحديثات لإنها مهمة جداً
و ما كانتش موجهة ليكي لو قريتي التعليقات كنت فهمتي هيا متوجهة لمين

و الإعانات بتوصل دلوقتي فعلاً بس بالقطارة

يعني حماس رضيت بنص العمى بس حكومتنا مش عاجبها و كل شوية تقفل المعبر غتاتة كده لمدة كام ساعة و بعدها ترجع تفتحه و تمرر منه القليل من المساعدات

احنا بننقطهم بالمساعدات رغم انها متكومة في مطار العريش و على طول الطريق من العريش لرفح

ثم لغاية دلوقتي ما سمحناش بدخول الدكاترة المتطوعين و المستشفيات الميدانية اللي موجودين على المعبر من يوم الاحد اللي فات ليه ؟
مش دي خيانة

تصدقي لولا اني عارفك يا خيخة كنت قلت انك بتستعبطي
بس انا عارف انك طيبة و غلبانة

امام الجيل يقول...

ما شاء الله

ربنا يكرمك يا بشمهندس
اجبت عن كل النقاط

وبالمستندات
:)

والله المشكلة دلوقتى مش فى الحكومة ولا المسئولين انا شايف انها فى الناس اللى صدقت وبتقول نفس الكلام
سواء بفهم او بدون فهم

وكتروا اوى على فكرة
بس اعتقد الاكثر منهم مش متابع بشكل كبير بس شايف الاعلام الحكومى بيقول كده والكلام ماشى على هواه فبيردده

جميل اوى اللى قلته عن المعابر فعلا لو عندهم حسن نية هيعرفوا ازاى ينظموا الدخول والخروج بكل السبل اللى عيزنها مش هيغلبوا

عرفوا بكل خبث يوجهوا كل السهام اللى ضدهم انها تبقى ليهم بسماعدة الاعلام

المشكلة اننا بنتراجع خطوات كتيرة اوى بعد ما كان اقل القليل ان الناس تبقى سلبية دلوقتى بقت متحاملة

يعدبن هيعملوا ايه هيمسكوا رشاشت وهيجاهدوا مع الصهاينة
:(

احمد ربنا انك مش فى مصر اليومين دول
والا كنت التزمت البيت من كلامك مع الناس ومن الحوارات معاهم
مش كل الناس كده اكيد بس كتروا اوى للاسف اليومين دول

شفت بقى للغربة فوائد ازاى
:))

TAFATEFO يقول...

بالظبط يا فندم

لابد من فتح المعبر بصوره طبيعيه .. زي ما قال خالد مشعل رداً على سونه أجدع ناس النهارده

احنا في حالة حرب .. والحصار أيضاً حالة حرب .. ولو كنت بتدور على الشرعيه فالقانون الدولي ينص على فتح المعابر في حالة الحرب

مبارك فضحنا إلهي يفضحه .. بس برضه أرحم من إله الغيظ

mido يقول...

و شوف الثلاث مقالات دول

http://www.tadwen.com/melhamy/

الجديد والمرعب في مذبحة غزة

عاشــــــ النقاب ـقــــة"نونو" يقول...

اه والله الله يبارك لك اياك ال-----
تفهم
بس اللي عاوز يفهم بيفهم ومش محتاج حد ينور له الظلام اللي معبي بيه قلبه وعقله
ربنا ينصر المسلمين والاسلام ويفك عنهم وعنا يارب امين
تحياتي

ana ga3an يقول...

معلش اعذرني
كلامنا مش هايجيب نتيجة
ربما نعتني البعض بالانهزامي والمستسلم
بل ربما نعتوني بالعميل
بس للاسف مفيش فايدة من كلامي او كلامك
او كلام اي حد
و9 سنين عدوان علي غزة
تثبت صحة نظريتي

TIMMY !! يقول...

بص ي باشمهندس محمد.

أنا خلاص زهقت ,

ما حدش هيقدر يعمل حاجة ..

هنقعد نتكلم و نحرق في دمنا و المفروض و القانون و ..

و في الآخر اللي في دماغهم هيعملوه !!

يا محمد يا أخو زميلي احنا " عرب " !!

