الاثنين، أكتوبر 12، 2009

قوات الأمن تلقي القبض على 12 من قيادات الإخوان بمحافظة البحيرة





خاص - البحيرة







أ / محمد سويدان


ألقت الأجهزة الأمنية بمحافظة البحيرة مساء أمس القبض على 12 من قيادات الإخوان المسلمين بمحافظة البحيرة في مقدمتهم محمد سويدان مسئول المكتب الإداري لإخوان المحافظة، والدكتور محمد جمال حشمت عضو مجلس الشعب السابق؛ وذلك أثناء وجودهم في منزل الدكتور عدلي أبو شناف بمركز حوش عيسى.
وتضم المجموعة أيضًا: م. حسني عمر (مرشح الإخوان المسلمين في انتخابات الشورى 2007م)، ود. حمدي عبيد (أمين عام نقابة الأطباء بالبحيرة)، وصبحي الطحان (رجل أعمال)، د. مهدي قرشم (أستاذ بكلية الطب البيطري جامعة الإسكندرية)، م. مصطفى الخولي (رجل أعمال)، م. محمد أبو السعد (مدير عام بالمقاولون العرب)، م . عادل يونس (مهندس بشركة كفر الدوار للغزل والنسيج)، حامد بدوي، ومحمد الشراكي.





قوات الأمن حطمت باب منزل د.حمدي عبيد بطريقة همجية
وبعد القبض عليهم داهمت قوات الأمن منازل المعتقلين، وبعثرت محتوياتها بطريقةٍ همجية، وروعت النساء والأطفال، فضلاً عن استيلائها على مبالغ مالية وأجهزة كمبيوتر.
ففي منزل سويدان قامت القوات بتفتيشه وبعثرة محتوياته، وطلب الضابط القائم على التفتيش إحضار جهاز الكمبيوتر الخاص بالمنزل، وأكد له أهل المنزل عدم وجود أية أجهزة؛ مما جعله يصعد إلى شقة ابنه الأكبر أحمد ومصادرة جهاز الكمبيوتر الخاص به.
وشهد منزل الدكتور حمدي عبيد هجومًا شرسًا؛ حيث تم انتشار المخبرين من أسفل العمارة إلى أعلاها، وتم طرق أبواب قاطني العقار بالكامل والسؤال عن هوياتهم وإظهارها؛ مما أثار حفيظتهم، وكادت أن تحدث مشادات بين الأمن والجيران، ولم يكن أحدٌ موجودًا في المنزل وقت الهجوم فتمَّ كسر باب المنزل، وقاموا باقتحام الشقة وسرقة مبلغ 5 آلاف جنيه، وتم كسر لوح زجاجي وكسر عدد 2 شنطة مغلقة بأرقام سرية، وتمت مصادرة بعض الأسطوانات الطبية الخاصة به.





بعثرة محتويات منزل الدكتور حشمت أثناء المداهمة
وشهد منزل الدكتور مهدي قرشم هجومًا أكبر، فقد تم تطويق المنزل والصعود على أسطح المنازل المجاورة والقفز على منزل قرشم؛ مما أصاب زوجته بالذعر فبدأت بالصراخ لخشيتها من هجوم لصوص على المنزل لتفاجأ بقوات أمن الدولة، وقامت قوات أخرى بتكسير باب العقار الذي يقطن به، ودخلوا منزل قرشم، وقاموا بالعبث بمحتوياته، إلا أنهم لم يجدوا شيئًا فأخذوا بعض الأسطوانات وبعض الأوراق، وتجمهر عددٌ من أهالي المنطقة ومحبي قرشم الذين استنكروا هذه الأفعال وأبدوا استياءهم منها.
أنا كنت كاتب قبل كده 3 مواضيع عن المرة الاخيرة اللي قبضوا فيها على أ/ محمد سويدان جارنا و إمام صلاة الفجر كل يوم في مسجد الحي







