الجمعة، أغسطس 07، 2009

فساد الشرطة و مشاكلها

المدون العزيز احمد سعيد نشر بوست عنده بعنوان عصابه حمادة وتوتو
و هو يستحق القراءة و التأمل سواء كان البوست أو تعليقاته لكن لتدركوا حجم المصائب المتفشية في الشرطة المصرية فأرجو منكم أن تراجعوا ما كنت نشرته من قبل عن العميد محمود قطري و ممكن تعتبروا كلامه شهادة شاهد من أهلها


هناك 16 تعليقًا:

بدراوى يقول...

ٌقريت البوست قبل كدة
اما كلام العميد محمود قطرى
فقريته كثير
و حاجة الصراحة تزعل

همس الاحباب يقول...

مع الاسف الحال بقى من سيىء لاسوا

ولد مصري يقول...

ازيك يا باشمهندس

وحشتني مواضيعك القوية

وانت طبعا وحشتني قبل مواضيعك :)

هقرأ الموضوع المذكور وبعدين أعلق

تحياتي

فتاه من الصعيد يقول...

انا قريت كلام احمد سعيد
وقريت كلام محمود القطري ......... بس عديت حكايات التعذيب ....... علشان موش بقدر اقرا ولا اشوف الحاجات دي

شيء مؤسف ....... وجهاز فاسد

بوست رائع ...... احييك

مهندس مصري يقول...

بدراوي
=======
حسبنا الله و نعم الوكيل

همس الأحباب
==========
فعلاً

ولد مصري
=========
الحمد لله
الله يكرمك

فتاة من الصعيد
===============
العفو يا ستي
بس أنا فعلاً لما كنت بأسجل معاه و بيحكي لي بنفسه كنت مستغرب إن الشرطة اللي المفروض تحمينا و تجيب لنا حقوقنا وصلت للدرجة دي
و إن الأغلبية فاسدة أو ظالمة و أقل القليل منهم هم المحترمين و يتم إبعادهم عن كل الأماكن المهمة

حنــــان يقول...

السلام عليكم

قريت التدوينات متاعت محمود القطري و طبعا توا نمشي نقرا موضوع احمد سعيد

و الله شيء يدعو للاسف ،
الحال هاذا موش كان في مصر، ، نتصور لولا اللهجة و انه مذكور انه هالشيء صاير بمصر، كان ممكن نقول انه صاير باي مكان من الدول العربية، هاذا طبيعي لانه كل العالم العربي تحت نفس الانظمة الفاسدة

الكفر كله ملة واحدة !!

فتاه من الصعيد يقول...

بس انا موش استغربت

انا اعرف واحد ظابط رئيسه كان بيشتمه علشان بيصلي :)

لغايه ما الواد كره نفسه كان عايز يسيب الخدمه ...... بس طبعا اهله رفضوا

مهندس مصري يقول...

حنان
=====
و عليكم السلام و رحمة الله و بركاته
فعلاً كل الدول العربية ترزح تحت نير الظلم
حسبنا الله و نعم الوكيل

فتاة من الصعيد
==============
و الله المفروض المحترم يتجنب المهنة دي لإن صعب يحافظ على إستقامته فيها

ابو صهيب ( الجمعاوي الاصيل)سابقاً يقول...

هذا هو حالنا ياهندسة وما السبيل اذاً

مهندس مصري يقول...

ابو صهيب
=========
الله أعلم
لابد من الثورة و لكن كيف ؟

سومه...مجنونه فى بلد عاقل يقول...

الا الشرطه والجيش واى كائن بيحط دبابير ونجوم على كتافه يا مهندس من فضلك اسحبها تانى انت ناسى ان بطيخ رئيس لواء اركان حرب المراكب الفضائيه ولا ايه :))

بص يا مهندس عشان منظلمش حد الشرطه من الشعب بمعنى ان الظابط دا موظف حكومى من الشعب لو بصيت على نقول تلت بلاش نص الموظفين فى بلدنا حنلاقى ابتداء من الفراش لحد مستر سونه وعياله بيفرضوا سيطرتهم وبيستغلوا سلطاتهم بقدر المستطاع يعنى تعالى للمدرس حنلاقيه لو عنده ابن حيستغل منصبه ويديه درجات زياده ممكن كمان يضرب العيال عشن ياخدوا درس عنده
حنروح بعيد ليه مش انت مهندس اكيد قابلت نماذج مهندسين مرتشين عندنا فى المنوفيه عشان تبنى عماره لازم فى ايد المهندس 20 باكو مقفل منغير حتى ما يحطلك التصميم البيه مش فاضى بياخدهم وينام دا غير مقاول معروف فى سته اكتوبر بانى فوق 50 عماره مخالفين ومنهم ايل للسقوط ومهندس معامرى يوم ما ابويا وقف قصاده قاله خاف على بناتك الظباط بييجوا لحد عنده ومن جبروته بيقفوا والظباط برضوا للى جابوا حقنا منه ..
والدكتور لو يطول يجزرك ويبيعك للسعودين وبتوع الخليج والغرب قطع غيار حيبيعك
طبعا مفيش تعميم لكن انا اقصد ان دا حال مجتمع بالكامل مش حال ظباط الشرطه بس اللى ربنا بيملكه سلطه ما بيصدق يفعص الخلق برجليه ويدوس عليهم حتى لو اهله
ربنا يهدينا جميعا
ملحوظه انا لا ليا قرايب ظباط ولا بينى وبينهم عمار انا بتكلم فى الحق بما يرضى الله

مهندس مصري يقول...

سومة مجنونة في بلد عاقل
======================
أنا متفق معاكي
بس الشرطة هي من أكبر المهن سلطة
مفيش تعميم بس الظلم زاد قوي

أم مالك يقول...

على فكرة ليك عندى سؤال
فى البوست الاخير
ياريت تدخل تجاوب عليه
نحياتى

إنـســـانـة يقول...

تؤ تؤ تؤ

إزاى تقول كدة ده احنا احسن حاجة عندنا الشرطة الباسلة بتاعتنا


يارب سامحنى

يارب سامحنى

يارب سامحنى

:D

مهندس مصري يقول...

أم مالك
========
بارك الله لكي

إنسانة
======
باسلة ؟
بتنقي البسلة يعني و لا إيه ؟
:))

علي محـمــــــد يقول...

كــل عـــــام وانتم بــخـــــيــر