الثلاثاء، فبراير 24، 2009

وثيقة تفكيك إسرائيل - إسرائيل كيان غير شرعي

r3gwk4z8v5.jpg


ارجو من الجميع التوقيع على وثيقة تفكيك اسرائيل
و اللي اشترك في عملها بعض المدونين العرب
هنا الوثيقة
بالعربي
وهنا كمان بالانجليزي
الوثيقة مستندة على
1- التعريف العالمي للدولة
2- الميثاق العالمي لحقوق الانسان
3- العهد الدولي للحقوق المدنية والسياسية
4- العهد الدولي للحقوق الاقتصادية والاجتماعية والثقافية
وبتثبت من خلال المواثيق الدولية دي ان الكيان الاستيطاني العنصري القائم على الفكر الصهيوني الموجود المسمى باسرائيل لا ينطبق عليه شروط الدولة ولا يلتزم باي من المواثيق او القوانين الدولية وعليه فيجب تفكيكه،
اذا سمحتوا اقروا الوثيقة واذا عجبتكم وقعوا عليها النسختين العربي والانجليزي
و ده شئ بسيط و ممكن تعتبروه خطوة أولى لتفكيك الكيان الغريب ده
ملحوظة تانية، عايزين حد بيعرف يعمل بانرات يعمل لنا بانر للحملة دي

و ده نص الوثيقة على مدونة الهولوكوست الجديد بالعربي و بالإنجليزي
و ياريت تنشروا الوثيقة دي في كل مكان علشان عايزين أكبر عدد ممكن من البشر في جميع انحاء العالم يقرأها و يقتنع بيها و يوقع عليها

هناك 23 تعليقًا:

Gannah يقول...

أحيى أفكاركم جداا واللى ممكن تكون بداية إلى لفت نظر العالم لوجود كيان غير شرعى مزروع فى فلسطين
طبعا المسألة مش سهلة لكن دى خطوة مهمه جداا ومين عارف ممكن مردودها يكون اعمق مما نتصور
كل حركات التحرير بدأت بافكار
والفكرة تنتشر وتتحول ان شاء الله لعمل مثمر
يارب يفتتوها مش بس يفككوها
تحياتى

حرة المداد يقول...

ربنا يكرمك ويعزك...علم وينفذ

محمد الجرايحى يقول...

بارك الله فيكم وأعزكم
جهد طيب وإن شاء الله المزيد من التحركات الإيجابية....

ايوشة يقول...

هى ممكن اوقع على الوثيقة دى اكتر من مرة يعنى باكتر من ايميل ولا بيقفلوا التواقيع لو كان من نفس الجهاز

علي محـمــــــد يقول...

السلام عليكم

جزاك الله خير على فعل الخير وهذا مو غريب عليك

في امان الله

مهندس مصري يقول...

جنة
===
أدينا بنحاول على قد ما نقدر

حرة المداد
==========
شكراً
:)

محمد الجرايحي
===========
المهم تساعدنا في نشرها و جمع التوقيعات
:)

ايوشة
======
ايوه ينفع

علي محمد
=======
و عليكم السلام و رحمة الله و بركاته
جزاك الله كل خير انت ايضاً يا أخي
:)

Ahmed Mansour يقول...

الموضوع يستحق الاهتمام وياريت يلف العالم كله ، عاوز أحط اللنك بتاع الموضوع عندي في المدونة

بسمـــة مســـــلّم يقول...

السلام عليكم دى اول زيارة ليا بجد فرحانة اول مرة احس تغيير ايه ده بجد حنتحرك الله المعين يارب التوفيق واكيد منتظرة تعليقك سلااام

الضاحكون يقول...

ربنا يبارك فيك يا محمد
انا هاحط عندى فى مدونتى اللينك بتاع الوثيقه
وعلى فكره انا معرفتش اوقع فين بالظبط
ياريت تفيدنى
اللينك هيكون فى مدونتى انا
تحياتى لك
وكويس انى اطمئنيت عليك
عارفنى انا مين ؟؟

فرنسا هانم

أطياف مصر يقول...

كل التغيرات الكبيرة بدايتها أفكار بسيطة .. و أعتقد أنه أقل ما يمكن عمله

مهندس مصري يقول...

أحمد منصور
==========
خد الصورة بتاعة الموضوع اللي في العمود الجانبي ( البانر بتاع الموضوع يعني بلغة المدونين ) و حطها عندك في السايد بار بتاع مدونتك و حط اللنك اللي الصورة تودي عليه هو نفس اللينك بتاعها عندي هنا و بكده تبقى الله ينور عليك

بسمة مسلم
==========
و عليكم السلام و رحمة الله و بركاته
سعيد بزيارتك دي
:)

الضاحكون
=========
الله و متنكرة ليه يا فرنسا
:)
التوقيع هنا يا ستي
http://www.petitiononline.com/outlawed/petition.html

و خدي البانر حطيه عندك و ضبطيه على لنك التوقيع على الوثيقة علطول
:)
منوراني بعد غيبة يا غالية
و يارب تكوني بخير دايماً

أطياف مصر
==========
خلاص يبقى منتظر توقيعك و دعوتك لكل من تعرفهم للتوقيع

سومه...مجنونه فى بلد عاقل يقول...