بالمناسبة , " عرب " دي شتيمة !!

دكتور حر يقول...

ايه رأيك بقى اني انا هدعيلك على البوست ده دعاء مش تتوقعه خالص

روح يا شيخ ربنا يرجعك من السعودية كرمان غنمان

يارب

بت خيخة وأى كلام يقول...

ضغط دبلوماسى ايه؟

ضغط دبلوماسى كبييييير ؟

ازاى يعنى

مين اللى يضغط

ومين اللى يضغط عليه


مصر اللى تضغط؟
ونضغط على مين على اسرائيل؟

يا خى ......... ولا بلاش
انا قلت انى هابطل الاباحة


اهوه انا كدة اقدر اقولك بكل ثقة
انك بتحلم يا محمد

وبتحلم حلم وردى جدااااااااااااا

يا بنى اللى بتقوله ده مش هيحصل غير فى الاحلام وبس

احنا لو كنا عايزين نعمل ضغط دبلوماسى كنا عملنا من زمان مش نستنى لحد ما الحالة تبقى مقطرنة بقطران وسخ
ونيجى نتكلم عن الضغط الدبلوماسى


لو حكومتنا عندها شوية من الاحمر وشوية من الكرامة وشوية من الايمان بالله وحده وعرفت ان ماينفعش حد يخاف غير من ربنا بس

كنا اتحركنا من زمان
وكنا عملنا اكتر من الضغط الدبلوماسى اللى انت بتقول عليه


لكن خلينا متفقين ان حكومتنا المباركة الله لا يباركلها
معندهاش حاجة من االعوامل اللى بقول عليها
فبالتالى
نقبل بنص العمى
ونقبل بنظام القطارة اللى هى عملاه عند الحدود
المهم ان الحاجة توصل لاهل غزة

احسن مايمنعوها خالص


وبرضه انا شايفة ان احنا ندور على شباك لاوضة النوم وندخل منه



ولأ مش هاقرا اللينكات
بس بقى ها

مش عايزة انا اقرا حاجات تنرفزنى

اقرا انت واشرحلى وانا مصدقاك وبثق فى كلامك


سلام
اختك خيخة

اه صحيح
متبعتليش لينكات تانى على الايميل
مش بقراهم برضه

النجم القادم يقول...

رلابنا يباركلك يا هندسة

لا تعليق على كلامك ربنا يعزك ياااااارب

Ahmed Shokeir يقول...

طيب واضح انك حللت كل الامور المتعلقة بالقضية وفك اللبس اللي كتير واقغين فيه ... لكن ماقولك في المزايدات اللي بتحصل دلوقتي على حسن نصر الله .. اعتقد ان دي نقطة محتاجة تحليل في الموضوع الوافي ده

مهندس مصري يقول...

إمام الجيل
==========
الله يخليك
انا عارف ان اللي مغسول مخهم بقوا كتير قوي و دي محاولة للرد عليهم يمكن يفهموا

و مش حتعرف مرارة الغربة غير لما تجربها

طفاطيفو
========
كلهم ازفت من بعض
و برضه منتظر فيديو ابو الغيط مع العربية
:)

ميدو
=====
شفتهم شكراً

عاشقة النقاب
=============
آميين آمييين آميين

انا جعان
=========
انت حر في وجهة نظرك
بس انا مقدر إحباطك

تيمي
=====
ربنا يقوي المقاومة و تكبد اسرائيل في هجومها البري خسائر فادحة
و هو ده الشئ الوحيد اللي حيغير موازين الأمور

دكتور حر
=========
ربنا يكرمك و ييسر لك ما فيه الخير
قول آميين
:)

بنت خيخة و اي كلام
==================
ازاي دي

بحملة في الجامعة العربية و المؤتمر الإسلامي و دول عدم الإنحياز و الأمم المتحدة و خاصة الجمعية العامة لإنها مفيهاش فيتو زي مجلس الامن
نقدر نطرد السفير و نسحب سفيرنا
نقدر نقطع عنهم الغاز و البترول اللي بيشغلوا بيه دباباتهم و طياراتهم اللي بتضرب غزة
و نتحجج ان ده تنفيذاً لحكم محكمة القضاء الإداري بمنع تصدير الغاز ليهم
نمنع اليهود من إقامة مولد ابو حصيرة بتاعهم في دمنهور اللي بسببه بيتم استنفار 50 الف جندي لحماية 300 يهودي فقط

