الثلاثاء، سبتمبر 01، 2009

على إسم مصر - صلاح جاهين



النخل في العالي والنيل ماشي طوالي
معكوسة فيه الصـور .. مقلوبة وانا مالي
يا ولاد أنا ف حالي زي النقش في العواميد
زي الهلال اللي فوق مدنة بنوها عبيد
وزي باقي العبيد بأجري على عيالي
بأجري وخطوي وئيد من تقل أحمالي
محنيه قامتي .. وهامتي كأن فيها حديد
وعينيا رمل العريش فيها وملح رشيد
لكني بأفتحها زي اللي إتولدت من جديد
على اسم مصر

مصر .. التلات أحرف الساكنة اللي شاحنة ضجيج
زوم الهوا وطقش موج البحر لما يهيج
وعجيج حوافر خيول بتجر زغروطة
حزمة نغم صعب داخلة مسامعي مقروطة
في مسامي مضغوطة مع دمي لها تعاريج
ترع وقنوات سقت من جسمي كل نسيج
وجميع خيوط النسيج على نبرة مربوطة
اسمعها مهموسة ولا اسمعها مشخوطة
شبكة رادار قلبي جوه ضلوعي مضبوطة

على اسم مصر

وترن من تاني نفس النبرة في وداني
ومؤشر الفرحة يتحرك في وجداني
وأغاني واحشاني بأتذكرها ما لهاش عد
فيه شيء حصل أو بيحصل أو حيحصل جد
أو ربما الأمر حالة وجد واخداني
انا اللي ياما الهوى جابني ووداني
وكلام على لساني جاني لابد اقوله لحد
القمح ليه إسمه قمح اليوم وأمس وغد
ومصر يحرم عليها .. والجدال يشتد

على اسم مصر

ولما زماني رماني عليل
نسيت كل شيء عن حبيبي الجميل
لكن هو أبداً
انا مانساهوش
نسيت مشيته وصوته كان شكله إيه
ورسمة شفايفه
ولمسة إيديه
نسيت نظراته
نسيت لون عينيه
وقوس الحواجب وسهم الرموش
لكن هو أبداً
انا ما انساهوش
نسيت إسمه وحكايته وعرفته فين
وعشنا سوى العمر
ولا يومين
وكان م البشر
ولا طير بجناحين
نسيت حتى كان له وجود أو مالوش
لكن هو أبداً
أنا ما انساهوش
قطعوا الأغاني وطارت نشرة الأخبار
دارت على كل دار في الكوكب الدوار
يا حاضرين اعلموا الغايبين بأنه في مصر
اتغير الاسم منذ الآن فأصبح .. مصر
ضحك التاريخ ضحكته المشهور بها وإندار
ودخل مناقشة مع الجغرافيا عما صار
هل نعترف بالبيان اللي أذيع العصر
أم ننتظر مصر تطرد اسرائيل بالقسر
وساعتها تحصل بكل جدارة يوم النصر

على اسم مصر

على اسم مصر التاريخ يقدر يقول ما شاء
أنا مصر عندي أحب وأجمل الأشياء
بأحبها وهي مالكة الأرض شرق وغرب
وبأحبها وهي مرمية جريحة حرب
بأحبها بعنف وبرقة وعلى استحياء
وأكرهها وألعن أبوها بعشق زي الداء
وأسيبها وأطفش في درب وتبقى هي ف درب
وتلتفت تلقيني جنبها في الكرب
والنبض ينفض عروقي بألف نغمة وضرب

على اسم مصر

مصر النسيم في الليالي وبياعين الفل
ومرايه بهتانة ع القهوة .. أزورها .. و أطل
ألقى النديم طل من مطرح منا طليت
وألقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت

على اسم مصر

مصر السما الفزدقي وعصافير معدية
والقلة مملية ع الشباك .. مندية
والجد قاعد مربع يقرأ في الجرنال
الكاتب المصري ذاته مندمج في مقال
ومصر قدامه اكتر كلمة مقرية
قريتها من قبل ما اكتب اسمي بإيديا
ورسمتها في الخيال على أبدع الأشكال
ونزلت أيام صبايا طفت كل مجال
زي المنادي وفؤادي يرتجف بجلال