  • أسامة سويدان في حوار الساعة: ابي يدفع ضريبة الإصلاح
  • و ساعتها برضه زي كل مرة بيتم القبض فيها على أحد الإخوان المسلمين بتوجه لهم شوية تهم محفوظة من عينة تنظيم مخالف لأحكام الدستور و السعي لقلب نظام الحكم و غيرها من قائمة التهم المكررة و بعد الحبس إحتياطياً على ذمة القضية لمدة تتراوح بين 15 يوم إلى 6 شهور كحد اقصى يتم عرضهم على المحكمة التي تحكم لهم بالبراءة من أول جلسة و بإخلاء سبيلهم فوراً من المحكمة
  • و السؤال هو إلى متى تستمر هذه المناوشات السخيفة من الأمن و الى متى يستمر القبض على الابرياء بتهم واهية ؟
  • خاصة أنهم جميعاً شخصيات معروفة بحسن السمعة و السير و السلوك و محبوبين من زملاؤهم و جيرانهم
  • بل إن د / حشمت العضو السابق بمجلس الشعب كان قد إكتسح نتائج الإنتخابات لمجلس الشعب 2005 في دائرة بندر دمنهور قبل أن يتم تزويرها لصالح د / مصطفى الفقي و ذلك بشهادة 151 رئيس لجنة من الـ 160 قاضي الذين كانوا يشرفون على الإنتخابات وقتها و منهم المستشارة نهى الزيني
  • و السؤال الأهم إلى متى يستمر الإخوان في إتباع سياسة الصبر بدون أي رد فعل على إستفزازات الأمن ؟
  • العديد من المتعاطفين مع الإخوان يستغربون صمتهم و إستسلامهم التام لإعتقالات الأمن و يتسألون ما نهاية ما يحدث هذا خصوصاً بعد إلغاء الإشراف القضائي على الإنتخابات و إنعدام فرصة حصول أي مرشح غير حكومي على أي مقعد نيابي فهل يستمر الإخوان في كمونهم و لا ينشطون إلا في أوقات الإنتخابات عديمة الجدوى فقط
  • اللهم أنصر المظلومين على الظالمين و ارفع مقتك و غضبك عنا يارب العالمين




هناك 23 تعليقًا:

سومه...مجنونه فى بلد عاقل يقول...

طيب انت نفسك تشوف مصر تانى ولالا عشان اشك :) فى انك نفسك تشوفها

مواطن مصري يقول...

بردو انت لسة مش عارف ان الاخوانجية عملت صفقة مع الحكومة

مصلحة الحكومة وجود الاخوان

mimi يقول...

محافظة البحيرة بكل مراكزها بحس إنها محاصرة

وتقريبا الأخوان متعودين علي كده

ومجهزين شنطة أعتقالهم دايما

من ساعة مقتل السادات

وعيلة الزمر ... وهي محافظة عايشة في قلق دائم

تحياتي

عبدالرحمن أبوالعُلا يقول...

حسبنا الله ونعم الوكيل

مهندس مصري يقول...

سومة مجنونة في بلد عاقل
======================
طبعاً نفسي أشوفها
:)

مواطن مصري
===========
دا ايه الذكاء ده كله ؟
بقى لما يعملوا صفقة معاهم يقوموا يقبضوا على قياداتهم و يرموهم في السجن

هههههههههههههه
يا بني أنا كل مرة بأقرأ ردودك بأقول سبحان الله و يخلق ما لا تعلمون

وجود الإخوان صحيح مصلحة للحكومة علشان تخوف الغرب بيهم و منهم
بس ده مش معناه وجود صفقة و إلا كنت حتلاقي توافق بين الحكومة و الإخوان على التهدئة و ما كنتش تلاقي الإعتقالات على ودنه لكبار القيادات
شغل مخك شوية يا مواطن

ميمي
=====
أصل محافظتنا منبع الإخوان و شعبيتهم فيها عالية جداً
دا الإمام حسن البنا مؤسس الإخوان نفسه من عندنا
و الناس عندنا بتكره الحكومة موت

عبد الرحمن أبو العلا
===================
حقاً هو مولانا و نعم النصير

فتاه من الصعيد يقول...

نفسي اعرف اجابه لسؤال من زمان

ليه الحكومه بتعتقل الاخوان وموش بتعتقل اي عناصر لجماعات تانيه زي كفايه حرام او اي حاجه .... ولا بتعتقلهم وانا مش باخد بالي ؟

أبو العريف يقول...

