الجمعة، مارس 13، 2009

بعض ذكريات الكلية


حاسس الايام دي و مع إقتراب موعد اجازتي و نزولي لمصر بعد شهر واحد بس بحالة حنين جامدة لمصر
لبيتي و أهلي و إصحابي و بلدي

و بالصدفة و أنا بأقلب في الجهاز لقيت في الملفات اللي وصلتني من أخويا في مصر صوري في الكلية في الأيام الأخيرة من مشروع التخرج


و رجعت لي الذكريات

كنا لسه ساعتها مش شايلين هم حاجة غير المذاكرة و النجاح
مكناش نعرف الزمن شايل لنا إيه؟

كنا شلة جميلة و كنا كلنا من دمنهور ما عدا واحد إسكندراني
و القطارات خدت مننا راقات سواء القطارات العادية و المميزة من دمنهور لإسكندرية او قطار أبو قير اللي كنا بنركبه من سيدي جابر او محطة مصر و ننزل محطة الحضرة قريب من كليتنا - كلية هندسة إسكندرية - و كنت تشوفنا وقت الإمتحانات بنراجع الورق في القطار و إحنا رايحين الكلية و نقعد نراجع لحد آخر لحظة قبل دخول اللجنة

كانت ايام جميلة

و الصور دي اتصورت على يومين في يوليو 2003
يوم مناقشة بعضنا لمشروع تخرجه في تخصص منشآت الري و يوم مناقشة مشروعي أنا و البعض الباقي في تخصص الهيدروليكا :)




في جنينة الكلية

بنلعب بأعلام الأقسام بتاعة الكلية و فوقينا صور العمداء بتوع الكلية

على سلالم البوابة الأمامية لمبنى الإدارة بالكلية
في ساحة مبنى الكلية و خلفنا مبنى الإدارة
على السلالم الداخلية لمبنى الإدارة
زمايلي في المشروع قبل المناقشة مباشرة
صورة جماعية لمجموعتنا كلها قبل المناقشة
صورة بعد المناقشة و قلق على التقدير- جبنا كلنا إمتياز في المشروع و الحمد لله و ده كان الإمتياز الوحيد لي في الكلية :)


و كنا متشيكين على قد ما قدرنا علشان قالوا لنا المظهر في المناقشة مهم و ممكن دكاترة من بره الكلية تحضرها بس في اليوم بتاعنا محدش غريب حضر و دكاترتنا هما اللي ناقشونا

قعدة من قعداتنا زمان على القهوة و لعب الدومينو - كنت مقطعهم أغلب الوقت بالحظ - و المثل بيقول قيراط حظ و لا فدان شطارة

كانت أيام جميلة و صعب ترجع تاني بعد ما الحياة فرقتنا و من كل الناس اللي في الصور دي واحد بس اللي مازال في مصر و الباقي كله شغال بره و مواعيد أجازاتنا مش متوافقة طبعاً
اتفرقنا بين مصر و السعودية و الإمارات و سلطنة عمان و لكن فضلت الذكريات الجميلة
ربنا يمسيهم بالخير و يكرمهم مطرح ما هما دايماً
وحشتني مصر و ووحشتني أيام زمان

هناك 26 تعليقًا:

جمعاوى روش طحن يقول...

فكرتنى بالذى مضى


ربنا يسامحك


(:

roppama يقول...

ايه حكاية الصور اللى لخبطت فيها خلقتك دي يا قنديل
مش خايف ربنا يسخطك زي ما انت عامل
هههههههههههههههههههه
هههههه ههههه ههههههخ

مهندس مصري يقول...

جمعاوي روش طحن
=============
كانت أيام حلوة
:)

ربما
====
علق على موضوع البوست يا خفيف :)
أنا قايل فوق التعليق يكون على الموضوع مش بره الموضوع
بوست ألاعيب الصور أنا حذفته بعد نشره بـ 5 دقايق لإنه كان تجربة

سومه...مجنونه فى بلد عاقل يقول...

عارف يا مهندس وحتى لو كان ماضيك مؤلم هو وزكرياتك حتحبه
الصوره جميله ربنا يسعدك

عبدالرحمن فارس يقول...

تعيش وتفتكر يا بشمهندس

حياة يقول...

ما اجمل ايام الدراسة والاصدقاء

mohammed alsha3r يقول...

