الأحد، مايو 31، 2009

الحرب الأهلية بلبنان

كنت دايماً نفسي أفهم لبنان بتركيباتها السياسية و الطائفية المعقدة و إعتقدت إني لو عرفت الخلفيات التاريخية للبنان و خصوصاً الحرب الأهلية ممكن فهمي يكون أفضل
و بناء على نصيحة من الصديق حنا السكران قمت بالبحث في أرشيف قناة الجزيرة و وجدت 15 حلقة لبرنامج أذيع سنة 2001 عن الحرب بكل تفاصيلها
و قلت أشرككم معايا
حرب لبنان: (ج 1 - الامتحان الأول)
حرب لبنان: (ج 2- جذور الصراع)
حرب لبنان: (ج 3 - الانفجار)
حرب لبنان: (ج 4 - نار ودخان)
حرب لبنان: (ج 5 - تدخل دمشق)
حرب لبنان: (ج 6 - نار تحت الرماد)
حرب لبنان: (ج 7 - إيران والعراق تنتقل إلى الساحة اللبنانية)
حرب لبنان: (ج 8 - الاجتياح الإسرائيلي للبنان عام 1982)
حرب لبنان: (ج 9 - منظمة التحرير تنهي وجودها من بيروت)
حرب لبنان: (ج 10 - مجزرة صبرا وشاتيلا)
حرب لبنان: (ج 11 - هزيمة قوة عظمى)
حرب لبنان: (ج 12 - اندلاع حرب المخيمات وحرب طرابلس)
حرب لبنان: (ج 13 - عودة دمشق)
حرب لبنان: (ج 14 - لبنان بلا رئيس وبحكومتين)
حرب لبنان: (ج 15 - الإطاحة بعون وانتهاء الحرب)
و اعتقد إن المقولة دي من الحلقة الأخيرة هي خلاصة الحرب:
في حرب لبنان جن جنون البشر، قتل لبنانيون لبنانيين لا لسبب سوى لاختلاف دين القاتل عن دين القتيل.
في حرب لبنان ارتكبت كل الطوائف مجازر ببعضها البعض.
في حرب لبنان اقتتل أبناء الطائفة الواحدة.
في حرب لبنان قتل عشرات الآلاف في صراعات ميليشياوية وإقليمية ودولية.
في حرب لبنان أريق الدم البريء المسيحي والمسلم فامتزجا دون فارق ودون هدف ودون جدوى!!
في حرب لبنان دُمِّرت البلاد وأزهقت أرواح 150 ألف إنسان.


و برضه ما أعتقدش إني نجحت في فهم السياسيين اللبنانيين و إن كنت إطلعت على فصول مؤلمة من تاريخنا العربي

هناك 11 تعليقًا:

مواطن مصري يقول...
أزال المؤلف هذا التعليق.
ملكة بحجابى يقول...

اولا بحييك على تعبك فى احضار كل اللينكات دى
ثانيا عندما يفهم اللبنانيون أعدائهم اللبنانين ويكفا عن القتال
ربما نفهم النقاط المبعثرة على أحرف سياستهم وفك لوغاريتم خطوطهم السياسية

دومت مثقف وواعى
تقبل مرورى

ملكة بحجابى

jafra يقول...

بابا كان في بيروت وقت الحرب
حكالنا كتير عنها : بس لخص الامور بوجهة نظر مواطن عربي
كل الدول استغلت لبنان و الطائفية و القضية الفلسطينية لتصفي حسابات بينهاو ماراحت الا على المعترين اللي ما انعقدت الهم جلسة بجامعة الدول العربية لتطالب بس بحقهم بالدفن بدل ما كانت جثثهم بتاكلها كلاب الطرق


شكرا على الفيديوهات

مهندس مصري يقول...

مواطن مصري
===========
عفواً و يارب تستفيد منهم

ملكة بحجابي
===========
عفواً
يارب يتفاهموا مع بعض و يبطلوا طحن في بعض

شكراً
:)
نورتيني

جفرا
====
فعلاً
العفو

سبهللة يقول...