نقدر نعمل كتير بشكل دبلوماسي و إقتصادي

لكن لأن حكومتنا وسخة و جبانة انا ما طلبتش منها كل ده
بل طلبت فتح المعبر بس بشكل كامل مش بالقطارة لإن ده اضعف الإيمان و الناس بتموت و لازم نلحق اللي نقدر نلحقه قبل ما يموت

لكن حكومتنا و ريسنا طلعوا حتى اجبن و اضعف من انهم يفتحوا المعبر
و الريس بتاعنا بيقول لازم آخد إذن من إسرائيل الاول
يعني حتي مش عارفين نتحكم في حدودنا و نفرض سيادتنا عليها

بالنسبة لعدم قراءة اللينكات

إنتي حرة و انا مش حأشرح حاجة

إرحميني يا خيخة و قدري إني بأصحى الصبح بدري قوي و اصلي و انزل اسوق 75 كم في درجة حرارة تحت الصفر لحد الموقع و بعدها اقف في الشغل من الساعة 8 ص لحد 4 م و بعدين ارجع 75 كم تاني لحد ما ارجع مدينة حائل
و بعدها احضر الغداء لو جاهز و حيتسخن و ممكن اقعد اطبخ كمان
و بعد الغداء غسيل الاطباق و ممكن يطلع لي شغل تاني من اشغال البيت
كنس او غسيل او احتاج اشتري حاجة من السوق او البقال فارجع اركب العربية و اسوق للحتت دي تاني
و كل ده و انا راجع هلكان من الشغل
و بعدها اخش النت و اتابع مدونتي و اكتب فيها و ارد على التعليقات
و لازم اتابع مدونات الناس اللي عندي في الريدر و دول كتير قوي بصي عليهم في السايد بار
و اقرأ الجديد عندهم و اعلق على اللي يستاهل التعليق
و اتابع الأخبار سواء من النت او الدش

و اشوف إيميلاتي التلاتة و الفيس بوك و الجايكو

و بعد ده كله الاقي وقت و مجهود ألخص لك محتوى اللينكات امتى و ازاي و بأنهي دماغ


بصي يا ام شريف

لما احط لينك تأكدي انه مهم و ما ينفعش يتلخص و اني لو كنت اعرف اقول اللي فيه كنت قلته من الاول هنا

يبقى عايزة تفهمي الموضوع بشكل متكامل يبقى تفتحي اللينكات لإني مش حاططهم زينة و لا عياقة

انما لو عايزة فهمك للموضوع يكون منقوص يبقى براحتك

و انا ابقى غلطان لو بعت لك لينكات على الميل تاني

بوسي لي شريف :) و سلمي لي على هاني
و قولي له محمد بيقولك انت من الصابرين و ربنا أكيد حيكتب لك درجة عالية في الجنة و نعيمها

النجم القادم
=============
الله يخليك يا جاري يا غالي

احمد شقير
========
طيب و حضرتك ما وضحتش هل انت مقتنع برأيي و لا فيه اي ملاحظة او إعتراض ؟

حسن نصر الله ما يقدرش يفتح جبهة من عنده لإن هناك الكثيرون ممن يتربصون به و قوات اليونيفيل تحتل جنوب نهر الليطاني الآن و حيكون هو الخسران سياسياً خاصة بعد ان حصل و حلفاؤه على ثلث الحكومة و انتخب الرئيس الذي وافق عليه

اما رأيي فيه بالتفصيل فياريت حضرتك تقرأ البوست ده

سلامتها ام حسن من شوشو و من حسن

بت خيخة وأى كلام يقول...

