الخميس، مارس 26، 2009

30 سنة على معاهدة السلام المصرية الإسرائيلية

بمناسبة مرور 30 سنة على توقيع معاهدة السلام المصرية الإسرائيلية المشؤومة في 26 مارس 1979
فأنا قررت أحتفل بيها على طريقتي

حملوا الكتاب ده مع الشكر لنوارة نجم

هذه المعاهدة للدكتور عصمت سيف الدولة - صدر سنة 1980
و إقرأوه كويس لإنه مفصص المعاهدة المشؤومة دي قانونياً و دستورياً و طبقاً للقانون الدولي كمان
و إسمعوا دول


ام كلثوم - والله زمان يا سلاحي




غنتها ام كلثوم عام 1956 ايام العدوان الثلاثي على مصر من كلمات صلاح جاهين والحان كمال الطويل وتحولت الاغنية للنشيد الوطني لمصر حتى عام 1977 عندما تحولت مصر لخيار السلام الإستراتيجي


و

الله أكبر فوق كيد المعتدي

من أهم أناشيد حرب 1956 أيضاً



و أختم كلامي بهذه القصيدة

قصيدة الحرية : أحمد مطر

هناك 9 تعليقات:

mahasen saber يقول...

مش هتكلم فى معاهدة سلام ولاا اىكلام تانى

غير ازك ازيك ازيك يا اخويا الغالى كستنيه نزولك مصر عشان كلنا نشوفك على خير

واتبسطت لما قلت عند خيخه انك هتخطب اخيرا ربنا وفقك فى بنت الحلال

ربنا يكتبلك كل خير يا محمد يا محترم يا ابن الناس الطيبين المحترمين

ربنا يكتبلك كل خير فى كل خطوات حياتك

Gannah يقول...

اعلق ولا لا
لسه مشفتش غير قصيدة احمد مطر
اما المعاهدة فالنهاردة اول خبر مصر مش هتحتفل لكن السفير المصرى هيحضر احتفال اسرائيل بالمناسبة!!!
بجد مصر دى بلد العجايب
طبعا ده تهريج
نلغى الاحتفال علشان نسكت الناس ونروح نحتفل هناك معاهم
اما عن الخيار الاستراتيجى فهو الاستسلام وليس السلام
ايه اخبار الاجازة؟؟
تحياتى

محمد الجرايحى يقول...

بطرس غالى يقول انها اعظم عمل فى تاريخ الدبلوماسية المصرية...!!!!

وهناك من يتساءل لماذا استمرت هذه المعاهدة كل هذه السنين ؟؟؟

والاجابة لان اسرائيل ترى فيها مصلحتها
وانها هى الرابح الوحيد

ايوشة يقول...

انا حملت الكتاب بس مش عايزه اقراه علشان مش ناقصة حرق دم انا دلوقتى ماية مبدا لا المبالاة صحتى هتضيع منى بسبب حرق الدم الكتير

مهندس مصري يقول...

محاسن صابر
==========
الحمد لله :
نازل كمان إسبوعين إن شاء الله
آميين
آميين
آميين

جنة
====
أخبار الأجازة
مازلت في إنتظار الحصول على جواز سفري من المكتب الرئيسي في الرياض
و حجزت تذكرة الطيارة خلاص
:)

محمد الجرايحي
===========
بطرس غالي يناقض ما قاله بنفسه في مذكراته عن كامب ديفيد
و إسرائيل هي الرابح طبعاً

أيوشة
======
لا يا ستي
إقريه
بس على مهلك
:)
و سلامة صحتك ألف سلامة

مجداوية يقول...

السلام عليكم


أغاني الحرب
ذكريات أبية تعيد للنفس رغبةفي استعادة الروح المسلوبة منا بالاستسلام

عملوا عندنا في المدرسة احتفال بعودة طابا !!!!!!!
وغنوا أغاني حرب اكتوبر رجعت الذكرى العزيزة وقلبت عليا المواجع أما الطلبة فكان يوم ترفيهي قعدوا يصقفوا ويرقصوا على الموسيقى وعليه العوض ومنه العوض


رائعة قصيدة أحمد مطر اسمح لي أنسخها وأضعها على مدونة كلنا مقاومة فهل اذنت لي ؟

مهندس مصري يقول...

مجداوية
======
و عليكم السلام و رحمة الله و بركاته
فعلاً ما هو أنا حاطط الأغاني دي علشان كده

هههههههه آه الأجازة الجديدة دي
يوم طابا

براحتك يا فندم
إنسخي اللي تحبيه
ثم دي مش قصيدتي ما هو انا برضه كنت ناسخها
:)

كريم مصطفي سيد يقول...

رسالة إلي المدونين الشرفاء تضامنواااااااااااااااااااااااااااا
سأبدأ ألان في حمله الاف مدون لحرية المدون الدكتور توكل ادعوا كل المدونين الشرفاء للانضمام حتى نكون كلمه واحده في وجهه الظلم والاستبداد

مهندس مصري يقول...

كريم مصطفى سيد
==============
الحمد لله انه تم الإفراج عنه