الخميس، يونيو 25، 2009

مقابلة مع حارس سابق بمعتقل غوانتنمو

تقرير : ناصر الحسيني
تاريخ بث التقرير : 23/6/2009

تيموثي هولبروكس جندي امريكي اعطيت له الأوامر لحراسة السجناء ومراقبة حركاتهم في معتقل غوانتانامو. لم يستمر في عمله طويلا حتى قرراعتناق الإسلام ؛ لأنه كما يقول اكتشف تعاليم الاسلام السمحة ؛ فتحول من حارس للسجناء الى الحرص على حفظ القرآن والصلاة فى المساجد


هناك 17 تعليقًا:

!!! عارفة ... مش عارف ليه يقول...

الحمد لله

سيعصم الله دينه إلى يوم القيامة

حتى وإن كان العيب فينا

سيعز الله دينه بنا أو بمن بعدنا


وليد

عايش... ولكن !!!! يقول...

مش جديد
انا متوقع كل ده
لكن الحمد لله ربنا بينصر دينه كل يوم

مواطن مصري يقول...

العنف يولد العنف هناك فرق بين تعاليم الاسلام السمحة و التي تدعو للمحبة و بين تصرفات المتطرفين

مهندس مصري يقول...

مش عارف ليه !!!
===============
الحمد لله
اللهم إستعملنا و لا تستبدلنا


عايش و لكن
===========
الحمد لله

مواطن مصري
===========
إيه علاقة اللي أنا ناشره بتعليقك اللي انت كاتبه ده ؟

م/ محمد صالح يقول...

انا اسف جدا على التأخير فى الرد ياريت تكون فاكرنى انا طالب الهندسه اللى راسلتك فبل كده انا يدوب لسه مخلص امتحانات (انا فى2 مدنى)دلوقتى انا رايح اعمل التدريب الصيفيى وكنت عاوز اعرف من حضرتك ازى اقدر استفاد منه بصوره تفدنى بعد كده يعنى ايه اللى لازم اتعلمه فى الفتره دى طبعا اكيد حضرتك عارف اننا لسه متعمقناش فى دراسه مواد التخصص ولو انى شايف انها مش هتفرق كتير

مواطن مصري يقول...

الي عاوز اقولة ان الفهم الصحيح للدين بيحبب الناس في الدين انما الفهم الغلط للدين هو الي بيخلي الناس تبعد عن الدين ارجو يكون فكرتي وصلت

ربنا يزيد و يبارك

نهر الحب يقول...

مش عندى فلاش بلاير لانى حالا منزلة ويندوز احاول انزلة وارجع
رغم انى بحاول من الصبح ومش عايز يتسطب

Dr. Kafy يقول...

و يمكرون و يمكر الله و الله خير الماكرين.
جزاك الله خيرا يا باشمهندس على التدوينة و مقطع الفيديو.

و كما أوضحت فإن الإسلام ينتشر بحسن المعاملة و مكارم الأخلاق بشكل أفضل من الدعوة الشفهية.

اللهم اجعلنا هداة مهتدين و لا تجعلنا ضالين و لا مضلين.

مهندس مصري يقول...

م / محمد صالح
============
في التدريب الصيفي أي كان الموقع أو المشروع اللي إنت رايحه مهمتك إنك تراقب و تحاول تعرف كل حاجة بتتم حواليك
و إختار مهندس تحس إنه كويس و عنده إستعداد يتكلم و يشرح لك و إسأله على قد ما تقدر
و حاول تركز على إستلام الشدات و إستلام حديد التسليح و صبة الخرسانة

و لو إتعلمت اي حاجة في التشطيبات يبقى كويس قوي لإننا مش بنتعلم عنها حاجة في الكلية خالص

و راجع البوستات اللي كاتبها قبل كده بتسمية شغل

خصوصاً بتاعة الشغل في مصر اللي إسمها رجل الحمار
:)

و ربنا يوفقك إن شاء الله و ما تقلقش من أي حاجة كلنا لسه بنتعلم لحد دلوقت و طول عمرنا حنفضل نتعلم

مواطن مصري
===========
أيوه كده وصلت

نهر الحب
=======
:)

د / كافي
========
آمييين

لقد خلقنا الله احرارا يقول...

انا عندى مشكلة مزمنة مع اى فيديو فى مدونتك

مهندس مصري يقول...

لقد خلقنا الله أحراراً
===================
خلاص شوفيه في موقعه الأصلي
http://www.youtube.com/watch?v=wR6lBytX1P0

عاشقة الفردوس يقول...

اللهم لك الحمد


سبحـــــــــــان الله


بس اللي انا بسمعه وبقرأه عن جوانتانمو انه المعاملة فيه سيئة جداااااا جداااااااا


سبحان الله

ربي يلطف بيهم ويفك سجنهم اللهم آمين

مهندس مصري يقول...

عاشقة الفردوس
==============
رغم إنهم بيتعذبوا هناك
لكن سبحان الله
كانوا سبب في هداية بعض الحراس للإسلام

مهندس حر يقول...

أحييك على إختيار الفيديو ياباشمهندس .. رغم قصر مدته إلا أنه ثرى بالمعانى لمن يتأمل فيه ..

الله سبحانه و تعالى ناصر لدينه و حافظ له هكذا أخبرنا و هو على كل شيئ قدير .. و هو قادر إن شاء الله أن يرفع محنة الأسر و السجن الظالم عن كل سجين و معتقل فى كل مكان..

و لعنة الله على أوباما اللى بدل ما يلغى الإحتجاز المفتوح بدون محاكمة عامله قانون يخليه شرعى .. عشان الناس اللى كان عاجبهم يتبطوا و مايسمعوناش صوتهم..

Hossam يقول...

السلام عليكم صديقى مهندس مصرى
وحشتنى والله
انا اتفرجت عل الفيديو وسبحان الله ان الله يهدى من يشاء
الفيديو رائع وشكرا على الموضوع الجميل
تحياتى لك
سلام

م/ محمد صالح يقول...

شكرا على نصائح حضرتك واهتمامك البالغ بس انا عاوز من حضرتك طلب كمان ياريت لو تبعتلى برنامج الauto cadلن اننا دلوقتى بأتعلمه بس نسخته اللى عندى مبقتش شغاله ومش لاقى حد جنبى يدهولى وده ايميلى من فضلك لو ممكن ترسله عليه
midohrh2010@yahoo.cpm

مهندس مصري يقول...

مهندس حر
=========
أشكرك
الفيديو فعلاً ملفت للنظر
المعتقلين المعذبين المضطهدين قدروا يأثروا في أكتر من حارس و يهدوهم للإسلام
سبحان الله

أوباما مصيبة فعلاً و حيخلي الناس تترحم على أيام بوش
و كله جاي في السكة
مصايب وراء بعضها

حسام
=====
و عليكم السلام و رحمة الله و بركاته
نورتني
العفو :)

م / محمد صالح
============
العفو
بس برنامج الأتوكاد كبير و ما ينفعش يتبعت على الإيميل
لإنه أكبر من 25 ميجا بكتيييير