ايه يا عم انت
انت داخل فيا شمال كدة ليه
هو الواحد مايعرفش يبوء ببؤين عندك هنا

انا عارفة طبعا انك لما بتحط لينك يبقى مهم
بس ده لما يكون لينك واحد مش عشرين لينك
ما هو انا كمان ورايا اشغال زى سيادتك
اى نعم اشغال عن اشغال تفرق
بس عندى اشغال برضه
حتى ولو كانت اشغال خيخية بحتة من وجهة نظرك

المهم يعنى
عايزة اتناقش فة نقطة جت فى بالى دلوقتى

لو اتفقنا على عدم وجود للدولة الاسرائيلية
وان اسرائيل دى مجرد مجموعة من الناس محتلين الاراضى الفلسطينية
يعنى فى الاساس اسمها فلسطين ومافيش حاجة اسمها اسرائيل

واحنا زعلانين اوى على اننا بنمد الغاز لاسرائيل اللى هى فى الاساس فلسطين

لو منعنا الغاز ده
مش احنا كدة بنمنعه عن الفلسطينين برضه اللى عايشين هناك؟


مجرد سؤال جه فى دماغى دلوقتى

هيكون ايه الحل لو منعنا الغاز
هل الفلسطينين مش هيتأثروا بمنعنا للغاز؟


بس خلاص

سلام
اختك خيخة

Ahmed Shokeir يقول...

بالطبع متفق مع نقاط كتيرة من تحليلك .. لكن غير متفق تماما مع ان يكون رأيك مع اللينك اللي انت شايف انه بيعبر عن رايك في موضوع حسن نصر الله وبصراحة مستغرب إزاي تكون تحليلاتك كده ومرتبة كده ، وفي النهاية تتفق مع لينك فاشل وعنصري بالشكل ده .. يعني فيه موضوعيه في تحليلك واللينك ده لاتوجد فيه اي موضوعية !!!!

مهندس مصري يقول...

بت خيخة و اي كلام
=================
حصل خير يا مشغولة
:)

طيب و كانوا عايشين ازاي قبل ما ندي اسرائيل غاز علماً بإننا بدأنا نديها الغاز من اقل من سنة

الغاز ده بيروح لشركة الكهرباء الإسرائيلية لتشغيل محطات توليد الكهرباء عندها
و إسرائيل قاطعة الكهرباء و الوقود عن قطاع غزة

لا يا ستي قطع الغاز عن الصهاينة مش حيضر اهلنا في فلسطين

احمد شقير
========
يا سيدي الفاضل انا متفق مع السيد حسن سياسياً لظروف الوضع الحالي و انه اخف الضررين
لكن مختلف معاه عقائدياً و هو ما لن يمكنني التغاضي عنه خاصة إذا كانت حقيقة عقيدته كما رأيت في اللينك
لإنني مسلم قبل اي شئ
و لا اظن ان هناك اي نقض منطقي للكلام المقنع بالأدلة الموجود بهذا اللينك

و لو حضرتك قدرت تقنعني بعكس الكلام الموجود في اللينك و بأدلة اقوى منه أنا حأقتنع برأيك
أنا عقلي منفتح و اللي يقنعني يكسبني
:)

و زي ما قلت لك انا متفق معاه حالياً بسبب المصالح المشتركة

بت خيخة وأى كلام يقول...

اوك
شكرا على توضيحك يا محمد


احتمال كبير يوم الاربع اتصل بيك لما اكون مع المدونين علشان نسلم عليك جماعة



سلام
اختك خيخة

مهندس مصري يقول...

بت خيخة و أي كلام
=================
العفو
إحتمال ؟
حتتصلي و لا لأ ؟
رني لي بس و انا اتصل
:)
مش عايز اغرمك مكالمة دولي

و عليكم السلام و رحمة الله و بركاته

tamer.sala7 يقول...

