السبت، يونيو 06، 2009

يحكى أن - مؤثرة جداً

يحكى أنَ ... أنَ إيه
سرقوا بلادنا ولاد الإيه
يحكى أنَ ... كان ياما كان
سرقوا بلادنا الأمريكان
يحكى أنَ ... جيل ورا جيل
سرقوا فلسطين إسرائيل
يحكى أنَ ... يا أحفاد
امريكا دخلت بغداد
يحكى أنَِ ... يا حلاوه
أمريكا بتضرب بغباوه

راح يدخلوا بغداد العصر
و المغرب راح يدخلوا مصر
يحكى أنَ ... انعقدت قمَه
ما بتعرفش تقول و لا كلمه

يحكى أنَ ... الظلم استشرى
و الدم مطرطش فى النشره
يحكى أنَ ... ان احنا سكتنا
و اتنيلنا كده بخيبتنا
و كأننا ما كأنَاش كنَا
و الذل بيوصل لدقوننا
و الذل بيوصل لعينينا
و الله رحمة ان احنا بكينا
و الله رحمة ان احنا نعسنا
و الضلمه غطت فوانيسنا
بس خساره ما حلمناش
يحكى أنَ ... و ما يحكاش




غناء
حازم شاهين
أشرف نجاتي
شادي مؤنس
سامية جاهين
اية حميدة
بيانو نوار عباس
بيز جيتار عامر بركات
ايقاع ايمن مبروك
مونتاج على هشام

هناك 15 تعليقًا:

كيــــــــــــارا يقول...

معبره اوي عن واقع اليم نعيش فيه

بدراوى يقول...

جميل اوووى
كلمات مين ديه
؟

Me7'o يقول...

حاوة قوى ومعبرة جداً
مختصرة وفيها الشفا
صحيح خير الكلام ما قل ودل

maha zein يقول...

حلوة الكلمات طبعا
بس صراحة مشمعتش الاغنية
اه وربنا هيجي فعلا اليوم اللى ندرس فيه لطلبة الابتدائي و الاعدادي في التاريخ مع احمس ومينا انا الامريكان دخولا بغداد وففعلوا فيها كما فعل الهكسوس بمصر

ربنا مع كل مظلوم

سبهللة يقول...

وجعت قلبى وانا بقراها
ووجعت قلبى وانا بسمعها
وكله كوم والحتة بتاعة هايخلوا بغداد العصر والمغرب راح يدخلوا مصر
قشعرت جسمى
ربنا يلطف بينا

ايوشة يقول...

زمان كانوا بيقولوا هم يضحك وهم يبكى انما دلوقتى كل الهموم بتبكى

well يقول...

بجد كلمات جميلة بخصوص اللحن كان عاوز شوية تظبيط
تقبل مرورى وتحياتى

مهندس مصري يقول...

كيارا
=====
فعلاً
حسيت إنها هزتني من جوه

بدراوي
=======
أشعار أمين حداد
و مكتوبة في الفيديو لو كنت شفته
:)

ميخو
====
بالضبط يا هندسة

مها زين
========
بس ياريت ندرس التاريخ ده و إحنا منتصرين
لإن المنتصر هو من يكتب التاريخ

سبهللة
=======
آميين
أنا برضه حسيت زيك كده

أيوشة
=====
ليه ؟ إقرأي لبلال فضل
دوري على كتبه
قلمين و ما فعله العيان بالميت و غيرهم
حتلاقي هم يضحك من شدة البكاء

ويل
===
نورتني

مهندس حر يقول...

الكلمات جيدة جدا إنما اللحن متوسط و لكن المحصلة مؤثرة ربما لأنها تعبر عما يجول بخواطرنا جميعا..

اللى خايف منه إننا من كتر ما بنتكلم و نغنى نكون بنفرغ كل طاقات الفعل و مخزون الغضب و النتيجة إننا بنهمد و ننام و نشخر و مايفضلش مننا غير ظاهرة صوتية يمكن التخلص منها بمجرد إنك تقفل الراديو أو تغير المحطة أو حتى تنش المذيع خرطوشة تجيب أجله..

مهندس مصري يقول...

مهندس حر
=========
متفق معاك تماماً

z!zOoOo يقول...

السلام عليكم

يارب تكون بخير

الكلمات بسيطه لكن معبره قوي

لكن مسمعتهاش

ارجو الرجوع الي اخر موضوع عندي

لرؤيه التحديث في اخر الصفحه للأهميه

وعذرا للإزعاج

مهندس مصري يقول...

زيزو
=====
و عليكم السلام و رحمة الله و بركاته
قريت الموضوع و التحديث
و ضفتك عندي على الجوجل ريدر و متابعك علطول
:)

محمود خاطر يقول...

طول ما هيفضل النظام الدكتاتوري المصري الفاسد جاسم علي صدورنا هنفضل نحكي لحد ما ييجي صلاح الدين من أحفادنا الي احنا حكينا لهم

معتز شاهين - باحث تربوي يقول...

احييك يا بشمهندس على تلك الكلمات الرائعة والصور المعبرة
وأحييك اكثر على تلك المدونة الرائعة الهادفة
بارك الله فيك وردك من غيبتك التي أنت فيها
على فكرة أنا من نفس المدينة اللي انت منها دمنهور

تقبل تحياتي وخالص تقديري
ويبقى التواصل

مهندس مصري يقول...

محمود خاطر
==========
بس ياريت ييجي

معتز شاهين
==========
شكراً جزيلاً
و أهلاً بيك يا إبن بلدي
:)
نورتني