مفيش حاجه اقولها غير

حسبنا الله ونعم الوكيل

شاب مفقوع يقول...

الاول اقولك كان الله في عون اهالي اللي تم قبضهم

تاني حاجه اقولهالك ان الاخوان طالما مستمرين في صمتهم فالنتيجة الاستمرار في الضغط عليهم

تالت حاجه الاخوان حتى لو اتكلموا والشعب ساكت فالاخوان مش هايعرفوا يعملوا حاجه

تحياتي

مهندس مصري يقول...

فتاة من الصعيد
==============
بتعتقل من التانيين بس لإن عددهم قليل أصلاً و قوتهم أضعف بكتير من الإخوان رغم إن صوتهم اعلى فبتلاقي الإعتقالات تتناسب مع حجمهم و قوتهم الحقيقية
فبيعتقلوا منهم واحد و لا اتنين و بيطلعوا بعد شوية

ابو العريف
===========
فعلاً

شاب مفقوع
=========
آميين
متفق معاك بس سكوت الإخوان بيشجع الأمن على التنكيل بيهم أكتر

mimi يقول...

وأنت طيب يا بشمهندس

أنا أصلا شفت الصورة دي ... قلت لايمكن ما أستخدمهاش

بس أنت شهر كام؟

أحمد عاطف يقول...

السلام عليكم ورحمة الله

محمد الشعب بينتهج منهج الاخوان والاخوان بينتهجوا منهج الشعب في الصمت البهيم

اذا كان لما رغيف العيش اختفى قلت خلاص مصر هاتنطق وتتكلم وهاتقوم ثورة جياع

وكانت النتيجة ان الناس شجعت كاس الامم الافريقية 2008 وهللت ونسيت اصلا انها مش لاقيه رغيف العيش

الشعب مافيش منه رجا

والاخوان من طول صمتهم محدش بقى منتظر منهم حاجه

مهندس حر يقول...

أكبر خطأ يرتكبه الإخوان أو غيرهم فى المرحلة الحالية هو تصور أن ممارسات النظام فى الوقت الحاضر تمضى على نفس الوتيرة المعتادة من الشد و الإرخاء ..

النظام فى مرحلة تحول و هناك رؤى مختلفة و متنازعة داخله فيما يتعلق بأساليب التعامل مع القضايا المزمنة و منها مسألة الإخوان .. التوجه الصاعد فى النظام ربما يميل إلى الحلول النهائية و إلى تصفية مصادر الخطر بدلا من الإلتفاف حولها و ذلك لأنه يضع فى إعتباره أنه عندما يتحقق لهم المراد سيمرون بمرحلة تكون فيها سيطرتهم ضعيفة و تماسكهم هش و لذلك فهم لا يرغبون فى الإبقاء على أى منافس داخلى يتمتع بأى قدر من الشعبية و القدرات التنظيمية..

بإختصار .. ربما يكون النظام حاليا يضرب ليقتل و ليس فقط لإضعاف الخصم..

مهندس مصري يقول...

ميمي
=====
مواليد شهر 7

أحمد عاطف
=========
و عليكم السلام و رحمة الله و بركاته
مش عارف و الله يا احمد

مهندس حر
=========
النظام أصبح يضرب الرؤوس الكبيرة في الإخوان
لكن لا أظن أنه سيقوم بتدمير الإخوان فهو يحتاجهم كفزاعة للغرب و لكنه ربما يريد أن يصيبهم بشلل تام لفترة طويلة للغاية

مرحباً بحضرتك دائماً

عطش الصبار يقول...

يا با شمهندس
كل اللى بيشتغل فى السياسه فى عالمنا العربى بتبقى دى حياته انت فى العقد بتاعك مش مكتوب فيه ممنوع الحديث فى السياسه
ربنا يفك اسر كل اسير
تحياتى

الفاتح اليعقوبي يقول...