مش عارف ابدأ معاك منين

بس مبدأيا انا متفق معاك في كل اللي انت قولته وموافق طبعا علي فتح المعبر بس بصورة طبيعية مش تبقي وكالة من غير بواب لا وزيد كمان انا عايز الطبيعي يحصل ان احنا كمصريين وحكمانا منايفة يبقي نستغل الظروق ونعمل بيزنس علي حساب فلسطين يعني الغزاوية معاهم فلوس واحنا عندنا بضاعة يبقي نبيع البضاعة للناس اللي معاها فلوس ونكسب وبكدة يبقي احنا استفادنا فلوس وفيدناهم بالبضاعة

انا ضد فكرة المظاهرات والاصوات اللي بتنادي بفتح باب الجهاد لأن احنا فعلا مش مستعدين لـ ده

بالنسبة لمقال ابراهيم عيسي ان مش موافق علي الجزأ بتاع تحميل مسئولية ضياع فلسطين لمصر لأن فلسطين في الوقت بتاع 48 ده كانت تابعة للملكة العربية السعودية يعني اللي كان موافق علي وعد بيلفور وسلم فلسطين هو الملك سعود

بالنسبة للدول اللي بتزايد علي مصر والناس اللي بتطالب مصر بحاجات كتير حقولك اتأمرون الناس بالبر وتنسون انفسكم ؟

هاتقولى معندهمش معبر رفح اقولك عندهم طائرات وصواريخ ومدافع تصل ابعد من اسرائيل

و امني ان يتحد العرب والمسلمين جميعا مع العلق بأني مقتنع مليون % بأن ده مش ح يحصل بس لو اتفقو واتحدوا على قتال اليهود لتخرج عشرون طائره من كل دوله اسلاميه او عربيه ومائه صاروخ فى توقيت واحد على المدن التى تحتلها اسرائيل

وساعتها شوف الشعب المصرى اللي الناس بتقول انه اتغير هيعمل ايه سيدخل تل ابيب والقدس ولو بالعصى

. ياهندسة اتابع كل الفضائيات على كافه انتمائتها والكل يهاجم مصر كان مصر هى عدوتهم وليست اسرائيل ابتداء من ايران حتى اصحاب الكروش الممتلئه من العرب والكل يدفع بان تفتح مصر معبر رفح على مصراعيه لمحاربه اليهود رغم وجود حدود لليهود مع سوريا ولبنان والاردن لكن الكل عاوز مصر تفتح المعبر وتحارب اسرائيل ويرتفع سعر البترول وجيوبهم تمتلىء اكثر وتدمر مصر لان هم دول الشحاتين والخدام اللى عند الاخوه ذوى الكروش التى تتساوى مع المؤخره لديهم . اخى الفاضل كلنا فى مركب واحد عرب ومسلمين اغنياء وفقراء ولسنا راضين عن الوضع الحالى ودماء المسلمين فى غزه وفلسطين وكافه دول العالم الاسلامى فى رقابنا وسنحاسب عليها يوم الحساب

وكنت اتمنى ان توجه الدعوة الي كل المسلمين للتخلى عن حب الدنيا والمال والمناصب لكى يحررو الارض ويحافظو على العرض المنتهك فى بلاد المسلمين ويااخى مش عارف ليه دايما بيننا خائن وضعيف وجبان واكرر ليك لازم نكون منصفين عندما نعرض الحقائق

ونسأل التاريخ مين اللى طول عمره بيحارب مصر ولا ايران وسوريا وقطر اقصد قاعده السيليه ولا السعوديه ولا اليمن اللي حرقوا السفارة المصرية ورفعوا عليها علم فلسطين ولا ليبيا والقذافي اللي ارسل ابنه بالمعونات بدون اذم من أد لا لشئ غير انه يريد ان يحرج مصر ولا دول المشرق العربى السماء مفتوحه لكل من يريد ضرب اليهود والحدود الاردنيه والبنانيه والسوريه مفتوحه لضرب اسرائيل وايضا مصر مفتوحه لضرب اسرائيل .

واتمنى ان ياتى اليوم الذى احارب فيه اسرائيل واقتل فيه يهوديا وبجانبى سنى وشيعى وسعودى وقطرى وسورى ومغربى ولو كان عمرى مائه سنه كلنا يتمنى الشهاده كما اننى لااوافق على ماقامت به الحكومه المصريه مش عاوزين تحاربو اسرائيل اعطو لهم اسلحه متطوره يسقطون بها طائرات العدو الاسرائيلى

لكن قياده مات لديها الضمير الاسلامى اليهودى يموت اهلى وانا اشتغل حانوتى او معالج للجروح فهذا الدور لايليق بخير امه اخرجت للناس تامرون بالمعروف وتنهون عن المنكر .