سامحك الله

فكرتني بالذى مضى

أيام أكثر من جميله

شجعتنى اكتب عن الجامعه


جاى امتى ان شاء الله علشان تنور أرض الوطن

مهندس مصري يقول...

سومة مجنونة في بلد عاقل
======================
لا يا ستي الله يكرمك
خلينا في الماضي الجميل
آميين و يسعدك :)

عبد الرحمن فارس
===============
أصبر عليا لما أفتكرك :)

حياة
=====
فعلاً أيام لا تعوض

محمد الشاعر
===========
:))
إكتب و إحنا نقرأ

أصل إلى أرض الوطن يوم 10 / 4 في أجازة لمدة شهر
:)
إن شاء الله

مخلوق مخنوق يقول...
أزال المؤلف هذا التعليق.
اسامه عبدالعال يقول...

تعيش وتفتكر ياهندس وتيجى بالسلامه وبعدين ايه موضوع الخطوبه اللى انا سامعه ده متخليك بعقلك ياعم :)

مهندس مصري يقول...

مخنوق مخنوق
==========
في الجيش

أتاريك مخنوق يا بني

هي الدنيا دايماً لاهية الناس

أسامة عبد العال
================
الله يسلمك
الواحد عايز يكمل نص دينه بقى
:)

محمد سعد القويري يقول...

الأخ مهندس مصري

ما شاء الله

ذكريات مشرفة

ومليانة جد وامتياز

بت خيخة وأي كلام يقول...

مش عارفة بعيط ليه

فكرتنى انا كمان بايام الكلية ومشروع التخرج بتاعى اللى جبت فيه امتياز برضه والحمدلله


كنت داخلة اقولك انى قعدت اضحك على الصور الى بعتهالى ايميل اللى انت مغير شكلك فيها
وعملت مرة راجل عجوز ومرة طفل ومرة واحد افريقى وشرق اسيوى

كانت تحفة الصور وقعدت اضحك كتير جدا دخلت لاقيتك كاتب عن الذكريات ومهما الذكريات كانت حلوة فهى موجعة برضه

معرفش ليه بس دايما كدة انا لما افتكر ايام حلوة عدت رغم حلاوتها تلاقينى بعيط
بحس انها خلاص مش هترجع تانى
رغم ان ممكن جدا تعدى عليك ايام حلوة كتير

بس تفضل ذكرياتنا بحلوها بمرها توجعنا وتبكينا على حالنا


ترجع بالسلامة يا محمد
ونشوفك على خير ان شاء الله

سلام
اختك خيخة

مهندس مصري يقول...

محمد سعد القويري
================
الله يكرمك
ده هو امتياز واحد يتيم
:)

بت خيخة و أي كلام
=================
هو انتي تفرحي تعيطي و تزعلي تعيطي
دا إنتي مدمنة عياط بقى :)

روقي كده و ما تبقيش خيخة أمال
:)

طيب كويس إني ضحكتك
ربنا يسعدك دايماً

يا ستي أنا مختلف معاكي
أنا بقى لما بأفتكر الذكريات السعيدة بأفرح و بأقعد متمسك بيها و أمزمز فيها بالراحة و أنا كلي سعادة
صحيح هي مش حترجع تاني بس بأحمد ربنا إنه وهبني أيام سعيدة زيها
:)
الله يسلمك
و لو إنك طنشتيني خالص لما طلبت منك إنك تنظمي لقاء المدونين اللي حأحضره في القاهرة
مش عارف طنشتيني و ما ردتيش عليا ليه ؟

سلام يا أم شريف

بت خيخة وأي كلام يقول...

ماطنشتش ولا حاجة يا محمد
انا فعلا برتب لقاء ده فى دماغى
ومش هاعلن عنه الا لما اظبط كل حاجة

هو انا اقدر اطنشك برضه


سلام يا جميل

اختك خيخة

هانى سعيد يقول...

فعلا اجمل حاجة ان الواحد يبقى عنده ذكريات مع الناس اللى بيحبهم ومفيش اجمل من ذكريات الجامعة والدراسة بس ليه دايما اللحظات الحلوة ما بتدمش وصداقة الدراسة والجامعة بتنتهى بعد التخرج فى الغالب يا ترى العيب فين؟

مهندس مصري يقول...