يا باشمهندس
تاعب نفسك فى فهم اللبنانيين
طيب مش لما نفهم نفسنا
ونشوف احنا رايحين على فين فى الاول
نبقى بنص على الجيران

بصراحة انا ماحاولتش افهم
لان كل اللى انت لخصته فى خر فقرة
150 واحد اتقتلوا بسبب اعتقادهم الدينية
بس كدة

سبهللة يقول...

نسيت اقولك مبروك على الخطوبة
معلش جت متأخرة شوية بسبب فترة انقطاعى عن العالم

بارك الله لك فيها وجعلها زوجة صالحة ورزقك منها بالذرية الصالحة ان شاء الله

مهندس مصري يقول...

سبهللة
=======
150 ألف مش 150 بس

طب ما إحنا فاهميين نفسنا و فل
و معروف مين الحرامي و مين الشريف
مين اللي واكلها والعة و مين المطحون و طالع عينه

عموماً هو كان فضول للمعرفة

بالنسبة للخطوبة
الله يبارك في حضرتك
آميين للدعوة الحلوة دي
:)

maha zein يقول...

لبنان هي بجد لوحة فسيفسائية
فيها كل الطوائف وكل المذاهب وكل الاشكال و الالوان

وكل طائفة ليها مسانديها وليها مشجعيها
وكل طائفة قوية وليها جذور في الداخل اللبناني

مش بس كده
لبنان بلد مفتوحة بشدة علي كل الاطرف الخارجية
من ايران وسوريا وفرنسا وامريكا واسرائيل واطراف اخري خفية

يعني من الاخر بلد مليانة مشاكل

كنت بعتقد ان الازمة اللبنانية ازم مفتاحية
ليها صلة بمعظم مشاكل الشرق الاوسط

شكرا علي الموضوع الهادف
وربنا يبارك فيك

سبهللة يقول...

باشمهندش
دة الميل بتاعى
raniarachad@yahoo.com
ابعت لى الميل بتاعك وقولى فيه انك مهندس مصرى عشان ابعت لك دعوة لقراءة مدونتى لانها اتقفلت للعامة وبقت مفتوحة للى عندهم دعوات بس
سلام عليكم

نيجار يقول...

السلام عليكم يا بشمهندس أولاً
ثانياً الموضوع بجد حلو اوى وعلى فكره انا بعشق الجزيره الوثائقيه وسري للغايه بتاع يسري فوده لان ده تاريخ كل العرب وتاريخ العالم ولازم نفهم على الأقل إيه اللي حصل ومش في لبنان بس المفروض يكون في وعي ولو بسيط بأحداث ممكن تكون غيرت الدنيا كلها مش شعب وبس ، وبإذن الله هشوف الفيدوهات كلها لاني بصراحه ما شفتهمش قبل كده،
ثالثاً ودي أهم حاجه ألف ألف مليون مبروك على الخطوبه وربنا يتمم لك على خير
تحياتي لك :)

مهندس مصري يقول...

مها زين
========
موافقك تماماً على إن التدخلات الأجنبية بتفاقم المشكلة اللبنانية
نورتينا يا فندم

سبهللة
=======
علم و تم التنفيذ
:)

نيجار
======
و عليكم السلام و رحمة الله و بركاته
ياااااااااااااااااااااه
عاش من شافك
و حمداً لله على سلامتك
و ما تغيبيش على مدونتك الغيبة دي كلها
دا إنتي عملتي أطول عيد ميلاد في تاريخ المدونات
:)

أنا برضه بأحب وثائقيات الجزيرة
و على فكرة اللينكات دي تفريغ مكتوب لكل حلقة لكن كل صفحة فيهم فيها لينك لفيديو الحلقة
يعني ممكن تختاري بين القراءة و المشاهدة

و الله يبارك في حضرتك ترليون مرة
:)