ولكن يااخى بقت حاجه تقرف اصبحنا كالبهائم ناكل ونشرب وندخل الحمام وهذا هو مشروعنا العربى والاسلامى الاول والاخير

فخيارنا الاوحد هو الاستسلام ومشروع حيا تنا الاساسى الطعام ومعالجه الفشل الكلوى والاورام

ارجو ان لا اكون قد اطلت عليك وكم كنت اتمني ان انشر هذا الرد في بوست لوحده وياريتان انت متكونش زعلت من كلامي بس انت اللي قولتلي انا مستعد للمناقشة في انتظار ردك

مهندس مصري يقول...

تامر صلاح
=========
طيب يبقى احنا متفقين على ضرورة فتح المعبر فوراً بالطريقة اللي انا شرحتها دي

بس حكومتنا مش راضية تفتحه علشان تحكم الحصار على غزة بغرض إسقاط حكومة حماس المنتخبة

لإنهم مش بيحبوا الإخوان المسلمين و لا المقاومة عموماً و عايزين الدنيا كلها تمشي معاهم في سكة الإعتدال و الخيانة

احنا فعلاً مش قد الجهاد دلوقتي
لإن الجهاد مش مجرد ناس حتروح هناك
لازم تدريب على السلاح
لازم خطوط امداد و تموين بالأكل و الشرب و الذخيرة
لازم تنظيم شديد و إرادة سياسية مش موجودة دلوقتي
و لو رحنا للجهاد بدون استعداد يبقى بنهرج و عدد الشهداء حيزيد و خلاص بدون ما يعملوا حاجة تنفع

بالنسبة للي حصل سنة 1948 إقرا التدوينتين القدام دول
http://egyptioneng.blogspot.com/2008/10/blog-post_18.html
و
http://egyptioneng.blogspot.com/2008/01/blog-post_17.html

:)

بس رداً على كلامك سنة 1948 فلسطين كانت تحت الإنتداب الإنجليزي
يعني كانت محتلة من الإنجليز

لكن عدد المقاتلين الصهاينة كان ضعف عدد الجيوش العربية مجتمعة و تجهيزاتهم كانت احسن و غير كده الجيوش العربية قبضت على الفدائيين المتطوعين من الإخوان المسلمين من مصر و سحبت سلاحهم و رجعتهم متكلبشين بالحديد رغم تحقيقهم إنتصارات رائعة في ارض المعركة و حصارهم لليهود في القدس

ثم قامت الجيوش العربية بسحب سلاح الفدائيين الفلسطينين اللي بيدافعوا عن ارضهم من منظمة تحرير فلسطين العربية و بعدها انسحبوا من بعض المناطق و سابوهم بدون سلاح او حماية تحت رحمة اليهود

و كان كل ما العرب يحققوا انتصارات يتم عمل هدنة
لكن كل ما يتهزموا ترفض الامم المتحدة عقد هدنة

و اللي زاد و غطى هو اعطاء قيادة الجيوش العربية المشتركة للجيش الاردني اللي كان قائده جنرال جلوب الإنجليزي

شفت المسخرة اللي بيقود العرب جنرال انجليزي من اعداؤهم

و كانت اوامره بالإنسحاب من بعض المناطق هي السبب في سقوط اللد و الرملة و حيفا و يافا و إحكام الحصار على الجيش المصري في الفلوجة خاصة عندما رفض قيام الجيش العراقي بمحاولة لفك الحصار عن الجيش المصري

اما الملك سعود فكان رفض طلب من اليهود إنه يعلن دعمه ليهم مقابل 3 مليون جنيه ذهب
خصوصاً انهم كانوا عايزين يشتروا منه اماكنهم في خيبر و المدينة المنورة
فرفض و قال بقى بعد ما طردكم عمر بن الخطاب ارجعكم انا والله لا يمكن تحصل ابداً

لكن ابراهيم عيسى بيتكلم على ان جيشنا كان هو اكبر جيش عربي مشارك من حيث العدد و بالتالي هو اللي يتحمل اكبر قدر من المسؤولية

