الثلاثاء، فبراير 16، 2010

رسالة البرادعي للأمة


حملة ضخمة على الفيس بوك لدعم ترشيح البرادعي لرئاسة الجمهورية
و هذا هو البانر الخاص بها

و هذا هو رابط المجموعة على الفيس بوك


http://www.facebook.com/group.php?gid=123551066565


شاهدوا الفيديو
http://www.youtube.com/watch?v=OjZ9GpmAXeg

هناك 25 تعليقًا:

قلم رصاص يقول...

ألف شكر ياهندسه على البوست دا

وألف مبروك على كتب الكتاب
انا معرفتش غير صدفه النهاردة وانا بقلب في مدونتك المحترمه واللي شخصيا بحبها والله ، رغم اختلافنا في بعض الأحيان في نقط صغيره في كام موضوع عندي

وطبعا نقاشي مع حد تفكيره متميز زيك اكيد شرف لي وباستفيد كتير جدا من كدا

انا بقالي فتره مجيتش عندك هنا
وأسف للتقصير.. واكيد انا الخسران

على كل حال ألف مبروك وربنا يسعدك

وموضوع البرادعي عاوز قاعدة بقى
هنجيله تاني ان شاء الله ونقول الكلمتين

تقبل مروري وتقديري

فارس عبدالفتاح يقول...

يا مواطن مصري

مادام انت تتفق مع كل ما جاء في مادة الفيديو

فهنا سؤال منطقي هل تعتقد ان هذا الشخص الذي صدرت منه هذه الكلمات عميل امريكي

هل هذا كلام منطقي يعقله انسان


اما بخصوص حملة البرادعي فانا اعترض على هذا الرجل بسبب موقفه عندما كان في الهيئة الدولة للطاقة الذرية ضد ايران في امتلاكها السلاح النووي

ثانيا

هل فعلا حمدين صباح سوف يرشح نفسه للرئاسة ام هذا خبر غير صحيح

مهندس مصري يقول...

قلم رصاص
=========
العفو
الله يبارك فيك
و الإختلاف المحترم في الراي لا يفسد للود قضية
و أنا متابع مدونتك عن طريق الجوجل ريدر بإستمرار بس مشغول زيادة اليومين دول فمقصر في التعليقات مع مدونين كتير قوي

فارس عبد الفتاح
===============
لا أعرف هل سيرشح حمدين صباحي نفسه ام لا

د/عرفه يقول...

الحكومة عايشه كابوس اسمه البرادعى




وتحول من اسم بيفتخروا بيه
جايزة نوبل

ورمز لمصر


لكابوس وعميل وخاين

وحاجات كده


وطبعا
ده منطقى فى ظل التهريج اللى موجود

Hossam يقول...

صديقى الجميل مهندس مصرى
بجد وحشتنى جدا
هو انت هترشح البرادعى؟

فتاه من الصعيد يقول...

شكرا على الفيديو

هل هو هيرشح نفسه ؟

اصل الموقف غير واضح برضو

تحياتي

يا مراكبي يقول...

مش مفروض أبدا ان مصر تكون كده

مصر تستحق ان تكون أفضل من كده

انتقم الله ممن جعلوا مصر متدهورة هكذا

مهندس مصري يقول...

د/عرفة
======
لإنه إسم له ثقله دولياً و ده اللي مخوفهم لإنهم مش حيعرفوا يطلعوه رجعي متخلف في عيون أسيادهم الأمريكان

حسام
=====
ما تشوفش وحش :)
أنا خارج مصر يا حسام و المغترب ملوش حق التصويت في الإنتخابات و ده أحد أوجه القصور في القانون الإنتخابي المصري
تخيل زمايلي السودانيين بيدلوا بأصواتهم في الإنتخابات الرئاسية السودانية من هنا في مدينة حائل في السعودية
و القنصلية السودانية قامت منذ شهرين بعمل حصر حديث لجميع السودانيين بحائل و أعدت كشوف إنتخابية بأسماؤهم بينما المصريين الذين هم أضعافهم في العدد فلا يهتم بهم و لا برأيهم أحد