بت خيخة و أي كلام
=================
خلاص يا ستي و انا منتظر
:)

هاني سعيد
==========
هي دي سنة الحياة
و لو إن صداقتنا ما إنتهتش بعد التخرج بل إستمرت
و ما إتفرقناش غير لما كل واحد سافر بلد
:)

Gannah يقول...

يارب اجازة سعيدة ياباشمهندس
وانا فى انتظار اخبار مصر
ان شاء الله تحكيلى بالتفصيل
ويارب ترجع فرحان وسعيد برؤية الأهل والأصدقاء وبأخبار حلوة كمان
سلامى لكل المدونين اللى هتقابلهم ان شاء الله
والسلام أمانه
تحياتى

شفقة هانم واحسان بك يقول...

يا سيدى على الذكريات ... تصدق فعلا الواحد دايما بتيجى عليه ايام ويحن لايام الكلية ولاصحابه ذكريات فعلا صعب الواحد ينساها لانها بتبقى اجمل ايام العمر اللى بعدها الواحد بيدخل فى دوامة الحياة والشغل والجواز والبيت والمصاريف يعنى دوامة الهموم من الاخر
وساعتها بيقعد يسترجع ايام زمان وليالى زمان
وقل الزمان ارجع يا زمان

الفاتح الجعفري يقول...

ربنا يبارك فيك يابشمهندس ويجعل ايامك كلها سعادة وفرحة في طاعة الله ورضاه
ووحشتنا والله ,ردك الله الينا في خير حال
وجزاكم الله كل خير

ايوشة يقول...

تعيش وتفتكر يابشمهندس على فكرة فى حمى الذكريات فى المدونات وتقليب ومواجع كده أهئ أهئ اهئ

خمسة فضفضة يقول...

اسللام عليكم ورحمة الله وبركاته

رجعتنا لاحلي ايام يا باشمهندس وخلتني هاقوم اجيب البوم الصور بتاع الجامعه واسترجع الذي مضي

ربنا يجعل ايامك كلها فرح وسرور يا رب


سلام

zidane يقول...

ليت الشباب يعود يوما

وبالنسبة لمصر

لما ترجع هتبقي عايز تطفش منها

بس أوعي تسمع كلام "شيرين" مشربتش من نيلها "

أصل هتحب مصر زيادة عن اللزوم

ربنا يوفقك

أبو العريف يقول...

ربنا يرجعك بالسلامه يا هندسه
وعقبالي انا بقي احساس الحنين اللي بتقول عليه دا ملازمني علي طوووووووووووول
وعلي فكره انا عايش هنا في جزيرة حائل
هههههههههههه
ماهي جزيرة تحيط بها الجبال من جميع الجهات

أحمد سعيد بسيوني يقول...

نفس الصور وبنفس العدد -شلتنا خمسة برضه- واخدها انا وزمايلي في الكلية

ربنا يكرمكم وييسر لكم الخير حيث كنتم

اكيد كانت ايام في غاية الروعة والجمال

ربنا يجمع بينكم على خير دائما وابدا

دمتم بود

مهندس مصري يقول...

جنة
====
آميين
طبعاً طبعاً
إن شاء الله
آميين
يوصل
:)

شفقة هانم و إحسان باشا
======================
:)
فعلاً هي كانت آخر أيام قبل الدوامة

الفاتح الجعفري
==============
آميين
و لك مثل ذلك
و إنتوا كمان وحشتوني قوي
:)

أيوشة
======
بس دي ذكريات سعيدة
هههههههههههههههههههههه

خمسة فضفضة
===========
و عليكم السلام و رحمة الله و بركاته
هي أحلى أيام فعلاً
آميين
و منوراني يا دكتورة

زيدان
======
يا راجل الشباب يعود ؟
دا انت 25 سنة و انا 29 سنة
هو لسه راح علشان يعود
:)
و عارف ان حالة البلد قطران
بس تفضل بلدك مهما كانت هي اجمل مكان في العالم و بتحن لها مهما سافرت
علشانها و علشان أهلك و اصحابك

آميين و يوفقك :)

ابو العريف
===========
آميين و عقبالك
يعني احنا الإتنين في الهوا سوا :)

أحمد سعيد بسيوني
================
راجع الوشوش في الصور كويس و عدد الناس حتلاقي إن شلتي أكتر من خمسة
:)
آميين و إنت كمان