لكن اسباب النكبة كتيرة و مش جيش مصر بس هوا السبب

لكن الجيش المصري مسؤول تماماً عن سقوط قطاع غزة سنة 1967 لإنه كان تحت الحكم المصري

كل اللي بيطالبوا بفتح المعبر من العقلاء و حتى حركة حماس نفسها بتطالب بفتحه بالطريقة اللي انا شرحتها دي
مش علشان الحرب و لا حاجة
بل و حركة حماس قدمت اقتراح انه تكون ادارة معبر رفح من الجانب الفلسطيني رباعية
من مصر و الإتحاد الأوربي و حرس الرئاسة الفلسطينية و الشرطة الفلسطينية بتاعة غزة اللي هيا تابعة لحماس

و الإقتراح ده مطروح من سنة لكن مفيش حد من عندنا عبرهم و لا رد عليهم بل كنا مصممين نموتهم من الجوع و نذلهم لحد ما يتخلوا عن المقاومة

واخد بالك محدش من حماس طلب مننا نحارب معاهم
كل اللي طلبوه نفك عنهم الحصار
و أظن ده مش كتير

يعني مش مطلوب من مصر تقطع علاقتها مع اسرائيل
مطلوب منها تلعب على الحبلين زي قطر
هل اللي بنطلبه ده كتير

صحيح كل الحكام العرب التانيين مزايدين و فنجرية بق على الفاضي
بس احنا اللي إديناهم الفرصة بمشينا العوج
و المثل بيقول إمشي عدل يحتار عدوك فيك

و اغلب اللي بيشتموا مصر فهما بيشتموا حكومة و حاكم مصر و ده من حقهم
لكن اللي يشتم الشعب المصري يبقى حمار و مش فاهم حاجة

بقية كلامك عن الحرب مع اسرائيل من كل الجبهات هو كلام متفائل جداً و علشان كده انا مجيبتش سيرته لإني بأفكر بشكل معقول

و محدش من المقاومة الفلسطينية طلب اننا نحارب معاهم
كل اللي طلبوه اننا ما نحاصرهمش

medo يقول...

العفو يا عم علي ايه

بس انا مش قصدي والله اني ادافع عن

مبارك بس مبارك والله له بعد نظر مع

انه مطفحنا الكوتة

وطبعا انا معاك في البوست بتاعك

بس عاوزك تاخد بالك من حاجة

"ان تكون تحت حاكم ظالم خير من ان تكون

بدون حاكم"

وخد بالك يا باشمهندس ان فيه ناس

ما بيصدقوا حاجة زي دي تحصل عشان

يشتموا ويسبرا في مصر وانت طبعا عايش

في وسطهم ومش هما بس بل ان الشيعة بتوع

ايران وحزب اللات بيستغلوا الفرصة دي

عشان يستلهبوا حماسنا ويكرهونا في بلدنا

مهندس مصري يقول...

ميدو
=====
يا بني مبارك معندوش بعد نظر و لا نيلة
مبارك عميل لأمريكا و إسرائيل و خاين و بينفذ اوامرهم علشان يثبتوا حكمه و يورثوا ابنه

و اللي عايز يشتم حكومة مبارك و حكمه يتفضل حتى لو كان من بلاد واق الواق

لكن اللي حيشتم شعب مصر يبقى لا مؤخذاة يبص لنفسه الاول خصوصاً إذا كانت بلده فنجرية بق و مش بتسمح بالمظاهرات اصلاً و بتطلع فتاوي تعتبرها إفساد في الارض

و مش دايما ً الحاكم الظالم احسن

لما تكون في انهار دم بتجري يبقى ممكن عدم وجود حاكم افضل و بعد كام سنة من الفوضى حنحصل على حريتنا احسن ما نفضل عايشين عيشة العبيد

ثم مش معنى اني اكره مبارك و حكومته و بوليسه يبقى حأكره بلدي

دي حاجة و دي حاجة تانية خالص

ثم اسهل الفقهاء قالوا بعدم جواز خلع الحاكم الظالم الا لو منع اقامة الصلاة

و يوم الجمعة اللي فاتت تم منع صلاة الجمعة في مسجد الفتح برمسيس و تم اقتحام الجامع الازهر بالجزم و ضرب الناس جواه
يبقى فاضل ايه تاني ؟

hmadani يقول...