ازيك يا مهندس
معلش انا غايبه عن كل المدونات اليومين دول وحتى مدونتى عشان ظروف دراستى
دعوتين كدا منك ليا وانت جنب الكعبه:))
بالنسبه للوثيقه انا حروح اقراها وححاول اشوف ممكن اعمل ايه اكتر من انى امضى عليها بالمناسبه كنت بحضر لموضوع عندى فى المدونه اعتبرته انه ممكن يكون بدايه لاننا نتغير
مش عارفه اقولك ايه كانك بتقرا فى افكارى انا بقالى اسبوع تقريبا عماله اسال نفسى فين البدايه فين الخيط بس مش لاقياه
حبقى سعيده لو كنت من المعلقين على موضوع حوار مع صهيونى اللى حينزل غدا باذن الله
تحياتى ليك سومه_87

سجود يقول...

المدونه ما شاء الله جميله وننتظر جديدكم بشغف
مدونه قل يا قلم
http://kolyakalm.blogspot.com/

عاشقة الشهاده. يقول...

المدونه ما شاء الله جميله ومواضيعها اجمل وننتظر منك مواضيع اخري



اختكم
عاشقه الشهاده

مهندس مصري يقول...

سومة
=====
الحمد لله
علقت عندك يا ستي و تمام التمام كده
ربنا يكرمك و ينجحك قادر يا كريم
:)

سجود
====
شكراً
:)

عاشقة الشهادة
==============
شكراً
:)
المشكلة إن أنا مش منتظم في نشر البوستات و مليش نمط او ميعاد ثابت
بس البوست الجاي حلو إن شاء الله

سجود يقول...

جزاكم الله خير علي النصيحه علي المدونه وسيتم الفعل بها

dahlia.. يقول...

السلام عليكم..أنا أول مرة أجي هنا و عجبتني الفكرة جدا.ممكن أنشرها في مدونتي؟ ده اللينك بتاعها
dodahscorner.blogspot.com

مهندس مصري يقول...

سجود
=====
ربنا يوفقك
:)

dahlia
=======
و عليكم السلام و رحمة الله و بركاته
ياريت حضرتك تنشريها في مدونتك و في كل مكان ممكن
و ياريت حضرتك توقعي على الوثيقة و تدعو كل اللي تعرفيهم للتوقيع عليها
و أكون شاكر ليكي جداً

سومه...مجنونه فى بلد عاقل يقول...

الميل اهو ولو فى حاجه اقدر اعملها انا معاكم
asmaamahaba@gmail.com
ضيفونى معاكم لو ينفع ولو فى شىء اعمله منغير اضافه ماشى
اللى تحبوه
وشكرا ليك يا مهندس

محمد سعد القويري يقول...

الأخ الفاضل مهندس عربي

أشكرك على هذا البوست المميز
والحقيقة أن هذه أول زيارة لي لمدونتك المباركة
وإن شاء الله أكون من متابعيها

بارك الله في جهودكم

وأذكر الجميع
أن لا يحتقر أي عمل
فلو كان العمل مثقال ذرة من خير نجازى عليه



تحياتي

لقد خلقنا الله احرارا يقول...

معلش انا اول مرة اجى عندك ومش هلتزم المرة دى بشروط التعليق بس انا متابعة حضرتك من زمان بس عند نوارة ومدونات تانية انا جاية بس النهاردة اسجل فخرى وسعادتى ان فى شباب مصرى واعى ووطنى زيك ومدونين كتير تقبل تحياتى

ذو النون المصري يقول...

خلاص وقعت علي الوثيقه و ربنا يسهل
اهي خطوة احسن من مفيش

مهندس مصري يقول...

سومة
=====
ضفتك للمدونة
و المطلوب مخاطبة الغرب بلغته و تعريفه بقضية فلسطين و تفنيد جميع حججهم
و مقارعتهم بالحقائق ما أمكن إنطلاقاً من هذه المدونة و إنتشاراً للمواقع الشهيرة مثل ماي سبيس و موقع باراك اوباما و غيرها

و العفو يا ستي
:)

محمد سعد القويري
================
العفو يا أخي
تسعدني زيارتك و تعليقك
و تسعدني أكثر متابعتك
معك حق
و بارك الله فيك

لقد خلقنا الله أحراراً
====================
الله يخليكي و يكرمك
أخجلتم تواضعنا يا فندم
:)

ذو النون المصري
================
أيوه الله يكرمك و ياريت تحط البانر عندك و تدعو الناس للتوقيع