فتاة من الصعيد
===============
العفو
هو سايب الباب موارب لحد دلوقت و ما حسمش الموضوع
و ممكن يفضل الباب موارب لحد بداية شهر 9 - سبتمبر - القادم فساعتها إما أن يمتلك دعم العدد المطلوب من النواب للترشيح مستقلاً - 250 نائب منهم على الأقل 60 من مجلس الشعب و 30 من مجلس الشورى و 10 من المجلس المحلي للمحافظة في 14 محافظة على الاقل - او ينضم للهيئة العليا لأحد أحزاب المعارضة قبل الإنتخابات الرئاسية بسنة ميلادية ليتمكن من خوض الإنتخابات كمرشح للحزب

فلسه قدامنا حوالي 6 شهور من الغموض

يا مراكبي
=========
آمييييييييييييييييين

بسمـــة مســـــلّم يقول...

السلام عليكم اخى الفاضل شكرا على موضوعك بجد سواء كنا نتفق مع البرادعى او نختلف معه يبقى لنا حق التغيير والشعور بالامل فالبرادعى يمثل لكثير منا الرمز للخلاص والشعور بالذات التى دفنت 30 عام من السلبية والياس وليس اكثر مع احترامى لشخصية البرادعى فهوا فخر لمصر كلها ولكننى اتعجب من الحزب الحاكم وافعاله المتناقضة يوم يكبروووووه ودلوقتى تجاهل وتقليل بجد حركات مكشوفة يا بشمهندس ربنا مع مصر معدش ينفع ننتظر الشاطر حسن لازم كلنا ناخد بايده من غير تشخيص لحد سلااااااااامى ومنتظرة تعليقك عندى

فارس عبدالفتاح يقول...

هذا هو التحدي الصحيح للنظام


http://www.youtube.com/watch?v=7C8HWQVe448&feature=related

وهذا هو البرنامج الذي تطلبه والذي يطلبه جميع الشعب وانا وانت من هذا الشعب

http://www.youtube.com/watch?v=VZy_sLWHEBI&feature=related

وهذا هو موقفه مع القضايا الاستراتيجية لمصر في العالم العربي والاسلامي

http://www.youtube.com/watch?v=kUVI3PESRMM&feature=channel

حفيدة عرابى يقول...

الف مبروك ياباشمهندس
ربنا يتمم بخير
بارك الله لكما وبارك عليكما وجمع بينكم فى خير

ميعاد جميل جدا لكتب الكتاب:)
الف مبروك

فاتيما يقول...

الف مليون مبرووووووك يا محمد
عقبال الليلة الكبيرة
إن شاء الله

الف مبروك يا غالى

كيكى عوووووو يقول...

انا حاسه الشعب المصرى هيجيلوه شلل
لو حصل التغير
عمتا
مبرووووووووووووووووووووووك
وربنا يحفظك

موناليزا يقول...

بارك الله لكما وبارك عليكما وجمع بينكما فى خير

مهندس مصري يقول...

بسمة مسلم
==========
و عليكم السلام و رحمة الله و بركاته
هما كبروه لما كان مفيش منه خوف و بعيد عن السياسة
بس ما دام اتدخل في السياسة العليا يبقى حيبهدلوه و أيمن نور و اللي اتعمل فيه عبرة لمن يعتبر
ربنا يستر

فارس عبد الفتاح
===============
ربنا يعين كل شريف في البلد دي و يقويه

حفيدة عرابي
============
الله يبارك في حضرتك يا أستاذة
آميين
:)

فاتيما
======
الله يبارك فيكي يا أم يوسف
:)

كيكي عوووووو
============
ربنا ييسر ما فيه الخير و شعبنا يفوق

الله يبارك في حضرتك

موناليزا
========
آميين
شكراً

Wanda يقول...

الف مبروك يا بشمهندس
و ربنا يجعل ايامكم كلها وفاق و موده و سعادة و امل
وسعاد و سميرة وعتريس و حزنمبل و مسعود
كفاية خمسة فى عين العدو :-))

اول تعليق مينفعش نعك فيه خلينا واندات مؤدبين :-)

و بعدين سؤال يعنى
و الى فاقد لثقته فى الفيس بوك يعمل ايه مع البرادعيى ؟؟

مهندس مصري يقول...