أحسنت سيدي العزيز
ولكن كثير من الناس لاتريد أن تفهم

تحياتي

مهندس مصري يقول...

حمداني
======
هم يعتقدون انهم عندما يحملون المسؤولية للفلسطينين يتخلصون هم منها و لكنها في أعناقنا جميعاً

عم مينا يقول...

العزيز مهندس مصري

احنا متفقين بشكل كبير.. أنا قلت عند نوارة اني ضد غلق المعبر أمام المساعدات و الجرحي.. بس قلت اني ضد فتح المعبر بدون ضوابط و انت قلت نفس الكلام و قلت ان ما ينفعش انها تبقي وكالة من غير بواب

و لكن بس أختلف معاك ان الفلسطينيين الحاليين عمرهم ما هيسيبوا بلدهم.. و ده مش علشان أنا بشكك في وطنيتهم بس علشان أما تبقي النار محاوطاك من كل ناحية ممكن تعد في أي حتة انشالله تكون خيمة في بلد تانية

تحياتي

ست البيت يقول...

تسلم يديك وعقلك وقلمك
عجبني تحليلك جدا جدا
وعجبني قوي قوي مليون قوي رأيك في عم حسن نصر الله
لأننا لا ننسى ما فعله الشيعةفي الحرم حينما احتلوا مآذنه في السبعينات
عجبني كلامك حقا وردودك محكمة بجد كان نفسي اكتب كل اللي قلته وفرت تعبي ربنا يبارك لك ويسعد أيامك
وياريت تتقؤج بالمرة على حلقة د. وجدي غنيم على اليوتيوب مع الجزيرة مباشر مع
روق الحكومات العميلة ورد على اللي عاوزين يحملوا حماس الليلة كلها
شوفت عم تامر أمين المعجباني الحليوة بتاع البيت بيتهم
بيقولك لما الراجل دا مات وانا مش عارفة ليه لحد دقوتي مش قادرة اتعاطف معاه
قال ايه : الراجل انصاب برصاص حماس كده على طول ؟ قبل ما حددد يحقق ويدقق
الرصاص الفلسطيني اطهر وأشرف من هذا
كان نفسي أحود مكي يرد عليه
عموما بحاول أدور على باقي اتفاقيات سايكس بيكو
وإن شاء الله ححاول اعمل قراءة صوتية
واحملها ع اليوتيوب
بإذن الله

مهندس مصري يقول...

عم مينا
=======
الرد على حضرتك هو الناس اللي دخلت من المعبر رغم الضرب و الحرب من العالقين اللي كانوا هنا
و لما بيسألوا واحدة فيهم حتدخلي رغم القصف و الحرب قالت لهم : ما هي دي بلدي
حأروح فين يعني
لازم أروح بلدي و بلد ولادي من بعدي

ست البيت
=========
الله يسلمك
و إن كانت حكاية إحتلال المآذن دي تمت في أوائل الثمانينات
و لا أذكر أنهم كانوا شيعة
بل كانوا أحد أتباع من ظن أنه المهدي المنتظر
و من المعلوم أن الشيعة الإثنى عشرية ينتظرون خروج مهديهم من سرداب سامراء
و بالتالي فمن إحتلوا الحرم لا يمكن أن يكونوا منهم
شفت حلقة الشيخ وجدي غنيم فعلاً و هي حلقة ممتازة
بالنسبة لتامر فأنا مش بأتفرج على برنامج البيت بيتك لإني بأتخنق منه
و منتظر إبداعاتك
:)

فافى يقول...

يا سيدى والله ماكروت وقريت بتمعن ولكن فيما يخص موضوع اللينكات ده مافيش لينك يوحد ربنا اتفتح على حاجه من اللى بتقول عليها
عموما اشكرك اضفت لمعلوماتى ومع فتح المعبر بس مايكونشى وكاله من غير بواب

مهندس مصري يقول...

فافي
====
معلش أصل الموضوع مكتوب من 3 سنين فأكيد اللينكات بعضها مش حيشتغل