على اسم مصر

رحـيـلاً رحـيـلاً بغيـر هـوادة
رحـيلاً فإن الـرحـيل سعـادة
عبادة
إرادة
سيادة
ولادة
رحـيـلاً .. إلى أين لـيس يـهـم
ولـيس يـهـم بأي وسيـلة ..
أجيـراً بلقمـتـه في البـواخـر ..
عـلى واحـد من جيـاد القبيلة ..
على مقعـد في ذرى الجـو فـاخـر
وتمـلأ الكـأس بنت جمـيلة ..
على قدمي .. أو بفكري .. أهاجر
أبادر
أغادر
أخاطر
أسافر
ولـكـن إلى أيـن .. لـيس يـهـم
إلى حيث لا تعبـر الأفـق شمس
إلى القـطب .. أو حلقة الاستواء ..
إلى حـيث يـسمـع لـلجـن همس
إلى بـاطـن الأرض أو في الـفضـاء
إلى مـرفـأ الغـد .. أو أرض أمس
أرى كل شيء ومن أين جاء
وافعل ما قاله القدماء
من الفقراء
أو الحكماء
أو الأمراء
أو الأشقياء أو البلهاء فليس يهم
لقد قيل وهو الكلام المهم
اللي يعيش ياما يشوف
واللي يمشي يشوف أكتر
شفت الجبرتي بحرافيش الحسين وبولاق
بان البلد ماشي زي النمس في الأسواق
بالفلاحين ع المداخل من بعيد وقريب
بالأرنؤوط بالشراكسة بكل صنف عجيب
مترصصين سور رهيب مزراق في ريح مزراق
كأنهم لا بشـر ولا خلقـة الخـلاق
ومصر فلاحة تزرق بين رقيب ورقيب
من غير أبو الهول ما ينهض ناهضة شايله حليب
والصبح بدري الجبرتي ينام وقلمه يسيب

على اسم مصر

مصر اللي عمر الجبرتي لم عرف لها عمر
وطلع لقاها مكان مليان عوام وزعر
جعيدية غوغاء يجيبوا تملي وجع الراس
وخليط أفارقه هنادوة روم ملل أجناس
والترك في القلعة والمماليك خدودهم حمر
كان عمرها ستلاف سنة .. كلها سنين خضر
بس الزمان يختلف زي اختلاف الناس
ناس تبني مجد وحضارة وناس بلا إحساس
وناس تنام لما يزحف موكب الأحداث