واندا
======
الله يبارك في حضرتك
ههههههههههه عتريس و حزنبل
لا خليهم لك و حآخد الباقي
مش عارف و الله اللي فاقد الثقة في الفيس بوك يعمل ايه
بس ممكن ينتظر لحد ما البرادعي يطلق موقع رسمي شخصي ليه على النت

ثم سؤال فضولي
يعني ايه واندا ؟

Wanda يقول...
أزال المؤلف هذا التعليق.
Me7'o يقول...

ألف ألف ألف مبروك يا عريس

ربنا يسعدك ويتمملك بخير يا رب

حفيدة عرابى يقول...

شكرا جزيلا ياباشمهندس
انا كنت بعمل لفة كده فى مدونتك
وعرفت انك مراقب كل المداخل والمخارج
والامن مستتب

ركزت شوية بقالى فترة مع عداد الزوار
هو حكاية
ربنا يسهل واعرف اتعامل معاه بسرعة

لكن هل هو يغنى عن الادوات الاخرى
يعنى ممكن الغى عدادات الزوار التانية؟



شكرا جزيلا بجد
لانى شفته عند فاتيما
وكمنتش فاهمة فيه حاجة

عالم حبيب يقول...

السلام عليكم

ازيك يابشمهندس واحشني جدا

ناس كتير وأنا منهم ممكن نوافق على البرادعي علشان بس نشوف وجه جديد .. لكن هو كشخصية عليها علامات استفهام كتيرة جدا .. وربنا يولي علينا الصالح .. وجزاك الله خيرا ياهندسة

z!zOoOo يقول...

السلام عليكم

من غير سلام ولا كلام

امال انا قولت سلامو عليكم ليه

غريب انا

المهم تعالي هنا

إزاي يبقي فيه خطوبه ومانعرفش غير من بره

كده انا هغتال واعض واتوحش كمان واعلن حاله الطواريء والحرب

يا باشا الف الف الف مبروك

ربنا يتمملك بخير يارب

بارك الله لكم وبارك عليكم وجمع بينكم في خير

بس قولي شكلك عاملها كوتيمي كده عشان ما ناكلش وكده عارفها انا الحركات ديه ديه حركات منايفه ودمايطه ههههههههههه

ربنا يكرمك يارب ويوفقك دايما

اما عن البرادعي انا بصراحه لسه مش عارف اكون رأي

يعني مش مؤيد ومش معارض لسه في مرحله تفكير وتكوين رأي

بس بإذن الله ربنا يوفق الشعب ده وينصفه ولو مره

ويعرف مره يختار مصيره

هقولك الف مبروك تاني

وأتمني تنورني دايما

تحياتي

م/ الحسيني لزومي يقول...

عشم ابليس في النار

مهندس مصري يقول...

ميخو
=====
الله يبارك فيك و يكرمك

حفيدة عرابي
============
العفو
آه ممكن تلغي العدادات التانية لو عاوزة
:)

عالم حبيب
=========
و عليكم السلام و رحمة الله و بركاته
و انت كمان :)
البرادعي كل خطواته لغاية دلوقت مبشرة بالخير
و هو احسن و انضف الموجودين على الساحة من المرشحين حالياً
و ربنا يولي من يصلح

زيزو
=====
و عليكم السلام و رحمة الله و بركاته
الله يبارك فيك
بس ده كان كتب الكتاب يوم الجمعة اللي فاتت انما الخطوبة كانت شهر 5 اللي فات

و انا قلت على التويتر و الفيس بوك :)
معلش بقى ان الخبر وصلك من بره

بالنسبة للبرادعي راجع ردي على عالم حبيب

م / الحسيني لزومي
=================
عشم البرادعي و لا مين ؟

z!zOoOo يقول...

علي فكره انت مش عندي اصلا علي الفيس فمكنتش اعرف

وولا تويتر برضه

علي العموم الف مبروك يا سيدي علي كتب الكتاب

ربنا يتمملك بخير

ويارب عقبال الفرح

تحياتي