الاثنين، مايو 04، 2009

أبو حصيرة

أثناء تجولي في موقع يوتيوب وجدت هذا الفيديو اليهودي الذي يبين جانباً من إحتفالاتهم داخل ضريح ابو حصيرة قديسهم المزعوم
و الذي يحتفلون به في السبت الأول من يناير من كل عام
و هذا الضريح يتواجد على بعد أقل من 3 كم من مدينتي دمنهور فهو في قرية دمتيوه الملاصقة لنا
و تقوم السلطات وقتها بمحاصرة مدينة دمنهور و تشديد الإجراءات الأمنية فيها و فرض حظر التجوال في قرية دمتيوه طوال يوم وليلة الإحتفالات
و كان حجم القوات المستخدمة عام 2009 لتأمينهم طوال الطريق إلى دمنهور هو 50 ألف جندي مصري
و كانت الدولة أعادت السماح لليهود بممارسة هذا الإحتفال رغم الأحكام القضائية التي منعته
شاهدوا الفيديو




هناك 13 تعليقًا:

همس الاحباب يقول...

عادى يا هندسة دول ضيوف
واكرام الضيف واجب
حسبى الله ونعم الوكيل

مهندس مصري يقول...

همس الأحباب
==========
سبحان الله
القلوب عند بعضها
علقنا عند بعض في وقت واحد
:)
شوف البوست القديم بقى

همس الاحباب يقول...

هههههههههه
فعلا سبحان الله
بس المشكلة عندى مشكلة الفيديو مش شغال عندى مش عارف ليه
اكيد مشكلة عندى
تحياتى يا هندسة

mahasen saber يقول...

ايه يا ياشمهندس المدونه بتاعتك متأمره عليا ولاا ايه انا دخلتها كذا مره وبتهنج معايا وبتوقفلى الجهاز بحاله تخيل دى

وبعدين انا قريت البوست ومكنش حد لسه علق شوف شكلها بتشتغل لصالح ابو همس

mahasen saber يقول...

وبعدين الفيديو مشتغلش معايا برضه

بس بالنسبه لابو حصيره هو لا فيه حصيره ولاا حتى سجاد عجمى دول بس عاملينها ذريعه وحجه عشان يبقى ليهم رجل هنا وبقالهم رجل وايد طويله
يعنى عندهم المعابد فى القاهره اشمعنا بيتوغلوا لابو حصيره جوه جوه فى اعماق البلد

حاجه عايزه حصيره وكوباية شاى عشان الواحد يفكر فيها ولاا ايه

mahasen saber يقول...

الا صحيح يا محمد ربنا وفقك ولقيت العروسه

عايزين نفرح بيك ربنا يرزقك بالزوجه الصالحه اليى زيك يا هندسه يا غالى علينا كلنا

بدراوى يقول...

يا باشمهندس
حصيرة مين بس
و بعدين فيه حكم قضائى
ليه متنفذش
؟!!!

الصراحة ابو حصيرة ده كذبة كبيرة
و احنا بدل ما نلم الليلة جايين على اهل البلد عشان شوية اسرائيليين عايزين يعملوا مولد

ملكة بحجابى يقول...

أبو حصيرة قال
هقولك ايه بس
اللعهم أرفع عنا هذا البلاء

تقبل مرورى ياباشمهندس
ملكة بحجابى

:: أبو أدهم :: يقول...

كتاب جديد للكاتب الأمريكى ( بوب وودورد ) بعنوان (خطة الهجوم ) يثبت فيه أن الرئيس مبارك كان على علم بالخطة الأمريكة للهجوم على العراق , بل وأنه أعطى معلومات استخباراتية للإدارة الأمريكية تثبت امتلاك العراق لأسلحة نووية .. أكمل قراءة الخبر على هذا الرابط

روح يقول...

حسبنا الله ونعم الوكيل

شكل اليهود هما كمان فيهم صوفيين
ههههههههه

ربنا علي الظالم والله

مهندس مصري يقول...

همس الأحباب
==========
الفيديو شغال عادي جداً
حاول تاني
:)

محاسن صابر
==========
مش عارف والله
بس الفيديو شغال عادي معايا
بس بدعة ابو حصيرة دي محدش سمع بيها غير بعد إتفاقية كامب ديفيد
لكن ايام الملك أيام ما كان فيه يهود مصريين عمر ما حد سمع عن المولد العجيب ده

و آه يا ستي قريت فاتحة ليلة الجمعة اللي فاتت
و حفلة الخطوبة قريباً بس حتكون عائلية على الضيق
:)
آميين يا أم عبد الرحمن

بدراوي
=======
لإن إنت في دولة لا تحترم القانون و لا الدستور و لا الأحكام القضائية
طيب دا الألعن إن فيه قضية كانت مرفوعة لنبش القبر و نقل الرفات لإسرائيل - فلسطين المحتلة - و هدم الضريح بسبب إساءته للجيران و المنطقة
و لكن هذه القضية يتم تأجيلها بإستمرار و لم يصدر فيها حكم حتى الآن

دا دمنهور بتبقى متلبشة أمن ليلة ما بييجوا
الله يحرقهم

ملكة بحجابي
===========
آميييين

أبو أدهم
========
المدونة لا ترحب بالإعلانات

روح
=====
يمكن
:)
آميين

مجداوية يقول...

السلام عليكم

مش كانوا منعوا الاحتفال السنة دي عشان حرب غزة وقالوا إنهم منعوه لظروف أمنية
وأنا فاكرة في التليفزيون أهالي دمنهور هددوا إن لو اليهود دخلوا مش حيطلعوا منها ؟؟؟

ده حصل إمتى ؟

مهندس مصري يقول...

مجداوية
=======
و عليكم السلام و رحمة الله و بركاته
الفيديو ده منشور على الموقع من سنتين
يعني قديم شوية

إحتفال السنة دي تم
بس قدموه إسبوع و عملوه السبت الأخير في ديسمبر بدلاً من السبت الأول من يناير و ذلك لظروف أمنية
و تم دخول أتوبيساتهم في سرية في جنح ظلام الليل من على كوبري اليهود خارج دمنهور
و الواصل بين الطريق الزراعي مصر - إسكندرية و الطريق المؤدي لدمتيوه جنوب شرق مدينة دمنهور
و هذا الكوبري أنشئ من أجلهم من حوالي 10 سنوات خصيصاً لتفادي مرورهم من قلب مدينة دمنهور
و فعلاً السنة دي كان فيه مظاهرات و إحتجاجات شديدة في دمنهور ضد المولد أكثر من أي سنة تانية
بسبب حرب غزة