الجمعة، مارس 19، 2010

أحمد الصباغ و أول لقاء تلفزيوني عن كتاب الضرب في الميت


أحمد الصباغ  مدون جميل و صديق عزيز تطورت صداقتنا من المعرفة على النت و المدونات إلى صداقة حقيقية في عالم الواقع بلقاءات متعددة في القاهرة 



و ما بقيتش أقدر أنزل مصر من غير ما اشوفه وهو و الشلة الجميلة بتاعة المدونين القاهريين
أول ما تدخل مدونة خالو أحمد الصباغ  تلاقي البانر الجميل ده

خالو أحمد الصباغ
و لاحظوا الأبيات المكتوبة اللي بتعبر بجد عن مصر في حالتها اللي ما يعلم بيها إلا ربنا دي
المهم أحمد الصباغ نشر كتاب في معرض الكتاب اللي فات إسمه ( الضرب في الميت )
 كتاب الضرب فى الميت .. أحمد الصباغ

و فيه جروب على الفيس بوك للكتاب 
و الحمد لله الكتاب ماشي بنجاح و أحب إنكم تشوفوا أول لقاء تلفزيوني مع أحمد عن الكتاب في قناة النيل الثقافية في برنامج ثقافية كافية و اللي تم إذاعته يوم الاربعاء الماضي 17مارس 2010
الجزء الاول



بالتوفيق يا أحمد يا جميل و من نجاح لنجاح إن شاء الله


هناك 5 تعليقات:

حفيدة عرابى يقول...

الف مبروك لأحمد الصباغ
هو يستاهل كل خير
أفكاره واسلوبه مميزين
انا استفدت كمان بوستات اللقاءات السابقة

انا مكنتش اعرف ان حضرتك شفت نوارة
وابراهيم عيسى وكمان خيخة وsoooo ومدونيين كتير
انا واثقة انها كانت لقاءات ممتعة

أقول لحضرتك خبر حلو
يارب اكون اول واحدة
يوسف كلم فاتيما النهارده
ومدونتها مش عارفة مالها
مش بتقبل تعليقات
حاسة انى عايزة ابلغ الخبر لكل الناس

مهندس مصري يقول...

حفيدة عرابي
============
الله يبارك فيكي يا أستاذة
شفت الخبر عندها بس فعلاً مدونتها مش بتقبل تعليقات
ربنا يكتب لها كل الخير و يلم شملها مع إبنها
ياريت تكون بوستات اللقاءات القديمة عجبت حضرتك

sony2000 يقول...

لف الف مبروك للصباغ
بجد حد محترم جدا وكلنا بنحترمه
وبعتز جدا بمعرفته والحمد لله برغم من اني دخلت عالم التدوين من فتره قصيره
الا ان العالم ده عجبني فعلا ويارب اسمع اخبار حلوه عن كل المدونين ديما
اللهم امين
تقبلو مروري وتحياتي

مهندس مصري يقول...

سوني2000
=========
الله يبارك فيكي
:)

فاروق بن النيل يقول...

ألف مبروك وربنا يكتر من أمثالك .
لاتنسى أننى عضو بمدونتكم منذ مدة طويلة والتواصل مع مدونتى وعنوانها:
farouksam.blogspot.com|(عصفور الجنة)