السبت، مايو 15، 2010

شعر عامل هندي بالخليج

يتحدث كثير من العمال الهنود و الباكستان و الأفغان و البنغال هنا بلغة عربية مكسرة ذات ألفاظ خاصة و هذه قصيدة بتلك اللغة أعطاها لي صديق عزيز
 شِعر هندى


ملحوظة: الرجاء هز الرأس مع القراءة للحصول على إيقاع أفضل :)
 لإن من عادة الهنود هنا هز الرأس في حركة مترددة بشكل يحيرك هل يقصد نعم ام لا ؟






إسم أنا كومار عتيق    **** أخو أنا والله صديق
بابا أنا شيبه كبير        **** ماما أنا مريض كتير 
أخو أنا كلو صغير      **** مافي فلوس أنا فقير 
عشره سنه شغل هنا    **** مافي شوف أهلي أنا 
ممكن موت أنا هنا      **** فكر مشغول تعبان أنا 
أتنين سنه مافي فلوس  **** كفيل كلام بعدين يشوف 
والله هرام لازم فلوس  **** مسلم أنا مافي هندوس 
كفيل أنا كرشو كبير    **** ممكن ياكل لهم همير 
أنا كرشو كتير صغير **** لو نفختو والله يطير 
جيتو بلد شعر كتير    **** شعر أسود سمسم هرير 
دلهين شعر كلو يطير **** مافي صغير مافي كبير 
سكن أنا غرفه صغير **** مافي مكيف مافي سرير

لازم أنا سفر رمضان **** إنسان أنا مافي هيوان 
لازم أنا روح بلد       **** سوي زواج جيبو ولد 
كفيل كلام هدا بلد      **** مافي زواج مافي ولد 
انت شغل هنا هُمار   **** مفهوم كلام يا كومار 

هناك 12 تعليقًا:

سبهللة يقول...

حسيت وانا بقراها
ان البواب الهندى اللى عندنا هنا هو اللى بيقولها
نفس كلامهم بالظبط
هههههههههههههه

مهندس مصري يقول...

سبهللة
=======
هههههه
فعلاً كلهم بيتكلموا عربي مكسر بالشكل ده و بنضطر نكسر كلامنا معاهم علشان يفهمونا

MR.PRESIDENT يقول...

والله رغم اني ارفع لك القبعة لكلماتك ..
لكن ادمعت عيني بسبب ما يصنع فيهم في دول الخليج ..
اتمني تحسين اوضاع الاجانب في دول الخليج
وليتذكر اولوا الأمر قول المصطفي "الناس سواسية كأسنان المشط الواحد لا فضل لعربي على أعجمي إلا بالتقوى"

شكرا للايقاع في الكلمات وهزه الراس

Me7'o يقول...

ههههههههههههه

جامدة قوى يا أبو حميد والله

ههههههههه

مهندس مصري يقول...

السيد الرئيس
=============
أشكرك و لكن القصيدة منقولة و ليست من كلماتي و لا أعرف من مؤلفها
طبعاً لو أدرك هؤلاء جوهر الإسلام الحقيقي ما ظلموا أحداً من الناس سواء كان مسلماً او كافراً

ميخو
=====
الله يكرمك يا باشا :)

أبو العريف يقول...

جامده قوي يا هندسه

بدور عليها من زمان


سمعت عنها من واحد صاحبي

ان كانت هي يعني

اخبارك يا باشا

Mahmoud Nasa يقول...

هيدا نفر
منى منى
ما فى سيدا سيدا
ما فى زين
ايش يبئى
زواج
وحرمه
واكل كتير
ومخ خربان
:)

القصيده جميلة قوى

أيوب يقول...

شديدة جداً جداً جدا...
أنا نفسي اتقطع من كتر الضحك عليها، لأني أعلم كيف يتكلمون بلغةٍ عربية متكسرة إلى ألف قطعة، أسميها أنا لغة رص قوالب، لأنه لا يوجد بناء صحيح لجملة مفيدة.
أظن أن من يعملون في الخليج هم فقط من سيفهمون تلك القصيدة القنبلة.