على اسم مصر

أنا اللي اسمي حتحـور .. أنا بنت رع
مثـال الأمـومـة ورمـز الحـنـان
تفـيض حـلمـاتي وتمـلا الـتـرع
وتسـقـي البـشـر كلهـم والغـيـطان
أنـا ربـة الحـب حتـحـور أنـا
أنـا السيـدة المـنـجدة المـغـرميـن
وكـم مـن محـب ف هـواه انـضـنى
دعـاني وطيـبـت خـاطـره الحـزيـن
أنـا طـيبـة انمـا طـبـعي صـعـب
وديعـه .. ولـو ثـرت بـطشـي مـهـول
ما اشـوفش اللي قدامي لو ألف شعب
أدوسـهـم وتجـري دمـاهـم سيـول
ويـوم رع ما فـات بسنـاه في السـما
وكل العيـون خايفـة تنـظر اليـه
وجـالـه القمـر خلقتـه معتـمة
وعـدى قصـاده .. وضـلم عـليه
يا ويـل الـلي فتـح في ابـويا العـظيم
يا ويل من تطاول يا ويل من ضحك
يا ويـلك يا مصـر مصيرك ألـيم
أنا اللي اسمي حتحور انا ح أمسحك
يحـاول يهـديني رع ما اسمـعـوش
وادمـر واطـيـح في البلاد والعبـاد
أنـا الـطيبـه .. كنت زي الوحـوش
سفـكـت دماء البـنـات والـولاد
دبـحت المحبـين في عـز القبـل
هـدمت المعابد على المنشدين
قلبت على النحـاتين الجبل
حرقت الغيـطان هم والفلاحين
لحد ما رع نـادى ع الآلهة
وقال صـبوا في النهر كل النبيذ
وشفت الميـاه حمرا ومزهزهة
وظنيتها دم الضحايا الـلذيذ
شربت انتقامـاً شربـت شربـت
وأنا بألـعن المفتـري والغبـي
وحبـة بحبـة عن الوعـي غبت
ونمت على النيل في ضي أبي
وقمت .. بكيت من فؤاد أم ثكلى
ونهنهت فوق صدر مصر العريض
على العالم المبدورين جنبي قتـلى
وكان دمعي ينصب في النيـل يفيض
واقول ليه يا مصـر ولادك كـده
يا إمـا المذلة يا يتـجبـروا
يا خوفـي يا فـرحة قـلوب الـعدا
ويا نـدمـي لو ما يتغيـروا
ومن يـومها والنيـل في نفس المعاد
يفيض كل عام قبل فصل الخـريف
بلون حمرة الـدم يملا البلاد
ويملا النسـايـم بعـطر مخـيف
بعطري أنا الـلي اسمي حتحور أنـا
وعـطري مخـيف وحـنون وطـري
يفـرح بس مـرة في كـل سنة
ويهمس يا مصر اذكـري .. واحـذري
نهايته يا مصر اللي كانت أصبحت وخلاص
تمثال بديع وأنفه في الطين غاص
وناس من البدو شدوا عليه حبال الخيش
والقرص رع العظيم بقى صاج خبيز للعيش
وساق محارب قديم مبتورة ف أبو قرقاص
ما تعرف اللي بترها سيف و لا رصاص
و لا الخراب اللي صاب عقل البلد بالطيش
قال ابن خلدون أمم متفسخة تعيش ليش
وحصان صهل صحى جميع الجيش

على اسم مصر

حصان عرابي جميل حصان عرابي أصيل
حصان عرابي رشيق ديله طويل
يسهر مع الخيل طول الليل يتكلم
ويقول أراء رغم إنه ماكانش متعلم
ويقف في عابدين وياخذ زاوية البروفيل
للرسامين يرسموه ونشوفه جيل ورا جيل
ويعدي كالريح على المجاريح ويسلم
وحافره ع الصخر في التل الكبير علم
ولما صابه انفجار القنبلة إتألم

على اسم مصر

وألمس حجارة الطوابي وأدق بكعابي
يرجع لي صوت الصدى يفكرني بعذابي
يا ميت ندامة على أمة بلا جماهير
ثورتها يعملها جيشها ومالها غيره نصير
والشعب يرقص كأنه عجوز متصابي
إنهض من القبر إحكي القصة يا عرابي
يطل لي رافع الطهطاوي م التصاوير
شاحب ومجروح في قلبه وجرح قلبه خطير
وعيونه مغرورقين بيصبوا دمع غزير

على اسم مصر


مالك سلامتك بتبكي ليه يا طهطاوي
قال لك عرابي .. انكسر بسلاح أوروباوي
وسلاح أوروبا ماهواش المدافع بس
ده فكر ناقد مميز للثمين والغث
قلناها ميت ألف مرة ألف مرة بصوت جهير داوي
بس الحماقة لا ليها طبيب ولا مداوي
ولا حد م الخلق بالخطر اللي داخل حس
الغفلانين اللي خلوا العقل صابه مس
قالوا الخطر هو فكر أوروبا لو يندس

على اسم مصر


أحسنت في القول صحيح يا واد يا متنبي
جبت اللي جوه الفؤاد عن مصر متعبى
وحكمت بالعدل لكن بعضنا انظلموا
" يا أمة ضحكت من جهلها الأمم "
العلم كان عندنا من صغره متربي
لكنه هاجر وعدى البحر متخبي
لما الإيران هجموا ثم اليونان هجموا
ثم الرومان دمروا ثم التتار هدموا
ثم الجميع كل واحد جه مسح قدمه

على اسم مصر

هناك 18 تعليقًا:

لقد خلقنا الله احرارا يقول...

شكرا ياباشمهندس
انا اول مرة اشوفها كلها
فى منتهى الجمال طبعا
ترجعلها بالسلامة ان شاء الله
ومانتحرمش منها ابدا
ويرحم ربنا بأذنه
جاهين وكل اللى حبوها

يا مراكبي يقول...

