السبت، مايو 09، 2009

سوزان مبارك تفتتح أوبرا دمنهور.. والأمن يحول المدينة إلي ثكنة عسكرية ويغلق مكتب نواب الإخوان - تحديث

تحديث
الست سوزان جاءت بالطيارة الهليكوبتر و نزلت في وسط ملعب الكرة في إستاد دمنهور و إنطلقت بموكب السيارات المصفحة من الإستاد بجوار مبنى المحافظة إلى ميدان الساعة حيث قامت بإفتتاح مبنى الإوبرا المنتهي من سنتين و اللي ما كانش حد فيهم فاضي يفتتحه

و بعد ما مشت قفلوه تاني :) و سلسلوا البوابة بالجنازير و قفل كبير
يبقى كانت بتفتتحه ليه ؟

و جنب منه و ملاصق ليه مبنى مجلس المدينة الأثري اللي تم تحويله بقرار مفاجئ لمتحف و إتقفل برضه بعد ما هي إفتتحته و مشت :)

و بعد الإفتتاحين دول راحت على مكتبة مبارك اللي في مجمع مبارك ناحية مجمع الكليات النظري و المستشفى العام
و إفتتحت مكتبة مبارك اللي شغالة من 11 سنة :) هههههههههههههه
و طبعاً القناصة و حرس الرئاسة إنتشروا على طول مسار الزيارة لحد ما خلصت و ركبت الهليكوبتر بتاعتها تاني من الإستاد
و شوفوا تفاصيل الزيارة في اللينكين دول


سوزان مبارك في افتتاح مگتبة وأوبرا دمنهور
http://damcommerce.yoo7.com/montada-f15/topic-t5857.htm
احتفالية فنية في افتتاح أوبرا دمنهور
http://www.alkhaleej.ae/portal/1bc12070-cc16-4b35-a5c3-2b368a7d785a.aspx
08/05/2009
دمنهور - حسين القباني ومحمد عيسوي:

كاد افتتاح سوزان مبارك قرينة الرئيس وفاروق حسني وزير الثقافة بعد ظهر أمس الخميس أوبرا دمنهور ومكتبة مبارك العامة أن يفشل مع اندفاع أهالي دمنهور الغاضبين نحو سيارة حرم الرئيس أثناء دخولها الأوبرا وذلك بعد تأجيل الزيارة ثلاث مرات.

وسيطر الوجود الأمني علي مجريات الافتتاح واعتلت العناصر الأمنية أسطح المنازل المجاورة للأوبرا وبينما استعد مقر الحزب الوطني المجاور لاحتمال استقبال حرم الرئيس حيث أغلق الأمن مقر نواب الإخوان تمامًا.
وقد حضر الافتتاح اللواء محمد شعراوي محافظ البحيرة ومسئولو الثقافة بالمحافظة خاصة بعدما حوَّل الأمن مدينة دمنهور منذ صباح أمس الخميس إلي ثكنة عسكرية تعطلت معها حركة المرور في ميدان الأوبرا الحيوي بشكل كامل.
من جانبها رفضت جماعة الإخوان هذه الزيارة، وقال د. محمد جمال حشمت القيادي بالجماعة ردًا علي اتهام وزير الثقافة للبحيرة بأنها معقل المتطرفين متسائلاً: «هل عندما يرفض أهالي دمنهور الحزب الوطني والنظام الحاكم يُتهم بالتطرف؟!»

واستطرد قائلاً: «أتمني أن تكون الأوبرا مصدر إشعاع ثقافي، وللأسف هذا لن يتحقق في ظل هذا النظام المستبد ووزير ثقافته الذي شوه الحياة الفنية والأدبية في مصر».
http://dostor.org/ar/content/view/21910/28/

هناك 6 تعليقات:

همس الاحباب يقول...

مبروك عليكم الاوبرا والزيارة با هندسة
يا عم ما تزعلش هما اجلوا الزيارة 3 مرات علشان خاطرك انت يس
كانوا منتظرين حضرتك تخطب علشان يجوا يباركوا ويهنئوا
تحياتى

جنّي يقول...

السلام عليكم

كيف حالك يا باشمهندس ..

ماذا تنتظر من جهاز امني فاسد بقيادة الكريه ليثبت ولائه لسيدته وتاج راسه ..
وسيظل الاخوان شوكة حق في حلقهم ويرفضون سياساتهم الفاسدة ليس في الثقافة فقط ولكن على كل المستويات ..

أحمد سعيد بسيوني يقول...

يسلم فمك يا دكتور حشمت

ابو اعصار يقول...

دمنهووووور من كل خمسة من اصدقاي سته منهم من دمنهور
وكمان النظام الحاكم عنده عنصريه ضدكم يلا يا عم عرفت انا مصاحبكم ليه
منور بلدك يا هندسة

مهندس مصري يقول...

همس الأحباب
==========
الله يبارك فيك
:)
الله يكرمك

جني
===
و عليكم السلام و رحمة الله و بركاته
الحمد لله
معاك حق

أحمد سعيد بسيوني
================
ألف مرة

أبو إعصار
==========
:))
كويس
الله ينور عليك

صيدلانيه طالعه نازله يقول...

بص دايما الزيارات دى بتبقى نكبه على البلد اللى بتحصل على ارضها الزياره انا شخصيا بغيب الولاد من المدرسه لو فيه زياره مهمه فى البلد
اما افتتاح المشروعات القديمه فدا عادى برضه فى بلدنا لان احنا معندناش جديد عدل نبينه للناس طب نلمع نفسنا ازاى قدام الخلق نقوم نفتتح المشروع قد 5 او 6 مرات من منطلق ان التكرار يعلم الشطار