السلام عليكم
أنا معك يابشمنهدس يجب الرد ولكن بعقل وذكاء ولكن الخوف أن يستجيب الاخوان لاستفزازت الامن وبعدها بدل مايعتقل 12ممكن يعتقل جنب الرقم ده تلات اصفار
بمنتهي البساطة ماالرد الذي يريده الناس من الاخوان أنا بفكر في إيه اللي ممكن يقروا أخوانا أصحاب القرار وجدت أن كل القرارات المتوقع أخذها ستودي إلي كارثة علي كل الاوجه
فالنزول إلي الشارع خيار ستكون نهايته القمع والتنكيل والقضاء لادور له طالما اننا نعيش في قانون الطوارئ والاعتصامات لاتتم إلا بوجود الشعب و الشعب أساسا لايستجيب لاحد وملهي في دنيته

فالحل أن نكمل مابدأنا ونسير في طريقنا إلي أن تأتي لحظة تغير فيها كل الاتجاهات ويهتم الناس والشعب بنفسه ويثور لدينه ووطنه وكرامته

أعلم أنه يجب أن يكون هناك رد ولكن طالما اني لست بمسئول فقراري تعود أضراره علي نفسي أما وإن كنت مسئول فأخاف أن أخذ قرار يضر غيري كثيرا
والسلام

مهندس مصري يقول...

عطش الصبار
===========
لا مش ممنوع في عقدي
:)
ثم السياسة هي سبب كل مشاكلنا تقريباً
و حل كل مشاكلنا يبدأ منها
ربنا يفك أسر أسرانا كلهم
آميين

الفاتح اليعقوبي
================
و عليكم السلام و رحمة الله و بركاته
الحقيقة يا صديقي أنني لا أرى أي رد من الإخوان
سواء كان الرد عاقلاً و ذكياً أو لم يكن
فأنا لا أرى أي رد منهم على الإطلاق
أنا مش عارف إيه الرد المطلوب من الإخوان
بس اللي متأكد منه إن سكوتهم كده غلط و بيشجع النظام يتمادى ضدهم
واحد زي أ/محمد سويدان مسؤول المكتب الإداري للإخوان في البحيرة كان مقبوض عليه السنة اللي فاتت و لسه خارج من السجن من أقل من سنة
و د/ حشمت لسه خارج من السجن من سنتين 2 بس
فده يدلك على زيادة الإعتقالات و زيادة تكراريتها لكبار القيادات
لابد من رد
بس هو إيه مش عارف
لكن الحزن بيعتصرني على اللي بيحصل لهم ده

norahaty يقول...

استمتعت بالتواجد هنا
تعليقات ضيوفك
وردود حضرتك
ولكنى ارى
ان ليس لىّ غير باب الله باباَ
وللأسف ياباشمهندس كل مادا
اثق ان لا خلاص مما نحن فيه
الا بمعجزة من عند
الله سبحانه ونعالى.

مهندس مصري يقول...

نوراهاتي
========
تشرفت بتعليق حضرتك
و شكراً للمجاملة
:)
بس المفروض نسعى و نجتهد و ربنا ساعتها ينصرنا
مش ننتظر المعجزة بدون ما نعمل حاجة
بس المشكلة محدش عارف يعمل ايه ؟ و إزاي ؟ و بأي شكل تنظيمي و تحت أي قيادة

عمرو امام يقول...

انا جاى اسلم على حضرتك
ولاكن الموضوع خلانى اعلق
رغم اختلافى الفكرى كليا وجزئيا مع الاخوان ولاكن فى نفس الوقت موئيد ليهم فى حقهم فى ممراسة السياسة كاى فرد فى مصر
والى بيحصل دة متوقع بالنسبة ليهم واى حد بيشتغل سياسة
على شان قرب الانتخابتات
انا منتظرك تشرفنى تقراء البوستات الجديدة
مع فائق احترامى

مهندس مصري يقول...

عمرو إمام
==========
أنا متابع جديدك كله على الجوجل ريدر
بس مش فاضي للنت اليومين دول و مشغول قوي في الشغل فغالباً بأقرأ بدون تعليق

عالم حبيب يقول...

والله يابشمهندس لا نقول الا حسبنا الله ونعم الوكيل

سواء الإخوان او غيرهم بس الطريقة الهمجية دي لا تصدر الا من الحيوانات مع الاعتذار للحيوانات

نهر الحب يقول...

لا حول ولا قوة الا بالله
اللهم فك اسرهم

مهندس مصري يقول...

عالم حبيب
=========
فعلاً
حسبنا الله و نعم الوكيل

نهر الحب
======
آميين