الثلاثاء، مارس 22، 2011

مدونتي إتنشر عنها في الأهرام

فوجئت بإسم مدونتي منشور في الأهرام هنا
http://www.ahram.org.eg/AIT/News/68647.aspx
رغم إني قريت الخبر بس ما أخدتش بالي من إن إسم مدونتي منشور في الرسم البياني 
حيث حصلت مدونتي على المركز السادس من حيث عدد الزوار من بين 89 مدونة ذات علاقة بالثورة تضمنتها عينة الدراسة للبحث عن أكثر المدونات تاثيراً في صناعة الثورة
حيث بلغ ترتيبها عالمياً 188324 طبقاً لمحرك بحث المدونات آيس روكيت http://www.icerocket.com/ 


و ده الحمد لله شئ يفرحني خصوصاً إذا لاحظنا إن كل المدونات التانية اللي مصنفة من حيث عدد الزوار قبل مدونتي هي مواقع عامة و مفيهاش مدونات شخصية غير جبهة التهييس الشعبية بس


ألف مبروك لنوارة على تميز مدونتها في جميع معايير البحث
و شكراً لفاتيما  اللي نبهتني لإسم مدونتي في الرسم البياني اللي ما كنتش واخد بالي منه أصلاً
و رغم إني مش عارف على أي أساس تم إختيار الـ 89 مدونة اللي تم إجراء الدراسة دي عليهم إلا إني أشكر محرر المقال اللي إعتبر مدونتي ذات علاقة مؤثرة بالثورة :)

هناك 6 تعليقات:

أم مالك يقول...

ازبك ياباش مهندس
يييييياه من زمان قوى مجتش هنا
وغصب عنى لان مدونتك عزيزة عليا
عموما الف مبروك على التنويه لمدونتك
فى الاهرام
يارب دايما يدخل على قلبك السرور
صحيح الف مبروك على الزواج ولو انها متاخرة بس معلش ملحوقة

مهندس مصري يقول...

أم مالك
========
الله يبارك في حضرتك
و عذرك معاكي
:)
و نورتي المدونة

Wish I were a Butterfly ... يقول...

ألف مبروك يا باشمهندس

يمكن دخلت مدونتك مرات قليلة أوي و مش أعرف حضرتك بس بجد فرحت أوي لحضرتك و لكل المدونين التانيين "اللي معظمهم فعلا بعرف شخصياتهم من مدونة فاتيما". ألف مبروك يا فندم و يارب دايما تكون مبسوط و تقدر تحقق كل أحلامك إن شاء الله

تحياتي

مهندس مصري يقول...

أتمنى لو كنت فراشة
=================
الله يبارك فيكي
شكراً يا فندم و نورتي المدونة
:)

يا مراكبي يقول...

بغض النظر عن آلية التصويت لكن برضه ألف ألف مبروك وتمنياتي بمزيد من التقدم

إلى الأمام .. إلى الأمام :-)

مهندس مصري يقول...

يا مراكبي
=========
ياه يا هندسة دا الكلام ده من بتاع شهر
و ايه بغض النظر دي :)
شامم ريحة مش و لابد
:)بأهزر طبعاً

الله يبارك فيك يا هندسة
إنت أستاذنا برضه
و أديني حأجيب ضلفها في الأجازة لمدة شهرين أهوه لظروف عائلية بمصر
لإني نازل الاجازة يوم الخميس الجاي

دقت ساعة الأجازة
إلى دمنهور إلى دمنهور
:)