الثلاثاء، يناير 20، 2009

أنا حأغيب عنكم شهر

للأسف يا جماعة شاشة اللاب توب باظت فجأة و بقت إضائتها بتطفطف و تفصل نور خالص
و لما وديته الصيانة في الشركة اللي شاريه منها لإنه لسه في الضمان قالوا لي حنبعته التوكيل في الرياض و حيتصلح في مدة من 20 إلى 35 يوم
يعني حأعيش من غير لاب توب و من غير نت لمدة شهر

أنا حأحاول أتابع على قد ما اقدر من نت الموبايل بس مش حأقدر أكتب و لا أعلق
آسف يا جماعة
الموضوع خارج عن إرادتي

أشوفكم على خير بعد شهر

هناك 14 تعليقًا:

Ahmed Al-Sabbagh يقول...

هتوحشنا
لكن ممكن نعتبرها فترة راحة من الكمبيوتر
احتاج لفترة مثلها
لكن بدون بوظان الشاشة
وترجع لنا بألف سلامة

fahd يقول...

علي فكره فيه اختراع ظريف اسمه السايبر

اعتقد انه موجود في السعوديه

نراك ان شاء الله في السايبر

او حتي في فترة البريك في الشغل


ربنا يكرمك وترجع بالسلامه

أحمد عبد الفتاح يقول...

انت بتتكلم بجد ؟
انا معرفش النت من غيرك يبقي عامل اذاي بس انا متعود اشوف تعليقاتك وتدويناتك لغاية لما بقت جزء مهم من النت
علي كل هتوحشنا الشوية دول
بس ياريت الغيبة متطولش

امام الجيل يقول...

ربنا يعينك يا بمهشمهندس
كلنا لها

وانا برضه هغيب
:(

بس معرفش اد ايه
يلا نعمل ايه
دووووونيا بقى

عاشقه وغلبانه يقول...

شهر من غير كمبيوتر ونت صعب اوي واحساس بالخنقه
اشتريلك جهاز عادي مستعمل وخليه عندك في البيت اهو بيبقي مفيد في بعض الاوقات


ترجع بالسلامه

الفاتح الجعفري يقول...

سلام الله عليكم ورحمته وبركاته
خير ربنا ييسرك كل امر يا بشمهندس
بس حاول تدخل اي سيبر وتتابع من هناك
هنفتقدك جدا والله
ربنا يحفظك ويجازيك كل خير
لاتنسانا من صالح دعائك

جعلوني مريض نفسيا يقول...

ترجع بالسلامة ان شاء الله

ويارب الجهاز بعد ما يرجع من الصيانة يبقي 30 بوصة وهارد100تيرا ورامات200جيجا ودي في دي رايتر ويكون معاه جهاز ضغير هديه

عاشــــــ النقاب ـقــــة"نونو" يقول...

لعله خير
ربنا يفرجها باذن الله
بس هيغيب شهر في التصليح ليه كتير حاول تستفسر منهم
ربنا يرجعك بالسلامة

Walad_Masry يقول...

واضح إن الجهاز ماستحملش الكام بوست الأخير بتوع غزة

الله يكون في عونه

بس بصراحة هتوحشنا

تصدق الدمعة كانت هتفر من عيني وانا بقرأ البوست بتاعك :)

خليك بقى في التلفزيون أهو تتابع المهرجانات براحتك :)

خالص تحياتي

Soooo يقول...

ياااه
شهر بحالو؟؟
ده انا لما جهازي بيحصللو حاجه بابقى حيحان وعلى آخري

تروح وتيجي بالسلامه ياهندزا
ولو في اي حاجه وبتوع شركة الصيانه أخرو التصليح .. اديني الو بس .. هتلاقيني في اول ميكروباظ طالع من عبمنعم رياض لحائل





سلامووووووووووووز

مهندس مصري يقول...

أنا واحد زميلي مسافر الرياض و مش راجع غير الجمعة بالليل فإستلفت اللابتوب بتاعه
:)

أحمد الصباغ
===========
الله يسلمك
بس مين قالك إني بأرتاح بعيد عن الكمبيوتر
انت نسيت ان انا مدمن تدوين و لا ايه ؟

فهد
====
يا سلام
:)
ما انا عارف إنه فيه إختراع إسمه السايبر
بس غالي جداً
و الساعة بخمسة ريال و الحسابة بتحسب
أما الشغل بتاعي فموقع في قلب الصحراء فمفيهوش نت طبعاً
دا مفيهوش تغطية موبايل يا بني

أحمد عبد الفتاح
===============
يارب الغيبة ما تطولش
إدعي انت بس إن ربنا يشفي اللاب توب بسرعة و يآخد بيده
:)
تعليقك ده أنا حأفضل فخور بيه
انت ما تعرفش فرحني قد إيه

إمام الجيل
==========
طيب و انت حتغيب ليه ؟

عاشقة و غلبانة
===============
الجهاز العادي حتى لو مستعمل حيكون غالي و تقيل و حيأخد حيز كبير من الاوضة اللي ساكن فيها و في الآخر ملوش تصريفة
يعني ساعة ما أمشي من البلد دي و اتنقل مشروع تاني في بلد تانية او حتى أرجع مصر بشكل نهائي مش حألاقي له بيعة كويسة و حأخسر فيه كتير قوي
علشان كده في الغربة هنا اللابتوب هو الإختيار الأمثل
:)

الفاتح الجعفري
==============
و عليكم السلام و رحمة الله و بركاته
ربنا يسهل أنا ليا أصحاب جيراني في نفس المبنى و عندهم نت برضه حأغلس على كل واحد فيهم شوية و ربنا يسهل

شكراً يا غالي ربنا يكرمك و يوفقك لكل خير
:)

جعلوني مريضاً نفسياً
===================
الله يسلمك
هو فيه دي في دي رايتر فعلاً
:)
بس الشاشة 15.4 بوصة و هارد 250 جيجا و رامات 2 جيجا و بروسسور 2.67 جيجا هيرتز كور 2 ديو
و واير لس و بلو توث و كاميرا
:))

عاشقة النقاب
=============
مش عارف بقى هما حيبعتوه للرياض مشي و لا ايه ؟
عموماً هما معاهم نمرة موبايلي و اول ما يخلص تصليحه حيتصلوا بيا علطول
آميين

ولد مصري
=========
لا لا لا لا إمسح دموعك
فاكر الإعلان ده
:))
ههههههههههههه
ما تشوفش وحش

بس إحنا مش بتوع مهرجانات يا باشا
سيبناها لك
:)

سوو
====
انت بتقول فيها
عموماً في إتوبيسات بتطلع من القاهرة لحائل
إسأل انت بس و ألف من يدلك و ساعتها تنورني

كيــــــــــــارا يقول...

خدها فتره اجازه كتير هيتغير

ترجع بالف سلامه :)

عالم حبيب يقول...

الله يعينك يابشمهندس .. فرصة تستغل وقتك بشكل أكبر وترتب حياتك بعيدا عن الأنترنت .. بس سؤال : هل ممكن الواحد ياخد أجازة من النت فترة كبيرة بمزاجه .. أظن صعب .. صح ولا إيه!!

مهندس مصري يقول...

كيارا
======
ربنا يسهل

عالم حبيب
=========
المشكلة إن الفراغ في الغربة هنا قاتل

صعب جداً طبعاً و يكاد يكون مستحيل