خليط من الألم والأمل

صلاح جاهين كما عهدناه دائما

مثلنا جميعا

عاشقا لمصر .. وحزينا عليها في نفس الوقت

فتاه من الصعيد يقول...

انا بحب القصيده دي جدا

بس جواها الم كتير ..... وزي ما تكون بتحكي الحاضر ..... يظهر ان تاريخ مصر بيعيد نفسه بسرعه كبيره

شكرا للبوست الرائع

Hossam يقول...

بجد مزيج من كثير من المشاعر
صلاح جاهين عبقرى

مهندس مصري يقول...

لقد خلقنا الله أحراراً
====================
ما هو أنا برضه اول مرة أشوفها كلها و علشان كده نشرتها
:)
آميين

يا مراكبي
=========
فعلاً هو ده اللي جوه مشاعري بالضبط
ربنا يتولانا برحمته

فتاة من الصعيد
==============
التاريخ واقف محلك سر دا إذا ما كانش بيرجع لورا

العفو

حسام
=====
فعلاً

بدراوى يقول...

بوست جميل
و شعر جميل
و طويلة اوووى القصيدة ديه
انا عارف انها كاملة
بس كنت بكسل اقراها كلها
ادينى قرأتها كلها
شوت واحد

قصيدة مؤلمة

مش عارف ليه و انا بقراها
رن فى ودانى قصيدة
تميم البرغوثى
قالولى بتحب مصر انا قولت مش عارف

Sharm يقول...

بحبك يا مصر

مهندس مصري يقول...

بدراوي
=======
ما هما الـ 2 بيتكلموا في نفس الموضوع
:)

شرم
===
:)

بيطرية ومش بايدى يقول...

اولا كل سنة وانت طيب
ثانيا عم صلاح ده مالوش مثيل البوست فعلا رائع وعجبتنى اكتر حتى يتاعت عرابى وطهطاوى وخصوصا عرابى وسلميلى فيها على لقد خلقنا الله احرارا
اينعم ماخبيش عليك ف حاجات مافهمتهاش بس هى فعلا جميلة بس ولا مؤاخذة يعنى ايه (القسر-الارنؤوط)احم احم معلش اختك على قدها توخلف يا ابنى
شكل البيطرى ابتدى ياثر ومن اولها ربنا يستررررررررر

مهندس مصري يقول...

بيطرية و مش بإيدي
==================
و انتي طيبة
:)

القسر هو الغصب و الإجبار و عكسه الرضا
و الأرناؤوط هم الجنود الألبان في جيش الدولة العثمانية
من ألبانيا يعني :)
ثم أنا أكبر منك بـ 13 سنة
يبقى إنتي اللي بنتي
:) أو أختي الصغيرة

دموع القمر يقول...

كل سنة وحضرتك طيب يابشمهندس

كل كلمات صلاح جاهين فى منتهى الروعة

يسلموا ايديك على البوست الجميل دا

دموع القمر يقول...

سعدت بمرورى بالمدونة

واكيد مستنية زيارتك

سومه...مجنونه فى بلد عاقل يقول...

احسنت فى الاختيار
احسن كلام عبر حتى الان عن حال الشعب المصرى

مهندس مصري يقول...

دموع القمر
===========
و انتي طيبة
الله يسلمك

سومة مجنونة في بلد أجن منها
=========================
:)

الحرية للإصلاحيين يقول...

معذرة للتحليق خارج السرب

تابعونا فى مدونة الحرية للإصلاحين

ستجدون ما يدهشكم

http://esla7kfd.blogspot.com/

عمرو امام يقول...

شكرا بجد يا بشمهندس انك عايشتنا الحالة الجميلى بتاعت عم صلاح جاهين

مهندس مصري يقول...

عمرو إمام
==========
العفو :)

egy950 يقول...