أخيراً، كل من ليس من الناس الـ Local في الخليج، غريبٌ لا يستحق أن يعيش كما يعيشون، فالله تعالى لا ينظر إلى أشكالنا، و لا إلى صورنا، و لا إلى من نحن و ما هو نسبنا، و لكن ينظر إلى قلوبنا، قلوبنا فقط.

شكراً جزيلا.

حنـــان يقول...

السلام عليكم
مهندس مصري بيحب مصر

اضطريت نقراها اكثر من ثلاث مرات حتى فهمتها :))))
توووحفة و الله هالقصيدة.. لا وموزونة هههههه
------
مفهمتش انا شنوا الكفيل؟ هو اللي بيشغلهم يعني؟
------
شكرا يا باش مهندس
تحياتي
حنان-تونس-

فتاه من الصعيد يقول...

ههههههههههههههههههههههه

اخويا بيقول انهم غلابه فعلا

بس شعر جميل والله :))

ربنا معاهم... وياخد كل الكفيلين " الجمع صح كده ولا غلط ؟"

تحياتي

Haytham Alsayes يقول...

هههههههههههه

ايه دة هندى هندى نفيش كلان ويعيني مخنوق من الكفيل بتاعه ابو كرش كبيييير

مش انت فاكرني ولا لا علي العموم ان شاء الله عتواصل معاك

تحياتي

مهندس مصري يقول...

أبو العريف
===========
الحمد لله تمام
أخبارك انت ايه يا هندسة ؟
:)

محمود ناسا
=========
هههههههه
الله يكرمك

أيوب
=====
العفو
و كلامك مضبوط فعلاً
نورتني

حنان
=====
و عليكم السلام و رحمة الله و بركاته
معلش القصيدة دي ما يفهمهاش غير اللي عاش في الخليج و إتعامل مع العمالة الهندية لإن دي العربي بتاعهم و عايزة تعليم لوحدها
بقى حد ما يعرفش الكفيل ؟
الكفيل هو صاحب العمل اللي أي واحد في الخليج بيشتغل عنده
و بيسحب جواز سفرك أول ما توصل عنده و يطلع لك إقامة تعيشي بيها في البلد و هو اللي يملك روح العامل في إيده
لإن أي شئ ممكن تعمله لازم بيحتاج خطاب بإمضاء و ختم الكفيل
سواء إستخراج رخصة قيادة او فتح حساب في البنك او حتى إستخراج تأشيرة إستقدام للزوجة و الأولاد
ثم هو اللي بيستخرج لك تأشيرة خروج و عودة علشان تروحي بلدك أجازة و ترجعي و هو اللي ممكن يمشيكي من البلد بتأشيرة خروج نهائي لبلدك
يعني هو الكل في الكل
نظام الكفالة في دول الخليج بيخلي رقبة العامل في قبضة صاحب العمل
هو اللي شغالين في شركات كبيرة زيي مش بيحسوا بمشكلها لإنها بتكون شركات محترمة و لها لوائح إدارية مضبوطة
لكن اللي بيشتغلوا في مؤسسات صغيرة ملك أفراد بيطلع عينهم

فتاة من الصعيد
===============
:) العفو
الجمع العربي الصح هو الكفلاء
هو أخوكي شغال ايه ؟ فين ؟

هيثم السايس
============
مش فاكر والله
بس يشرفني تعليقك

فاتيما
=======
كويس والله إن القصيدة فكرتك بأيام حلوة في الإمارات
مش شرط يكون واحد هندي اللي مألف الشعر ده غالباً حيكون واحد عربي و يمكن مصري كمان
و بالنسبة ليا راجعي ردي على تعليق حنان
ألف شكر يا أم يوسف
و معلش تعليقك اتمسح بالغلط فرديت على قد ما أنا فاكر