الاثنين، مايو 23، 2011

مــن الشعـــب المصـــرى : بيــــان رقـــ (1) ــم


مــن الشعـــب المصـــرى : بيــــان رقـــ (1) ــم

منقول



------------------------------------------------
يا مهلبية يا
هكلك شطة حامية
يا أرزوقية يا
يا خسارة الوطنية يا
يا مهلبية
..................
حط ايده على ايدى
قولتله عندك يا سيدى
قالى هكلك نية يا
حط ايده على دراعى
قالى كل الكون بتاعى
اعمل ايه محظية يا
...................
حط ايده على رجلى
والرجالة طلعت تجرى
وسابونى لوحديا يا
.................
حط ايده على عينى
والرجالة تاهوا يا عينى
عينى ع الرجولية يا
...................
حط إيده على خدى
قولت إمتى الليل دا يعدى
ليل ملوش فجرية يا
..................
حط ايده
ماشلش إيده
وأنا واحدة من عبيده
كيفه يلعب فيا يا
...................
يا مهلبية يا
هكلك شطة حامية
يا ارزوقية يا
يا خسارة الوطنية
---------------------------------------------------
مش حألاقي حاجة أقولها أكتر من اللي الناس دي كلها قالتها
الجدع جدع و الجبان جبان و إحنا يا جدع راجعين الميدان
"

هناك 8 تعليقات:

يا مراكبي يقول...

لو بصيت للأمور من كافة النواحي الأُخرى هتلاقي إن الثورة الثانية دي شعارها الخفي هو: لا يهم إذا كانت الدولة ستنهار إقتصادياً أو تغرق في حمامات الدم، المهم أن تستمر الثورة

ليس كُل ما يتمناه المرء يُدركُه، دائماً هناك أبعاد أُخرى لابد أن نضعها في الإعتبار

مهندس مصري يقول...

يا مراكبي
=========
لن تنهار اقتصادياً
أما حمامات الدم فستكون ثمن الحرية لكننا لن نكون نحن من يسفكها

يا مراكبي يقول...

بالأرقام هي انهارت خلاص .. مش لسه هنناقش الإقتصاد هو هينهار وألا لأ :-)

الدنيا ماشية بس بالقصور الذاتي .. ببقايا ما كان سابقا .. لكن الضخ توقف .. إنت لو راتبك توقف .. هتحس بتأثيره بعد شهر أو شهرين أو تلاتة . .لأن الراتب الروتيني الدوري توقف خلاص

MaNoOoSh يقول...

مين اللى قال الدولة وللا الاقتصاد تنهار؟؟؟
مش محافظ البنك المركزي طلع قال الاقتصاد زي الفل ودخل قناة السويس والسياحة في ازدهار؟؟؟؟؟


الحرية تمنها مش رخيص
وانا مش هسامح نفسي لو فرطت فى الحرية والكرامة اللى مات الف مصري واتصاب 6000 غيرهم علشان يهدوهالي

دي كل اهدافي واهداف اللى نازلين اوبينتقدو المجلس العسكري
كرامتى وكرامة عيالي اللى لسة مجوش الدنيا

مهندس مصري يقول...

يا مراكبي
=========
بالأرقام هي ما باظتش يا بشمهندس
كل اللي في وسائل الإعلام ترويع و تخويف بدون مبرر و ابراهيم عيسي في برنامج في الميدان من كام يوم استضاف رئيس تحرير جريدة المال و أثبت بالأرقام إن أزمة تعويم الجنيه كانت أخطر بكتير من الوضع الحالي والأزمة المالية العالمية و أزمة كمان غيرهم و في الـ 3 مرات كان الوضع أسوأ من دلوقت و عبرناه بدون ما تنتشر حالة الرعب و الهلع و التخويف الإقتصادي الحالي
و حدد 3 حاجات لعبور الازمة مش من ضمنهم إيقاف المظاهرات
بل عودة الأمن لأداء دوره الحقيقي بدون إذلال المواطنين
و القضاء على الفتنة الطائفية بسيادة القانون و التحقيقات و المحاكمات الشفافة العادلة
و أكد إن حالة التخويف الحالية بدون أساس

منووش
======
متفق معاكي تماماً

فتاه من الصعيد يقول...

الشعب يريد تنفيذ الكلام :)

يا مراكبي يقول...

لأ بالأرقام اللي عندي أنا الموضوع مُختلف عن كل اللي بيقولوا كلام مُرسل دول .. كلام وبس

وأنا بصفتي مُرتبط جداُ بالإقتصاد المصري عن طريق فرع شركتنا في مصر، فأحب أقولك إن عائداتنا نزلت ل 50% وبقينا غير قادرين على الوفاء بمُتطلبات العاملين لدينا من رواتب ومصروفات

وده لأن نشاطنا مُرتبط تماماً بالبنية التحتية والمشروعات العملاقة اللي اختفت وتناقصت القدرة التمويلية ليها نتيجة انهيار مداخيل الإقتصاد، ومش بسبب الأمن فقط

مهندس مصري يقول...

ده بسبب إن الحكومة أوقفت تمويل كل المشروعات تقريباً رغم إن ميزانياتها كانت مدرجة في الميزانية الحالية و إعتماداتها المالية متوفرة