السلام عليكم ورحمة الله وبركاته

أيها الأخوة والأخوات


لقد رأيت تساهل الكثير في وضع صور في تواقيعهم أو صورهم الشخصية وخصوصاً صور النساء

وهذا أمر خطير وتساهل في هذا الشأن

والكل يعلم أ ننظر الرجال إلى صور النساء محرم ومن نظر إليها كان عليه وزر

فكيف بمن كان السبب في هذا النظر ؟

قد يكون نائماً وقد يكون يصلي أ ويلهو ويلعب ولكن في المنتدى هناك من ينظر إلى صورة هو السبب فيها فيتحمل الآثام والأوزار


والأشد من هذا لو هجم عليه الموت فجأة ثم غُسل وصُلي عليه ودُفن في قبره وهناك من يدخل هذا المنتدى من الأعضاء والزوار والكل ينظر إلى هذه الصورة والذنوب تكثر والآثام تجتمع وهو لايستطيع عمل شيئ


يتمنى أن يعود إلى الدنيا حتى يزيلها

يتمنى لو كان غيرها قبل الموت

ولكن هيهات هيهات

الآن أنت في زمن المهلة

وتستطيع تغييرها

وقد يمنعك الشيطان

ويقول لاتهتم هذا متشدد هذا فقط يقول كلام غير صحيح ثم تتركها فيضحك الشيطان ملئ شدقيه ويقول عنك مسكين لايفكر في عقله


أستعذ بالله وقم بتغييرها في الحال حتى تنجو عندما توضع في قبرك




هذه فتوى للشيخ عبد الرحمن السحيم بهذا الخصوص



السؤال:

وهذا سؤال آخر وجه إلى الشيخ عبدالرحمن حفظه الله

شيخنا الفاضل:

ما حكم مشاهدة الصور النسائية حيث توضع في الصور الرمزية أو في التوقيع في المنتديات أو في الجوالات كخلفية؟

أفتونا مأجورين، نفع الله بكم وبارك فيكم


الجواب:

وعليكم السلام ورحمة الله وبركاته

وجزاك الله خيرا، ووفَّقَك الله لِكُلّ خَيْر .

لا يجوز النظر إلى صُور النِّسَاء ، سواء كان النظر مباشرة أو عن طريق الصور ، وقد يَكون النظر إلى الصور أكثر فِتنة ؛ لأنها غالبا تُحسَّن ، والتي تُصوَّر تتزيَّن قبل التصوير !

ولا يجوز نشر تلك الصور ، لا في التواقيع ، ولا في الصور الرمزية . ومَن نشرها فعليه الإثم مرتين : إثم نشرها ، وإثم النظر إليها .

ويتحمّل إثم كل من نظر إليها . وفي هذا تنبيه إلى القائمين على المواقع والمنتديات ، أن آثامهم بِقَدْر عدد الناظرين إليها !


ولعلك تتخيَّل كم ينظر إلى تلك الصور في مشارق الأرض وفي مغاربها ، وصاحب الموقع أو المنتدى يَجْمع تلك السيئات ، بل لعلها تجري عليه وهو في قبره إذا مات ولم يَتُب من نشرها .
فالمسألة ليست بسيطة كما يتصورّها بعض الناس ، بل هي مسألة عظيمة . وبِقَدْر ما تكون الفِتنة والافتِتان بالصور يَعْظُم الإثم .

وقد وسئل فضيلة الشيخ ابن عثيمين رحمه الله : عن تهاون كثير من الناس في النظر إلى صور النساء الأجنبيات بحجة أنها صورة لا حقيقة لها ؟

فأجاب رحمه الله بقوله : هذا تهاون خطير جداً ، وذلك أن الإنسان إذا نظر للمرأة سواء كان ذلك بوساطة وسائل الإعلام المرئية ، أو بواسطة الصحف أو غير ذلك ، فإنه لابد أن يكون من ذلك فتنة على قلب الرجل تَجُرّه إلى أن يتعمد النظر إلى المرأة مباشرة ، وهذا شيء مشاهد .

ولقد بلغنا أن من الشباب من يقتني صور النساء الجميلات ليتلذذ بالنظر إليهن ، أو يتمتع بالنظر إليهن ، وهذا يدل على عظم الفتنة في مشاهدة هذه الصور ، فلا يجوز للإنسان أن يشاهد هذه الصور ، سواء كانت في مجلات أو صحف أو غير ذلك .